{{{ جلسة تداول يوم الخميس الموافق 26 / 4/ 2012 }}}

[إبن الوليد]

صباح الخير

نصيحة لاعضاء بيتك

شوفولنا واحد نفس دبدوب. ربعنا بس شاطرين بنسف الغتر والماركة السيارة كشخة

واهم شي يكون الخبير اصلع لأنة كل مازادت الصلعة يطلع ذكي

شرط الارباح تدوبل. او اخذوني انا خبير. واشتغل بالمجان لله ولخدمة سمعة البنك

 

[husaam]

صبحكم الله بالخير يالشباب الطيبين الغالين
جزاك الله خيرا أخوي الغالي ابن الوليد على هذه الهمه العالية والنشاط المتميز في خدمة الشباب

في مشاركة لأحد الأخوة في صفحة أحد الشركات الموقوفه حالياً وكانت هذه المشاركة في عام 2010م وهي :

اخوي نصيحه بيع بيتكم
واشتر كثر ما تقدر من اسهم ...
واذا وصل 120 بدال البيت تشتري قصر​

أتخيل ان أحد أعضاء المنتدى أو الزوار شاف هذه التوصية ونفذها ،،،
تخيل حاله الآن وهو مشرد بين شقق الأجار ، ويبحث بين هالأراضي والعقارات المرتفعه والأسهم النازله والمتوقفه !!!
فارجو يا الأحبابي لو توصون على شيء أنكم لا تبالغون لأن في ناس اتصدق ، ولا حول ولا قوة إلا بالله العلي القدير

 

[عجبي]

اخواني الاعزاء
راقبوا السيولة وتركوا عنكم المؤشر السعري والوزني لان يتلاعبون فيه

 

[إبن الوليد]

هلا حسام

طبعا غلط التوصية بهذه الطريقة

ولكن. الاغلب لاتنطلي عليه هذه السوالف

مشكله العليمي حده يورطك. ههههه يقول انت قايل وانت وانت

زين انت ليش داش البورصة وتوهقنا بكثر غلطاتك

تعلم شي بسيط عن الشركات اقل شي


ماعلينا. خل نتابع. حسام ترى الغشم هم المحاظيظ اكسبرس ومرات يعفسونة وياخذون كل فلوسة

الله يكون بعونهم

 

[عجبي]

الحين الساعة 9.30 والسيولة ما شاء الله وصلت 7مليون تقريبا الخير قادم باذن الله

 

[إبن الوليد]

ياجماعة

ماشفتم بوبيان. دق يدق هرنات شاخط

ترى اانا ورابح قاعدين بالكرسي الخلفي بيب بيب
الله يوفقكم ويستر على التوصية اللي كل يوم اقول عن السهم هذا

طبعا هي صناعه رابح وانا اوصي بس التوصيه صح مانغش ابد اعوذ بالله

 

[alshammery]

اللى يقهر شركات يصير عليها اخبار سلبية مثل المعدات يوم كانت 50 فلس وقالو انها خسرانة 75% من راس المال وكنت بدش عليها ب50 والحين سعرها 188 وغيرها كثير من الشركات اخبار سلبية وتروح فوق منشات امس الاعلان يشكك فى استمراريتها ويومين مرتفعة سوقنا غريب مالة مثيل فى العالم

 

[عجبي]

بدا السوق يريح .. تهدئة اللعب وتسكين السوق لجولة اخرى وتقييم الوضع

 

[مجد 91]

ياجماعة

ماشفتم بوبيان. دق يدق هرنات شاخط

ترى اانا ورابح قاعدين بالكرسي الخلفي بيب بيب
الله يوفقكم ويستر على التوصية اللي كل يوم اقول عن السهم هذا

طبعا هي صناعه رابح وانا اوصي بس التوصيه صح مانغش ابد اعوذ بالله

الله يوفقه .. اما انا سهمي (سنام) راكب قاري ورافع توايره محلك سر

 

[إبن الوليد]

فندوش

شنو الفرق بينة وبين ابيار

موكلهم عقارات. فكر شوية وجاوب صح معانا جوائز ولازم تربح

ص متحدة اشفيها. نازله. اشدعوا. تتغلا واسنانها حلوه

 

[إبن الوليد]

المعدات تعب وهو يصعد

والان ريح وخروا عنة. والله اعلم شنو سالفته مع هذا الصعود

 

[Al_Zain]

ياجماعة

ماشفتم بوبيان. دق يدق هرنات شاخط

ترى اانا ورابح قاعدين بالكرسي الخلفي بيب بيب
الله يوفقكم ويستر على التوصية اللي كل يوم اقول عن السهم هذا

طبعا هي صناعه رابح وانا اوصي بس التوصيه صح مانغش ابد اعوذ بالله

يا هلا ويا غلا بابن الوليد الطيب

اليوم سويت تكتين بعارف طاقه الحمد لله رب العالمين

جهز نفسك للاسبوع القادم

 

[إبن الوليد]

اللي قاعد يصير جني ارباح مستحق. عل فلس والفلسين واكثر

مايعطون فجه ربعنا شاطرين وهلوعين

خل يلتقطون انفاسهم مايصبرون لازم يرجعون يشيلون من تحت في الاسعار

 

[Al_Zain]

الله يوفقه .. اما انا سهمي (سنام) راكب قاري ورافع توايره محلك سر

رفيق دربي فندوش

هذا سنام ذبحنا على 60 قوله يعرض كل كميته عشان نرتاح نفسيا ً ويفكنا شوف صانع السوق يطلب 40 الف على 60 خايف يقط عليه هههههههههههههه

 

[إبن الوليد]

اي اي يالزين ذبحك البيات الشتوي

حتى ويهك تغير. صار ينور

 

[Al_Zain]

اي اي يالزين ذبحك البيات الشتوي

حتى ويهك تغير. صار ينور

والله يا اخوي البيات الشتوي مرات يفيد

الله يفتحها علينا وعليك يا اخوي ويزدنا من خيره بالرزق الحلال

احبك والله يا ابن الوليد

 

[إبن الوليد]

وانا اكثر

طليت على عارف طاقه

لقيته اعلى سعر وصل له

 

[إبن الوليد]

بوبيان دق

طق بجر التاير الامامي

كله من رابح اقوله لف يمين. لف يسار ودعمنا رصيف

الحين نصلحه ونطلع الصعده. بأذن الله

 

[إبن الوليد]

ايوا انت ياصغير. ياادنك


وين رايح.

 

[Al_Zain]

ماشاء الله على رمال

الله يهني مساهمينه

شركة تفتح النفس