بيت الاستثمار الخليجي ش.م.ك.مقفلة ( الخليجي ) ... 5

[نصوح]

الله ياخذك من سهم
سهم عفن صج
امس كل الاسهم حد اعلى وانت بس طلعت فلسين
واليوم حد ادنى
ماأقول إلا انت سهم إبن ------ وإبن ----- وإبن ------- وابن --------- وابن ------- إي ألحين ارتحت شوي بردت على قلبي المشتعل والله

وسع بالك يا الغالي ،،، الدنيا ما تسوى
رزقك أذا مكتوب لك تأخذه تأخذه وأذا مومقسوم لك
لو تطامرررررررر سنين ما يجيك
خل توكلك على الله وهو الرزاق
عيل لو أقول لك أخوك العبد الفقير ألى الله دش وياك
يوم الخميس بالسهم ،،،، أكيد راح تنحاش ،،، هههههه
الله يوفقك وتدبل فلوسك وتشتري الأرض وتبني بعد
وتعزم كل الربع بالديوانية

 

[الثقه]

ارتداد تصريفي بحاجه الى سيوله اكبر للارتفاع

 

[الثقه]

السهم حاليا سلبي واتمنى من خارج السرب الانتظار على الاقل شهر للتضح الرؤيه

 

[الثقه]

الهدف المتوقع
حال كسر 60
45 فلس

 

[نصوح]

السهم حاليا سلبي واتمنى من خارج السرب الانتظار على الاقل شهر للتضح الرؤيه

على أي أساس أخوي حكمت على أنه أرتداد تصريفي
أنا مرتين طلبت 5000 سهم على 61 بطلعة الروح
قط علي وخاصة في منتصف التداول
خل نشوف محللينا الأكارم بارك الله فيهم

 

[الثقه]

نعم نعم اخي نصوح
61 دعم قوي وقوي جدا ولكن كسره غير مستحب اطلاقا وهو الان على خط البولنجر
وممكن الارتداد باي لحظه وصولا بالرقم 76 كسره نراه على مشارف ال80

 

[الثقه]

كسر 60 يومين فخروج

 

[الثقه]

كسر ال60 خروج وعلى حسب السوق وهذا مااخشاه

 

[سرور]

برايي الشخصي السوق تشبع نزول وسعر61 ممتاز
لأن بين معاي أكثر من سهم انهم يجمعون للانطلاق والله اعلم

 

[الثقه]

هى من الاسهم المرشحه صعودا بيوم الاحد
والاثنين بأذن الله
اما لو
نزل لغاية وكسر 60 فخروج من السهم .

 

[السعد محمد]

الثقة ثقة

 

[نواخذة الكويت]

اللي قال نصيحتة ولا رأيه جزاه اللي خير ... بس لا يصرر على كلامة ويفرضة على الناس لان السوق مو ناقص ناس اتشيير

 

[Albaghdadi]

هى من الاسهم المرشحه صعودا بيوم الاحد
والاثنين بأذن الله
اما لو
نزل لغاية وكسر 60 فخروج من السهم .

عفوا وال 55 ؟؟ على الاسبوع هو متوسط ال 25 و فيبو 38 .. انت حاسب فيبو على اليومي ؟؟ اغلاق تحت 61 خروج ؟؟ اتمنى توضيح وجهة نظرك علشان تعم الفائده ..

وجهة نظري المتواضعه تداول تحت 63 واغلاق تحتها يوديه الى 61 55 53 .. للي يبي يضارب يفكر ويحسبها .. واللي يبي يستثمر ان شاء الله اموره طيبه بوجهة نظري .. اعادة جدولة الشركة وترتيبها اوضاعها الماليه يجب ان له اثر كبير على الشركة وخاصه على المدى البعيد بعد اعادة جدولة القروض ل 5 سنوات قادمه .. والله تعالى اعلم

 

[أبو عمر]

السلام عليكم
تابع الترندات واختراقها أو كسرها على الأسبوعي
الاستمرار في الايجابيه باختراق 66 والتداول فوقها ، لكن 67 مقاومه متوسط متحرك 200 يوم (مو سهله اذا مؤشر السوق هابط ! )
الاسبوع القادم كسر 63 والاغلاق تحتها يودينا 58 وكسرها خروج
لاحظ نموذج دبل توب ( Adam & Eve ) ، ان تحقق هدفه 48 بالاضافه الى نموذج Big M السلبي .
والله اعلم

 

[9اوربيه]

وسع بالك يا الغالي ،،، الدنيا ما تسوى
رزقك أذا مكتوب لك تأخذه تأخذه وأذا مومقسوم لك
لو تطامرررررررر سنين ما يجيك
خل توكلك على الله وهو الرزاق
عيل لو أقول لك أخوك العبد الفقير ألى الله دش وياك
يوم الخميس بالسهم ،،،، أكيد راح تنحاش ،،، هههههه
الله يوفقك وتدبل فلوسك وتشتري الأرض وتبني بعد
وتعزم كل الربع بالديوانية

مشكور اخوي على النصيحه الغاليه على قلبي
بس والله خسارتي قويه اقل من سبوع فوق ال15 ألف دينار والله هذولا شقا عمري
ولكن الكلام الطيب منك ومن اخواني الاعضاء تخفف الألم علي
ما اقول إلا الله يحفظك من كل مكروه ويرزقك انت وجميع الاحبه من حيث لا تدري يا الغالي

 

[الثقه]

السهم معرض للارتداد وذلك للدعم الحديدي واي كسر خروج مثل ما تفضل الاستاذ ابوعمر وللثقه في تحليلاته
يرجى الانتظار واتوقع ارتداد
ولكن ان كسر الدعم فيذهب لخانة الخمسينات للتجميع
وان كسر 53 فخروج صريح

 

[الثقه]

عفوا
57 كسره
خروج صريح

 

[9اوربيه]

ليش ياخوي الثقه تحاول تحبطنا بكل الطرق خاف ربك ترى إحنا مو ناقصين خساير أكثر من جذي
بس إن شاء الله ،الله يعطيك على نيتك

 

[الثقه]

الله يعوضك يا9 اوربيه وبدال الخساره 15 الف مقابلهم 150 الف بظرف شهر
ماادري اذا كنت متذكرني انت بوبحار ولا لا
لانك بيوم سألتني علخاص السنه اللي مضت عن سهم بتروجلف وكنت قلق وقلتلك لاتستعجل بالبيع
انا اعطيك طريقه حلوه
بعد ماتمشي من دوار البدع اول فتحه يمين اتدش صوب البحر ومسوين ساحه جديده لنك
تروح عند هذي الساحه وتكتب سهمك 15 الف مره
وبعد ماتخلص تقولها 15 الف مره
وبعدها بعد ماتخلص ترمي ورقه ورقه
بالبحر
وهااا مااوصيك ان غلطت ترجع وتعيد مره ثانيه
والجو الان طيب والغبار خلص
والهوا تارس
ولا اقولك صل على النبي الامين
وتنحل الامور
والله يباركلك برزقك وعيالك ويثبتك بالايمان بالقول والعمل الصالح
اصبر عليه وتشوف اللي يسرك ولاتنظر للسهم شهر
ولك مني اجمل تحيه عطره .

 

[الثقه]

اقسم بالله وانا صادق يا 9 اوربيه لو تبي اعوضلك خسارتك حاضر واشتري منك بنفس راس مالك حتى العموله علي
على هلخشم ولا يضيق صدرك