اسهم مميزه وتحليلات مميزه

[wawnon]

إستكمالا للرد على اخوى انفرس 66


الدوليه للاجاره والاستثمار


الدعم الاول عند ال 440 والدعم الثانى عند ال 410
المقاومه الاولى عند ال 475 والمقاومه الثانيه عند ال 500


التعقيب:


السهم بعد ما لامس المقاومه عند ال 475 ارتد الى اسفل لجنى الارباح ورايح تقريبا الى ال 440 الدعم الاول وبعدها انشاء الله الارتداده وكما هو معتاد اذا كسر الدعم الاول معناه انه متجه الى الدعم الثانى ال 410 ، والمتوقع من الشارت انه راح يرتد من الدعم الاول انشاء الله.

موفقين.

 

[سناعيس]

مستر واو نون

حبيبنا الصيني سليل شوا جو جيك جو

بلا امر عليك شوف الزفره اللي عندنا قبل لا تطلع الريحه ويخيس السمك

وبطريقك مر علي المارينا مول قولت اخونا النفطي اللي ما يشتغل معانا بشركات البترول شوف اذا عندهم مكان نخزن سمكنا قبل ما يعفن

اعزك الله

 

[wawnon]

إستكمالا للرد على اخوى انفرس 66


أعيان


الدعم الاول عند ال 780 والدعم الثانى عند ال 750
المقاومه الاولى عند ال 850 والمقاومه الثانيه عند ال 870

التعقيب:


السهم بعد سبات عميق دام فوق العشره اسابيع على تقريبا سعر الدعم شكل الاسبوع الماضى شكل الرايه والتى تمثل وتنبأ عن صعوووود قادم قريب جدا وفرصه لاقتناء السهم وفى نفس الوقت لمن يملكون السهم وعازمين على بيعه لازم يتريثوا لأن السهم على وشك الصعود.

موفق..

 

[wawnon]

حبيبي wawnon

ليش ماتحاول تصغر الشارت عشان نقدر نشوفه زين

حبيبى والله معاند تامرنى امر وانشاء الله راح اصغره لك

انزين الشارتات اللى حطيتهم من شوى مناسبين؟

 

[wawnon]

الاخ واونون حبيت اسلم عليك وابارك لك على الترقيه الجديده وكل عام وانت بخير وتستاهل حبيب قلبي

هلا والله وسلمت عليك العافيه اخوى ابو ريم والله يبارك فيك انشاء الله ولك من كل الشكر والتقدير.

 

[wawnon]

مشكوووور اخويwawnon على الرد السريع
انا شاري كيه سبان ب415 فلس واليوم اقفل عند 390 الحد الادنى
هل تنصحني ابيع واوقف الخساره والا........
ومشكوووووور مره أخرى

ها شارى بالعالى وهذا اللى صار بعد بس والله هذا يبى منك قرار اخوى لأنه مساله البيع والشراء ما حد يتحملها غير صاحبها وانا لو قلت لك اغضب السهم يمكن يطول معاك فى الصعود ولو قلت لك بيع يمكن تخسر وايد وعموما حط حد للخساره تقريبا من 7 الى 8 % من راس المال اذا وصلهم السهم او انك تنطر الارتداده وتبيعه والحين انت عندك الشارت والدعم اللى السهم راح يرتد منه والمقاومه وانشاء الله بعد الارتداده عطنى خبر عشان احدد لك امتى تبيع وتطلع من السهم لو استقر رايك على انك تحتفظ بالسهم ونصحيه اخوى وسامحنى وتحملنى انا ادرى انك الحين على اعصابك بس نصيحه لا تدش على اى سهم الا بعد ما تشوف الشارت ماله وتعرف نقاط الدعم والمقاومه عشان تحدد دشتك على الشهم وفى نفس الوقت خروجك منه بامان وعليك بالاسهم ذات الاداء التشغيلى والله ما كوا افضل منها ولا امن منها وموفق اخوى.

 

[wawnon]

حبيبنا الصيني سليل شوا جو جيك جو

بلا امر عليك شوف الزفره اللي عندنا قبل لا تطلع الريحه ويخيس السمك

وبطريقك مر علي المارينا مول قولت اخونا النفطي اللي ما يشتغل معانا بشركات البترول شوف اذا عندهم مكان نخزن سمكنا قبل ما يعفن

اعزك الله

هلا والله سناعيس

بس هذه باى لغه التحيه وعموما وعليكم السلام والرحمه بالحبيب سناعيس

انشاء الله راح اشوفلك الاسماك بس بعد ريحتها ما اطلعت :d :d


الأسمااااااك


الدعم الاول عند ال 425 والدعم الثانى عند ال 415
المقاومه الاولى عند ال 440 والمقاومه الثانيه عند ال 445

التعقيب:

السهم حاليا ماخذ موجه صعووود فى ترند صاعد ضيق بين الدعم والمقاومه والهدف انشاء الله ال 500 ولكن السهم راح يصعدها بس صعودا ونزولا الى ان يصلها انشاء الله ويعنى نقدر نقول انه الفتره الجايه صعود الى ال 465 وبعدها نزله بسيطه جدا لجنى الارباح وبعدها الهدف انشاء الله ويستغرق الهدف تقريبا اقل من اربعه اسابيع انشاء الله وممكن تكون اسرع.

موفق.

 

[M3and]

حبيبى والله معاند تامرنى امر وانشاء الله راح اصغره لك

انزين الشارتات اللى حطيتهم من شوى مناسبين؟

هلا فيك

تسلم قلبي


شارت الدوليه للاجاره زززين حجمه خل الكل على هالحجم

ولك مني كل تقدير واحترام وتستاهل الترقيه واكثر بعد من اللي نشوفه منك من خدمه لاخوانك بالمنتدى واللي اهم من هذا حسن اسلوبك وردودك وسعه صدرك


تحياتي

 

[wawnon]

بيت الاستثمار الخليجى



الدعم الاول عند ال 500 والدعم الثانى عند ال 480
المقاومه الاولى عند ال 540 والمقاومه الثانيه عند ال 560

التعقيب:

بعد ما كان السهم ماخذ ترند صاعد من حوالى 8 اسابيع وجلوبل باع حصته بالكامل فيه السهم خرج عن مساره فى ترند افقى لمد خمسه اسابيع وبعدها اخذ يتجه ببطىء الى ترند آخر صاعد جديد وابشر من يملكه انه السهم متجه الان الى ال 580 فى زمن يستغرق من اسبوعين الى ثلاثه اسابيع والهدف القادم عند ال 550 ومن ثم سيعاود السهم النزول ليلامس الدعم الجديد عند ال 520 - 530 ومن ثم انطلاقه الى ان يتدرج ذهابا الى الهدف عند ال 580 والسهم جيد ما فيه شىء ولا يخوف.

موفقين.

 

[wawnon]

هلا فيك

تسلم قلبي


شارت الدوليه للاجاره زززين حجمه خل الكل على هالحجم

ولك مني كل تقدير واحترام وتستاهل الترقيه واكثر بعد من اللي نشوفه منك من خدمه لاخوانك بالمنتدى واللي اهم من هذا حسن اسلوبك وردودك وسعه صدرك


تحياتي

الله يسلمك حبيبى

انشاء الله راح اخلى المقاس على قد شارت الدوليه للاجاره من عيونى

ومشكور اخوى على كلامك المعسووووول.

 

[سناعيس]

هلا والله سناعيس

بس هذه باى لغه التحيه وعموما وعليكم السلام والرحمه بالحبيب سناعيس

انشاء الله راح اشوفلك الاسماك بس بعد ريحتها ما اطلعت :d :d


تحياتي لك بكل لغات العالم

 

[wawnon]

الدواجن





الدعم الاول عند ال 244 والدعم الثانى عند ال 240

المقاومه الاولى عند ال 255 والمقاومه الثانيه عند ال 265





التعقيب:



سهم الدواجن انهى التصحيح اللى عليه وداخل فى موجه صعود قادمه تحدد مصيره وتنقله نقله اخرى سعريه فوق ال 250 وانشاء الله رايحه على الفتره القادمه القليله اسبوع الى اسبوعين والهدف فى موجه الصعود هذه عند ال 270 - 280



موفقين.

 

[wawnon]

هلا والله سناعيس

بس هذه باى لغه التحيه وعموما وعليكم السلام والرحمه بالحبيب سناعيس

انشاء الله راح اشوفلك الاسماك بس بعد ريحتها ما اطلعت :d :d


تحياتي لك بكل لغات العالم

وبكل لغااااااات العالم اشكرك واتمنى لك التوفيق

الاسمااااك الحين اشلونها مو فريش؟؟؟؟

 

[wawnon]

المشااااااريع



الدعم الاول عند ال 385 والدعم الثانى عند ال 375
المقاومه الاولى عند ال 415 والمقاومه الثانيه عند ال 420


التعقيب:


سهم المشاريع اخذ ترند ضيق انا وضعته باللون الاصف كالشمس صاعد ومتجه الى ال 450 كهدف ولا بد ايضا من التذبذب ذهابا وايابا بين المقاومه والدعم حتى يصل الى هذا الهدف وتقدر تاخذ من الدعم وتبيع عند المقاومه فى كل مره طالما الشارت عندك وعارف نقاط الدعم والمقاومه واتوقع انشاء الله قبل ادراج الشوتايم فى بورصه لندن راح نشوف ماخذ ترند صعود الى الدينار بدون مبالغه يا جماعه والادراج على فكره على شهر مارس 2006 مهله اخيره اشترطتها بورصه لندن على المشاريع بعد ان اشترطت عليها من البدايه بأن تغير القيمه الدفتريه من ال 115 فلس الى ال 613 فلس لكى تكون مأهله للادراج هناك والمشاريع كان صعب عليها رفع القيمه الدفتره وخاصا انه المشاريع تملك مليار والنص تقريبا اسهم يعنى كميه ضخمه ولكى تصعد 5 فلوس شوف كم مليون تاخذ عشان ترفع او تنزل وبالنسبه للمشاريع عشان ترفع القميه الدفتريه لجأت الى رفع قيمه اصولها السوقيه فالبتالى ترتفع القيمه الدفتريه لها وطبعا الكل عارف اصول المشاريع ومن ضمنها

بنك الخليج المتحد
الخليج للتامين
الصناعات المتحده
الاسماك
الوطينه للاتصالات تقريبا فوق ال 30%
بنك برقان
رعد
وغيرهم سواء داخل الكويت او خارجها
وفعلا هذا السهم جدير بأن يقود السوق فى الفتره القادمه وستتذكرون هذا الكلام وستتذكرون سعر المشاريع فى الوقت الحالى كما فى ناس يتذكرون سعر المخازن من قبل ومقارنتها فى سعرها قبل لا تنزل هذه المره.

عموما عشان لا اطول عليكم

موفقين.

 

[مشهود]

مبروك أخوى ( واو نون )
على الترقية وتستاهل
وحبيت اشكرك على تعاونك وردك السريع على
أ خوانك فى المنتدى0

 

[kokoko]

eldeera please

 

[wawnon]

الأهليه للإستثمار


الدعم الاول عند ال 425 والدعم الثانى عند ال 400
المقاومه الاولى عند ال 465 والمقاومه الثانيه عند ال 485


التعقيب:


كثيرا ما اجد فى السوق ناس خايفين من السهم وبصراحه عندهم حق عشان نزلاته القشره ولكن سهم بصراحه قوى ومقبل على صعود ومشكل شكل الرايه اللى تمثل صعود قادم وشيك ونقله سعريه له جديده والهدف على المدى الطويل فى خلال سته اسابيع لن يقل عن ال 600 فلس انشاء الله ولكن دعونا ناخذه هدف بهدف باذن الله.

موفقين.

 

[kokoko]

any new news . شركة الإستثمارات الصناعية evrybody talking

 

[wawnon]

مبروك أخوى ( واو نون )
على الترقية وتستاهل
وحبيت اشكرك على تعاونك وردك السريع على
أ خوانك فى المنتدى0

الله يبارك فيك اخوى ولك منى كل التقدير والاحترام.

 

[wawnon]

eldeera please

عيونى

بس تصدق مو موجوده عندى فى البرنامج والظاهر الفايل الاخير اللى انا سحبته مال تحديث البيانات مال الميتاستوك حق اليوم الاربعاء فيه مشكله


عموما دزلى الشارت مال الدير صوره على هيئه JPG مكبره شوى وانا راح احللها لك على ما اصلح المشكله مال الفايل مال الديره وانا بنتظارك اخوى


وسامحنى غصب عنى والله.