اسهم مميزه وتحليلات مميزه

[ابوعثمان]

جزاك الله كل خير والله يوفقك في الدنيا والآخرة

 

[wawnon]

المجموعه الدوليه

المجموعه الدوليه


المجموعه الدوليه فى خط الترند الصاعد لامست الخط ومتجه الى ال 720 ومنها راح ترتد رده بسيطه وتستانف الى ال 850 والسهم سليم من الناحيه الفنيه جدا جدا.

مبروكين ملاكه يارب

 

[wawnon]

جزاك الله كل خير والله يوفقك في الدنيا والآخرة

مشكور على هذه الدعوه الحلوه حبيب قلبى ولك منى كل الاحترااام والتقدير.

 

[wawnon]

أستئذنكم اروح اتفطر وبالعوافى لكم جميعا وموفقين يارب العالمين....

 

[alajmiktv]

الاخ وااو نوون شنو توقعاتك لبيت التمويل الكويتي (( غدا ))

 

[wawnon]

الاخ وااو نوون شنو توقعاتك لبيت التمويل الكويتي (( غدا ))

هلا والله اخوى العجمى كى تى فى

حاضر الحين ارد عليك حالا.

 

[wawnon]

بيت التمويل الكويتى

الاخ وااو نوون شنو توقعاتك لبيت التمويل الكويتي (( غدا ))

اسف على التاخير اخوى لأنى رحت الدوام

بيت التمويل الكويتى


السهم فى توقعى وطبعا من خلاال الشارت المرفق راح ينزل شوى تحت لما يلامس ال 1.980ويرتد اما اذا عداها الى اسف فهو لا محاله رايح الى الدعم عند ال 1.940 وبعده يرتد الى اعلى انشاء الله ويكون الهدف انشاء الله 2.180 والشارت المرفق يوضح ذلك من خلال الترند اللى باللون الاصفر.

موفق اخوى انشاء الله.

 

[kfh_s]

والله فعلا يعجز اللسان عن الشكر

وعساك على القوة ويعطيك العافية

 

[wawnon]

صناعات اسمنت الفجيرة

صناعات اسمنت الفجيرة

485 كان اقفال السهم يوم الاربعاء الماضى والسهم مشكل ترند صاعد نحو الهدف ال 560 على المدى الطويل والهدف الحالى انشاء الله عند ال 520 والسهم غنى عن التعريف والله يوفق ملااااك السهم

 

[السوق الكويتي]

واو نون ...

يعطيك العافية أخوي وماقصرت ... ماعليك أمر .. سهم الأمان ؟

عليه تداول كبير الفترة الأخيرة (( من عشر أيام)) ... شنو تحليلك يقول؟


ويعطيك الف عافية ,,

 

[wawnon]

والله فعلا يعجز اللسان عن الشكر

وعساك على القوة ويعطيك العافية

الله يعافيك حبيب قلبى والمنتدى نور بمداخلتك العزيزه وانا اتشرف بانه اول مداخله لك كانت لى ولك منى كل الاحترام والتقدير وبالتوفيق اخوى.

 

[wawnon]

الدار للاستثمار

الدار للاستثمار

السهم غنى عن التعريف والسهم من الناحيه الفنيه فوق الممتاز واستثمارى بحت واتجاه السهم الى ال 2.100 وحاليا الهدف الى فوق ال 1.900 تحديدا 1.960 واعتقد راح يتحرك الاسبوع هذا وهو حاليا اقفل على المقاومه الثانيه عند ال 1.760


موفقين يارب ملاكه......

 

[سهم سهم سهم سهم]

wawnonشكرا جزيلا رسالتك رساله خاصه ارجو الرد علي

 

[wawnon]

واو نون ...

يعطيك العافية أخوي وماقصرت ... ماعليك أمر .. سهم الأمان ؟

عليه تداول كبير الفترة الأخيرة (( من عشر أيام)) ... شنو تحليلك يقول؟


ويعطيك الف عافية ,,

الله يعافيك اخوى السوق الكويتى

تامرنى امر اخوى وحاضر على امرك


الأمااااااان



فعلا كلامك صح كان عليه تداول قوى استمر ليمت اب لمده اسبوع تقريبا وصعد ولامس ال 375 القمه وبعده لازم يرتد فى عمليه تصحيح احتمال تستمر من اسبوع الى اسبوعين الى ان يصل تقريبا الى ال 320 - 330 الى ان يلمس دعم الترند الاسفل وبعدها انشاء الله راح يصعد مره ثانيه والهدف اللى بعده انشاء الله الى ال 420 - 425 وبعده بعد عمليه تصحيح لجنى الارباح ومن ثم الى الهدف البعيد للسهم عند ال 470

واكيد انت اخوى ماخذه بالعالى صح؟

بس ما بى اانبك او اسبب لك احباط ولكن كل تاخيره وفى خيره انشاء الله والسهم انشاء الله راح يصعد بس يتم عمليه التصحيح اللى عليه واللى راح يروح مثل ما قلت لك الى ال 320 ، ومن فضلك عزيزى لا تدش على اى سهم مره ثانيه الا لما تشوف الشارت ماله ارجوك وسامحنى لأنى اعتبرك اخوى.


موفق.

 

[wawnon]

wawnonشكرا جزيلا رسالتك رساله خاصه ارجو الرد علي

انشاء الله اخوى سهم سهم سهم سهم اسمك وايد طويل

راح ارد عليك حالا وما يصير خاطرك الا طيب.

 

[matrex-ku]

خونا العزيــز واو نون
الله يجزاك باالخيــر علي كل هاالمجهـــــود اللي تقوم فيــه
وسؤالي
المركز المالي شخباره ما اشوفله اي حس

 

[السوق الكويتي]

واو نون ...

جزاك الله خير وماقصرت ... لا والله ماشريته هالسهم .. بس كنت مراقبه لما شفت التداول اللي عليه ...

ومشكووور وماقصرت ... كنت شايف الشارت .. وحاولت احلله وافمه ... بس قلت اتأكد من ناس مثلك وشرواك لهم خبرتهم بالتحليل الفني ...

 

[wawnon]

خونا العزيــز واو نون
الله يجزاك باالخيــر علي كل هاالمجهـــــود اللي تقوم فيــه
وسؤالي
المركز المالي شخباره ما اشوفله اي حس

إنشاء الله اخوى وحاضر على امرك

اشلون ماله حس اكيد راح يصير له حس طالما انت فيه عزيزى وموفق

راح ارد عليك الحين حالا.

 

[wawnon]

المركز المالى

خونا العزيــز واو نون
الله يجزاك باالخيــر علي كل هاالمجهـــــود اللي تقوم فيــه
وسؤالي
المركز المالي شخباره ما اشوفله اي حس

عسى الله يخليك يارب اخوى ماتركس

وانشاء الله على امرك


المركز المالى

السهم جدا جدا قوى ومثل ما قلت بالسابق التوام مال الاستثمارات الوطنيه

والله انا اشوف انه السهم انهى تصحيحه فى 7 جلسات واشوفه لامس خط الدعم على الترند كما هو واضح عندك فى الشارت المرفق وانا وضعت دائره باللون الاحمر ومساله وقت وراح تشوفه انشاء الله فوق والهدف القادم انشاء الله كما فى الشارت المرفق عند ال 750 - 770

موفقين يارب ملاك السهم

 

[wawnon]

واو نون ...

جزاك الله خير وماقصرت ... لا والله ماشريته هالسهم .. بس كنت مراقبه لما شفت التداول اللي عليه ...

ومشكووور وماقصرت ... كنت شايف الشارت .. وحاولت احلله وافمه ... بس قلت اتأكد من ناس مثلك وشرواك لهم خبرتهم بالتحليل الفني ...

اجمعين حبيب قلبى السوق الكويتى

تمام انك رجعت الى الشارت قبل لاتدش على السهم وهذه افضل طريقه تحميك من الخساير وتوفر عليك الوقت فى سهم ثانى ، واذا ودك تدش على السهم انتظر عليه لما يروح الى القاع بعدين دش عليه بقلب قوى وهذا وعلى حسب قناعاتك من السهم وانا دائما ارفق الشارت وارفق الدعم والمقاومه عشان اخلى المستثمر بعد يشاركنى فى التحليل لكل الاسهم وما يدش على السهم الا اذا كان مقتنع بالكامل منه وهم افضل انه لو اخطات فى تحليل اى سهم انك تقولى ليش وعلى اى اساس كذا وكذا وهذا خطا وهذا صح.


موفق حبيبى .