قطيت الاى فون واخذت جالكسي s2

[محمد خليفه]

بسم الله الرحمن الرحيم

الجلاكسي اس تو عالم اخر بس لو يطورون البطاريه

الحين نزل جلاكسي نووت اكبر من الاس تو بس بطاريقه اقوى وتصلح للتنقل للشاليه والمخيم

بصراحه مستغرب الاس 3 شراح يسون فيه بعد دام كل شي متوفر بالاس تو؟

 

[Modemaani]

بسم الله الرحمن الرحيم

الجلاكسي اس تو عالم اخر بس لو يطورون البطاريه

الحين نزل جلاكسي نووت اكبر من الاس تو بس بطاريقه اقوى وتصلح للتنقل للشاليه والمخيم

بصراحه مستغرب الاس 3 شراح يسون فيه بعد دام كل شي متوفر بالاس تو؟

اخي العزيز الجالاكسي SIII راح ينزل تقريبا بين الربع الأول من العام القادم والربع الثاني ولحد الآن مافي أي مواصفات تحددت له بشكل رسمي........

بس مبدئيا راح يكون المعالج (Processor) من النوع الرباعي Quad Core ودقة الكاميرا 12 ميغا بكسل

تحياتي لك

 

[الاحمـد]

ما شاء الله كل هذا بالسامسونج ، والله طلع مو هين
والارقام اكبر دليل

بس الايفون منتشر بشكل رهيب بالكويت والخليج

ننطر الجالاكسي SIII يمكن نحول من الايفون على سامسونج

شكرا على مقارنتك يا Modemaani







واختلاف الراي لا يفسد للود قضية

واذكروا الله وصلوا عالنبي ، وكلن فلوسه بجيبه ويعرف شنو يشتري

 

[boeisa]

يعطيكم العافيه شباب اولا الموضوع ما يسوى كل هالجدال وعلى اجهزه سواء ايفون او جالاكسي هم يتنافسون واحنا نستفيد وليش تهاوشون الواحد ينام على الجنب اللي يريحه وكل واحد يكتب رايه من غير عصبيه وتراكم اخوان وما تسوى الشغله هذي انكم تردون على بعض بهالطريقه والجهازين ما عليهم ممتازين بمعنى الكلمه وانا انصح بعد الواحد يجرب النوت مو طبيعي عيبه الحجم بس اكثر من رائع وبالنسبه لي استخدم الايفون والجالاكسي ومرتاح من الاثنين وهذا رابط يبين بعد انه الايفون يستخدم تقنيه السامسونج وبالنهايه احنا المستفيدين يا جماعه وبدون عصبيه ويعطيكم الف عافيه

http://www.itproportal.com/2011/10/19/tests-prove-iphone-4s-processor-made-samsung/

 

[realday]

تبي تعرف الفرق

تبي تعرف الفرق كافي ربع مكونات الايفون من داخل من صناعة سامسونغ والي ماعنده علم لا يألف ويقول لا مو صحيح عشان بس يحب الايفون فتح عينك واقرا عن القضايا المرفوعه ضد بعض بعدد من الدول والي وصلت لمرحلة كسر العظم يعني منع منتجات من احدى الشركتين من دخول احدى الدول لمخالفتها براءات الاختراع

 

[sooo]

مافي مقارنة لولا دعم جوجل للايفون ما مشا حال الايفون طبعا لجالكسي اختيار جوجل الرسمي وتوهم شاريين موتورولا وداعمين اجهزة الاندرويد لا ازيدك من الشعر بيت شوفوا الرابط عشان تعرفون الاندرويد وين وصل في فترة قصيرة
http://www.indexsignal.com/forum/showthread.php?t=312706
راحت على البلاك بيري والايفون التعيس

 

[المستثمر_999]

المفروض الواحد يترك التعصب ، انا اشوف ان مميزات جلاكسي 2 تتجاوز الايفون بمراحل سواء في نظام التشغيل ( اندرويد ) او في الهاردوير ( المعالجين ونوعية الشاشة .. الخ ).

مشكلتنا بالكويت اذا مسكنا شيء خلاص نرتبط فيه عاطفينا ومستحيل نفكر بشيء ممكن يكون افضل منه تقنيا ، والمشكلة الاكبر انهم يحكمون علي الشيء بدون تأمل للفوارق انا صراحة كنت مستخدم للأيفون ولكن عندما قرأت عن مواصفات الجلاكسي قررت اجربه بدون شراء وجربته كذا يوم واشوف بأني ندمت واعترف في هالشيء علي بقائي علي الايفون في الفترة الماضية ، والحين عندي الجهاز واغلب الربع بالدوام اشتروه وكل البرامج المهمة مثل واتس اب والفايبر وتانغو وغيرها كثير موجود ، ويشغل الفلاش عكس الايفون ووزنه خفيف ما تحس فيه مرات امسك مخباتي اشوف مبيوق او لاء .

انا اقول اللي يبي الايفون يقعد علي جهازه ، واللي يحب يتطور ويشوف الفروقات وشنو الافضل انه يجرب جلاكسي واذا ما عجبه يرجع للأيفون وكل واحد له فكر ومنطق.

وسلامتكم الموضوع بسيط.​

 

[Castroy]

من ضمن المقارنات في الانترنت اضحكتني هذه المقارنة
ههههه

 

[Net law]

شباب يا انكم بس تبون تكتبون تعليق ولا صج ماكو معلومات من البعض

شباب لكل جهاز مميزات وعيوب وكلن على رغبته

انا من مستخدمين الاثنين بصراحه

الايفون وشركة ابل اذا شريت منها الجهاز توفر لك جميع متطلباته واهمها الدعم الفني والتطوير عن طريق الايتونز للاصدارات

اما نظام الاندرويد شركه شرتها قوقل وضمتها تحت اسمها وقامت ببيع النظام لشركات المصنعه سامسونج ال جي موترولا وغيرها اللي يستخدم النظام

ومن المشاكل انهم يبيعن الاصدار ولا يدعم يعني دبر حالك روح دور منتدى وركب روم مطبوخ وكل يوم مشاكل بالجهاز مره يستقبل ومره مايدز امم اس ومرات يضبط

شباب اللي يفهم الفرق هذا طبعاً راح يتوجه لابل ترا الفرق بالشاشه ونقاوتها بس بالجلكسي وابل راح تتغلب على هذا في النظام الجديد ويكفي خدمة اي كلود وسيري لو تموت شركة الانرويد ماتسوي نفسها مني لعشر سنوات

باختصار الكلام الاندرويد يبيعلك الجهاز وتصرف
ابل تبيع الجهاز وتراعيك ودير بالها عليك

ايهما تختار

 

[Watcher]

جنة الايفون والجالاكسي مرشحين نفسهم بالمجلس
والاخوان كل واحد يدافع عن مرشحة

يا جماعة الخير فالاخر هذي تليفونات خلي النقاش موضوعي عشان الناس تستفيد

 

[a7med911]

باختصار شديد ،، الايفون كـ سستم افضل من الجالكسي

يعني الـ آي او اي ٥ افضل من الاندرويد من ناحية الاستقرار والسلاسه

اما من ناحية الجهاز .. فـ من الظلم مقارنة الجالكسي اس تو بالايفون .. فالجالكسي اس تو يعتبر جهاز جبار بمعنى الكلمه

اخف وزناً شاشة اكبر واوضح وافضل ، كاميرا ممتازه .. واسرع جهاز بالعالم

-———

وبالاخير كلنا اخوان لا تحسسوني ان ابل وسامسونج شركاتكم ،، تراها شركات تنافس من اجل الافضل لنا

 

[المستثمر_999]

اخواني صعب جدا ان تقنع كل الناس حتى لو توديه للمصنع وتحط المواصفات يم بعض مستحيل يقتنع لانه بكل بساطه ما يبي يقتنع اصبح الموضوع في عقله الباطني "تحدي" فأنا اقول واعيد الكلمة مرة ثانية مو لازم تشتري الايفون او الجلاكسي شوف المواصفات بشكل منطقي وعلمي وقرر اللي يناسبك .

واللي عنده الايفون وشايف انه جهاز عظيم وجبار بكل بساطة يتمسك فيه ولا يفرط ، اما اللي عندهم الجلاكسي وشايفين انه افضل انهم يحافظون عليه ولا يفرطون بعد ، اتركوا التعصب تنجحون !!

بس انا شخصيا اشوف الجلاكسي كنظام تشغيل مفتوح المصدر ( اندرويد) يحمل مواصفات مميزة ، والهاردوير كذلك افضل ما في السوق في مجال الهواتف الذكية ولا تزعلون هذا رأي شخصي مو ملزم فيه احد.

 

[sooo]

جالكسسسسسسسسسسسسسسسسسسسسسسي وقدام يالغالين

 

[أعرابي]

هل الجالكسي عرضه للفيروسات و التهنيق بسبب إن برامجه مفتوحة المصدر؟
و أيهم أفضل جالكسي إس2 و إلا جالكسي نوت و إلا أيفون4إس
و ليش الأيفون 4 أغلى من الجالكسي إس2؟

 

[بث مباشر]

جلاكسي وبس والباقي خس لووووووول

 

[المستثمر_999]

هل الجالكسي عرضه للفيروسات و التهنيق بسبب إن برامجه مفتوحة المصدر؟
الجهاز عندي من فترة اكثر من 3 شهور تقريبا وما هنق معاي ولا مرة والفيروسات ولا شيء واعتقد شفت في الاندريود ماركت برنامج حق الفيروسات.
وبعدين احب اوضحلك شيء المفتوح المصدر هو نظام التشغيل ( اندرويد ) مو البرامج ، انت تقصد البرامج المجانية صح ، عندهم اسلوب يعطيك البرنامج مو كامل الخصائص علي اساس تجربه لفترة معينة او تبي النسخة الكاملة تشتريها وعادة يسمونها كالتالي لايت يعني خفيف وبرو يعني برنامج كامل.



و أيهم أفضل جالكسي إس2 و إلا جالكسي نوت و إلا أيفون4إس
سؤالك هذا مشابه لسؤال منو احسن التيوتا او النيسان او المرسيدس ؟
حتى نجيب علي هذا السؤال لازم نشوف التلفون بالاصل يتكون من شنو ، التلفون يتكون من شيئين مهمين وهم متكاملين مع بعض الشيء الاول هو الهاردوير وهي المكونات المحسوسة مثل المعالج والرام وحجم الشاشة ونوعية الكاميرا ، اما الشيء الثاني فهو نظام التشغيل .

طيب الحين شنسوي نجيب ورقة وقلم ونحط المواصفات مثل نوع المعالج وسرعته ، حجم الرام الداخلية ، قابلية التوسعة لرام خارجية ، حجم الشاشة ، الوزن ، الخ ونكتب الاشياء ونقارن بينهم طبعا راح يكون اختيارنا منطقي وعلمي ومو علشان رفيجي والله عنده وفلان عنده.

اما بالنسبة لنظام التشغيل فكل شركة تمدح نظامها ، ولكن في عالم اليوم الانظمة المفتوحة هي تنتشر بشكل عجيب وسريع لأنها مجانية ولان المطورين يدعمونها بكم كبير من البرمجيات.



و ليش الأيفون 4 أغلى من الجالكسي إس2؟
مشابه لسؤال ليش البورشه اغلى من الموستنج ؟
ارتفاع السعر ليس دليل ( دائم ) علي جودة او افضلية الشيء ، فيه بضائع قيمتها عالية جدا ولكنها عادية واقل من عادية في كثير من الاحيان يمكن استبدالها بنصف او ربع السعر بنفس الجودة .
يعني الفانتوم علشانه غالي راح يكون افضل سيارة بالعالم لا طبعا تقدر تقول سيارة فاخرة لفئة معينة من الناس .

والله تعالى اعلم.

 

[مهم للغاية]

يدل على الأصايل .. أثمانها

 

[Se7T]

الجلكسي جبار والأيفون له شعبيتة !

 

[al3wadi]

عزيزي كاتب الموضوع
لا شك ان ال Galaxy s2 يحمل مواصفات جبارة مازالت الأفضل في السوق
على الرغم من صدور iphone 4s
ميزات الجهاز كهاردوير أفضل من الاي فون وهذا أمر مفروغ منه
ولكن كسوفتوير يحتاج الى صبر ، ما توصل له الاندرويد الى الان
شيء رائع ولكن يحتاج الى المزيد من العمل كي يستقر النظام 100%
ما يميز الاي فون عن الاندريد كنظام كلي
- كثرة الالعاب التي يميل لها الكثير ، فهناك الكثير ممن يحب ان يحمل الالعاب في الموبايل
- الاكسسوارات في الاي فون أكثر منها في اجهزة الاندرويد عموما
- في الوطن العربي ، الشركات الكبيرة والمبرمجين بطيئين الاستيعاب لذلك تجد ان هناك
برامج كثيرة للاي فون ولا يوجد الا القليل في الاندرويد
- في الوطن العربي كثيرا ما يكون الشراء بسبب السمعه ليس الامكانيات الفعلية
ميزات نظام الاندرويد
- مفتوح المصدر ، يمكنك التحكم في الجهاز وشكل الشاشات التي تستخدمها
- يتقبل الفلاش و الجافا
- الوصول السريع لأي ميزه تريدها عن طريق الاختصارات widget التي تضعها بسطح المكتب
- المطورين للنظام كثيرين جدا فلا توجد هناك مشاكل في تطوير النظام وبشكل مستمر تقريبا
- أكثر سلاسة وسهولة من الاي فون فقط تحتاج الى خبرة في الاستخدام

ولكن ( لولا اختلاف الأذواق لبارت السلع )

 

[S c O r P i O n]

حمد التميمي هدي اعصابك وانت فعلا كرهتني بشي اسمة ايفون وانا عندي موضوع حاطة اخذ جلكسي ولا ايفون وباااخذ جلكسي بدون ادنى شك وروح دش اليوتوب او المواقع وشوف المقارنات الجلكسي متفوق على الايفون بكل شي وحتى ياشباب قطع الايفون كلها تجميع