معقولة يوم 17 اكنوبر وصل دينارين و ربع
شلون. اكيد في شي غلط.
والله تارك هالبورصة من زمان. و لا ادري عنه.
صراحة منصدم !! لانه املك فيه حول 800 الف سهم من سنين على 300 فلس. و ناسيه تماما.
اليوم نزل من حول 500 فلس ل 490 فلس.
ا
قسما بالله مادري شصاير بهالسهم. شنو وضعه الان بعد اعلان التصفية؟
هلا بالغالي هلا بالملكي
انا ما راح اقولك وينك قبل لا يتم التخفيض او وينك واحنا نشرح من اكثر من 3 شهور شراح يصير بالسهم ولا وينك يوم الخميس كنا نتابعه لايف في صفحة المنتدى الرئيسيه ولا راح اقولك ليش ما بعت اسهمك المتبقيه بعد التخفيض يوم الخميس يوم كان فيه شراي بدينار وميتين
حنا عيال اليوم وما نتحسف ع ما مضى
وبالتالي راح اجاوبك شصار باسهمك وشنو حاضر السهم ومستقبله باختصار:
-السهم تحت التصفيه وراح يعطون كل مساهم 245 فلس لكل سهم
-التصفيه ع مراحل واول مرحله تمت يوم الخميس حيث تم تخفيض راس المال 89.5% وتوزيع نسبه كبيره من ارباحه ولو تشيك محفظتك راح تلقى ال 800 صارت 84 الف سهم وغدا راح تستلم 185.5 فلس للسهم الواحد عشان چذي نزلته ادارة البورصه يوم الخميس ب 2266 فلس لكن السهم اصبح مفرغ من كميه كبيره من ارباحه الموزعه لذلك نزل لمستوى ال 500 فلس لانه الان السهم اصبحت قيمته الدفتريه 550 فلس للسهم
-الان لو تبيع اسهمك المتبقيه (ال 84 الف سهم) بسعر 550 فلس وتجمعهم مع المبالغ اللي راح تستلمهم باچر راح يكون چنك بايع السهم ب 245 قبل التصفيه ولو تبيعه ب 500 فلس چنك بايعه ب 238 فلس ولو تنطر ما تسوي شي راح تستلم في المرحله الثانيه من التصفيه 550 فلس عن كل سهم من اسهمك المتبقيه بعد التخفيض لكن هذا راح ياخذ وقت طويل شوي
- اخر نقطه السهم راح يستمر بالتداول الى تاريخ 5/ 3 /2025 ثم يتوقف نهائيا تمهيدا لتصفية الشركه نهائيا
السؤال انت بأي فتره شاريه وهل اخذت ارباح بالاعوام السابقه ، طبعا ما ابي اجابه لانه هذا الامر خاص فيك، ولكن حتى تعرف تكلفتك الحقيقيه لابد من خصم الارباح اللي استلمتها من قبل من سعر شراؤك وتقارنه مع سعر التصفيه اليوم عشان تعرف انت خسران او ربحان من السهم بشكل عام
تحياتي لك وموفق خير
