شركة الامتياز للاستثمار ... ( الامتياز ) .

[اسهم خالد]

التداول العالي على الامتياز تحت الضغط مؤشر قوي على انطلاقته في الفترة القادمة باذن الله

 

[اسهم خالد]

الامتياز مشمولة بالترقية قبل الازمة ضغط متعمد والان لا تخاف منه سيعاود للقمة الي هبط وباذن الله يخترقها مجرد الصبر سلوك التداول على السهم شئ وارباحه وتوزيعته وملائته الماليه شئ اخر.

 

[اسهم خالد]

امسك سهمك لبلوغ النهاية كمستثمر

 

[جبل سنام]

اخوي خالد السلام عليك انا بعرف شي واحد يوجد بياع علي السهم بسعر 79 و 75 وقاعد يصرف بالملايين الحين منو الللي قاعد يبيع بالسهم ويبي يطلع منه وظاقط السهم تحت ( منو هذا البياع ) ؟ وبعدين الامتياز انت تقول بشهر مايو راح يدخل الترقية من وين يبت هالخبر ؟؟؟ تري جريدة الراي حاطه هالخبر ترشيح من عندهم وليس موقع البورصة الرسمي !!!

 

[اسهم خالد]

وعليكم السلام ورحمة الله
لا يوجد بياع قوي الي ضاغط على السهم ويبيع بالنازل هم صغار المساهمين قفز سريع للتخارج تحت عامل الضغط ويستغل بالضغط اكثر في الطلب من يتابع حركة التداول يلاحظ ذلك ،المحلل عبدالعزيز الحبيل نشر جدول قبل فترة للشركات المشمولة وموضح فيه ومتوقع السيولة التي ستدخل عليها ومن ضمنهم الامتياز .

 

[جبل سنام]

الله يهداك شوف يوم الاثنين قبل اقفال السوق قط 1000000 بسعر 75 فلس وماكان معروض اصلا واليوم هم الساعة 9.44 تقريبا قط مليون بسعر 79 فلس وتقولي صغر المساهمين لا انا اختلف معاك في بياع علي السهم !!!! وبعد الحبيل قايل بدش الترقية من وين هالخبر وشنو مصادره !!! الله يعافيك نبي مصدر رسمي !!!

 

[اسهم خالد]

اخوي الكريم هذا الي قط مليون خوف الانهيار له سبب والا ما تخارج وغيره ٧٩ اليوم والله اعلم بخسارته الله يعوضهم والجميع انا اوضح حالة السهم مع صغار المساهمين هم يزيد الضغط عليه في التداول
البيع القوي والتدهور اذا تتابعت الكميات الكبيره

 

[جبل سنام]

اخوي خالد سهم الامتياز لا شك سهم زين وممسوك لاكن في عليه بياع شرس واتوقع يمكن والله اعلم راح ينزل لان احس ان صاير علي ( كسر عظم ) ،،، سهم من نزل البورصة 2011 اعلي سعر وصل اليه 210 تقريبا يوم باع نسبة في هيومن وبعدها رجع الي خانة 110 الي 144 فقط يعني مو قادر يكمل صعود السهم اتوقع فيه مشكلة بين الزبيدي ومجلس الادارة الحالي الاثنين رافعين قضايا علي بعض !!! والضحية احنا المساهمين ،،،،

 

[بيانو6]

السلام عليكم ورحمة الله
لأول مره أشارك بالصفحه هذي وسبب مشاركتي للرد
علي الأخ خالد اخوي خالد بالنسبه للإستثمار أنا أفضل
الإستثمار بالبنوك واسهم الإتصالات أما السهم هذا
مسألة انه ممسوك ونظيف شوفة عينك السهم نزل ٥٠٪؜
وانت توصي عليه وهو بخانة ١٢٠ اذا مو أكثر نفترض
عندي ٢٠ الف سهم بسعر ٢٥٠٠ والان سعرهم ١٢٠٠
شنو تفيدني التوزيعات يمكن يعطوني ٢٠٠ دينار طيب
وباقي الخساره متي اعوضها لو افترضنا السنه الجايه
ما وزع بالشكل هذا خسران مع احترامي لك،،،
استثمار البنوك للشيبان اللي ما يتابعون الشاشه وكل
سنه يستلم ارباح واستثمار الثاني هو للشباب اللي
مثلنا ياخذ السهم بالقاع ومع مرور الوقت يوصل للقمه
ووصوله للقمه اذا صادف وقت التوزيعات ياخذ التوزيعه
ويبيع السهم ويرد يسترده ثاني مره من تحت ويستثمر
فيه مده لا تقل عن ٦ اشهر اما سهم حتي لو كان بنك
ينزل فيني ٥٠٪؜ كما حصل فيه بيتك وغيره من الاسهم
بالنهايه خساره مع كل احترامي وتقديري لك

 

[اسهم خالد]

الله يوفقك والجميع
كل متداول في السوق له اسلوب تعامل كمستثمر او مضارب وباذن الله منكم نستفيد

 

[اسهم خالد]

https://twitter.com/i/web/status/1228397343051014146

 

[جبل سنام]

اخوي خالد هذي الشركات اللي يتكلم عنها الحبيل يقول (متوقع ومستهدفه ) مو شي رسمي ،،، رجاءا كل الرجاء لا تندفع وحاول تركز بالكلام المكتوب عدل علشان الاخوان بالصفحة يركزون بالكلام ،،، اما تقولي الحبيل يقول ان راح تدخل الامتياز الترقية شهر مايو ،،، مافي شي رسمي هذا كل تنبأت فقط !!! تحياتي لك

 

[جبل سنام]

وبالنسبة للامتياز كان تداول يوم الخميس جدا ضعيف وشكله تصريف ،،،، حتي صانع سوقه مو قادر يرفعة 1 فلس ،،، انا اشوف صعبه يرجع الي 130 خلال هالسنة

 

[اسهم خالد]

طبب باذن الله الله يوفقنا جميع
ممكن مع نمو الربع الاول 2020
يتخطى 130 السهم كاستثمار طيب

https://twitter.com/i/web/status/1240489184386863106

 

[السعد محمد]

مقارانات للتوضيح .
اذا اشتريت الامتياز ب بسعر 81.1 فلس اليوم ومتوقع انه يوصل الى 120 فلس ... كانك اشتريت التالي :

كانك اشتريت بيتك ب 571 فلس ومنتظره يوصل 845 فلس
او اشتريت بنك وربة ب 180 فلس ومنتظره يوصل 266 فلس
او اشتريت اجلتي ب 470 فلس ومنتظره يوصل 695 فلس

 

[اسهم خالد]

لا تستغرب من هبوط السهم الى 81 الهبوط عام خسارة ورقية لا تمثل ملاءة السهم ومكانته التاريخية
استغلها بعض الملاك برفع الكميات طالع الامور بنظرة واقعية والهدف الذي تتطلع له لابد تمر على مطبات قبل وصوله هذا حال الاسواق والظفر مع الصبر كمستثمر
باذن الله

 

[اسهم خالد]

اذا طالعت كميات كبيرة تتخارج الغالب تدوير لسهم كارتداد اسرع للتعويض وليس كما تظن لعدم ثقتهم في الامتياز تخارجوا مع تقديرهم وحققوا عوائد طيبة سابقا من التوزيعات ممكن اصبح متوسط السعر منها للسعرالحالي قد يكون التخارج الى بيتك للحوافز القادم عليها او من بيتك للامتياز للسعر الفرصة الان وعائد من التوزيعة اكبر كل متعامل في السوق له اسلوب تعامل يتحوط به لرأس المال

 

[جبل سنام]

مقارانات للتوضيح .
اذا اشتريت الامتياز ب بسعر 81.1 فلس اليوم ومتوقع انه يوصل الى 120 فلس ... كانك اشتريت التالي :

كانك اشتريت بيتك ب 571 فلس ومنتظره يوصل 845 فلس
او اشتريت بنك وربة ب 180 فلس ومنتظره يوصل 266 فلس
او اشتريت اجلتي ب 470 فلس ومنتظره يوصل 695 فلس

بصراحة اعجبني ردك اخوي السعد محمد اشلون هالشغلة كانت غايبة عنا طول المدة ☝️

 

[جبل سنام]

الطريق بعيد ( درب التبانه )

 

[اسهم خالد]

توزيع الارباح مع افصاح الربع الاول بات قريب