الشركة الوطنية للميادين ( ميادين ) ...3

[333gust !!!]

الي علي سويته وقلت لكم ونصحت والي يبي يبيع بكيفه

 

[333gust !!!]

للي يبي يبيع سؤال

1- انزين حصلت لك فلس ولا فلسين وبعت اشراح تشتري ؟ هل في شركة بالسوق اقل سعر من ميادين ؟
2- هل تقدر تشتري كمية من الاسهم بنفس كمية ميادين بهالاسعار ؟
3- ليش خايف هل السهم ممكن يتوقف ويعلن افلاسه مثل ما اشاعوا وقالو خسارته اكثر من 75 بالميه ؟ وبالتالي تنقذ افلوسك من الضياع ؟
4- ما تقدر تمسك نفسك اشويه وتنطر يغرد السهم ويوصل لحدوود الثلاثينات ؟ على اقل تقدير
5- الكل خايف من جني الارباح والتصحييح ,,,,, ابي اعرف السهم شنو الارباح الي عنده علشان يجنون علييه ؟ وهل السهم الان منتفخ سعريا ولا معلق 4 مرات وخايف لا يصحح ؟
6- كل يوم يقولون السوق راح يصحح وراح ينزل وما نشوف الى صعوود في صعود ولنفترض في تصحييح وقريب جدا سهم بعشرين فلس جم راح يكون تصحييحه بالله بالعقل ؟ هل هذا يعقل ؟
7- نحن الان في سنة 2013 وقد اجمع جميع المحللين الفنيين والماليين انها سنة الفوره الاقتصاديه وسنة الارباح
8- وضع الشركة للعام الماضي ابرك بكثير من وضها في الاعوام التي من قبل وتم اطفاء الكثير من الخساير الماضيه وهذا عامل ايجابي للشركة
9- موضوع ال 11 مليون الي سبق وان تم الحكم للشركة به الى الان هو في طور التنفيذ يعني مجرد وقت ,, تدرون ان تم الاعلان عن الاستلام وين راح يروح السهم ؟ وهل تستطيع انك تصيده بهالاسعار ؟
10- اكثر الشركات التي لديها عجز في سداد مديونياتها تم عمل تسويات مع البنوك وتم اخذ قروض اخرى ومخففه وهذا عامل ايجابي للشركة

واخيرا كل هالكلام الي ذكرته وهم تريد البيع بهالاسعار ؟

 

[( عتيج )]

>>>> عقب الكلام الي كتبته اعتقد السهم راح يعلق 3 ايام ههههههه

زيدهم يومين مني هههههههه

 

[333gust !!!]

زيدهم يومين مني هههههههه

والله يا بو فييصل عيزت وانا اقرق ابي هالعالم تقتنع وانا بعد وياهم مانبي باجر يقصون علينا وياخذون اسهمنا برخص لتراب وانقول ما باليد حييله

 

[ali70]

http://m.youtube.com/#/watch?feature=related&v=C45_89x4BtU
السلام عليكم .
والله انه افضل شي واحلا جائزة
دشو على الرابط وتعرفون
جزاكم الله خير

 

[troy1]

( لا تجمد فلوسك في سوق متحرك ) كلمه قالها الدكتور اندبث وجنيت ثمر معناها
جمدت فلوسي قريب السنه بتمويل خليج واشوف الاسهم تلعلع يمين ويسار وسهمي ثابت او في نزول
وحمدلله بعته بخساره ( وبيعته خيره ) بسعر 34,5 وانا شاري على مراحل ( 65-58 -47-40-37 )
كيشت بشهر فبراير بعد صعود شهرين للسوق .. وبهالثلاث شهور حمدلله طلعت اكثر من اللي كنت اتمناه بتمويل خليج
ضاربت بتمويل خليج نفسه اكثر من اربع مرات .. بسهم ميادين وبكمية عاليه والفلس يعتبر ربح ممتاااااز واخرتها اليوم
وبصفاة طاقه واكتتاب وبالمدينه وادنك واثمار و و و و
الشاهد اني كنت اشتري وابيع بربح والسهم مايطير .. يرد يرجع لسعر مشتراي او حوله
ومن ضمن هالاسهم ميادين ضاربت فيه وعمره ماطار .. قبل شهر كان تحت العشرين وبعته بالعشرين
ورجع تحت العشرين وبعته اليوم بال22 واذا كتبلي فيه ربح بطلبه باجر
المراد متل ماقال الدكتور وكلامه من باب خبره .. الاسهم ماراح تطير ولا السوق
الخساره كلها بتجميد فلوسك والاماني .. والسهم من شهور يتدول بنطاق قريب الخمس فلوس .. فوق وتحت والموفق من استفاد

فـ نصيحه والله اعلم بالنوايا ووالله اعلم اني ترددت بكتابتها ووالله اعلم يمكن ميادين فعلا يروح لمستويات مانتوقعها حاليا
والنصيحه هي ان ( لا للبيع ) ماتضرك الا انت !
السهم مافيه ارباح عشان تقول استثماري والسوق ككل مضاربي .. فلسين تحت بيع .. فلسين فوق بيع
والله يرزقنا واياكم ( الجنه ) برحمته ومغفرته

 

[حسين المسحمي]

غير طبيعي اللي يحصل علي السهم من كلام زايد بدون ادله مقنعه
والله اعلم
ممكن يرتفع وممكن يثبت وممكن يكون خسران ويتوقف وممكن ممكن وانت بسوق الكويت توقع غير المتوقع
لكن فكر بالمعقول

 

[الأسد11]

شنو سالفت ميادين في الدوانية في الدوام كله يوصون عليها لا يكون موقعه عقد مليار دينار

 

[Q8_POOS]

اتركوووو عنكم الكلام اللي مايوكل خبز كسر 22 مطلوب مطلوب لازم يكسر هالترند
22 ترند قوي لازم اليوم يكسرة

 

[Q8_POOS]

يـــخـــرب بـيـتـك يا مـيـاديـن شـيـل 22

 

[333gust !!!]

الله كريم ان شاء الله اليوم في تعلييقه يارب

 

[أبو عمر]

اغلاق فوق 21 هدفكم ان شاء الله 28.5

 

[333gust !!!]

يـــخـــرب بـيـتـك يا مـيـاديـن شـيـل 22

قاعد يشييل الحمد لله والله يرزق الي ما باع وما سك بالسهم ويانا والله يوفق الي باع في سهم ثاني يارب

 

[333gust !!!]

اغلاق فوق 21 هدفكم ان شاء الله 28.5

هلا بو عمر هلا والله منور بالصفحة يا استاذ والله يرحم والدينك على هالتوصيه

 

[أبو عمر]

هلا بو عمر هلا والله منور بالصفحة يا استاذ والله يرحم والدينك على هالتوصيه

ووالديك يا خوي
الله يرزقكم ويسر أموركم

 

[أبو عمر]

اغلاق فوق 21 هدفكم ان شاء الله 28.5

تري هذا الشرط !

 

[دولار$]

تري هذا الشرط !

يعطيك العافيه بوعمر
هل السهم مازال أيجابي ...؟

 

[master-70]

ثاني يوم يسكر 21 وكميات كبيره

 

[خوي المغامر]

مزايا ، دبي الأولى حد أعلى وملعون الصلايب مكانك راوح !!!
على قول بندر بن سرور رحمه الله :- طبعه خبيث وقلبه أنجس من الفأر

 

[أبو عمر]

يعطيك العافيه بوعمر
هل السهم مازال أيجابي ...؟

الله يعافيك
السهم ايجابي شوف اغلاقه اليوم فوق الترند . المهم يحافظ على 21 هذي وما ينزل تحتها !
اليوم اخترق المثلث المتماثل وأغلق فوقه
السهم فوق جميع المتوسطات المتحركه
هدف أول 23.5-24 ،، هدف ثاني ومقاومه صعبه 26 ،، هدف المثلث 28.5
والله اعلم
موفقين