يستاهلون المدرسين .. أسبابهم كثيرة
مشكلتنا مع المناهج .. هذا اللي ملاحظة المنهج يبيله مراجعه قوية في البيت .. المعلم قام بواجباته والدور علينا في البيت .. هذا ما هو المنهج القديم
بالأول ما في انجليزي من أولى ابتدائي واليوم شوف الفرق
بالأول يطقون طق بالعصى والكل كان لازم يحترم المعلم والحصة .. اليوم من يقدر يحاشي طالب ويسكته والله زين منهم المعلمين قادرين يؤدون دورهم احنا اعيال اثنين بالبيت ما تقدرلهم يالله تنحاش عنهم للديوانية
عيل معلم يبي يسكت عشرين طالب بدون عصاه وضرب .. والله أصفق له
احنا نقط اللوم على المعلم وننسى دورنا اللي هو متابعة اعيالنا ما لازم يسهرون وراء المباريات ولا تلقاه تحت الحافه معاه الايبود ويسهر ويروح المدرسة امتنح.. كل يوم شوف واجباته وكشكوله اش كتب وش قاعد يسوي بالصف
بصراحة يستاهلون .. واحنا وجهات نظر وكل واحد يشوف من زاوية
والله الموفق