شركة الدار الوطنية للعقارات ش.م.ك مقفلة ( أدنك ) ... 3

[albostan]

ياجماعه. متى موعد الجمعيه او بالأخص متى تعود الشركه
جزاه الله خير من يفيدنا بالتوضيح

حسب علمي الجمعية العمومية بكره و يرجع لتداول يوم الخميس هذا و الله أعلم

 

[الحمد5]

شكرا لمن تفضل بالاجابه

والله يرزق الجميع

 

[سوق الاوراق]

السلام عليكم
الناس ناطرة عودة ادنك باحر من الجمر ومتشوقين جدا وصافين دور يبون يلحقون على السهم .......
والله علبالي سهم الفيس بوك او ابل او تويتر ،،،،
ردو لهم السهم بسرعة يا ادرة البورصة ويا هيئة الاسواق خلونا نشوف التعليقات المتتالية لايام وليالي ...
---------------------------------------
بس والله ما ادري بعد الحركات البهلوانية الجمبازية الكلكية قبل التوقيف القصري للسهم كم التكلفة الاجمالية على بعض الاخوة المخدوعين من ادنك ....
ياليت نشوف اخونا العزيز ((((( الشاطر )))))) يرد ويوضح حق اخوانه المستثمرين ملاك السهم الاصليين والفعليين .... ( هذا اذا في احد يملك السهم )
التكلفة
وبجم المفروض يبيعون
اذا ملاك للسهم فعلا احنا خالصين منهم من زمان لان بكل بساطة عندهم شوية خزدة يمكن يالله تكفي حق العشى بمطعم متواضع وحق شوية بريد يعني بوظة من علاء الدين وتفولية بنزين وقط الاولاد بالبيت وموت من الحرة بالديوانية ..........!!!!
بس النصيحة المطلوبة من الشاطر حق اللي برة السهم خا بشنو ينصحهم ؟؟؟ يتخامطون السهم باول نزوله قبل ما يطير يوصل ٦ فلوس لا لا قصدي ٦٠ فلس لا اسف ٦٠٠ فلس لا غلطان يمكن ٦ دنانير .... ؟؟؟؟؟؟؟
الشاطر يقول انا ما اجذب ابدا وهذه ميزة حلوة بالانسان الاعتراف بالحق فضيلة ...... خلكم معاه راح يرشدكم لاقصر الطرق للربح عبر الشركات التشغيلية المهمة بالسوق ( ادنك )
--------------------
اخوي الشاطر عن اذنك بس قولنا جم راسمال ادنك اليوم بعد التخفيض وكم راسمال ادنك قبل التوقيف ؟؟؟؟؟؟
وبشنو يشتغلون بالضبط ؟
وهل عندهم استثمارات مهمة او شركات تابعة ولا عالة على المجتمع ،؟

------------------------------------------------------------------------

اخوي الشاطر ،،،، هل فعلا ادنك ما تملك شي ؟ ولا عندهم اي شي يشتغلون فيه ؟ وشنو مصير ارض برج العاصمة بعد تم تحويل المشروع باسم ( بنك الخليج )
وهل بعد كل تلك المصائب والمآسي ممكن ادنك تفلس نهائيا ؟؟؟؟؟
نبي نصيحتك القيمة ........

-----------------------------------------------------------

 

[سوق الاوراق]

السلام عليكم

الشاطر الصادق .........
ممكن سئوال لو سمحت ..... ليش ما تملك بادنك عسى المانع خير ؟
اذا رد السهم بعد التوقيف خلك اول واحد واخمط واترس المحفظة بادنك ولا تحاتي ،......!!!!!!!
جان زين بعد تحط لنا صورة البون لا لا ما يحتاي انت صادق واحنا نثق فيك ....... (سيرو واحنا من ورائكم )
جد قاعد اكلمك يا اسطورة القائد روح كلنا ثقه فيك وباخبارك وبعدم كذبك بتاتا يابطل الابطال يا الشاطر قط نفسك بالسهم او انقز نقزة ثلاثية من فوق الجميع وخلك جدامنا واخمط واترس وعبي السهم ولا تخليلنا شي ....................................................................................... سيرو ونحنو ورائكم
والله من وراء القصد ،

 

[سوق الاوراق]

السلام عليكم
في واحد عارض ٣٠٠ الف سهم للدار ٧ فلوس وحاط الرقم بالمنتدى بموضوع حكم جديد للدار ....
قريت الخبر صعقت ... ٧ فلوس .
شنو هذا اللي بسبع فلوس قلت يمكن ربع جيلة عنجكك او استكانة جاي بدون شكر بالماي الصليبي ، ما ادري ياجماعة شنو نشتري من السوق بقيمة ٧ فلوس ...
والله مصيبة كبرى والله مصيبة والله كارثة ودمار شامل ......
الله يعين ملاك السهم وعسى الله يعوضهم .......
مو قاعدين نحن ليل نهار ونتعب ونكتب ونحذر من المصيبة القادمة ادنك .................................
سمعو النصيحة قبل فوات الاوان .................................... اذا الشركة الام ٧ فلوس عيل ادنك بجم ؟؟؟؟؟؟؟؟؟؟؟
مستحيل من سابع المستحيلات اذا في انسان عاقل راشد ويفهم بالسوق وبالاستثمار يدش على شركة بنفس المجموعة ويشتري سهم شركة تابعة باقل من سعر الشركة الام .........
عمرها ما صارت الا عندنا ،،،،، يا اخوان اذا الدار ٧ فلوس يعني بقية الشركات المفروض ما تتعدى من فلس الى فلسين ........!!!!!!

 

[الشاطر]

السلام عليكم

الشاطر الصادق .........
ممكن سئوال لو سمحت ..... ليش ما تملك بادنك عسى المانع خير ؟
اذا رد السهم بعد التوقيف خلك اول واحد واخمط واترس المحفظة بادنك ولا تحاتي ،......!!!!!!!
جان زين بعد تحط لنا صورة البون لا لا ما يحتاي انت صادق واحنا نثق فيك ....... (سيرو واحنا من ورائكم )
جد قاعد اكلمك يا اسطورة القائد روح كلنا ثقه فيك وباخبارك وبعدم كذبك بتاتا يابطل الابطال يا الشاطر قط نفسك بالسهم او انقز نقزة ثلاثية من فوق الجميع وخلك جدامنا واخمط واترس وعبي السهم ولا تخليلنا شي ....................................................................................... سيرو ونحنو ورائكم
والله من وراء القصد ،

انت رايق اليوم

والله يعطيك علي قد نيتك

بكره تطلع البيانات الماليه ان شاء الله ويبين شنو عندها ادنك وشنو ما عندها

وانا اكرر ما املك ولاسهم فيها

وقاعد والله ابحث واسال عن ادنك وقضاياها

المهم

لو فقدت ارض العاصمه

اعتقد عندها موجودات اخري تبين بالبيانات الماليه بكره

والله يعيني ويعينكم يا اهل ادنك

 

[متداول 2002]

ادنك احسن سهم

 

[متداول 2002]

هذي صفحة ادنك
لمحبين ادنك فقط فقط
قثط
فقط

 

[متداول 2002]

انا احب سهم ادنك
لا تلوموني
كل واحد حر باختيار من يحب

 

[متداول 2002]

اذا موووووووو عاجبكم السهم

بسيطة

لا تشترون السهم ولا تدخلون صفحة السهم تعلقون

 

[سوق الاوراق]

ادنك احسن سهم

السلام عليكم
مساك الله بالخير او بالاحرى صباح الخير .....
موجذي الناس تكتب ،،، مايصير وما يجوز هذا الحجي .
شلون تقدر تكتب بكل بساطة وتقولها بالفم المليان ( ادنك احسن سهم ) شوف اخوي بس بالمنتدى عدد ضحايا ادنك ؟ وجم عددهم بالكويت وخارج الكويت .
ترى هذه ذمة وضمير وتتحاسب على كلامك امام الله .. ما يصير هذا الحجي الفاضي ( ادنك احسن سهم ) علي اي اساس تقول هذا الكلام ؟
ما يخالف اخوي انت تحب السهم او تحقق ارباح بالسهم وبينكم منفعة او مصلحة تقدر تكتب وتقول اللي بخاطرك ومحد يلومك ... بس تعال ودرعم ادنك احسن سهم .....
يالله اثبت وقول شلون ادنك احسن سهم ؟
والله طرطرة ... هذه حالة ما ادري من وين يطلعون او يطلعونهم مثل الطنطل علشان بس يردون .... نكات عليها طبقة اغبار وطبقة رملية من العصور الغابرة مخزنة من سنين ومنين تطلع فجآة ادنك احسن سهم هو على كيفك ولا الشغلة سايبة ،،،،،، !!!!!!!

 

[سوق الاوراق]

انت رايق اليوم

والله يعطيك علي قد نيتك

بكره تطلع البيانات الماليه ان شاء الله ويبين شنو عندها ادنك وشنو ما عندها

وانا اكرر ما املك ولاسهم فيها

وقاعد والله ابحث واسال عن ادنك وقضاياها

المهم

لو فقدت ارض العاصمه

اعتقد عندها موجودات اخري تبين بالبيانات الماليه بكره

والله يعيني ويعينكم يا اهل ادنك

السلام عليكم
صباحو يا الصادق الصدوق ،،،،، من اليوم ورايح راح اغير لك نكك من الشاطر لان الاسم شوية عليك وتذكرنا باللغة بالشاطر والمشطور ( سندويتش فلافل ومشكل )
خلك الصادق الصدوق وهذه صفة حلوة لانك ما تكذب ابدا ابدا ،،،،،،
بس ودي اليوم قبل باجر اشوف ميزانية ادنك بالحقيقة ... مو بعد الالعاب البهلوانية والشغلبة والكوكسة .... يالله ما يخالف نبدآ صفحة جديدة ونوافق على كل القص واللصق بالميزانية الجديدة ........
خلهم يورونا شطارتهم بالعام الجديد والربع الاول ٢٠١٧ خلهم ينسون الملاك ضيم الدهر وبداية جديدة .....
هنا التحدي الحقيقي وهنا نثبت ونبرهن القول بالفعل ..............
علشا نك وعلشان خاطر الشباب الطيبة ساتوقف قليلا عن الذم والحنة والقيل والقال وكثرة الحجي .... بس لا تمصخونها وتسون حفلات للسهم وتورطون المساكين بالسهم .........

 

[سوق الاوراق]

انا احب سهم ادنك
لا تلوموني
كل واحد حر باختيار من يحب

السلام عليكم
انت تحب ادنك .... هههههههههه
ذكرتني بقصيدة ماجدة الرومي للشاعر نزار قباني ...... انا احبك جدا جدا جدا ...... ههههههههههههههههههههه
العن ابو دارك انا احب ادنك شنو شايف جدامك ،،، حبيبي هذه شركة مو شريكة انثوية هههههههه
اخ قلبي مو قادر امسك نفسي من الضحك .....
(( كل واحد حر باختيار من يحب .))ـ..... ياجماعة هذا علباله قاعد يكلم امه وابوه ومعصب الا يبي يخطب ادنك ........ اخخخخخخخخخ قلبي .
انا احبو واحبك واحب انت واجد انا يبي انت انت ليش ما يحب انا وانا حبي ادنك .... الله يهنيكم
مبروك مقدما منك المال ومن ادنك الخسارة .........

 

[egyptian869]

السلام عليكم ورحمه الله وبركاته وصبحكم الله بالخير .. انا قاعد اقرا التعليقات واتابع في صمت ولكن لما قريت سالفه ان ادنك عندها موجودات الصراحه اهنى ما قدرت اسكت .. ادنك عباره عن مكتب بدار العوضي بها رئيس مجلس اداره واثنين موظفين فقط لا غير واللى مو مصدقنى يتفضل يزورهم بنفسه .. بعد ارض العاصمه ادنك لا تمتلك اى اصول اللهم محفظه اسهم لا تسمن ولا تغني من جوع ولا تمتلك حتى ملاءه نقديه بنكيه تمكنها من البدء فى تدوير اصول جديده. الشركه بعد فقدان ارض العاصمه رسميا وبصفة نهايه اصبحت صفر كبير .. وعلى العموم الميزانيه قريبه والخبر اليوم بفلوس بكره ببلاش.

 

[عندك سلف]

بعد اذن الجميع....
وبعد اذن الادارة....

النقاش على السهم صاير مو مضبوط...


خلونا جادين يا شباب ....ما نبي استفزاز...لا نِستفز ولانٌستفز...خلونا هادين...

ونركز على الكلام الجاد...

الكل يدري ان الشركة تلفانه...وما منها رجى....
وفي ناس متدبسه فيها...الله يعينهم...
المطلوب من اللي متدبس فيها ....عدم ذكر معلومات غير صحيحة بهدف تدبيس الاخرين
والمطلوب من اللي هم خارج السهم....عدم التشمت...


لا مانع من التحذير...لكن بدون شماته...

 

[talal555]

مافي نصاب اليوم !!!!

وتأجل اجتماعهم

حسبي الله عليكم
فوق هالنطرة بعد مافي نصاب !!!

 

[عندك سلف]

مع الاسف...وكما توقعنا...

لن تعود الشركةللتداول...

 

[الشاطر]

اهل ادنك الله يعوض عليكم

تاكدت ان الخرافي يطالبهم اكثر من ٨ مليون

والارض خالصين منها بحكم نهائي

معوضيين خير

 

[سوق الاوراق]

بعد اذن الجميع....
وبعد اذن الادارة....

النقاش على السهم صاير مو مضبوط...


خلونا جادين يا شباب ....ما نبي استفزاز...لا نِستفز ولانٌستفز...خلونا هادين...

ونركز على الكلام الجاد...

الكل يدري ان الشركة تلفانه...وما منها رجى....
وفي ناس متدبسه فيها...الله يعينهم...
المطلوب من اللي متدبس فيها ....عدم ذكر معلومات غير صحيحة بهدف تدبيس الاخرين
والمطلوب من اللي هم خارج السهم....عدم التشمت...


لا مانع من التحذير...لكن بدون شماته...

السلام عليكم
كلامك عدل اخوي عندك سلف ،،،،،،،،
بس انا جاد جدا ومو قاعد اتشمت وقاعد ادافع بكل قوتي عن الاخوان اللي متدبسين بالسهم ......
حتى لا نسمح بوقوع ضحايا جدد يجب وقفهم والوقوف امامهم بكل قوة .......
الادارة شايفة وعارفة والاخوان جميعا عارفين هذا الهجوم من لوبي كامل من النكات القديمة والجديدة تتجمع لهدف واحد بوقت واحد ....
هذا الشي يجب ان نمنعه ونقف ضده كلنا يد بيد وحتى الادارة عليها مسئولية لان من يشطب قاعد يعود بنك جديد ويتكلم عن امور قديمة جدا . وايضا اكثرهم عندهم اكثر من نك وتستخدم وقت الحاجة .....
------------------------
عندك مثال امس داش واحد بنك جديد جدا فبراير ٢٠١٧ وقاعد يقول احب ادنك ..... الاخ ما يدري بان ادنك موقوفة من قبل ما يسجل بالمنتدى .
استلمته وتشمت فعلا لانه يستحق اكثر من جذي بعد لا بعد مخفف شوية ... قصدك عن هذا ؟؟؟؟؟ .
المهم شنو اللي تبيه حاضرين بس تاكد اذا ما سويت جذي راح يتمادون اكثر ويدمرون الاخضر واليابس ،
شكرا لك وتقبل تحياتي

 

[سوق الاوراق]

اهل ادنك الله يعوض عليكم

تاكدت ان الخرافي يطالبهم اكثر من ٨ مليون

والارض خالصين منها بحكم نهائي

معوضيين خير

السلام عليكم
مو قلنا لك ومو راضي تسمع ..... شنو رايك الحين .؟؟؟
-------------------------------------------------------