من ٢٠٠٧ وانا اشوف المصطلحات التالية:-
- العوائل الفلانيه تتحكم بالسوق
- فلان اشترا وفلان باع
- فلان اختلف مع فلان يعني السوق بينزل
- السهم لازم يصعد لان عنده خبر ايجابي والعكس
- المحفظة الوطنية راح ترفع السوق
وعلى مدى ٥ سنين اقتنعت ان هالكلام اهو الصح !
إلى أن صادفت محلل (محمد الخباز) بداية ٢٠١٣ .. شخص تعب على نفسه ودرس وصرف مبالغ مو سهلة عشان يتعلم التحليل الفني .. يسافر لمحللين عالميين عشان يستفيد منهم .. واكتشفت ان اللي كل اللي انزرع بمخي غلط بغلط (النقاط اللي كتبتها فوق) !!
عشان احط دليل آخر .. في محللة امريكية تحلل السوق الكويتي في بداية صعوده .. اذكر كانت تحط اهداف الصعود وبعز الصعود حذرت وقالت حالياً السوق بحاجة للتصحيح والسوق كان فووق !! احد يقنعني انها تدري عن مسيرة كرامة وطن وحكم المحكمة الدستورية؟ احد يقولي انها تدري عن محاكمة مسلم البراك والمعارضة!!؟
محمد الخباز والمحللة الامريكية يقولون محد يتحكم بالسوق !! ما تهمهم الاخبار والاشاعات اثناء التحليل .. التحليل الفني يعني بعيد عن القيل والقال .. رئيس دولة مات - زلزال - تاجر حاشه شد عضلي - رطوبة ... الخ كله كلام فاضي بالنسبة للتحليل الفني !
توضيح لنقطة ثانية .. اذا السهم يمشي حسب الاخبار .. (الاهلي المتحد وتمدين استثمارية وتمدين عقارية) ليش اسهمهم ما تأثروا ايجابياً والسبب صفقاتهم وارباحهم؟!؟
اكتتاب دشت عليهم ٩ ملايين دينار وتم تغطية كمية الاكتتاب بالكامل وسعر السهم بالسوق تحت الـ ١٠٠ فلس ومع هذا السهم ما ارتفع ومازلنا ننتظر !!
اذا التحليل الفني يقول السهم يصعد .. يعني راح يصعد والعكس !!
لا الشمالي يقدر يرفع لنا السهم ولا غيره
واللي يقول اليوم الشمالي صرف علينا عشان عنده مصاريف حملته الانتخابية .. هل تقنعني ان واحد نفس الشمالي محتاج يبيع اسهمه علينا؟؟ شوف سيرته الذاتية وانت تعرف انه شبعان ومو قاصره فلوس عشان يصرف علينا .. طبعا هالكلام حق اللي مقتنع ان السوق تحت ايد فلان وعلان
السلام عليكم
هلا اخوي member مع ان كلامك بالبداية خوش كلام بس بالنهاية خربتها ......
مثال بسيط ( التحليل الفني يقول قبل توقيف سهم المدينة السهم صاعد وبقوة بس بعد ٩٠ يوم السهم عكس اتجاهه ونزل !!!!؟؟؟؟؟
مثال ثاني .... سهم السلام بعد تداول يوم الخنيس الماضي يقول السهم صاعد وبقوة واليوم كلنا شفنا السهم وارتباطه مع القروب !!!!؟؟؟؟
مثال ثالث اليوم سهم المنشآت وادنك والمنازل صاعدين والتحليل الفني بعد اغلاق ولا بعد من يوم الثلاثاء الماضي تلم الاسهم سلبية بس اصعدو !!!!؟؟؟
لماذا ؟؟؟؟
لان اللي يتحكم بالسهم مو التحليل ولا الاخبار ولا الارباح ولا هم يحزنون لان من وضع التحليل مثلي مثلك واذا يبي يطبقه يطبقه واذا ماله نية يكشت بالتحليل ويعيطيه طاف من قلب... الشمالي مثال اخر من وين له كل تلك الخير والخيرات بالوقت الحالي ؟؟؟؟؟ وين راحت ملايين تلك الشركات ؟؟؟؟ مو بس الشمالي كل الكبار اللي بالسوق شلون صارو ملياديرية ؟؟؟؟؟؟ على بالك من جيب اهلهم لايبا لو يقعدون ما يطلعون مليارات الا اذ طبقو النظريات الاقتصادية بالمعكوس لان هم اللي يحددون مسار النظريات .... وعلى كيفهم شنو علبالك التحليل يطبق نفسه بنفسه .....
عشان تتضح الصورة هناك شركات ذهب بس اسعارها اسعار تنك لا تظريات ولا تحليل ولا ارباح ولا عقود ترفعها ولا تنطبق عليها ابدا الا اذا يبون يرفعونها على حسب مزاجهم وبكيفهم مو بكيف التحليل ولا بكيف المستثمرين ولا بكيف السوق ولا العقود ..... سهم ديناري ما يسوي فلس لا ارباح ولا هم يحزنون الحين فوق الدينار تقدر تقولي شلون !!!!؟؟؟؟ وسهم عنده ارباح وعقود ولا عندهم ديوناو مشاكل فوق ١٠٠ فلس تقدر تقولي شلون ....
لا حد يقص عليك او يفر مخك ويقولك تحليل او ارباح الخ اذا يبون يرفعون يرفعون وهنا يطبقون فيلم الارباح والعقود .... الخ
كل ما في الامر انت وحظك يل ينطبق عليك التحليل او المزاج وهو اللي يتحكمون بكل شي وبكل صغيرة وكبيرة وباتفاق مسبق .... علشان جذي تشوف السوق مثل يصعد مع بعض او ينزل مع بعض مع بعض الاستثناءات للخداع سوقنا سوق مقسم وكل واحد ياخذ دوره على حسب حاجته ......
