الحب هل يجعل الانسان ضعيف او قوى

[الوحيد 1974]

حبي كل يوم يكبر .

 

[الذيبة]

7
7
7

دعوا عنكم حكايات الحب فالذي احــــبـــــه حقا هو الذي سارتدي له فستاني الابيض <<< يعجبني هالكلام واشوف انه صح

شكراً ع المشاركه يــ الوحيد وعسااك ما تخلاا من حبايبك ياارب

الــذييييــبــه


.​

 

[جواهر]

دشدش والذيبه كفو ووفوا

الله يديم عليك احبابك

 

[الوحيد 1974]

الذيبه جواهر اشكركم من كل قلبي ومروركم له الاثر الطيب علي وعلي جميع الاخوان والاخوات وعسي ربي يسعدكم ويهنيكم .*

 

[الوحيد 1974]

ياليته يرأف بحالي من احتل قلبي وهز غصوني .

 

[داشه عرض!!]

8
8
8
اللي يحبك صـــج ,,لايمكن يتخلى عنك عز نفسك وخلها تولي وحب لك هذي وايد ابرك والاجر علي الله
8
8
8

[/url][/IMG]

 

[الوحيد 1974]

8
8
8
اللي يحبك صـــج ,,لايمكن يتخلى عنك عز نفسك وخلها تولي وحب لك هذي وايد ابرك والاجر علي الله
8
8
8

[/url][/img]

اقسم بالله ضحكت ومشكوره علي كل حال .

 

[مهرة بلا فارس]

الحب لما يكون الحبيبان مع بعض ينولد اقوى احساس بين الاثنين

اما الضعف لما يفترقون على حب وظروف تقهر

حتى لو كان قوي بتشوف بعينه نظرة حزن

واقوى حب ينتهي بالزواج بس هاااه يكون الاثنين بدرجه نضج عالي ويدركون مسؤوليات الزواج وهل الاثنين قادرين على الزواج لان الزواج اللي اساسه عاطفه بسرعه ينهااار

على العموم يسلمو الوحيد على الموضوع*

 

[الوحيد 1974]

الحب لما يكون الحبيبان مع بعض ينولد اقوى احساس بين الاثنين

اما الضعف لما يفترقون على حب وظروف تقهر

حتى لو كان قوي بتشوف بعينه نظرة حزن

واقوى حب ينتهي بالزواج بس هاااه يكون الاثنين بدرجه نضج عالي ويدركون مسؤوليات الزواج وهل الاثنين قادرين على الزواج لان الزواج اللي اساسه عاطفه بسرعه ينهااار

على العموم يسلمو الوحيد على الموضوع*

النضج والله عندج ايتها السيده الجميله مهره ، ويسلمج لم نفعل هذا الا لحبنا لجميع الاعضاء .

واثراء عقولهم في هذه الحياة القصيره وشاكرين عطرج علي هذا الموضوع .

 

[نجوم777]

الحب المتبادل يجعل الحبيبين اقوياء ..وكل يستثمر قوته لجعل الطرف الآخر سعيد .....نادر هالحب بهالزمن ...ويبله شروط طبعا ....

 

[الوحيد 1974]

الحب المتبادل يجعل الحبيبين اقوياء ..وكل يستثمر قوته لجعل الطرف الآخر سعيد .....نادر هالحب بهالزمن ...ويبله شروط طبعا ....

فعلا ياأخي نجوم حاليا حب الفلوس والمصلحه ، راح زمن الحب العذري وحب القلوب الصادقه المخلصه *آآآآآآآآآآآه يعني صرخه من اخوكم الوحيد علي ذلك الزمان مشكور اخي نجوم الطيب .

 

[الوحيد 1974]

شوقتني لقربك يالغرام .

 

[الوحيد 1974]

الثقه بالحبيب والثقه بالحبيبه هو اقوي مايحمله الحب ، وهو مايجعله يتحدي الايام والسنين ، الثقه دائما مصدر ألهام الحبيبين .

 

[داشه عرض!!]

ياعمي ترا الحب شي نادر لا تصدقون اي احد بس ابتسم لكم ولا قال كلمه حلوه معناته يحبكم خلو عنكم ترا والله محد بياكلها غير اللي حاب من قلب والطرف الثاني ولا يدري عنك يالله في ناس الله انعم عليهم باحساس معدوم بالاخرين مادري هل هذي نعمه ولا نقمه في هالزمن الاقشر
الحب فعل مو بس حجي الحب يشتريك وما يخليك واللي يخليك تبجي وتتضايق ويبيعك هذا ماااايحبك

[/url][/IMG]
الحب الوحيد اللي صامت وماياذيك هو حب الاكل صراحه متعه مابعدها متعه
ضايق خلقك روح اكل عندك خوف روح اكل متوتر اكل لايعه جبدك من الدنيا اكل متكافخ روح اكل من انطقيت طق سنه بساعه هم روح اكل ليما تنفجر عالاقل مت من البلع ولا ميت من الحره

[/url][/IMG]

[/url][/IMG]

 

[فضل]

ههههههههههه


لا لا حشا منتى صاحيه اليوم


امووت واعرف اشمتغديه .. ؟

​

 

[ورد و هيل]

هههههههههههههههه

هههههههههههههههههه


والله ضحكتيني ...

 

[نجوم777]

ياعمي ترا الحب شي نادر لا تصدقون اي احد بس ابتسم لكم ولا قال كلمه حلوه معناته يحبكم خلو عنكم ترا والله محد بياكلها غير اللي حاب من قلب والطرف الثاني ولا يدري عنك يالله في ناس الله انعم عليهم باحساس معدوم بالاخرين مادري هل هذي نعمه ولا نقمه في هالزمن الاقشر
الحب فعل مو بس حجي الحب يشتريك وما يخليك واللي يخليك تبجي وتتضايق ويبيعك هذا ماااايحبك



فيه حب والحب الحقيقى حب الارواح ...وليس حب آخر

 

[waham]

الريال سكوتي والمرة قرقة .

المشكلة اللي راح انحاول انحلها ، اهي فهم الاختلاف في طريقة تعامل اهل الزهرة و اهل المريخ

مع الضغط النفسي و المشاكل .

اهل المريخ ( الرياييل ) نلقاهم دايماً يحاولون يخفون مشاكلهم او يخلونها حق نفسهم و مايشاركون
احد فيها

لكن اهل الزهرة تلقاهم على العكس تماما ، لو تصير مشكلة خربوطة ما تسوى ، تلقى الزهراوية

ما تخلي احد الا و قالتله سالفتها و بالتفصيل الممل .


وعشان نفهم شنو اللي قاعد يحصل بالضبط مع المريخيين و الزهراويات ، لازم ندخل في اعماقهم

وانشوف طريقة تفكيرهم علشان نفهما :

1 ) المريخيين :

لما يكون المريخي مضغوط نفسيا ، تلقونه بروحه و من نفسه ، يخش نفسه داخل سرداب له

بروحه ، محد يشاركه فيه ، هذا السرداب طبعا مو سرداب صجي ، هذا سرداب في مخه ! .

لما تواجه مشاكل وايد ، تلاقونه يركز على اهم او اقوى مشكلة عنده ، و يخلي كل تفكيره فيها

لدرجة ان تلاقيه ما يدري عن اي شي ثاني مؤقتا لين يحل هالمشكلة الرئيسية .

في هالاوقات تلاقون المريخي كله ساكت ، نساي ، ما يرد عليك لما اتكلمه .. او يرد بكلمة و نص

يعني تلاقونه مثلا لما يرد من الشغل ، 5 بالمية من مخه بالبيت ، و الباجي ب مشاكل الشغل

مالت اليوم ، فصعب جدا يعطي من قلبه حق زوجته او اهله المشاعر اللي دايما يعطيهم اياها

في الاوضاع العادية ، و مع ذلك ممكن يوصل لنتيجة او حل لهالمشاكل ، و يطلع من الحالة اللي فيها و يرجع

لوضعه الطبيعي .

بس طبعا في اغلب الاحيان ، المشاكل ما اتكون بهالسهولة اللي يحلها بدقايق و اهو قاعد ،

فتلقاه اهو نفسه يبي يطلع من الحالة اللي اهو فيها ، فشيسوي ؟

تلاقونه ، يقرا الجرايد ، يطالع الاخبار في التلفزيون ، يشوف مباراة كرة قدم ، يصلح اي شي مكسور

في البيت الخ .. ، و طبعا كل هالاشياء ما تحتاج اكثر من الخمسة بالمية اللي اهي فاضية بمخة

الحين ، على امل انه تييله فكرة يديدة باجر ، يقدر من خلالها يحل مشكلته بطريقة افضل .


ردة فعل الزهراويات :

لما يكون المريخي ( الريال ) قاعد بروحه في سردابه ، يكون صعب جداً عليه انه يراعي الزهراوية

( المرة ) و يجابلها و يسولف وياها ويهتم فيها الاهتمام المطلوب ، و الزهراوية حزتها اكيد ما راح

اتقدر هالموقف منه ، لانها بكل بساطة ماتدري شسالفته ، و ان درت انه عنده مشكلة ماراح

اتقدر حجم هالمشكلة لانها ما تدري شنو اهيا خصوصا ان صاحبنا ما كلف نفسه .. حتى انه

يقولها يا فلانه ترى عندي مشكلة .

الزهراويات عموماً ما عندهم فكرة عن طريقة تعامل اهل المريخ مع مشاكلهم ( عبالهم نفس اهل الزهرة )

فلما المريخي يدش السرداب ماله ، الزهراويات يحسون انه ما يثق فيهم عشان جذي ما يفتح

قلبه لهم ، و المسالة تخترب ازيادة .. لما المريخي يحقر .. و تخترب ازيد ,, لما يبطل جريدة

ويطالع تلفزيون ومعطيها طاف .. جنه هالفقيرة مو عايشة وياه .


طبعا عشان انتوقع من المريخي انه يطلع من سردابه ، و يفرفش و يسولف و يضحك جنه ماكو شي

هذا مستحيل يصير ، مثل ما احنا ما راح انتوقع من الزهراوية لما يضيق خلقها او تزعل ، انها ترضى

على طول ، يعني اكبر غلط ان احنا انتوقع من الريال انه دايما حنون و حساس لمشاعر المرة ..

او ان احنا انتوقع ان المرة دايما تكون في مشاعرها واقعية و منطقية .


الوضع العام :

لما المريخي يدخل سردابه ، ترى ينسى ان اللي حواليه ، يمكن هم عندهم مشاكل ( خصوصا الزهراوية ام العيال ) .
اكو شي حزتها بمخة يقوله .. :" يا امعود انت اشلون بتحل مشاكل الناس
وانت مشكلتك مو عارف اتحلها ! ؟ "

وطبعا الزهراوية لما اتشوف التصرف هذا ، تكره التصرف و راعيه . وتلاقيها تطلب منه ان يكون وياها

وهي جنه قاعده اتطر منه ، مو جنه هذا واجب عليه .

طبعا هذا كله يرجع لقضيتنا الاساسية وهي اشلون نفهم طريقة اهل المريخ و اهل الزهرة ..

لان ترى اهل المريخ ، ما يحسون اشكثر اهم يكونون بعيدين عن الناس اللي حواليهم لما

يدشون سردابهم ، فلازم على الاقل لما يردون على الزهراويات .. يكونون احن عليهم اشوي

من المعتاد .. حتى لو بالجذب ( ادري اللي عنده هالمشاكل وين له خلق رومانسية ) .

بس ميخالف ، الزهراويات عين السيح و يستاهلون ( شالله حادك ماخذ من كوكب الزهرة ) .

طبعا لما تصير هوشة هالحزة ( حزة السرداب ) تلقى المريخي يدافع عن نفسه اذا عصبت عليه

الزهراوية ، بطريقة تبين اشلون انه مو فاهم اهي شتبي ..

نعطيكم امثله على هالموضوع :

1- لما الزهراوية تقول " أنت مو قاعد تسمعني " ،

اهو يرد " اشلون ما اسمعج ، تبين اقولج شنو قلتي ! " .

طبعا لما الريال يكون في سردابه ، اهو ليلحين عنده ال 5 بالمية اللي يسجل فيها كل الكلام ..

وبالنسبة له ، انه 5 بالمية منه سمع الكلام ، يعني اكيد سمع الكلام ..

لكن المشكلة اهي ما تبي 5 بالمية منه يسمع .. اهي تبيه كله يكون مهتم فيها .



2- لما الزهراوية تقوله " احس جنك مو عايش وياي " ..

اهو يرد : " شلون مو عايش وياج ! عيل عايش ببيت الجيران ! " .

طبعا اهو يقول انا جسمي كله في البيت ، مو في بيت الجيران ..

بس اهي قاعد تقوله ، انت جسمك اهني و بالك مو اهني كلش .


3- الزهراوية تقول : " انت مو مهتم فيني ، كل اهتمامك حق شغلك " .

اهو يرد " الحين انا من حقه اشتغل ، مو لج انتي ! "

طبعا اهو يقول انا اشحقه مهتم بمشاكل الشغل ، لان حل مشاكل الشغل يعني شغلي اوكي

يعني اكيد راح يتحسن وضعي المالي ، يعني وضعنا انا و زوجتي راح يتحسن .. يعني لها اهي .

بس اهي تبي تحس انه مهتم فيها اهي مو الشغل .


4- الزهراوية تقول " احس انك ما تحبني " ..

اهو يرد : " يا امعودة ، عيل احب منو !؟ " .

طبعا ، اهو يقول حق روحه ، اكيد احبج ، لو ما احبج جان ما شغلت بالي بهالمشاكل عشان

اوفرلج اللي تحبينه .

اهي طبعا ، حاسة انها ما يحبها ، لانه معطيها طاف .( تذكر طريقة تعبير الحب لكوكب الزهرة .



الحلول :

مثل ما قلنا من قبل ، اهم شي في الموضوع كله ، انه نعرف كوكب المريخ اشلون يتعامل

مع المشاكل ، و اهل الزهرة اشلون يتعاملون مع المشاكل ، اذا عرفنا طريقة الكوكبين

عرفنا بداية الحل ، واهي " التفهم " ، فلما الريال يحقر المرة ، او يهيتها ، اهي عبالها

انه حاقرها عشان اكو شي صاير بينها و بينه ، ومثل ما عرفنا اهي مالها شغل في الموضوع

لكن اهل المريخ جذي يتعاملون مع مشاكلهم ، طبعا هالشغلة ما تعني ان الزهراوية

ما عندها احساس : خلاص اهو يحقرني و انا اتقبل الوضع عادي .. لا لا لا ، كل اللي

نبي ان الوحدة اتقبل الموضوع باقل قدر ممكن من حساسية ، خصوصا بعد ما عرفنا حركات

اهل المريخ .

وانتوا يا اهل المريخ ، اذا يتكم الزهراويات لازم تحسون فيهم اشوي ، و عن الحقران

الزايد .



2 ) الزهراويات :

اول ما الزهراوية اتحس انها في مشكلة ، او اكو شي مضايقة ، اول شي تبي تسويه انها اتكلم عن

المشكلة اللي ماذية احاسيسها .. و حزتها مو بس هالمشكلة .. اي مشكلة عندها لها علاقة

باحاسيسها ... يعني ما اتخلي شي .

ولما اتكلم عن اي مشكلة .. اهي ما اتصنف المشاكل ، اهم مشكلة .. اقل اهمية ، مشكلة تافهة

.. ( مو مثل المريخي راعي السرداب ) ، كل مشاكلها عبارة عن مشكلة ، مالها ترتيب معين في

الطرح . يعني لما تكون زعلانه ، فهي زعلانه من كل شي ، خربوطة ولا مهم ، ولا مهم جداً .

وطبعا و كالعادة ، لما تسولف عن مشكلتها ما اتسولف عشان اتدور على حل.. ، لكن اتسولف عشان السوالف بحد ذاتها -بالنسبة لها - راح اتخلي

هالمشاكل كلها ، اخف عليها و على نفسيتها ( ما اتقث روحها ازيادة ) .

وطبعا مشاكل الزهراويات ممكن انقسمهم لعدة اقسام :

مشاكل ماضية ( ذيج السنة لما سافرنا )

مشاكل حاضرة ( الخدامة لعوزتني )

مشاكل مستقبلية ( عرس بنت عمتي السنة الياية وانا ليلحين ما ضعفت نفسي ) ...

مشاكل محتملة الحدوث ( اتهقين خالتج بتزعل اذا .... ) .

لما يسولفون الزهراويات عن مشكلة وحدة من المشاكل اللي قلناها ( طبعا بدون حلول ) ،

ينتقلون مباشرةً لي المشكلة الثانية اللي مالها شغل بالمشكلة الاولى ، و يمكن تكون اهم من

المشكلة الاولى .. ( جنة تلفزيون الكويت لم يقطع برنامج ، و يحط اغنية مليقة)، و الثالثة والرابعة ..

المهم انهم يسولفون عن مشاكلهم و يرتاحون نفسيا بمجرد الكلام عنها .

ومثل ما كانوا اهل المريخ عندهم طريقة تشغلهم عن مشاكلهم الرئيسية اللي مالها حل ( جرايد ،

تلفزيون الخ ) ،

ساعات الزهراويات لما يسولفون ، ما يبردون جبدهم من المشاكل اللي اهمه فيها ..

فشيسوون .. ؟؟

اكيد كلكم عارفين

الله يسلمكم يسولفون بمشاكل الناس الثانين ، بنت عمها ، حماتها ، رفيجتها بالدوام ، اي

احد يسولفون بمشاكله عشان ترتاح نفسيتهم تماما ، و يطيب خاطرهم .

سواء الزهراويات تكلموا بمشاكلهم , او مشاكل غيرهم ، بالنسبة لاهل الزهرة السوالف والفضفضة

بحد ذاتها قيمة مهمة لتخفيف المشاكل والضغط النفسي .


ردة فعل اهل المريخ على فضفضة الزهراويات :

الرياييل عموما ، دم ضروسهم شكاوي الحريم ، ليش ؟

لان المريخي يعتقد حسب ثقافته المريخية ، يعتقد ان اذا المرة اشتكت

من شي ، اهي في الحقيقة قاعد تلومه على هالشي .. و كل ما زادت الشكاوي كلما زاد اللوم

اهو طبعا ما يدري ان الفقيرة تشتكي لمجرد السوالف ، مو عشان تلومه ولا شي ..

اهل المريخ مثل ما قلنا يسولفون عن مشاكلهم في حالتين : 1 - يلومون غيرهم ( غالباً ) 2- او

يبوننصيحة من احد ( صعبة جداً ) .

فاذا يت الزهراوية و اهي معصبة وايد و اتشكى .. يعرف انها قاعدة تلومه اهو ..

واذا يت واهي امعصبة بس مو وايد يعرف انها تبي نصيحة منه او حل للمشكلة .

اذا كانت تبي نصيحة .. فبعد ما يبيله .. يعطيها الحل السريع ابو كلمة و نص ..

واذا كانت تبي تلومة .. هم ما يبيله .. يرفع سيفه البتار .. و .. " إلى الدفاع يا رجال " ..
ويدافع عن نفسه بقوة ...

وفي الحالتين .. راح يلاقي نفسه في وضع صعب جداً انه يسمع منها ..

لما المريخي يعطي حل سريع لاي مشكلة .. راح يلاقي انه في اكثر من مشكلة ..

وكلما تقوله الزهراوية مشكلة يعطيها حل .. مشكلة ثالثة و يعطيها حل .. المشاكل ما اتخلص

وكل ما يعطيها حل ، حالتها ما اتحسن .. ( لانها ما تبي حلوووول يا جماعة ) ..

فتلقون هالمريخي .. ما يدري شيسوي .. حلوله مو قاعد تمشي ويا هالزهراوية ..

فكانه مو قادر ان يحل مشاكلها .. فيتحبط .. و يحس انه مو كفو يعطي حلول ( جبيرة عند اهل المريخ ) .


انزين كل هالكلام بصوب .. و اذا كانت تبي تلومه ( تهاجمه ) بصوب ثاني ..

اذا حس ان العملية عليه هجومية .. اهو ماله الا الدفاع ..

فبوالشباب يتصور انه اذا وضح وجهة نظره ، راح تنحل المشكلة .. و يادار ما دخلك شر .. على قولتهم ..

فكلما تلومه على شي .. بو شباب يدافع ، و يحلل ، ويحرم .. وكل الطرق الدفاعية المشروعة

والغير مشروعة يستخدمها .. و كل ما يدافع عن نفسه .. يلقى هالزهرواية ضايق خلقها ازيادة

طبعا اهو مو فاهم ان اهي ما تبيه يدافع عن روحه ولا شي ، اهي تبيه انه يسمع لها .. لان

اكو مشاكل ثانية بالطريج اهو ماله علاقة فيها اصلا ، تبي تسولف عنها

( بنت عمتها ، و بنت خالتها ، و حماتها ) بس بو الشباب يقاطعها .. .

في نوعية من المشاكل ما تكلمنا عنها ..

وهذي يتروالي اهم مشكلة يعانون منها المريخيين ..

وامنها المشاكل اللي الرياييل ما يقدرون يحلونها ابداً .. يمكن تقولون شلون ..

انا اعطيكم امثلة :

1- الزهراوية اتقول : " الوزارة ما يعطوني معاش كثر الشغل اللي اشتغله "

المريخي يقول بقلبه " تكفين انا الديوان ! " .

2- الزهراوية اتقول " عمتي كل ما يودونها دكتور ، يمرضها زيادة "

المريخي يقول بقلبه " الله يشافيها ، خو انا مو دكتور " .

3- الزهراوية تقول " ماكو مكان اصفط فيه سيارتي "

المريخي يقول بقلبه " صفطيها بحضني ! "


طبعا الزهراويات ، ما يبون حل و لا شي .. و يمكن ما يدرون اشلون تنحل هالمشكلة اصلا ..

بس كل ما في الموضوع انه يبون يسولفون عن المشكلة اللي يمرون فيها لا اكثر . .

ويا حلاتك يا مريخي .. اذا سايرتهم .. يعني ردك على المواقف اللي فوق يكون جذي ..

1- الله يعينج يا عمري .. الديرة كلها اتشكى الله وكيلج .. بس تعبج ما يروح هدر لا تخافين .
2- اجر و عافية ان شاء الله ، سبحان الله بني ادم ، الله يعينها .
3- اي والله الديرة صارت زحمة .. الواحد وين يروح لازم يصفط اخر الدنيا .

في مشكلة ثانية .. هم يعانون منها المريخيين ، و هي تفصيل المشكلة بدقة متناهية على

قولتهم .. يعني لي عرووق .. النملة

الاشكالية اهني .. ان الريال يعتقد ان في التفاصيل هذي شي يساعد في فهم المشكلة ..

( لانه في الاساس عبالة ان المطلوب منه حل ) .. ويتفاجأ في النهاية ان كل التفاصيل هذي

مالها علاقة في الموضوع .. فتلاقونه بسرعة يتملل من الكلام الزايد .. و اهو ليلحين مو عارف

شالسالفة ( السؤال فين و انا اجاوب ) .

المشكلة الثالثة عند المريخيين ، انه وهو قاعد يسمع مشكلة معينة .. يتفاجأ انه بسرعة

صارت مشكلة ثانية ، و يمكن ثالثة ، و يمكن رابعة .. و كل هالمشاكل اصلا مالهم شغل

ببعض .. ( يعني يقول ، الحين شنو المشكلة بالضبط ؟ ) ..


الحلول :

اول شي يالزهراويات ، ادري فيكم اتحبون هالتفاصيل ، بس المريخي ما ينفع

وياه نفس الطريقة اللي اتكلمون فيها مع بعض .. يعني ودكم اتسولفون عن التفاصيل

مو مشكلة بس عطوا الريال الزبدة اول ، بعدين ردوا على سالفتكم و قولوا كل التفاصيل

يعني بكل بساطة , وخروا عن الغموض بسوالفكم ، ادري الزهراويات يحبون انه يبدون

السوالف بالغموض ، لانها تعطي القصة معنى حيوي ومشاعر حسية اكثر ، بس مع ذلك

هالطريقة ما تنفع مع المريخي ، لانه راح يحس انه ضايع .. وراح يتملل بسرعة .

فكلما زاد الغموض بالسالفة .. كلما بسرعة تملل الريال ، واهم نقطة تركزون عليها ..

انكم اتوضحون للريال قبل لا تبدون اي اي مشكلة بتسولفون فيها انكم اتبينون له

انكم ما تبون حل ، بس تبونه يرتاح ، و يسمع لكم و بس .

ترى كل هذا منقول
​

 

[داشه عرض!!]

ههههههههههه


لا لا حشا منتى صاحيه اليوم


امووت واعرف اشمتغديه .. ؟

​

غداي من ابل بيز

هههههههههههههههه

هههههههههههههههههه


والله ضحكتيني ...

بعد هذا الصج هههههههههه طيعوني ماتندمون

 

[جواهر]

ياعمي ترا الحب شي نادر لا تصدقون اي احد بس ابتسم لكم ولا قال كلمه حلوه معناته يحبكم خلو عنكم ترا والله محد بياكلها غير اللي حاب من قلب والطرف الثاني ولا يدري عنك يالله في ناس الله انعم عليهم باحساس معدوم بالاخرين مادري هل هذي نعمه ولا نقمه في هالزمن الاقشر
الحب فعل مو بس حجي الحب يشتريك وما يخليك واللي يخليك تبجي وتتضايق ويبيعك هذا ماااايحبك

[/url][/IMG]
الحب الوحيد اللي صامت وماياذيك هو حب الاكل صراحه متعه مابعدها متعه
ضايق خلقك روح اكل عندك خوف روح اكل متوتر اكل لايعه جبدك من الدنيا اكل متكافخ روح اكل من انطقيت طق سنه بساعه هم روح اكل ليما تنفجر عالاقل مت من البلع ولا ميت من الحره

[/url][/IMG]

[/url][/IMG]

هههههههههههههههه دشدش الله يقطع ابليسك

ياساتر عادانا لما تضايق اروح اكل بس الله لايبلاني واصير كذا