والله علاقتى معاه طيبه جدا .. معاه من يوم كان ب 22 فلس واقطه على فلسين وتلاته وارد اشترى من تحت ... خرجت منه يوم صار 27 ورجعت دشيت يوم عرض بالحد الادني 35.5 وبعت بنفس اليوم على 39 ولو تذكر انى سألتك يومها يصير انطره على 35.5 مره ثانيه وانت قلت لا انسي القطار تحرك ومادرى شنو .. اليوم شريته 35.5 وعطيته لصانع السوق مره اخرى ب 38 .. وادرى انى راح اشتريه مره ثالثه ب 35 او 36 ...
انما لا زلت اؤكد انه فاااااشل ماليا ومو مال استثمار واللى بره السهم وقاعد يخز وفرحان بالصفقات المليونيه يدير باله ترى هذا كله تدوير بين اربع خمس حسابات ولو ما تدرى شلون تتعامل مع المضاربه لا تدش .. دير بالك على حلالك ولا تدش وتشترى من فوق ويضحك عليك وترد تبيع بفلس وفلسين خساره.. اللهم بلغت اللهم فأشهد.. اظن كلامى ده ما يزعل حد.
مادام انت مستفيد من السهم ومضاربه ممتعه معاه
عيل ليش ذميته بمنتصف الطريق أثناء رحلة صعوده ، وقمت اتحذر منه بالذات بذاك الوقت ، لأنك ما استفدت منه وخصوصا بتوقيت تصريف الأربعين مليون سهم الوهمي ،، أدرى لأن ربعك الفرسان الأربعه أنجلوك وقطوك على صخر وماربحوك معاهم ومن هذا المنطلق قمت وترمي سهامك عالسهم واتذمه واتحذر العالم من سهم إنت أصلا مستفيد منه ، ليش هالتناقض بس
يحليلك ، إنت عاد اتعلمنى اشلون اتعامل مع المضاربه عالسهم ... ههههههههههههههه
ياليت اتعلم نفسك أحسن وتترك هالخرابيط ..من اللى قالك وقص عليك إن إحنا مصيودين من فوق ونبيع بفلس أو فلسين خساره .. اشدراك ..!!
آنا لحد الآن مستغرب من واحد يذم بالسهم من أول صعوده ويحذر منه بالتدوير والتصريف ، وهو أول من يشتريه ويضارب عليه .. ياأخى ليش عيل تذمه من البدايه وليش ورطت ناس وايد وخوفتهم واطلعوا منه وباعوا بال30 او 31 من يوم كنت اتحذر منه .. ولو صابرين مو أحسن لهم ، جان باعوا بال
41 أو
40 حرام عليك خوفت العالم .. وآنا ذكرت بمشاركه سابقه أغلب اللى كانوا يحذرون ويخوفون العالم اهم اللى شارين وخايفين من سهم
الشجعان والأبطال إنه ينجلهم وأولهم إنت .. والحين حضرتك ياى اتقولى إنك مضارب محترف واتعرف تتعامل مع السهم ، وخمس حسابات فيهم تدوير معنى كلامك الفرسان الأربعه هم أهل الحسابات الخمسه وواحد زايد
