شركة السلام القابضة ( السلام ) ........ 2

[le souvage]

عاش السلام
نبيك بالمقدمه بقوه

 

[adel8877]

مسابق
بين ( السلام - المدينه - هيتس )
منو يتصدر المجموعه من حيث السعر

وشنو وضع اكتتاب . صارت خارج القروب ؟ ليش ما تفاعل معاهم ؟

 

[le souvage]

وشنو وضع اكتتاب . صارت خارج القروب ؟ ليش ما تفاعل معاهم ؟

هذا الجعص تبع القروب
راكب سوبر جمس 78 ولاحقهم
بس الكبريتر مكربن ويقطع

 

[adel8877]

هذا الجعص تبع القروب
راكب سوبر جمس 78 ولاحقهم
بس الكبريتر مكربن ويقطع

لا يكون مواجهه مطبات هوائية ؟
مشكور على الرد .

 

[le souvage]

لا يكون مواجهه مطبات هوائية ؟
مشكور على الرد .

كان عنده دعم 52 واكسره
ألحين صار مقاومه يبيله بلدوزر لكسر المقاومه
تداول عالي مع ربعه والله أعلم

 

[Bursa2016]

يا شباب هذي صفحة السلام
خلونا مستانسين لا تكدرونا باكتتاب

اتغشمر خذو راحتكم
ع العموم القروب هو اللي راح يقود البورصه الى 7600 بعد اختراق ال 7100 باذن الله

 

[الراقي]

يا شباب هذي صفحة السلام
خلونا مستانسين لا تكدرونا باكتتاب

اتغشمر خذو راحتكم
ع العموم القروب هو اللي راح يقود البورصه الى 7600 بعد اختراق ال 7100 باذن الله

في واحد قبل كم يوم بايع هذي المجموعة واليوم شكلة اشترى مرة ثانية

 

[Bursa2016]

في واحد قبل كم يوم بايع هذي المجموعة واليوم شكلة اشترى مرة ثانية

انت؟

 

[le souvage]

يا شباب هذي صفحة السلام
خلونا مستانسين لا تكدرونا باكتتاب

اتغشمر خذو راحتكم
ع العموم القروب هو اللي راح يقود البورصه الى 7600 بعد اختراق ال 7100 باذن الله

تم السموحه آخر مره
بس اكتتاب مو كدر راح تشوفه بعيونك

 

[le souvage]

مطول يالحبيب بالضغط !

 

[ابوناصر2]

تداول سيئ واضح انهم امركزين عالمدينه وتاركين باقي القروب

 

[Bursa2016]

الله العالم يبون يشوفون المؤشر مكمل ارتفاع ولا لأ
واتوقع انهم ينتظرون اختراق 7100

 

[blog-master]

الله العالم يبون يشوفون المؤشر مكمل ارتفاع ولا لأ
واتوقع انهم ينتظرون اختراق 7100

الله يعطيك العافية ، واضح تركيزهم على المدينة وتاركين البقية أتمنى السلام تكون من ضمن أهدافهم قريبا برجاء تزويدنا بتحديث جديد لمعرفة الدعم والمقاومة وعلى أي سعر بالضبط البيع في حال كسر الدعم مع جزيل الشكر لشخصك الكريم وجهودك الواضحة في المنتدى ولا قصور في باقي الاخوة الأعزاء .

 

[واحدمليون]

مجرد رأي وتحليل / يبدو لي أن سياسة صانع السهم تغيرت والسبب هو ادراج السهم في ثلاث اسوق وأرتباط حركتهم السعرية يعني الحركة اصبحت أثقل من قبل بكثير لازم يتحرك في نفس نطاق السعر في كل الاسواق .
وهذا يعرض السهم للمسائلة والافصاح والسبب في الارتفاع والهبوط .
! اسهم المجموعة قريبه منه واعلى ! !

 

[bader__7]

يجيب الله خير ان شاء الله...

 

[Bursa2016]

الله يعطيك العافية ، واضح تركيزهم على المدينة وتاركين البقية أتمنى السلام تكون من ضمن أهدافهم قريبا برجاء تزويدنا بتحديث جديد لمعرفة الدعم والمقاومة وعلى أي سعر بالضبط البيع في حال كسر الدعم مع جزيل الشكر لشخصك الكريم وجهودك الواضحة في المنتدى ولا قصور في باقي الاخوة الأعزاء .

هلا بالغالي وشاكرلك ثقتك وان شاء الله نكون عند حسن الظن
متابعه للسهم

-بحمدالله السهم اموره طيبه جدا واكد واسس ع مستوى الدعم 59-60 اكثر من مره ، وهو الان فوق جميع المتوسطات ما عدا متوسط 10 يوم
-المقاومه اصبحت عند مستويات 63-64 حاول يخترقها اكثر من مره ما قدر
-مؤشراته خف تضخمها وهذا جيد
- السهم ما دام انه فوق مستويات 59-60 فأموره جدا طيبه ، والسلبيه تبدأ بكسر هذه المستويات
- مقاومات 64 و 67 و 69-70 ثم يغرد السهم
- دعومات 59 و 49 و 44 تحتها خروج والله اعلم
- بخصوص حركته مع المدينه انا اشوف ان السهم اكثر اسهم المجموعه تناغما مع حركة المدينه
- التصرف العملي:
1-اذا اخترق المقاومه 64 احط ايدي ع الزناد(وضع استعداد) عند 67 اخترقها بقوه وما عبرها انتقل للمقاومه التاليه الاقوى عند 70 واحط امر البيع اذا اخترقها باقفال يومين ارد ادخل مره ثانيه (چذي اكون متأكد ان بيكمل المشوار وما يضرني فوات فلسين او 3) ثم انتظره عند المقاومه العظيمه 95 (ع الشهري)
2- اذا كسر الدعم ع 59 باقفال يومين حط رجلك وانتظره عند 49 واحط ايدي ع الزناد(وضع استعداد) ارتد منها اقفال يومين ارد ادخل(چذي وفرت ع نفسك خساره 6-7 فلوس) ، ما عبر ال 49 وكسرها انتظره عند 44 واحط امر شرا ، اذا عطاني وكمل نزول اشوحه (چذي وفرت ع نفسي 12-13 فلس خساره من سعر 59) والله اعلم
- طبعا عين ع السهم وعين ع المؤشر واذا لابس نظاره احسن تصير دبل، ليش العين الثانيه ع المؤشر، لأن سهمنا الحلو وقروبه يسمونهم اسهم المؤشر(مع الخيل يا شقرا) وما عنده اي محفزات اخرى وبالتالي في حالة الصعود او النزول السريع القوي للمؤشر ما انتظر اقفال السهم ليومين (كما ذكرت اعلاه في الصعود او النزول) اتصرف بلحظتها
وسامحنا ع الاطاله

 

[Bursa2016]

طبعا الكلام اللي تحت فقرة التصرف العملي هذي يسمونها استرتيجية التعامل مع السهم في حالة الصعود او النزول
هناك استراتيجية اخرى وهي استراتيجية شيبانا الله يعطيهم طولة العمر وحسن العمل وهي كالتالي:
السهم نظيف ما عليه خساير ولا تخفيض راس مال ولا انسحاب ما ابيعه لو يروح تحت ال 20 فلس ، والهدف لين 100 فلس(مثلا) وكل اسبوع عشر ايام يلقي نظره وهكذا (بيني وبينك بعض المرات تنفع ويا كثر ما ضحك علي الوالد)

 

[Bursa2016]

ع الطاري:
العام شريت مبرد ب 80 ووصيت الوالد عليه وشرى معاي عقبها وزع 5 افلاس ارباح وعينك ما تشوف الا النور وينزل السهم لين 60 فلس(طبعا الوالد يعطيك النظره اياها يعني ورطتنا)
المهم وفقا لاستراتيجيتي بعت السهم ب 59 وطبعا وصيت الوالد يبيع (ايضا عطاك النظره اياها) وما باع
السهم اذا ماني غلطان كمل نزول ل الاربعينات وانا امشي داق الريشه واقول للوالد ... قايلك (طبعا يعطيك النظره اياها)
وبالنهايه وفقا لاستراتيجيته قبل امس باع ع 86 (ويعطيك النظره اياها وچان ينتف الريشه) وسلامتك

 

[adel8877]

ع الطاري:
العام شريت مبرد ب 80 ووصيت الوالد عليه وشرى معاي عقبها وزع 5 افلاس ارباح وعينك ما تشوف الا النور وينزل السهم لين 60 فلس(طبعا الوالد يعطيك النظره اياها يعني ورطتنا)
المهم وفقا لاستراتيجيتي بعت السهم ب 59 وطبعا وصيت الوالد يبيع (ايضا عطاك النظره اياها) وما باع
السهم اذا ماني غلطان كمل نزول ل الاربعينات وانا امشي داق الريشه واقول للوالد ... قايلك (طبعا يعطيك النظره اياها)
وبالنهايه وفقا لاستراتيجيته قبل امس باع ع 86 (ويعطيك النظره اياها وچان ينتف الريشه) وسلامتك

يعطيك العافية لو لو عندي نفس استراجية الوالد كان اصبحت لورد . كل الاسهم اللي ارتفعت كانت عندي وبعتها على نفس سعر الشراء وانزل بقليل .

 

[سوق الاوراق]

السلام عليكم
هذه الشركة محبوبتي ..... ولكن لم استطيع شراء السهم بوقت التنزيلات ............... !!!!!!!
اول مرة يطوفني السهم بهذا الشكل ...... لان هذه هي الشركة التي تبيض الذهب ،.،،،،،،،
مو معنى ذلك باني اقول بانها شركة نظيفة او حقيقية او اهلها ناس .... لا ثم لا ... لاني اقول دائما الشخص النظيف نظيف .... بس امانة لله الشركة تستحق المجازفة الخطرة عند اسعا ر التنزيلات ..........