شركة الامتياز للاستثمار ... ( الامتياز ) .

[الراقي]

لو سمحت فهمنا كيف يكون سهم محمل بهالرقم اكبير من الخسارة وتناقص حقوق المساهمين ويكون سهم نظبف ويستحق الشراء ؟

الخسارة تم خصمها من حقوق المساهمين وعليه تم تنزيل القيمة الدفترية الى ١٥٠من٢٠٠فلس يعني موضوع الخسارة انتهى

 

[al7boob_77]

هذا اللي يبي يوصله مجلس الاداره اليديد ، يضرب عصفورين بحجر
يحرق الميزانيه بمخصصات مبالغ فيها على اصول الشركه فتبين خساير مهولة مثل اللي شفناها ويحملها ظهر المجلس السابق
وبعدين يعيد تقييم هالاصول مع تحسن مناخ الاستثمار عالميا واقليميا ويعلن عن ارباح قياسيه ينسبها لنفسه

انت كلامك صح بس وين اللى يفهمون ... الايام الجايه راح تبين الواقع

 

[الراقي]

جابر الشمري مالك خاطر تشتري في دانة ههههههه

 

[Ahmad-Leb]

صباح الخير شباب، شلون 50،000 سهم يعني

 

[الراقي]

صباح الخير شباب، شلون 50،000 سهم يعني

خمسين وبس يعني ٣٥٠٠ دينار تطلع التكلفة عليه بس علشان هو موظف لازم يعلنون في البورصة

 

[مضارب مستثمر]

ليش مسوي زحمه وعلان طيب اذا على ٥٠٠٠٠ الف سهم

 

[BOAHMAD]

شعليه جابر الشمري طلع اسمه باعلانات البورصه

اتوقع مصوره ومطرشه لكل شمّر واتس اب

 

[BOAHMAD]

ابي اسمي يطلع باعلانات البورصه شلون ؟؟؟

 

[jarrah_aam]

ابي اسمي يطلع باعلانات البورصه شلون ؟؟؟

جعلنا الله واياكم ممن تظهر اساميهم وينادون "ادخلوا الجنة لا خوف عليكم ولا أنتم تحزنون "

 

[بوشيخة]

أمين

 

[مطلق الشمري]

آآآآآآآآآآآآآآآآآمين

 

[BOAHMAD]

جعلنا الله واياكم ممن تظهر اساميهم وينادون "ادخلوا الجنة لا خوف عليكم ولا أنتم تحزنون "

امين

جزاك الله خير

 

[مضارب مستثمر]

آمين

جزاك الله خير

 

[بوورصجي]

ابي اسمي يطلع باعلانات البورصه شلون ؟؟؟

هذي قوانين الهيئه اللي بيعدلون السوق فيها من ضمن شروط عقد التداول الموحد ان اي عميل يرتبط بعلاقه مع احد اعضاء مجلس ادارة الشركة او موظف بنفس الشركة ويرغب بشراء اسهم لازم يعلن عن شراء كميته

 

[بوشيخة]

الامتياز تتألق
75 فلس

 

[بوخالد66]

شعليه جابر الشمري طلع اسمه باعلانات البورصه

اتوقع مصوره ومطرشه لكل شمّر واتس اب

صبحكم الله بالخير ,,,, صج كويتيين زاهبين حق الطنازه والله ضحكتونى هههههههههههههههههههههههههههههههههههههههههههههههههههههه

 

[raay]

ليش مسوي زحمه وعلان طيب اذا على ٥٠٠٠٠ الف سهم

خمسين وبس يعني ٣٥٠٠ دينار تطلع التكلفة عليه بس علشان هو موظف لازم يعلنون في البورصة

كم شركه مدرجه ........ ولا واحد اشترى الا الاخ الشمري (((غريبه))) ولا واحد تداول غيره تداول
ترى الناس تشتغل باسامي نسايبهم وعيال عمهم علشان ما ينشر اسمهم

الظاهر يستحون مدير وهالله هالله.. ويفضح نفسه يشتري ب ١٠٠٠ دينار
لاحول ولا قوه الا بالله

 

[jamal5]

البنوك واهي البنوك لما اخذت مخصصات لم تأخذها بهذا الشكل وانما على سنوات

العبرة مما سبق هو بسعر السهم السوقي اذا كان الهدف تنظيف الميزانية من باب الاحتياط فلامانع كما ان المجلس لن يضع في جيبه فلسا واحدا . والسعر اللدفتري 150 ف كما قرأت لذا هناك احتمال كبير بأن يكون سعر السهم مغر للشراء وان شاء الله نراه يعود الى 130ف

 

[الراقي]

والله ماأملك ولاسهم في هذي الشركة ولكن عندي توصية من المعلم الكبير اشتر ونام عليهم راح يتغير الوضع بعد الربع الاول حتى اخر السنة والله يرزق الجميع

 

[NICK]

يعلن سوق الكويت للأوراق المالية بأن هيئة اسواق المال وافقت بتاريخ 2-4-2014 على طلب شركة مجموعة الامتياز الاستثمارية (الامتياز) بشراء او بيع ما لا يتجاوز 10% من اسهمها وذلك لمدة ستة اشهر من تاريخ منح الموافقة مع مراعاة الا يتجاوز مبلغ الشراء مبلغ مصادر التمويل المتاحة في حقوق الملكية وذلك وفقا لمواد القانون رقم 7 لسنة 2010 ولائحته التنفيذية والقرارات والشروط المنظمة لذلك من الجهات الرقابية.