اسهم مميزه وتحليلات مميزه

[wawnon]

سلام

ما عليك أمر أ.صناعيه

يعطيك العافيه

وعليكم السلام هلا والله سهم مطاطى تونى حاط الشارت ماله فوق على طول.


والله يعافيك اخوى وموفق.....

 

[wawnon]

اخوى wawnon الله يقويك

لو تسمح المخازن مع التعليق على الشارت


والله يوفقك يارب

إنشاء الله اخوى ولا يهمك وحاضر


المخازن


السهم إخوى من الناحيه الفنيه سليم ونزوله بعد سليم ومن الملاحظ الدعم اللى انا حاطه اللى اهو بين ال 2.700 وال 2.600 هذا لو انه استانف نزول ، والسهم بالامس اقفل على ال 2.840 واليوم اذا تخطى الرقم هذا انشاء الله رايح حق المقاومه الاولى عند ال 3.000 واذا نزل عن هذا الرقم معناه انه رايح الى الدعم الاول المشار عليه.

فى تصورى انشاء الله قرب نهايه التصحيح على السهم وهانت واتوقع بعد العيد انشاء الله راح يبتدى يصعد باذن الله والسهم فيه عليه اخبار كثيره حاليا من عقود وادراج فى بورصه دبى.

والسهم حاليا المستثمرين اللى استلموا بطاقات زياده راس المال قاعدين شيه يبيعون فيه وهذا المطلوب منهم لتجميعه واللى عنده انصح انه ما يبيع وهذا متروك بالاول والخير لصاحب الخيار.

موفقين يارب.

 

[wawnon]

الله يخليك يا رب
والعين ما تعلي على الحاجب
وعساك على القوة في التلحيل خصوصا هالوقات الي اعتقد انها صعبة
ماجور يا واوان

لا بالعكس لا تقول جذيه اخوى قنااااص وكلنا واحد صدقنى وموفق يارب

 

[wawnon]

يعطيك العافيه اخوي wawnon
صراحة مثل أنت ما توقعت ع المال للأستثمار راح تنزل 680
وترجع تصعد
نبي تحليلك بعد نزولها وصعودها اليوم
الله لا يهينك؟؟؟؟؟؟؟؟؟؟؟؟؟؟؟؟؟؟؟؟؟؟

الله يعافيك اخوى ابو عبدالله وانت تامرنى اخوى

انشاء الله على امرك

المال للاستثمار


السهم من الناحيه الفنيه ما فيه شىء واللى صار على السهم بالرغم من الضغط على السوق الا وانه تم الاختبار على دعمه وبالصراحه قناعه من المستثمرين انه السعر هذا مو سعره وسرعان ما صعد مره اخرى واقفل على ال 610 وحاليا داخل الترند وممكن اليوم يحصل مثل ما حصل بالامس ولكن ما فى داعى للخوف واللى عنده السهم يمسكه وانشاء الله راح يصعد ويوصل الى الاهداف اللى ذكرناها من قبل.


موفق اخوى .

 

[wawnon]

اخي العزيز وانون ... شوف لي الدواجن شسالفتها ؟ وصلت 260 ورجعت الي 230 .... ممكن تحلل هالسهم قواك الله ومتي ندش عليه ومتي نطلع ؟

إنشاء الله اخوى وحاضر على امرك

الدواجن


السهم بعد ما وصل بالسابق الى المقاومه عند ال 260 كان شىء طبيعى انه يصحح الى ان يصل الى الدعم بالسابق الى ال 240 ولكن كسر الدعم الاول بالسابق ونزل الى الاسفل عند ال 230 بالامس السبت مع نزول السوق المصطنع وفى توقعى انه لو نزل بعد اكثر ما راح يطوف ال 224 وسرعان ما سوف يرتد الى الاعلى انشاء الله.

انا اتوقع انه يرتد من سعر الامس او يلامس ال 224 واليوم لاحظه وتقد تدش وتطلبه على ال 224 ولا تخاف والسهم شبه انهى عمليه التصحيح اللى عليه وراح يصعد انشاء الله.


موفق...

 

[wawnon]

عزيزي الواو والنون

الله يكون بعونك علينا كلما اشتري الواحد منا 5 او 10الاف سهم طلب تحليل فني وجارت ونقاط الدعم والمقاومه وهدف السهم ووين راح يوصل وبكم يبيعه :d
حتي وان كان يوجد تحليل لهذا السهم قبل يوم او يومين
طلبات جارت شركه................كثرت رغم وجوده بتحاليل اول امس
كان الله بعونك وجعلها في ميزان حسناتك ورحم الله والديك

يا عسى الله يخليك يارب سناعيس ويوفقك يارب وكلنا اخوان واللى عنده معلومه المفروض ما يبخل فيها عن اخوانه وهم بعد نفس الدور مطلوب منهم والله يوفق الجميع يارب.

مشكور على كلامك الرقيق هذا عزيزى.

 

[wawnon]

يعطيك العــافيــــــــه

الله يعافيك اخوى وما قصرت على ردك اخوى.

 

[wawnon]

مرحبا
عزيزي واو نون
ارجو تحليلك لسهم الأولى بعد اعلان الربع الثالث
والذي اظن انه لا يبشر بخير
ارجوا منك الإفاده

هلا والله ومرحبتين وثلاثه وانشاء الله على امرك اخوى bugais

الأولى للإستثمار


السهم فنيا سليم وما فيه الا العافيه اخوى وبالامس نزل وتخطى الدعم الاول 495 الى الدعم الثانى عند ال ال 485 واقفل على ال 490 واليوم احتمال يكررها ولكن خلاااااص ما اظن انه راح يستمر على هذا الوضع والسهم راح يصعد الاسبوع هذا انشاء الله ولا تخليهم يخرعونك وامسك السهم راح يصعد انشاء الله فوق فوق.

موفق يارب اخوى .

 

[بو بندر]

الله يعطيك العافيه

انا شفت تحليلك ميه ميه الله ايعافيك اسواق شنو وضعها كلمالها ابنزول
الله يرحم والديك

 

[wawnon]

السلام عليكم
الرجاء تحليل السهم + هل هناك صعود قريب جدا , انا شاريه 1360 .
جزاك الله خير

وعليكم السلام والرحمه اخوى jasem coool

انشاء الله اخوى على امرك


مركز سلطااااان


السعر اللى انت شارى فيه السهم جدا ممتاز واللى احسن منه بعد عند ال 1.340 وهذا يعتبر حاجز قوى جدا على السهم يعنى ما راح ينزل عنه انشاء الله والسهم انشاء الله رايح الى اول مقاومه عند ال 1.460 واحتمال يجتازها ولو طافها رايح الى المقاومه الثانيه عند ال 1.540 ، وانت حاول تراقب السهم لأنه احتمال يرتد مره ثانيه لما يلامس ال 1.460 فخله تحت الملاحظه يا يكسر المقاومه ويصعد فوق الى ال 1.540 يا يكسر ويرتد مره ثانيه وانت صاحب الخيار اخوى .


موفق.

 

[wawnon]

بشنو تنصح احتفظ بالسهم التخصيص او ابدله ب المعدات

عزيزى feb2005

نصيحه لا تشترى سهم وبمجرد ما تشوف سهم ثانى صعد وسهمك نزل وتبيع وتشترى السهم الثانى لأنك راح تشوف نفسك لا حصلت هذا ولا هذا.

سهمك راح يصعد وبيعه عند ال 360 انشاء الله هذا لو تخطى ال 330



التخصيص


السهم اقفل امس على الدعم عند ال 305 نتيجه للضغط العام على السوق واحتمال بعد اليوم ينزل الى ال 290 لا تخاف ولا تجط خلك محتفظ فيه وانشاء الله السهم راح يرتد بقوه الى ال 330 واذا اجتازها ابشر بال 365 وانت بيع قبلهم على حسب قناعاتك من السعر قبل لا يرتد عليك هذا اذا كنت مضارب اما لو كنت مستثمر وعامل الزمن ما يهمك فعادى وماراح تفرق معاك وراح احللك سهم المعدات بعد عشان تشوفه وانت صاحب القرار اخوى وهذا رأى وانت لك رأيك الخاص فيك.

موفق.

 

[jasem coool]

sultan

بارك الله فيك على هذا التحليل .

جزاك الله خير.

 

[wawnon]

المعدات

المعدات



السهم تخطى المقاومه الاولى عند ال 375 بنجاح بعد ان وصلها من اربع اسابع وارتد منها وامس واصل صعود ولامس ال 395 وارتد واقفل على ال 385 واعتقد انه راح يرتد ليجنى الارباح خلااال هذه الفتره كما هو مشار بالشارت اما اذا كان خبر ارباحه ممتازه احتمال يواصل ويتخطى ال 400 ولكن يرجى توخى الحرص يا جماعه واحتمالات انه يرتد كبيره الى ال 365 - 360.


ملاحظه:
السهم فيه عليه ثلاث صناديق اسلاميه داخله عليه.
موفقين.

 

[wawnon]

بيض الله وجهك اخوي واو نون
ماقصرت

مشكور على ردك اخوى وموفق يارب.

 

[بوشهد]

يعطيك العافية واو نون

شنو تحليلك على لؤلؤة العقارية والى صار امسة معاة صكرت 300 رايك اليوم تنزل ولا ترتفع احتفظة فية ولا اقطة واصد اقل.....

 

[wawnon]

توخوا الحرص

على فكره اخوانى احتماااالات انه اليوم السوق نزول وارده يعنى احتمااال يضغطون على الاسهم اكثر واكثر اليوم فى بدايه التداول وعلى اخر التداول يدشون مره ثانيه على الاسهم ويصعدونها فتوخوا الحرص ولا تبيعون بخساااااره ابدا.

 

[الصـــــالح]

اخوي ولايامر عليك امر ممكن تعطينه رايك في سهم المنتجعات؟؟ وجزاك الله خير

 

[wawnon]

الله يعطيك العافيه

انا شفت تحليلك ميه ميه الله ايعافيك اسواق شنو وضعها كلمالها ابنزول
الله يرحم والديك

الله يعافيك اخوى متداول الاوسط

انشاء الله على امرك اخوى


أسواق



السهم بالامس لامس الدعم الثانى عند ال 520 وارتد الى ال 530 واقفل عندها والسهم لغايه الحين لم ينهى التصحيح اللى عليه بس بوجه نظرى المتواضعه انا حاط وكما قلت بالسابق تحليلا لهذا السهم حاط خط ترند باللون الاصفر ترند صاعد بعد ما ينتهى التصحيح اللى عليه انشاء لله راح يسلك هذا الترند والترند النازل باللون الاحمر بحيث اذا كسر مقاومته عند ال 520 وتحت راح يسلك هذا الترند وسبق قلت انه هناك فى نقطه حرجه لهذا السهم وانا حطيت عليها دائره عند ال 580 المقاومه الثانيه اذا اجتازها يعنى خلاص انهى عمليه التصحيح ومتجه الى الاعلى انشاء الله وراح يسلك الترند باللون الاصفر ويكمل الى ال 670 - 660 وبعدها ارتداده طبيعيه على نفس الترند الاصفر اما اذا ارتد من عند الدائره المشار عليها بالشارت معناه انه بعد راح يكمل نزول الى الاسفل. وانا اتوقع انه خلااااص قارب على الانتهاء من التصحيح والسهم وايد ممتاز.


موفق.

 

[wawnon]

بارك الله فيك على هذا التحليل .

جزاك الله خير.

الله يخليك اخوى وموفق يارب.

 

[wawnon]

شنو تحليلك على لؤلؤة العقارية والى صار امسة معاة صكرت 300 رايك اليوم تنزل ولا ترتفع احتفظة فية ولا اقطة واصد اقل.....

لا راح تنزل والحين احللها لك.