شورو علي بأحسن بنك للتداول من خلال النت

[scsi7000]

لا بعد كم يوم طلبت اشتري 40 الف سهم علق لغيت العمليه و اخبرني انها تمت رحت اعطيت امر ثاني علشان اشتري 40 الف فتمت العمليه دخلت على المحفظه ولا هو شاري لي 80 الف.......و بعد ساعات تكون كمية السهم مبيوعه لكن هو يعرضلك انها موجوده

 

[ADEL ALAZMI]

انا في خدمه الوطني كابيتال .. والصراحه سيئه بالفتره الاخيره وبطي بالاوامر

والصفحه تعلق ..

 

[بدر 25]

جزاك الله خير ياالعازمي ماقصرت علي تنبيهك

 

[بدر 25]

الشركة الوطنية للوساطة المالية

شباب إلي جربها خل يعطينا رايه فيها

وشنو أكثر المشكل إلي تصادفه معاهم

 

[علي يحيي]

الوطنية للوساطه المالية

البداله ممتازه لكن تلفوناتهم قديمه وعطلانه
لمن يحولك على الضجيج صار لي اسبوع مايردون
وتوصلت بعد اسبوع الى بروكري بالغصب
قال لي تلفوناتنا قديمه وعطلانه

موظفينهم قله وهم البروكر

كان عندهم واحد اسمه مشعل عباس

هذا الشخص ما شاء الله عليه اذا كلمته يرد روحك

ما ادري وين راح وبروكراتهم مالهم خلقك

ثانيا برنامجهم اللى في الكمبيوتر ممتاز لا كلام عليه
لكن الان طلع الايفون

تمام

نزلوا برنامج لللايفون لكنه فاشل ادخل الباسورد ويوزر نيم
لمن اضغط دخول يفصل البرنامج
رحت لهم بالبورصه علشان يشغلونه ما شغلوه

الان طريقة التداول بالجيل الجديد وهو الايفون

انتظرنا برنامجهم على الايفون وطلع فاشل

شفت برنامج الاتحاد ما شاء الله عليه

لهذا بحول على الاتحاد

عن قريب جدا