الشركه الخليجية للإستثمار البترولي (( بتروجلف )) ...... 2

[أبو عمر]

بوعمر الله يرحم والديك
عملية ان ينزلون السهم دون سعر الاكتتاب وبعدين يرفعونه تتوقع چم تاخذ وقت
وشكرا

ووالديك ان شاء الله
مجرد توقع أخوي ممكن ما يحصل !
حاليا ما يقدر يكسر ال100 فلس طالما الاكتتاب ما انتهى والسهم واقف حاليا على دعم رئيسي وموشراته مبالغه بالبيع وراح نشوف له ارتداد بالتداول القادم ان شاء الله .
عموما السهم طيب وراح نشوف له ارتفاعات جيده ان شاء الله مستقبلاً .
والله اعلم

 

[fwaz70]

بوعمر
الله يرزقك الرزق الحلال المبارك من حيث تحتسب ومن حيث لا تحتسب

 

[سوق الاوراق]

بويوسف
اعنقادي الاكتتاب غير مجدي
راح ينزلون السهم الى مادون سعر الاكتتاب بعد انتهائه ويخلون اللي اكتتب يقط وبعدين يرفعون السهم
والله اعلم

السلام عليكم
هلا اخوي بوعمر ..... سلاح ذو حدين ،،، وما يحس فيه الا اللي يملك السهم حاليا قاعد يضرب اسداس باخماس هل يدخل معاهم بزيادة راس المال او لا ....
حيرة ما بعدها حيرة ....
ما نقدر نقول لهم شي والقرار قرارهم .... لان ما يندرى شنو عندهم وهل راح يطبقون قاعدة السوق اكتتب ثم تلقى سهمك اقل من سعر الاكتتاب بوايد .. او هل عندهم مصداقية او خبر او شي ما .....
بالنسبة لي فضلت الخروج بربح لاني حسيت مثل ماقلت يابوعمر بان الاكتتاب غير مجدي ... وليش اجازف الانتظار افضل بس المساكين اللي شارين السهم بالعالي شنو راح يسون مع الشركات المعفنة والادارات الفاشلة وصناع السوق الاغبياء .... هل يعقل اللي قاعد يصير ؟ الواحد يشترى السهم وينتظر ليحقق ارباح بعد توزيع الارباح يخسر ... ماذا نطلق على هذه العملية ؟؟؟ الواحد يشتري السهم ويدخل بزيادة راس المال وبعد فترة بسيطة جدا يحصل السهم بنصف قيمة الاكتتاب ..... شنو نسمي هذه الطريقة ؟؟؟
علشان جذي قلت عنهم اغبياء وفشلة ... الخ ....

 

[حمـش]

نقاط خلوها في بالكم وكل واحد حر بقراره :
1- وخر عن السهم إللي عليه زيادة رأس المال .
2- إنحش من السهم إللي فيه تخفيض راس المال .
3- لا تنتظر التوزيعات السنوية لإستلامها ، إجني ربحك وانطره بعد التفسيخة لو بغيت ترجع للسهم .

 

[fwaz70]

يا بوعمر ويا سوق الاوراق والله حرام اللي قاعد يصير بالكويت فساد مستشري على جميع الاصعده من اسكان وصحه وتعليم ومنها البورصه ولا في حسيب ولا رقيب ولا في من يهش ولا ينش والمسئولين في البلد ما بين محرك للفساد وما بين ساكت عن الحق ورسولنا الكريم عندما سئل هل نهلك وفينا الصالحون قال نعم اذا كثر الخبث، ليس هناك مجتمع فاضل ليس فيه فاسدون انما يمنعون ويؤخذ ع ايديهم
الكويتين ضجوا وما راح يستحملون اكثر والوضع لا يمكن ان يستمر چذي لمده طويله والله يحفظنا ويحفظ ديرتنا من المفسدين واصحاب المصالح الخاصه
اما بخصوص السهم فيعلم ما دخلت عليه طمعان بزيادة راس المال لاني تلجمت من المجموعة الدوليه وملاكها لما قلت بس لكن اللي خلاني ادخل ع السهم هو استحواذ ملاك جدد ع مجلس ادارة المجموعه الدوليه قلنا يمكن تصير فزه في الشركات التابعه والحمدلله ع كل حال
ودمتم

 

[أبو عمر]

بوعمر
الله يرزقك الرزق الحلال المبارك من حيث تحتسب ومن حيث لا تحتسب

جزاك الله خير ولك مثل دعوتك بارك الله فيك

السلام عليكم
هلا اخوي بوعمر ..... سلاح ذو حدين ،،، وما يحس فيه الا اللي يملك السهم حاليا قاعد يضرب اسداس باخماس هل يدخل معاهم بزيادة راس المال او لا ....
حيرة ما بعدها حيرة ....
ما نقدر نقول لهم شي والقرار قرارهم .... لان ما يندرى شنو عندهم وهل راح يطبقون قاعدة السوق اكتتب ثم تلقى سهمك اقل من سعر الاكتتاب بوايد .. او هل عندهم مصداقية او خبر او شي ما .....
بالنسبة لي فضلت الخروج بربح لاني حسيت مثل ماقلت يابوعمر بان الاكتتاب غير مجدي ... وليش اجازف الانتظار افضل بس المساكين اللي شارين السهم بالعالي شنو راح يسون مع الشركات المعفنة والادارات الفاشلة وصناع السوق الاغبياء .... هل يعقل اللي قاعد يصير ؟ الواحد يشترى السهم وينتظر ليحقق ارباح بعد توزيع الارباح يخسر ... ماذا نطلق على هذه العملية ؟؟؟ الواحد يشتري السهم ويدخل بزيادة راس المال وبعد فترة بسيطة جدا يحصل السهم بنصف قيمة الاكتتاب ..... شنو نسمي هذه الطريقة ؟؟؟
علشان جذي قلت عنهم اغبياء وفشلة ... الخ ....

كلامك صحيح بو يوسف
بصفه عامه هالسهم راح يكون وراه خير وصعود طيب ان شاء الله ( من منطلق تحليل فني )
والله اعلم

 

[السعد محمد]

زيادة راس المال نفس الضربة القاضية للمستثمر بالسهم

اذا ما تبيع بخسارة راس ناخذ منك فلوس فوق الخسارة

 

[سوق الاوراق]

زيادة راس المال نفس الضربة القاضية للمستثمر بالسهم

اذا ما تبيع بخسارة راس ناخذ منك فلوس فوق الخسارة

السلام عليكم
المفروض زيادة راس المال من صالح المستثمر بالشركة ....... بس اللي قاعد يصير عندنا العكس بالضبط ... المستثمر عندنا بس يدفع واقبض من دبش .

 

[رابح رابح]

الاخوان الكرام اللي عنده معلومه ينورني جزاه الله خير علشان التأكيد ... انا قريت خبر بس نسيت وين واذكر اني قرأته قبل استدعاء زيادة راس المال وهو :
(( ان الشركة ستقوم باستخدام زيادة راس المال لشراء اصول من الشركات التابعة للمجموعه ))

 

[السعد محمد]

2008 تم زايدة راس المال

وعينك ما تشوف الا النور .... تدربح على راسه من 800 الى 60 فلس

 

[سوق الاوراق]

الاخوان الكرام اللي عنده معلومه ينورني جزاه الله خير علشان التأكيد ... انا قريت خبر بس نسيت وين واذكر اني قرأته قبل استدعاء زيادة راس المال وهو :
(( ان الشركة ستقوم باستخدام زيادة راس المال لشراء اصول من الشركات التابعة للمجموعه ))

السلام عليكم
ما اعتقد بان الخبر بهذه الصيغة ... المري قال للتوسع في اعمالها .....
بمكن تشتري اصول الشركات التابعة .... وهنا الخطورة الحقيقية لان ستستخدم تلك الزبادة باستثمارات خسرانة لانقاذ الشركات التابعة ....

 

[سوق الاوراق]

السلام عليكم
الشركة على المحك .... واثبات حسن النية واثبات تحسن الاوضاع واثبات قدرة الادارة باستخدام زيادة راس المال بالاماكن الصحيحة واثبات بان هذه الزيادة مو لعبة او سرقة اخرى .... واكتساب ثقة المستثمرين بالسهم بالمحافظة على سعر السهم فوق سعر الاكتتاب بعد انتهاء فترة الاكتتاب والسنوات القادمة .....
مايصير وما يجور الناس تكتتب بسعر ١٠٠ فلس وبعد اسابيع او عدة اشهر السهم باقل من سعر الاكتتاب ....
المهم بترو عندهم شي خاشينه ....... شنو هذا الشي ؟
مجرد احساس فقط مو معلومة اوخبر اكيد .... لاتشترون السهم بناء على هذا الكلام .... قبل ما تشوفون توجهاته السعرية بعد الاكتتاب وتشوفون ارباح الربع الثالث ... الخ
من الامور اللي تحفظ اموالكم من الضياع ......
بترو عندهم الحين مشكلتين ....... المجموعة الدولية ... وجراند .
وعندهم استثمارات بترولية بكل من مصر واندونيسيا والعراق والسودان والامارات ..... المشكلة كل تلك الاستثمارات بترولية .... والحين احنا عصر البترول والطاقة واسعارها تسيل لها اللعاب ...مع ذلك كل تلك الاستثمارات صفر على الشمال .والدليل لم تحقق ارباح منذ سنوات وسعر السهم اقل من ٥٠ فلس ،،، اذا لم تحقق تلك الاستثمارات ارباح خيالية وقت الطفرة متى اذنا تحقق ارباح ؟؟؟؟؟؟؟
راح يلعبون الجماعة لعبة حقل سيرام او كي دي سي للبترول او حفارهم الشهير او لعبة المجموعة الدولية وجراند او مجموعة ...... لرقع السهم ،،،،،،،، في شي بالطريج .

 

[LONG TERM]

اقفال تحت 100 لاكثر من يومي .... شوته

 

[رابح رابح]

السلام عليكم
ما اعتقد بان الخبر بهذه الصيغة ... المري قال للتوسع في اعمالها .....
بمكن تشتري اصول الشركات التابعة .... وهنا الخطورة الحقيقية لان ستستخدم تلك الزبادة باستثمارات خسرانة لانقاذ الشركات التابعة ....

شكرا اخوي سوق الاوراق على الرد ولكن انا قريت بأحد الصحف شي يشبه الكلام اللي ذكرته لكن وما اذكر وين
وعموما كلامك صحيح لان الشراء الذي حدث بالمستثمرون قد يكون ناتج عن وجود نيه لجعل بتروجلف حصان طرواده لانقاذ جزء من المجموعه وبعد ذلك تخفيض راس مال الشركات الاخرى واعادتهم للتداول وخاصة المستثمرون لان المجموعه قامت بعد الانهيار بنقل العديد من الاصول المهمه من شركة جراند الى المستثمرون
ولان بتروجلف هي الشركة الوحيده التي لديها القدره على ذلك خاصة بعد زيادة راس المال

 

[LONG TERM]

في حاله كسره ال 100 لاسمح الله ..

الدعم 60 ... ثم قريب 50


الامان باقفال فوق 130 فلس

والله اعلم

 

[سوق الاوراق]

في حاله كسره ال 100 لاسمح الله ..

الدعم 60 ... ثم قريب 50


الامان باقفال فوق 130 فلس

والله اعلم


مشاهدة المرفق 216875

السلام عليكم
شكرا لك اخوي لونق تيرم على الشارت .. وتوضيح نقاط الدعم والمقاومة حق ملاك السهم الحاليين ....
بالنسبة لي ناطر فرصة الدخول ... حسب الشارت السهم له اهداف دنيا تخرع .
نبي رايك الفني البحت هل فعلا ممكن نشوف تلك الاهداف لا سمح الله لاي سبب من الاسباب ؟
والواحد فعلا يتمنى بان يحصل السهم بتلك الاسعار ... مع ذلك ما اتمنى ابدا بان هذا السيناريو يحصل .
شكرا لك

 

[بوشيخة]

المجموعه الدوليه ومجلس الاداره الجديد والذي كان ضد زيادة رأس المال !
ماذا سيفعل ؟
يجب السيطره على جميع الشركات التابعه وتوضيح للماهمين حال الشركات ووضعها المادي

 

[LONG TERM]

السلام عليكم
شكرا لك اخوي لونق تيرم على الشارت .. وتوضيح نقاط الدعم والمقاومة حق ملاك السهم الحاليين ....
بالنسبة لي ناطر فرصة الدخول ... حسب الشارت السهم له اهداف دنيا تخرع .
نبي رايك الفني البحت هل فعلا ممكن نشوف تلك الاهداف لا سمح الله لاي سبب من الاسباب ؟
والواحد فعلا يتمنى بان يحصل السهم بتلك الاسعار ... مع ذلك ما اتمنى ابدا بان هذا السيناريو يحصل .
شكرا لك

السوق فيه نزول متوقع 200- نقطه

الشكل الفني للسهم سيء + يتداول تحت المتوسطات

اتوقع نشوف 60 فلس

والله اعلم

 

[أبو عمر]

ووالديك ان شاء الله
مجرد توقع أخوي ممكن ما يحصل !
حاليا ما يقدر يكسر ال100 فلس طالما الاكتتاب ما انتهى والسهم واقف حاليا على دعم رئيسي وموشراته مبالغه بالبيع وراح نشوف له ارتداد بالتداول القادم ان شاء الله .
عموما السهم طيب وراح نشوف له ارتفاعات جيده ان شاء الله مستقبلاً .
والله اعلم

مبروك ،، مطلوب حد اعلى

 

[fwaz70]

مشكور بوعمر ما قصرت وان شاء الله يكمل للاعلى