(( أنثـرْ احسَـآسّك وعَلَمَنِيْ صَمَتُكْ ))

[الوحيد 1974]

احساس الوحيد :



صعب اوصف احساس عاشق
لكن اكيد اقدر احس باحساسه

راح اشرحه .. لما تحب وانت صادق
وتعطي حبيبك روحك وتحس بنظراته

 

[مهرة بلا فارس]

صعب اوصف احساس عاشق
لكن اكيد اقدر احس باحساسه

راح اشرحه .. لما تحب وانت صادق
وتعطي حبيبك روحك وتحس بنظراته

ولو يطلب حياتك تعطيه ماتكون منافق
وتفديه بنفسك لأن همك راحته بحياته

ويوم يحزن ويكون حيل متضايق
تضم قلبه وتخفف عنه ضيقاته

ويوم يبكي وهو بدموعه غارق
تمسح دموعه وتاخذ كل آلامه

ويوم يمرض والتعب كثير خانق
تسهر عشانه وتدعي الله يخفف ابتلائه

ويوم يضحك ويكون بالحيل رايق
تبتسم دنياك وتحس بفرحته وضحكاته

هذا حالي معاه بحبه انا غارق
واللي قلته حالتي بكل لحظاته

عشانه حبي اتحدى كل عائق
ولايقدر انسان يبعدني عن خطواته

أنا أحبه وكل كلمه من كلامي فيها واثق
واتبعه ودايم معه مثل ظلاله

 

[الوحيد 1974]

انتي شنو ............

 

[قلم حر]

الـيا زان جوك والـمطر لاحت بـروقه
ودك تـشـوف الـلـي تـحـبـه وتـغـلـيـه

ومن بينكم دووه بـهـا الـنـار مشبوبه
وجهك بـوجهه والكدر صعب تـطـريه


​

 

[away1979]

أغليكـِ من قلبي.. ولآأقدر { أنسآكـِ !
ذكركـ يحركـ كل الآحسآس فيني..
إنت دخلت "القلب" و "القلب" { أغلآكـ
مقدر آكآبر ولآأخفي حنيني..”
​

 

[Low Fat]

ااااااه ياقلبي ابدعت ​

ربي يسلم قلبك أوي نتعلم منك ياذوق
​

..

... _ _ ... _ _ ... _ _ ... _ _ ... _ _ ...


صدقيني قلبي يحـكي لك حـقيقه
صــدقيني ما أرى غيرك ملاك

من أجـل وصلك باتخذ أيّة طريقه
ما أبالـي لو طريقـي لك هلاك

بعدك ولا غيابك على نفسي ما أطيقه
كيف أجاهد روح تشقى من غلاك


شرع الخـطا يا زين عم الخلـيقه
وإن هفا شوقي معك أبغى رضاك

يا زمان اللوم احـرق لي وثيـقه
طيــها دستــور بظلمه وطاك

منهو فينا أو في البشر ما نشف ريقه
كـم قيل عـنهم الشقي هذا وذاك

الشك من طبعك وباحساسك رقيقه
مقبولة عندي ولو هذا عطــــاك

روحـي تنادي لك بصرخة غريقه
يا مغرقتها لـيش عيني ما تراك


... _ _ ... _ _ ... _ _ ... _ _ ... _ _ ...
​

.​

 

[إبن الوليد]

الله الله كل واحد ناثر احساسة

وانا ليش ماانثر احساسي ،، اشمعنا قلم واشباب ينثرون وانا لا ​

حرام ظلم ابي انثر احساسي وفني​

 

[قلم حر]

ظل مره ولا ظل حيطه <<< الحين جذيه صح !

http://s790.vuclip.com/6e/74/6e7493...e74_w_2.3gp?c=110584962&u=1337936915&s=BNJnGF

​

 

[العاشق]

للمتزوجين فقط
العزوبيه لا

http://s790.vuclip.com/6e/74/6e7493...e74_w_2.3gp?c=110584962&u=1337936915&s=BNJnGF

​

هههههههههههههههههههههههههههههههههههه

بل بل ياااهالبطه تركظ جنها غزال


قلم حطها قاعده تحط للمتزوجين فقط يدشون العزوبيه
تحط للبنات فقط يدشون الشباب
تحط للرجال فقط يدشون البنات

تحط ممنوع الدخول يقلب الموضوع سوق الجمعه ​

 

[قلم حر]

هههههههههههههههههههههههههههههههههههه

بل بل ياااهالبطه تركظ جنها غزال


قلم حطها قاعده تحط للمتزوجين فقط يدشون العزوبيه
تحط للبنات فقط يدشون الشباب
تحط للرجال فقط يدشون البنات

تحط ممنوع الدخول يقلب الموضوع سوق الجمعه ​

انا كتبت للمتزوجين عشان ما اسد نفس العزوبيه عن الزواج


​

 

[قلم حر]

هالعضو لو عندنا من أول مشاركه مميز
ما فيني شده اعابل مع بابي ومامي

http://www.youtube.com/watch?v=R98wDDMOHr4&feature=youtube_gdata_player

​

 

[إبن الوليد]

انا كتبت للمتزوجين عشان ما اسد نفس العزوبيه عن الزواج
​

البطه هذه الله اعلم قبل كانت متسابقه في الالعاب الاولمبيه

حاولت ادورها باليوتيوت مالقيتها

بس يوم انطلقت وراه مثل الصاروخ ههههه الرجال فقد عقله من الخوف​

 

[قلم حر]

البطه هذه الله اعلم قبل كانت متسابقه في الالعاب الاولمبيه

حاولت ادورها باليوتيوت مالقيتها

بس يوم انطلقت وراه مثل الصاروخ ههههه الرجال فقد عقله من الخوف​

يمكن تلعب مثل هذا

http://s980.vuclip.com/e0/dd/e0ddf0...dd_w_3.3gp?c=32041516&u=797302649&s=BMbsEV&z=
​

 

[العاشق]

انا كتبت للمتزوجين عشان ما اسد نفس العزوبيه عن الزواج


​

زين تسوي خل بدر يدبس مايدري بالخفايا ​

 

[إبن الوليد]

هالعضو لو عندنا من أول مشاركه مميز
ما فيني شده اعابل مع بابي ومامي
http://www.youtube.com/watch?v=r98wddmohr4&feature=youtube_gdata_player
​

ودي امسكة بيدي

وبعدين اوديه قندهار سنة ، وبعدها اودية دورة في ليبيا ومصراته

وبعدين اخلية راعي ابل في صحراء تشاد 7 سنين مثل الطوارق

ياليت عاد حلووو يوم يتدلع ، جيكر وشايف نفسة ، ​

 

[قلم حر]

زين تسوي خل بدر يدبس مايدري بالخفايا ​

اييه خله على عماه

على باله للحين موجود سي السيد

ما يدري اني افرقع الدجاج

خلها على الله


​

 

[العاشق]

هالعضو لو عندنا من أول مشاركه مميز
ما فيني شده اعابل مع بابي ومامي

http://www.youtube.com/watch?v=r98wddmohr4&feature=youtube_gdata_player

​

عاااد شكله مايوحي انه كتكوووووت :d​

 

[الذيبة]

7

7

7

{ ياقلبك الخواف}

اغنية للفنان محمد عبده
..سمعتها ثم سمعتها ثم سمعتها ولازلت مستمرة في سماعها
لدرجة اني حاولت ان اعرف سرها وماتخفيه هذه القصيده
كانت للمبدع الشاعر الكبير (البدر ) وجدت لها قصة جميله جدا


وهذه القصة ..

يقول احدهم :
كنت كل ما اشوف هالانسان اقوله بيني وبينه وشلون قلبك (( الخـواف )) …!
كان دايم يرد علي:
نحن السابقون وانتم اللاحقـون…!
اليـوم ذكرته بالسالفه …!
قال:
تصدق على ان لها 22 سنة الا اني مستحيل انساها واذكر تفاصيلها …!
سنة 1985 كنت ايامها ادرس في امريكا ولي سنتين ما طلعت من امريكا وقررت وقتها اروح اشوف الاهل في جينيف…!
ما كنت اتصور ولا اتخيل اني باشوفها هناك لان كل اخبارها بعد زواجها انقطعت عني وانا انشغلت بدراستي …!
يومها رحت لجينيف وانا مشتاق اشوف الاهل هناك…!
لكن من ثالث يوم وصلت الا وتلمح عيوني زولها اللي ما غاب عني طول ايام غربتي…!
وقفت في مكاني وتمنيت ان الزمن يشاركني الوقوف…!!
حاولت ابتسم حاولت اقرب منها واسلم عليها لكني خفت …!!
لقيتها تبتسم لي…!
تشجعت اقرب منها بس تذكرت انها صارت مثل السراب لي وانا العطشان…!!
وقتها ما عرفت وش اسوي اكلمها بس اخاف ان زوجها موجود معها لقيت اختها تجيها ويمشون وتلتفت لي بنظرة فيها وله وشوق…!
…
بعدها بيومين وانا راجع الى الاوتيل لقيت رسالة من الرسبشين وكانت منها تقول انتظرني الساعه 2 صباحا راح اكلمك…!!!
وقتها فرحت وبنفس الوقت خفت اكثر ما ادري وش بقول ولا وش صار لها ولا وش تبي تقول…!!
مرت علي الساعات كنها سنين وانا انتظر رنة اتصالها…!
اول ما سمعت صوتها قلت لها وحشتيني…!
ردت علي وقالت تدري انك ما غبت عني لحظة وحده…!
تكلمنا كثير وبكينا وضحكنا وقالت لي انها شبه منفصله عن زوجها وانها تعبت كثير معه حيث انها لا تشعر له بأي مشاعر وغصبا عنها تصبر وترضى بقدرها كيف وهي صارت ام الان…!!
اهم شيء وقتها طلبت مني انها تشوفني…!
حاولت اتعذر وابرر لها ان هذا الشيء ماينفع خلاص ولا راح يفيدنا بالعكس راح يتعبنا اكثر…!
لقيتها تقول (( عطني من ايامك نهار وباقي العمر للي تبي ))…!
خلاص قلت لها اشوفك بعد بكره…!
ويوم قفلت السماعه منها وانا اتذكر اول مره سمعت صوتها واتذكر احلى ايام عمري و اول شبابي…!
واذكر ايام انكساري معها وحرماني منها …!
واذكر رحلتي لامريكا وذهابي الى ابعد مكان عنها عشان انسى اللي صار واتحسب على اللي ابعدني عنها وعن الظروف اللي حرمتنا من بعض…!!!
ويوم قرب الموعــد لقيت قلبي (( الخواف )) يقلب علي المواجع ويقول لي البعد احسن لك من انك تعيش فرحة مزيفه وتاخذ مكان غيرك وترجع منكسر ثاني…!!

وقتها وقفت بي خطاي عنها وما رحت …!
وفي الليل كلمتني تعاتبني قلت لها ما قدرت خفت وكرهت اشوفك واجلس معك وانتي خلاص صرتي لاحد غيري…!!
…
بعدها بكم يوم شفت بدر بن عبدالمحسن وكان تربطني به صداقه على انه اكبر مني …!
قلت له وقتها القصة كلها والاحداث وش قلت وش قالت لي…!
لقيته يقول لي يا قلبك (( الخواف ))…!
بعدها بيومين تعشيت مع البـدر سوا ورحنا نحضر حفلة محمد عبده وغنى يومها لاول مرة اغنيته الشهيرة (( المعازيم ))…!
كنت اسمع محمد عبدة يقول (( محبوبتي معزومة من ضمن المعازيم )) كنت اتلفت في الحفلة يمكن تكون موجودة…!!!
وبعد الحفل لقيت البدر يتكلم عن الاغنية انها رائعه و وافقته الرأي…!
قال لي انت يا (( الخواف )) كتبت قصيدة عنك…!
لقيت البـدر يعطيني ورقه من اوراق البوريفاج مكتوب في اولها…!!!
(( لا تسرق الوقت من غيري …. انا مابي زمن غيري ))…!!
لقيت نفسي وعمري واحلي ايامي في قصيدة…!
وتمـر سنة وتجي سنة 1986 وتصير اغنية بصوت محمدعبده وكانوا الناس وقتها في حفلة الكرنفال يرددون معه (( يا قلبك الخواف ))…!
حسيت كلهم يعاتبوني…

يقول البدر

لا تسرق الوقت من غيري…!
انا ما ابي زمن غيري…!
لا تسرق العمر يا طيري…!!
مدام قلبك لاحد غيري…!!


عطني من ايامك نهار … وباقي العمر للي تبي..!
مابه فرح يا معذبي … وانت لاحد غيري…!!


ناظر وعدنا طاف … في اللي درا ومن شاف…!!
يا قلبك الخواف ………. يا قلبك الخواف…!!!


يا صاحب الخوف … ما يطمن الخوف…!!
لا تلمس الجوف لا لا …!
لا تلمس الجوف …!
وانت ايدينك بارده …!
والفرقا دايم وارده…!
إنت وانا بنفس الطريق بس الخُطا متباعده…!


لا تسرق الوقت …. يا اجمل الوقت…!
تكذب علي واكذب عليك …. وألقى الدفا برعشة ايديك…!
نقضي العمر .. كل العمر …!
نحلم بلحظة شاردة…!!!






[YOUTUBE]DFpIxRVlmJ8[/YOUTUBE]

.​

 

[الوحيد 1974]

هو فى احلى من اللحظات الشارده يالذيبه ماأعتقد .

 

[الذيبة]

7

7

7

فِيْ غيآإبِكْ ..
وَ الشّتآ بـ اوّل بروده ومَآ دفِيتكْ ..
مَا أخاف البَرد !

لكنّيْ أخافك ! ... تمطِر احسَآإسِكْ "وداع" ومَآ أشٌوفِكْ !!
كنت اسُولف عن حضُورِكْ فِيْ غيآبكْ ..!
وكنت أقطع من ورِودِيْ أمنيآإتِيْ !


هو يجيني !!
ما يجيني !!
لا بيجيني !!

و كانت الليلَة حزينة !!



.​