ديوانية التداول

[رابح رابح]

اليوم وباجر راح احدد مصيري مع السوق الدايخ
ويوم الاحد بقولك جنه بينت فيلجا

ياليته دايخ حايشته حالة احتضار (سوق يحتضر)
تشغيل النظام الجديد شي خيالي يشبه افتتاح بقاله جديده
وسوق يتم استخدامه للتصفيات السياسيه بين تكتلات و اعضاء مجلس الامه (مصيبه)
مالك الا السوق السعودي او القطري

 

[waham]

ياليته دايخ حايشته حالة احتضار (سوق يحتضر)
تشغيل النظام الجديد شي خيالي يشبه افتتاح بقاله جديده
وسوق يتم استخدامه للتصفيات السياسيه بين تكتلات و اعضاء مجلس الامه (مصيبه)
مالك الا السوق السعودي او القطري

بوخالد اللون الاخضر يايك بالطريج والسوق صعوووود بإذن الله

 

[المسيلم]

يجماعة الخير احد يفهمني شلي قاعد يصير دمار شامل

 

[waham]

سهم "بيتك" يستحوذ على 22.3% من قيم تداولات البورصة
مباشر

 

[waham]

وزير كوري..نتطلع للارتقاء بالاستثمارات مع الكويت الى مستوى العلاقات الثنائية
مباشر

 

[ابو محمد 2007]

كورع كاوينه على راسه

 

[متدرب أصيل]

بوخالد اللون الاخضر يايك بالطريج والسوق صعوووود بإذن الله

يذكرني بإشارة جسر الجامعة ... 10 ثواني خضراء وربع ساعة حمرا

 

[waham]

يذكرني بإشارة جسر الجامعة ... 10 ثواني خضراء وربع ساعة حمرا

ههههههههه الله يقطع بليسك يا بومحمود
صج جبتها !!!
لازم يصعد والتاريخ يعيد نفسه

 

[رابح رابح]

بوخالد اللون الاخضر يايك بالطريج والسوق صعوووود بإذن الله

بوعلي انا صارت عندي قناعه تامه
سوقنا سوق عالي المخاطر وغير امن (سوق هش)
لايصلح الا للمضاربات السريعه وبالفرص الذهبيه فقط
حتى الارتفاع اللي صار كله وهمي والشركات القياديه والجيده كلها نزلت
لان اعلانات الارباح والخساير اغلبها وهميه
وجهاز هيئة سوق المال الرقابي ضعيف
الاسهم الجيده مضغوط عليها بتداول وهمي
والاسهم الرخيصه الخاسره يتم رفعها بغرض التصريف والمضاربه
يعني كل الشغل على الاسهم الرخيصه (سوق ابو يومين )
انا اعترف اني اخطأت جدا في تقديراتي
كنت ناوي ادش السوق السعودي على 3 شركات درستها عدل
بنك الانماء كان ب 9 ريال وارتفع الى 15 ريال
زين السعوديه كان ب 5 ريال وارتفع الى 11 ريال
واعمار المدينه كان ب 6 ريال وارتفع الى 12 ريال
يعني جان حققت ارباح من 70 الى 100 %
قصو علينا وخرعونا ربيع عربي ومؤشر الامان وكله طلع خرابيط

 

[رابح رابح]

استثمارات 130 فلس
بينت فيلكا

 

[ابو كمال]

المؤشر نازل تقريبا 52 احمر عند 6330 انشالله ارتداد من السعر هذا الي 6400

 

[waham]

NBK Capital: المؤشر السعري يختبر الاتجاه العام وننصح بالشراء خلال الحركات التصحيحية
مباشر

 

[إبن الوليد]

صباح الخير

رابح & وهم

انتم معزومين عندي بسهم صفوة حياكم تعالوا اشربوا قهوه

واخذلك جم سهم ، معقولة ماعندك شي في المحفظة ؟؟ ياالله طلع الفليسات قرقش مخباتك

 

[Leo]

قهوة الصفوة سكرها على الريحه
نبي سكر زيادة إبن الوليد

 

[إبن الوليد]

قهوة الصفوة سكرها على الريحه
نبي سكر زيادة إبن الوليد

نسينا ، بطاقة دعوة خاصة للمشرفين ( نتشرف بدعوتكم بصفوة ) واخذ كمية ماتضر ماتضر قبل لاتعلق

الله يستر لااتفشل جدام الشباب

 

[alligator]

ياجماعه ابي اتاكد هل صحيح هذا الكلام اللي بقوله وله لأ ؟

عندي سهم وكان مطلوب كميه كبيره اكبر من الكميه اللي ببيعها وبغيت اقط على المطلوب وكان اوامر الطلبات تقريبا 5 او اكثر طلعلي تعذر التنفيذ اتصلت في بيتك قالي الموظف ما يصير تبيع على عميل في بيتك قلت له مو معقوله ان كل اللي طالبين عملاء في بيتك قال يمكن اول واحد طالب من بيتك ونظام البورصه اليديد مايخطر يعني لذا اول واحد طالب من الوسيط اللي تتعامل معاه ووراه طلبات بالملايين انسى انك تبيع حتى لو هذا العميل طالب سهم واحد , معقول هذا الكلام ؟
يعني اذا واحد عنده حساب مع جميع شركات الوساطه وطلب في كل حساب سهم واحد وجا ناس بعده طلبو طلبات بالملايين يعني يسوي بلوك على جميع البيع الا اذا تصدق عليك واحد من شركه ثانيه وقط حتى يفتح لك البوابه

افيدونا افادكم الله هل هذا الكلام صحيح ؟

ودمتم سالمين

 

[Leo]

والله المضاربة في صفوة مشجعة لكن خطرة لكن اتوقع الشراء الحين

 

[إبن الوليد]

مشكورين مشكورين ياشباب ، رفعتم سهم صفوة 20،5 بس بس ياحسين بسنا فلوس

واحد الف اثنين الف ، والله انكم نشاما ، بعد عمري كلكم

 

[waham]

صباح الخير

رابح & وهم

انتم معزومين عندي بسهم صفوة حياكم تعالوا اشربوا قهوه

واخذلك جم سهم ، معقولة ماعندك شي في المحفظة ؟؟ ياالله طلع الفليسات قرقش مخباتك

مشكور يا بوعبدالله على الدعوه
مو الحين .. اذا نزل الى 18 فلس ذيك الساعه لكل حادث حديث
شكرا لك .

 

[alligator]

يا جماعه محد جاوبني
هل كيف يصير جذيه