شركة الامتياز للاستثمار ... ( الامتياز ) .

[Abo hany]

محزن و مخيف ليش جذي واضح ان الشركة عندها اصول قوية شنو السبب اللي خلاها توصل الى هالحال حسبي الله على اللي يلعب في فلوس الناس ممكن احد يعطينا تصور مبدأي بعد هذا البيع

مساكم الله بالخير ياجماعة الخير في نقطه لازم نوضحها للناس اللي تقرأ في المنتدي بالنسبه لشركة الامتياز ان الاسباب تري من عصابه كانت تدير الشركة واستولو علي 250 مليون دينار من اموالها بالسرقه وحولوها الي غسيل اموال الي دوله اخري وعن طريق شركة وهم معروفين مايجوز نحمل الخساره والمسئوليه الرئيس الحالي والاعضاء الموجودين حالياً الحق حق انا مستثمر بالشركة ثلاث سنوات وخسران ‎%‎50 هذي مصيبه بالنسبه للخسران وماله غير الصبر

 

[Abo hany]

السلام عليكم انا ماسك السهم من ٢٠١٧… فوق ال ٨ سنين مع السهم…حزتها سعره كان فوق ال ١٦٠ متابع السهم عن كثب من هالفتره. الفتره الحاليه جدا حرجه الله يستر

والله يا اخ محمد انا متفائل بالسهم الي اسعار فوق خياليه باذن الله بس تنتهي تنفيذ هذي ام 26 مليون وقضية ال113 مليون بتاريخ 5/27 ونشوف السهم باسعار ممتازه بس تبي صبر مينا عقاريه العام ب30 فلس السنه ب360 فلس كذلك سهم يونيكاب من 70 فلس الي 370 فلس خلال سنه الصبر زين

 

[Brook]

المهم أن اللي متعلق يحاول يصبر لين يرد لأسعار معقولة ما يطلع بخسارة نص او ثلثي راس ماله

 

[ali-22]

السؤال المهم :
1 - خسائر الشركة 4 مليون راح يتم اطفائها من الاحتياطي وبالتالي حقوق المساهمين راح تقل راح تصير 140 مليون
2 - تسييل اسهم الشركة لاجل سداد مديونيه 27 مليون دينار يعتبر خساره محققه لازم تبين فى الميزانيه وبالتالي حقوق المساهمي راح تقل راح تصير 113 مليون
3 - وراهم قضية ومطالبات ب 113 مليون دينار
* راسمال الشركة 113 مليون
شبقه من الشركة !!!!
يا ريت احد يفيدنا

 

[Bursa2016]

يا اخوان ان شاء الله الوضع ما يكون بهالمأساويه
لعل تكون امتياز او طرف ذو صله هو من اشترى تلك الاصول، ولو تلاحظون ان الاصل الوحيد اللي انباع بسعر معقول (300 فلس) هي شركة المجد الغذائيه ويقال ان شركة يونيكاب دخلت ع خط المزايده واشترت شركة المجد الغذائيه
وان شاء الله السهم ما يكسر الدعم القوي عند 43 فلس
والله اعلم

امتياز
الوضع معقد نوعا ما:
-امتياز لم تأخذ اي مخصصات لتلك الدعوى
-المديونيه 25.5 مليون لكن عند شطب هذه الاصول من الميزانيه كم كانت تلك الاصول مقيمه بالميزانيه وبالتالي المتوقع ان تعلن خساره اكبر من 25.5 مليون
-كنت متوقع ان تدخل امتياز المزاد وتشتري جزء من اصولها خصوصا ان لديها كاش يقارب ال 11 مليون، لكنها لم تشتري اي من تلك الاصول في المزاد حسب علمي حتى الان ( من اشترى واعلن هم يونيكاب والاستهلاكيه وبيت الاستثمار) وبالتالي حتى لو تمكنت من ادانة زبيد بغسيل الاموال واسترجعت كل المبالغ كيف ستسترجع الاصول

اسئله لا املك اجابه مؤكده عليها

 

[الأشعف]

مساكم الله بالخير ياجماعة الخير في نقطه لازم نوضحها للناس اللي تقرأ في المنتدي بالنسبه لشركة الامتياز ان الاسباب تري من عصابه كانت تدير الشركة واستولو علي 250 مليون دينار من اموالها بالسرقه وحولوها الي غسيل اموال الي دوله اخري وعن طريق شركة وهم معروفين مايجوز نحمل الخساره والمسئوليه الرئيس الحالي والاعضاء الموجودين حالياً الحق حق انا مستثمر بالشركة ثلاث سنوات وخسران ‎%‎50 هذي مصيبه بالنسبه للخسران وماله غير الصبر

شلون تنسرق 250 مليون معنى كلامك في اي وقت ممكن تنسرق اي شركة ربحانه ومدرجة في البورصة ورأس مالها بالملاين والرئيس الحالي ما يدري ان الشركة مسروقه ليش يستلم الشركة من العصابة على قولتك وشيبي في شركة مسروقة وخسرانة