نوضح لك بالتفصيل ..
الحاله الاولى حالة منع التبديل ..
95% من اللي عندهم طلبات اسكان لو يعصر نفسه يالله يوصل 100 الف دينار ..باعتبار انه جمع له 30 او 40 الف وقرض ب70 الف وهو الحد الاعلى..يعنى ما راح يتجاوز 110 الاف على ابعد تقدير..ضيف عليهم 70 الف مالت بنك التسليف يعنى حده الاعلى لشراء بيت هو 180 الف ..
الحاله الثانيه وهي السماح بالتبديل ..
اللي يدش قرعة النسيم او غيرها من المناطق وطلعت قسيمته راح يبدل مثلا صاحب القسيمه ب80 الف الى 120 الف حسب الموقع..بالتالى صاحب القسيمه صار عنده 100 الف كمتوسط سعر وضيفهم على ال 180 الف (30 الف مجمعهم + 70 الف قرض من بنك + 70 الف قرض بنك التسليف ) ..المجموع 280 الف .
الحين اللي يرفع الاسعار الحاله الاولى والا الحاله الثانيه ,,؟؟؟
أخوي الغالي
أولا أسعد الله صباحك أنت الان تأيد القرار وتكتب عنه بكل موضوع نحترم رأيك ونحترم شخصك ولا نحاول نثنيك عن {ايك .
ثانيا أنت عندك مشكله اذا أي مواطن ( يستفيد أو يوفر ماهو أنسب له ولعياله ؟) .
ثالثا وردا على سؤالك لا هذا ولا هذا
سبب رفع الاسعار ( حكومة التعاسه ) تكمل في وجود الهشاشة بقوانين الدوله واحتكارها للاراضي ووصل 95% للحكومه
شاطره بس تعطي الاراضي كأملاك دوله للتجار وحتكار لهم
الحكومه هي ساس البلاء والدليل خدمة للتجار
أسأل أي أحد بالبلديه ليش الاقبال كبير لتحويل الخاص الى استثماري ؟ شنو اسبابه ؟ ندرة الاستثمار والاسهم وربطها بالعقار أسأل الحكومه منو المستفيد ؟
رابعا أنت عندك مشكله اذا المواطن بيستفيد من البدل ؟ ترى ( البنيه التحتيه + الكهرباء + الازفلت بالشوارع + فلوس الارض + خدمات المنطقه ) كلها بتأخذها الحكومه من المواطن المتمتع بصرف أرض وقرض أو بيت حكومه . وهذا حق عن نفسي أنا لا أسمح لا للسكنيه ولا الحكومه ولا أنت مع كامل احترامي لشخصك تسلبني حقي .
طالما أن هالشيء مو حرام فمرحبا فيه وبالنسبه للقرار لعلمك أبو عمر نفسه الجناعي أسأله شنو قال يوم الاقتراع يوم المواطنيين حاسوه على القرار وشلون ( أدعى أن القرار منه 144 مواطن من التخلف ) وأن أغلبهم حضرو بس رفضو قطعه 3 وكلهم يبون في قطعه 4 والمخطط حطيته قطعه أربعه أفضل وسألوه عن تدليسه فتلعثم وكلموه عن نيتهم مقاضات السكنيه وبيستشهدون بأسبابه الي قالها ( أن غلاء الاراضي من البدل ) قال مو هذا قصدي !!! بس أقصد نقلل سعر البدل لحس كلامه الاخ ؟ وأبشرك بأول جلسه بيسحب كل كلامه لشاف الجلسه
والقرار والتعهد نرى فيه سلب لحقوقنا
ونرفضه ونرفض من وقعه والوعد القضاء العادل وراح يلغيه بحكم عادل نصره لحقوق المواطنين
#
ترى الميت لوازمه لقبره قبل رحيله من حياة الارض الى حياة البرزخ يعتاز ( مسك أبيض + مسك أسود + كافور + حنوط + الكافور + السدر ) كان ثمنها بخس الان أرتفعت وترتفع كل سنه دبل هل السبب تبديل البيوت ؟
#
ترى المواد الغذائيه كلها برتفاع ؟ وأكيد من البدل وراه ؟
#
أسأل الحكومه التعيسه ليش بعض القسايم الصناعيه سحبوها من المواطنيين ؟ بينما للتجار الكبار اذا سحبو قسائمهم يعوضونهم ؟
تبي الاسباب وين لكل هالقضايا ؟ ( أصحاب الكروش المنتفخه ) ومن باعو ذمتهم بجشعهم لشفط جيوب المواطنين ( لان الحكومه تعبسه ) تاركتهم يسرحون ويمرحون ويوم جت الازمه الاقتصاديه بخت عليهم الحكومه المليارات عشان تدعمهم واستحرمت على الشعب مليون واحد ينهي معانات مئات لاسر
فأخي الكريم أن كنت ( كويتي أو غير كويتي أو لك علاقه بالجناعي وقراره أو تاجر أو شيخ أو مستفيد ) قول رأيك مره بس لا تحاول تفرضه على الكل وتلبس روب المحاماه ضد ( الجشع أو الفاسد أو الحاسد أو المتكسب أو الغشيم أو الخ الخ ونحط بينهم حسن النوايا ) خاف الله على الاقل بحجم وقع كلامك على غيرك لو بنفسيتهم
لك كل الاحترام والتقدير بس رد سؤالك مو بالخياريين اللي حطيتهم رده بما أنا كتبته لك
تحياتي لك
