فائض الاكتتاب فى دانا غاز

[al7boob]

السلام عليكم
يعطيكم العافيه اخواني عندي بعض الاستفسارات واتمنا الرد يا بو زيد
هل الي اقل من 21 سنه الي يكتتب او اخوي الي اخذ منه توكيل
وبخصوص الاخوات والاب والام لابد من توكيل او فقط صوره الجواز

تحياتي الحبوب

 

[ابو ديما]

يااخوان بكم تذكرة كويت الشارقة كويت

ادري مو هذا مكانها بس كلكم خير وبركة

 

[بوعبداالله]

يااخوان بكم تذكرة كويت الشارقة كويت

ادري مو هذا مكانها بس كلكم خير وبركة

كويتيه تقريبا بالتسعين العربيه بالخمسين

 

[asfoor71]

عندي سؤال .....

في فرق اذا بغيت اكتتب بالحد الادنى ... او بالحد الاعلى بالنسبة حق الشريحة الاولى ؟

يعني اذا اكتتبت بـ 5000 سهم .... راح يخصصون 3000 سهم هذا شي اكيد

اوكي .. اذا بغيت اكتتب بـ 75000 سهم ... جم يكون التخصيص تقريبا ؟

تحياتي لكم

عزيزى اهم يظمنون بالاسم 3000 سهم يعنى اذا اكتتبت 5000 لك 3000 بس موملزمين اذا اكتتبت10000 يعطونك 6000 واذا اكتتبت 20000 يعطونك 12000 ---الخ --الخ الموضوع يصير نسبه وتناسب بالعربى بالبطاقه 3000 موكل بالكميه

 

[سوق واجف]

بالنسبة حق التوكيل

انا عندي توكيل عام داخل وخارج الكويت عدا بيع السيارات الكويتية بالخارج

هل هذا التوكيل معتمد .. عليه طوابع ومختوم عليه

وفي لزقة شعار الدوله إللي تلمع

انا أستعملت التوكيل بالكويت ماكو مشكله بس انا قصدي

مسألت بيع وشراء خارج الكويت

هل هذا التوكيل معتمد خارج الكويت ولا لازم أصدقه من الخارجيه قبل لا أسافر

سؤال مهم مالي خلق أروح وأنبعص

تدرون السفارة في أبوظبي .. أذا لازم تصديق أصدقه قبل لا أروح

ماأبي أحد يقولي أعتقد لازم تصديق انا ابي واحد سائل وعارف

مابي فتاوي

 

[ابن صفير]

عندي سؤال .....

في فرق اذا بغيت اكتتب بالحد الادنى ... او بالحد الاعلى بالنسبة حق الشريحة الاولى ؟

يعني اذا اكتتبت بـ 5000 سهم .... راح يخصصون 3000 سهم هذا شي اكيد

اوكي .. اذا بغيت اكتتب بـ 75000 سهم ... جم يكون التخصيص تقريبا ؟

تحياتي لكم

حسب كلام الموظفه اليوم تقول يضمنون لك 3000 سهم والباقي نسبه وتناسب
والله كريم
اخوكم
احمد

 

[ابن صفير]

السلام عليكم
يعطيكم العافيه اخواني عندي بعض الاستفسارات واتمنا الرد يا بو زيد
هل الي اقل من 21 سنه الي يكتتب او اخوي الي اخذ منه توكيل
وبخصوص الاخوات والاب والام لابد من توكيل او فقط صوره الجواز

تحياتي الحبوب

السلام عليكم
1. مايصير يكتتب الي عمره اقل من 21 سنه
2. لازم توكيل + صورة الجواز + لازم تصدق التوكيل من الخارجيه
3. انا سئلتهم عن الاخوان والزوجه قالو لازم توكيل
بس راح اسئلهم عن الاقارب ورد لكم خبر
4. كل شخص له طلب اكتتاب بروحه
اخوكم
احمد

 

[ابن صفير]

انا عندي توكيل عام داخل وخارج الكويت عدا بيع السيارات الكويتية بالخارج

هل هذا التوكيل معتمد .. عليه طوابع ومختوم عليه

وفي لزقة شعار الدوله إللي تلمع

انا أستعملت التوكيل بالكويت ماكو مشكله بس انا قصدي

مسألت بيع وشراء خارج الكويت

هل هذا التوكيل معتمد خارج الكويت ولا لازم أصدقه من الخارجيه قبل لا أسافر

سؤال مهم مالي خلق أروح وأنبعص

تدرون السفارة في أبوظبي .. أذا لازم تصديق أصدقه قبل لا أروح

ماأبي أحد يقولي أعتقد لازم تصديق انا ابي واحد سائل وعارف

مابي فتاوي

السلام عليكم
اليوم الصبح اناكلمتهم على رقم 0097143436060 وردت علي موظفه تقول التوكيل لازم مصدق من الخارجيه
لاكن فيه مشكله اول موظفه كلمت أمارتيه تقول اذا ماعندك حساب في الامارات جيب شيك مصرفي من بنكك الي عندك في الكويت احس من فتح حساب لن البنوك فيها زحمه شوي
2. كلمت بعد ربع ساعه موظفه لبنانيه تقول اذا ماعندك حساب لاازم تفتح حساب

والله اعلم
اخوكم
احمد

 

[mercedes_Q8]

ان شاء الله يفيدكم هالموضوع

http://www.uaesm.com/vb/showthread.php?t=26919

 

[الفارس_Q8]

ابو زيد مساك الله بالخير
سؤال مهم اللي سمعته واتمنى غير صحيح انه علشان تكتتب لازم عندك رقم مستثمر يعني تدوال في سوق ابو ظبي
و ان اخذ الرقم يحتاج اكثر من اسبوعين لتفعيل محفظتك بالسوق يعني
انتهى الاكتتاب وراح عليك
وسؤال ثاني منو الاشخاص اللي اقدر اكتتب عنهم بتوكيل ويصير اكتتب عن اصدقائي اومعارفي وماهي المستندات المطلوبه عنهم ويحتاج توكيل عام او خاص للاكتتاب
والتصديق من الخارجيه في الكويت او الخارجيه في الامارات



ولك جزيل الشكر

 

[MONEY ON FIRE]

شباب هذا الرابط فيه بعض المعلومات ممكن تفيدكم وهو مقتبس من تفاصيل اقتباس الاخت مرسيدس جزاها الله خير
http://www.y1y1.com/up/get.php?filename=1126799284.jpg

 

[MONEY ON FIRE]

بالإضافة إلى هاتين الرابطتين تكملة...والشكر موصول لمجهود الاخت انا
http://www.y1y1.com/up/get.php?filename=1126799037.jpg
http://www.y1y1.com/up/get.php?filename=1126799145.jpg
الله يرزقكم من حلالة وموفقين.

 

[بوتركي111]

السلام عليكم

ممكن نعرف متي تدرج في السوق

وجزاكم الله خير

 

[ابو ديما]

جزاك اللة خيـــــــــــــــــــــــــــــر يابوعبــــــــد اللـــــــــــــــــــة

 

[سوق واجف]

الترتيبات تجري على قدم وساق

انا أنشالله أذا الله سهّل بروح يوم الأثنين بتاريخ 19 - 9

إللي يبي يروح معاي يدزلي أيميل على الخاص

انا عندي توكيل عام عن أم العيال وعن طريقه راح اسوي توكيل خاص حقي

بشراء الأسهم وبيعها والأكتتاب والدمج وكل شي

في دولة الإمارات العربية المتحده وأصدقه من الخارجيه

وأقص تذكرتي وأتوكل على الله

ترى راح اكون رفيج بالطياره بس مو أكثر

لإن عندي سكن خاص هناك

أندردش بالطياره ليما نوصل

مع السلامه

 

[زارع الامل]

يعني شلون طريقه الاكتتاب هل نروح اول شي نفتح حساب ببورصه دبي وبعدين نروح البنك نكتتب ولا شلون وبعدين اكتتاب ب10000 يسوي ولا لا

 

[شبح الآجل]

منقوووووووووول من منتدى أعمال الخليج

س1: هل يجوز الاكتتاب في الشركه اولاًامن الناحيه الشرعيه ؟
لااعلم .. وتحتاج الى سؤال احد المشائخ

س2: متى موعد الاكتتاب ؟
الاكتتاب يبدء في 20 سبتمبر 2005

س3: متي ينتهي الاكتتاب
الاكتتاب ينتهي في 2 اكتوبر 2005

س4: هل يسمح للسعووديين بالاكتتاب ؟
نعم . الاكتتاب متاح للخليجين والاجانب

س5 : كم اقل مبلغ مطلوب للإكتتاب ؟
يوجد شريحتين للاكتتاب

الشريحة الاولي ( شريحة صغار المستثمرين للخليجين فقط )
الحد الادني : 5000 درهم + 1 فلس لكل سهم ( رسوم اكتتاب)
الحد الاعلي : 75000 در هم + 1 فلس لكل سهم ( رسوم اكتتاب)

الشريحة الثانية ( شريحة كبار المستثمرين للجميع بما فيهم الاجانب)
الحد الادني : 150 الف درهم + 1 فلس لكل سهم ( رسوم اكتتاب)
الحد الاعلي : 2.06 مليار درهم + 1 فلس لكل سهم ( رسوم اكتتاب)

س 6: ماهي كمية الاسهم المخصصة لشريحة الاولي ؟
700 مليون سهم

س 7 : ماهي كمية الاسهم المخصصة لشريحة الثانية ؟
1.27 مليار سهم

س8: هل يحق لي الاكتتاب بجوزات زوجتي واولادي وبعض اقاربي ؟
لااعلم . تحتاج الى سؤال مدير الاكتتاب ( بنك Hsbc) عن طريق الاتصال على الارقام التالية
0097143436060
0097143055717

س9 : من هو المستشار المالي و مدير الاكتتاب ؟
بنك Hsbc

س10: ماهي البنوك المشاركة في الاكتتاب ؟

1- بنك الامارات الدولي
2-بنك Hsbc
3- بنك الاتحاد الوطني
4- بنك ابوظبي الاسلامي
5- بنك دبي الاسلامي
6- بنك أبوظبي الاسلامي
7- بنك المشرق
8- بنك الشارقة
9- البنك العربي المتحد
10-بنك ابوظبي التجاري


س11: انا اتعامل مع بنك دبي الاسلامي كوسيط في عملية البيع والشراء ؟ فهل يتم الاكتتاب عن طريقه ؟

نعم تستطيع .. ولكن تحتاج الى اصدار شيك مصرفي بالمبلغ الذي تريد الاكتتاب فيه

س12: هل تتوقع ان المكتتبين راح يغطون الاكتتاب اكثر من مره ولا نحصل حتى على الحد الادنى ؟

من خلال تجربتي مع الاكتتابات السابقة اتوقع ان يتم تغطية الاكتتاب عدة مرات كالعادة. التخصيص سيكون في حدود 2000- 3000 سهم لشريحة الاولي .. اما بالنسبة لشريحة الثانية فاعتقد ان التخصيص سيكون في حدود 1%

س13: متى يتم ادراج الشركه

بالنسبة للادارج السهم في سوق ابوظبي الامر يعتمد على قرار وزارة الاقتصاد ونتوقع ان يكون في ديسمبر - يناير القادم

س14: منهم كبار الملاك وهل حكومة الشارقه لها حصه ؟

ساهم المؤسسون بنسبة 65.67% من رأس مال الشركة البالغ ستة مليارات درهم وهم أكثر من 300 مساهم من الأشخاص البارزين والمؤسسات الاستثمارية من كافة دول مجلس التعاون الخليجي، بما في ذلك أفراد من الأسر الحاكمة، وعدد من الشركات العريقة ومؤسسات مالية وهيئات استثمار حكومية. وكبار الملاك هم :

1- سمو الشيخ أحمد بن سلطان القاسمي، نائب حاكم الشارقة ورئيس مجلس النفط، الرئيس الفخري لمجلس ادارة الشركة
2- حميد ضياء جعفر / الرئيس التنفيذي
3- د. عادل خالد الصبيح / نائب الرئيس
4- الشيخ سلطان بن أحمد بن سلطان القاسمي
5- الشيخ أديب عبد الله الزامل
6- أحمد راشد العربيد،
7- د.توفيق عبد الرحمن المؤيد
8- الشيخ خالد عبد الرحمن الراجحي
9- خالد ناصر المسند
10- رشاد محمد الزبير
11- زياد عبد الله كلداري
13- عبد الله ناصر حويليل المنصوري
14- الشيخ عبدالعزيز حمد الجميح
15- مجيد حميد جعفر
16-فاروق نركيزيان.

س 15:رايك بالشركه ؟

الشركة جيده جدا وتعمل في قطاع حيوي

س16: واخيرا كم تتوقع سعر سهمها عند الادراج وخصوصا ان السهم مسموح الاكتتاب فيه للكل ؟

لا استطيع اعطاء سعر لشركة لان الموضوع يعتمد على العرض والطلب. وقناعة المستثمرين بالشركة
ومجلس ادارتها


س 17: ماهو نشاط الشركة ؟
تجهيز ونقل ومعالجة وتسويق الغاز الطبيعي، ولديها خطط للتوسع في هذا القطاع الذي يشهد نموا سريعا في منطقة الخليج العربي والشرق الأوسط بما في ذلك الاستكشاف والانتاج والعمليات التحويلية اللاحقة وصولاً الى الصناعات المرتبطة بالغاز الطبيعي.

س 18: . ماذا احتاج للاكتتاب ؟

شروط الاكتتاب ( للخليجين)
1- جواز سفر الاصلي (ساري المفعول) + صورة من الجواز
2- البطاقة الشخصية ( الأصلية) + صورة
3- تعبئة نموذج الاكتتاب ويمكن تعبئة النموذج من خلال الانترنت عبر العنوان التالي:
www.ektetab.ae ( هذا الموقع سيكون متاح مع بداية الاكتتاب )
4- المبلغ المراد الاكتتاب به (بالاضافة الى تعبئة نموذج لاصدار شيك او cash order)
5- بطاقة رقم المستثمر لسوق ابوظبي ان وجد

س19: كيف يمكنني تحويل المبلغ ؟

عن طريق احضار المبلغ كاش + صور من ايصال سحب المبلغ من البنك المحلي وبعد ذلك يقوم المستثمر بأصدار شيك مصدق من احد البنوك الامارتية او عن طريق مدير الاكتتاب

س20 هل يجب تواجدي في الامارات ؟
نعم

س 21: هل يجوز التوكيل في عملية الاكتتاب وذلك عن طريق عمل وكالة شرعية ؟
تحتاج لسؤال مدير الاكتتاب على الارقام التالية :
0097143436060
0097143055717

س 22: كيف لي ان ابيع الاسهم بعد تداول السهم ؟
يحتاج المستثمر الى عمل محفظة استثمار مع احد الوسطاء بالاضافه الي فتح حساب بنكي بعد ذلك يقوم المستثمر بتعبئة نموذج تحويل اسهم من المقاصة الي الوسيط الخاص فيه .. وبعد ذلك يستطيع بيع الاسهم.

 

[ابن صفير]

انا أنشالله أذا الله سهّل بروح يوم الأثنين بتاريخ 19 - 9

إللي يبي يروح معاي يدزلي أيميل على الخاص

انا عندي توكيل عام عن أم العيال وعن طريقه راح اسوي توكيل خاص حقي

بشراء الأسهم وبيعها والأكتتاب والدمج وكل شي

في دولة الإمارات العربية المتحده وأصدقه من الخارجيه

وأقص تذكرتي وأتوكل على الله

ترى راح اكون رفيج بالطياره بس مو أكثر

لإن عندي سكن خاص هناك

أندردش بالطياره ليما نوصل

مع السلامه

الله يوفقك
بس عطناء التفاصيل اول ماتوصل
وكم يوم على مايفتحلك البنك الحساب
وعلى حسب علمي مايصير تسوي توكيل خاص من التوكيل العام لازم حظور المعني
والله اعلم

 

[Day_trading]

الله يوفقك
بس عطناء التفاصيل اول ماتوصل
وكم يوم على مايفتحلك البنك الحساب
وعلى حسب علمي مايصير تسوي توكيل خاص من التوكيل العام لازم حظور المعني
والله اعلم

شوف الرابط هذا
http://www.indexsignal.com/vb/showthread.php?t=32108

 

[سوق واجف]

الله يوفقك
بس عطناء التفاصيل اول ماتوصل
وكم يوم على مايفتحلك البنك الحساب
وعلى حسب علمي مايصير تسوي توكيل خاص من التوكيل العام لازم حظور المعني
والله اعلم

عدل كلامك مايصير اتطلع توكيل وانت عندك توكيل

انا اليوم عند العدل وقالولي كل شي

التوكيل اتصدقه من أدارة التصديقات بالشويخ

وتصدقه من سفارة الإمارات بالكويت .. وعلى ماسمعت اتصدقه من القنصلية الكويتيه في دبي

عموما استلمت تذكرتي وخلصت أنشالله يوم الأثنين رايح

وأي شي يديد بقولكم ...

وللعلم ترى تقدرون تكتتبون بالشريحتين الأولى والثانيه

مع السلامه