الشركة الوطنية للميادين ( ميادين ) ...3

[اعلامي]

ما يبلها سؤال .... ايقاف حتى الاعلان

التداولات العاليه من دون تعليق السهم بالحد الاعلى يثير تساؤلات تحتاج الى اجابه وافيه

 

[333gust !!!]

ما يبلها سؤال .... ايقاف حتى الاعلان

التداولات العاليه من دون تعليق السهم بالحد الاعلى يثير تساؤلات تحتاج الى اجابه وافيه

شنو تقصد تقصد قاعدين يصرفون علينا ؟ مو معقوله اللووود عالي ؟ معقوله تصريف ؟

 

[اعلامي]

ان شاءالله ما يكون تصريف
وان شاءالله يعلن حتى لو بعد اغلاق السوق
المهم يعلن

في شخص امس قال البيانات وصلت و الاعلان بعد اغلاق السوق ... وينه مو مبين اليوم عسى المانع خير ؟؟

 

[333gust !!!]

الله كريم

 

[دولار$]

شنو أخر الأخبار ..؟

 

[اعلامي]

السهم موقوف اعتبارا من باچر لحين ورود البيانات الماليه

ونتمنى ان يكون الايقاف يومين او اسبوع مثل ما ذكر احد الاخوان قبل چم يوم في مشاركه سابقه في الموضوع

 

[بوسعود]

هذا الميدان ياميادين وين الاعلان ؟

 

[nabhaan79]

أخ إعلامي

ممكن تنقل برنامجك سجل شراء واللا بيع

وحسب خبرتي السهم ماراح يتوقف والسهم تغير الشراء طاغي على البيع

 

[اعلامي]

شارت ميادين (فريم ساعه) يلاحظ ان عمليات التداول اخر ساعتين كانت بيع
اقفل السهم عند مستوئ ٢٣.٥ بعد ما لامس ٢٣ فلس اللي يمثل دعم
كسر مستوى ٢٣ يعود بالسهم الى ٢١ فلس
والله اعلم

 

[alwahdani]

أخوي إعلامي العزيز جزاك الله خير على المجهود الطيب ولكن لي مداخلة لو تكرمت ، لما السهم يرد للتداول رح نمشي على التحليل للأسف القائمين على الشركة خذلونا ما دري ليش مو راضيين يعلنون ؟! هل السيناريو المتوقع نفس كل مرة يعلنون عن صفقة بيع أرض دبي وسالفة 11 مليون والسهم يحلق بحيث لا أحد يستطيع أن يدخل عليه أم السهم خلاص ما رح ترد للتداول ؟؟؟ السؤال الثاني هل نستطيع نتشرف بمعرفتك يقول البعض أن إعلامي هو نفس الشخص الاستاذ إبراهيم الفيلكاوي ؟ فهل هذه المعلومة صحيحة ؟؟؟؟؟؟؟؟؟؟؟؟

 

[اعلامي]

راح ابدأ من حيث انتهيت
ماني الاستاذ ابراهيم الفيلكاوي واتشرف بمعرفته هذا من جهه
من جهه ثانيه موضوع اخبار السهم الايجابيه امر صحيح حسب ما وردني من اكثر من مصدر
عودة السهم من عدمه مرهون بالاعلان عن البيانات الماليه للشركه
لكن اللي كنت ااكد عليه من ايام واللي قابله رفض من البعض ان السهم يا جماعه اذا ما اعلن اطلع منه وارجعله بعد الاعلان
السوق ما راح يطير و السهم ما راح يطير .. واذا لك رزقه بتاخذها

مع الاسف قوبل كلامي هذا برفض من البعض

بالتالي كل شخص حر بقراره
علينا ننصح فقط

 

[nabhaan79]

بالعكس محد رفض كلام أحد

ولكن قلة الخبره مع هالسهم هي اللي كانت واضحه فقط

 

[ابو حمود وعزوز]

الاخوه مسا الخير كلمت الشركه اليوم قالو رح يجتمع مجلس الاداره باكر ويعلنون الارباح في نف اليوم اوالاحد بالنسبه للأخ إلى يقول الميزانيه راحت التجره الميزانيه ماتروح التجاره مالها شغر التجاره وبعدين هاذي ربع سنوي فقط يجتمع مجلس الاداره ويبعثها لسوق المال

 

[بوشكاش]

ياشباب المراقبه في اول ربع للشركات فيها تهاون وفيها وفيها شي مايخطر على بال احد
بالعربي فيها التقاضي عن عيوب بس الربع الاخير يكون مربط الفرس ياابيض يااسود مفيش رمادي
والسوق الكويتي معروف سهم خسران حد اعلى سهم ربحان حدادنى وسوق الكويت للأوراق الماليه اسمه غير صحيح
الاسم الحقيقي هوسوق المغامرين للأوراق الماليه واللي شايفه بالنسبه للوضع العام والوضع بالسوق ناس شكايه البعض
مش الكل زين لوربحت ماشوفك تمدح واذا خسرت على طول تتشكى امر غريب ياأنك تتخذ قرارك وانت المسؤل عن قرارك
أواترك السوق لهله
الوضع العام بالديره/
عطوني عين
انا مسحور
انا احسن من فلان
قاعدين لي قعده
الله مو موفقني
المقارنه بين اشخاص
ياحض فلان
وووووالى ماله نهايه
كل اللي ذكرته في شي مقابله وهو الثقه بالله وبنفسك وبعملك
انت من تحاسب نفسك ماذا قدمت
يجب محاسبة النفس
يجب محاسبة النفس
يجب محاسبة النفس
يجب محاسبة النفس

 

[أبو عمر]

والله هالشركات لازم يحطون عليها عقوبات ماليه صارمه في حال عدم الاعلان ! ما يعلن ويعلق الناس لأخر يوم ويخلي اللي قاضب السهم يقطه حتى لو بخساره خوفا من التوقيف واللي هو بالأساس يضر المساهمين ولا يضر الشركه ،، واخينا يخفي انه بيعلن علشان يلم بالسهم ! ولنا في مدينة الأعمال مؤخراً وغيرها وغيرها أمثله لهذا التلاعب !
شنو هالبورصه اللي ولا في بلاد الواق واق ،، 100% مع الشركات ضد المتداولين !
عموما وصل 25 واللي ماتعه بعد يخترق الترند ويغلق فوقه ( غير عدم الاعلان ) هو متوسط متحرك 200 يوم اللي واقف له عند 26 ! ( على الشارت الأسبوعي )
الاعلان والاغلاق فوق الترند على الأسبوعي واختراق متوسط 200 يوم ،، دخول ان شاء الله .
والله اعلم

 

[بوشكاش]

ماطاوعك قلبك وحطيته يابوعمر

 

[أبو عمر]

ماطاوعك قلبك وحطيته يابوعمر

وحطيت لك واحد أمس يا دي ستيفانو

 

[whats App]

وحطيت لك واحد أمس يا دي ستيفانو [/quote

لا اللي امس حطيته باين بدون نفس ...
اللي اليوم شغل مرتب وباين الباب من الدريشه

 

[بوشكاش]

الله يجزاك خير
ماشفته اللي امس المومري بتاع مخي
نص غيغا وملحوس المخ ماتنفع وياه الصبخه

 

[بوشكاش]

سلام ياللي تلحق الطيب بالجود
يالي علا شانك رسمت القصيده

يابوعمر مانبغي ورا الطيب مردود
الا نبي حسنات محصي عبيده