السلام عليكم
اخواني الكرام ..........
النقاش والاختلاف بالرآي لايفسد للود قضية . ولكن يجب ان يكون النقاش دون تجريح ودون الغمز واللمز ضد هذا وذاك . والتطرق لامور لاتغني ولاتسمن من جوع .
قاعد الاحظ صفحات وروابط لاتعد ولا تحصى (( لتمويه الخليج )) دون مضمون او هدف ......
ناس تتعب وتجتهد وناس تثرثر على شنو ما ادري .
اللي يملك السهم يبي الاخبار والتحليل الفني والتوقعات سواء يومي او اسبوعي او شهري حتي يستطيع ان يضارب بالشكل الصحيح ويستفيد من حركة السهم . والمستثمر ايضا يدخل للصفحة للاطلاع والتنور والاطمئنان .
اللي حاصل شئ مخجل وسوالف يهال .... مو صحيح وما يجوز بان نتلاعب بالالفاظ بجمل منمقة ونقف شوكة ببلاعيم InDepth او الاخوة الاخرين .
اللي مو عاجبه السهم يبيع ويطلع ويبحث عن سهم افضل . واللي عنده شئ يبي يقوله يقوله بادب دون تجريح مرة او مرتين او ثلاث كفاية مو كل يوم بنفس الموضوع .
شنو ما عندكم شغل .
يبا السهم تعبان و طايح حظه ومو شئ انزين ليش ماتبيع وتريح نفسك وتريح العالم وتخلي الناس تشوف مصالحها . اكثر من واحد كل مواضيعهم تحطيم وتخريع الاخرين
اللي يبي يستفيد يسمع ويشوف ويتنور من خبراء التحليل الفني والتقني ويتخذ قراره بنفسه ويضارب بالشكل الصحيح ولا يجمد نفسه ثم يحن ويتحلطم ويحمل الاخرين اخطائه وقراراته . يبا هذا سوق مو غشمرة او لعب يهال .......
d. InDepth ارد اقولك ما عليك منهم ولاترد عليهم ولا تضيع وقتك .
بالنهاية اريد ان اطمن المستثمر بان (( سهم تمويه الخليج )) سهم سيحقق لك ما لم تحققه خلال السنوات الماضية . بالنهاية انت صاحب القرار .