موقع بيتك للتداول مو شغال

[scsi7000]

اكستريم شن....نبي برنامج بديل

 

[afatah]

بعد النجاح الساحق لتجربة أكستريم نرجو تعميمه علي بقية شركات التداول

 

[بومشاري@]

السلام عليكم
اخواني انا الحين كلمت موظف بيتك للتداول الفاشل _____يقول ماكو حل
اذا فيه طريقة لرفع قضية يرجي من لديه خبره تزويدنا فيها لاني تضررت كثيرا منهم
واي واحد تضرر رجاء ينضم ونتخذ الاجراءات الكفيلة بتعويضنا
ودمتم

 

[بومشاري@]

شباب ماهو احسن برنامج تداول اسلامي غير بيتك الفاشل

 

[fahad78]

السلام عليكم
اخواني انا الحين كلمت موظف بيتك للتداول الفاشل _____يقول ماكو حل
اذا فيه طريقة لرفع قضية يرجي من لديه خبره تزويدنا فيها لاني تضررت كثيرا منهم
واي واحد تضرر رجاء ينضم ونتخذ الاجراءات الكفيلة بتعويضنا
ودمتم

انا معاك

ياليت الاخ رحالي يفيدنا بجدوى رفع القضيه

 

[متدرب أصيل]

فهمونا يا جماعة شنو الإكستريم
مرة دقيت عليهم يقولي يمكن الماوس عندك مو شغال
اليوم أقوله بيعلي أنت من عندك يقولي ما أقدر ..... شنو اللي صاير

 

[fahad78]

فهمونا يا جماعة شنو الإكستريم
مرة دقيت عليهم يقولي يمكن الماوس عندك مو شغال
اليوم أقوله بيعلي أنت من عندك يقولي ما أقدر ..... شنو اللي صاير

الل
اللي صاير نظام حظه من اشهر ومو شغال!!
مثل جثة الميت يرقعونه بمكياج
اذا السوق يرتفع يعلق وتضيع الفرص
اذا نزل يعلق وتعلق معاه بخساير

والسبب تطويير!!

حتى البروكريه يرد عليك ببرود يقول والله مابيدي شي

 

[بومشاري@]

لا اليوم يقولي جيب جهازك يمكن فيه شي !!!!
خلصت كل الاعذار
جان يقول ماكو حل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
اللي يفيدنا ياشباب عن القضية لايبخل علينا
علي العموم انا صورت بالفيديو من اول ماافتح البرنامج خطوة خطوة والتعليقات اللي صايره فيه

 

[alligator]

اي والله يا جماعه شوفولنا برنامج تداول اسلامي غير بيتك الزفت المطين للتداول

.......... عليهم و ......... على سستمهم

 

[alligator]

اول ما تصلت فيهم الصبح قالولي التعليق من سستم البورصه ما يقبل الاوامر وبعد مراجعة بعض اللي اعرفهم ويتداولون عن طريق برامج اخرى قالولي شغال عندنا حلااااوه رديت اتصلت على موظف بيتك الزفت وقلت له يا اخي ليش الكذب وتحميل اخطاءكم للغير انتو اصلا ما عندكم مصداقيه وهم بعد تزيدون الطين بله تبلعم وما عرف يرد قلت بس هالمسكين المغلوب على امره ماله ذنب اسبه واسب ابو اللي خلفوه سكت وبلعتها لان الشرهه واللي يستاهل السب اهو المسؤول العود اللي مسؤول عن هالشغله اللي ما يدري عن هوا داره لابوه لابو اللي حطه يلعب بحلال الناس بهالطريقه القذره الوصخه
مع احترامي لجميع الاعضاء المحترمين بس من زود ما فيني من حره والله

 

[fuhrer]

انا تضررت بعد
كانت الطلبات بالحد الاعلى على انوفست
ما قدرت ابيع
اتصلت عليه
قال عندنا مشكله بالاوامر
قلت طيب حطلي امر من عندك
قال حتى من عندي ما يصير السستم كله معلق
ومن الحد الاعلى طاح واخر شي صار مرتفع طقتين

 

[للعقل كلمة]

fuher

وأنا معاك نفس السالفة ونفس السهم وبعته ب 60 فلس والحمد الله على كل حال

أما الشكوى تعال سين وجيم وحوسة وآخرتها ما فى دليل

خلوها على الله

 

[fuhrer]

للعقل كلمة

الله يعوض عليك وعلى الشباب وعليي
بس شلون قدرت تبيع
انا للساعه ١٢١٠ وانا احاول

 

[اياباخ]

اخواني هم مش مهتمين للامر يقولون الشباب متحمسين ويبون الشرعي وماراح يتركونا
اقول في تداول بوبيان والاهلي المتحد
او اي شركة اخرى انا ماني عارف سبب تمسكم فيهم
اخواني حدد الاسهم الشرعية وخلاص ما يطلع عندك غيرهم
والعمولة وحده
ترى لاجين روحكم بروحكم
اخواني الي اعرفه ان السيستم للبنك كله في مشكلة
حتى البنك العادي عنده مشكله
المشكلة يعرفونها
وهي البرنامج وللعلم برنامجهم من اغلى البرامج في السوق
ولكن مش اجودها وتعرفون ليش
لا حبتك عيني
اخواني شكلوا لجنة تروح تناقشهم اذى انتوا مصيرين عليهم

 

[حفار قبور]

وعسى أن تكرهوا شيئا وهو خير لكم

 

[ودي ومتردد]

كنت عارض المدينه على ٦٨ بس كان معلق البرنامج

والا كان بعته واسترديته ٦٤ لكن ماهي مكتوبه

 

[ajeeb]

على الجميع الالتزام
نجاح تجربة نظام التداول الآلي الجديد

​

اجرت كل الاطراف العاملة في سوق الكويت للأوراق المالية اختبارا شاملا على نظم التداول الآلي الجديد، وشاركت فيه المقاصة والبورصة والوسطاء، واجري الاختبار على التداول النقدي والأجل والبيوع. وتمت التجربة كاملة من دون اي عيوب او مشاكل، وينتظر الوسطاء اليوم التقرير النهائي بناء على كشوفات المقاصة حتى يتم التأكد من سلامة التجربة. مصدر اشار الى ان الكثير من الملاحظات والثغرات السابقة عولجت وامور تشغيل «السيستم» في الاتجاه الصحيح بحسب التجربة التي تمت الا ان الحكم النهائي عليها سيتم اليوم. ونفت مصادر البورصة وجود أي مشاكل، مشيرة الى ان الجميع متوافق على نجاح النظام.


المقصود بالكويت في حال وجود تصريح مثل هذا
العكس تماما

 

[Kaubar]

دلوني على برنامج غيره اسلامي
شنو اكستريم

 

[بومشاري@]

شباب الموقع موشغال عندي
وتلفونهم عطلان
احد عنده معلومه عن الخلل

 

[wa7dany]

صبحكم الله بالخير الجميع.. شباب بس بغيت أسأل الله يجزاكم خير.. صارلي 3 أيام ماني قادر حتى أشبك على بيتك للتداول.. مجرد الشبك مو قاعد يقبلني مو بس قبول أوامر البيع والشراء.. هل الجميع يعاني من نفش المشكلة ولا الأمر له علاقة بحسابي الشخصي؟