الف مبروك للمعلمين

[bnyder2002]

مجلس الامه يقر كادر المعلمين وزيادة الطلبه بأغلبيه 44 صوت.......تحياتي

 

[عبد المعين]

مبروك للمعلمين يستاهلون

ماتسوي على الوزير احمد المليفى الموقف الذى وضع فيه اعتقد احترك كرت المليفى والان الطلبه والمعلمين عن طريق جمعيه المعلمين يطالبونه بالاستقاله

 

[سهم الغرام]

ممكن أحد يفهمنا شنو يعني زيادة الطلبه


مبروووك للجميع

 

[baselko]

زيادة مكافئة الطلبة من 100 دينار الى 200 دينار

 

[(ابوفواز)]

الف مبروك والفال لخريجي الحاسب الالي والمحاسبه والقانونيين

 

[علي يحيي]

راحت فيها ميزانية الكويت

 

[مراقب سابق]

راحت فيها ميزانية الكويت

لا إن شاءالله ما تروح .. الله يبارك لهم المعلمين مساكين والله العبوا فيهم علشان كادرهم.. وألف مبروك لهم ويستاهلون

ميزانية الكويت ولله الحمد حافظها رب العباد ولو كان تبي تروح فيها كان راحت في :
المضاربات اللي العبوا فيها بالمليارات بالأسواق العالمية أو من خلال الصناديق الاستثمارية ... ضخوا مليارات علشان دول وتجار
ما أظن هذا المعلم المسكين بيروح هذه الميزانية.. اللي بيروحون الميزانية حيتان كبار كبار ... لكن رب العباد لهم بالمرصاد إن شاءالله والله يحفظ لنا بلدنا وقائد مسيرتنا ونسلم من كل حاقد

والله يوفقنا وياك يا أخي الكريم

 

[waham]

ألف مبروك ولاتنسون الفقراء والمحتاجين

 

[علي يحيي]

الله يبارك للجميع

 

[سهم الغرام]

زيادة مكافئة الطلبة من 100 دينار الى 200 دينار

شكراً على التوضيح ​

 

[adel8877]

عقبال الوافدين و الغير كويتين .

 

[اشحفان]

يستاهلون المعلمين كل خير
والشكر لله عز وجل على نعمه
وفضله علينا ان حبانا بنعمة النفط

 

[السور]

ابى مدرس خصوصي لعيالي

 

[nokia70]

والله حرام فيهم دينار واحد زيادة, أعيالنا كلهم دخلناهم مدارس خاصة وندفع لهم آلاف الدنانير بسبب فشل وتقاعس معلمين الحكومة.

 

[baselko]

شكراً على التوضيح ​

حياك الله حبيبي

 

[الشرقاوي]

كادر المعلمين
زيادة النفط
زيادة المتقاعدين العسكرين هذا غير 100 الف دينار نهاية خدمه
كوادر لمعظم الموظفين
راحت فلوس الديره
وبعدين تشتكون من غلا اسعار الاراضي والاسواق
اذا نزل سعر النفط عن 60 دولار رحنا فيها
الحل راح يكون بطريقتين
اما فرض ضرائب
او تنزيل سعر صرف الدينار وهذه مصيبة المصائب
اما النواب مو هامهم الا الكرسي الاخضر
فهم ضمنوا مستقبل عيال عيالهم
من اليوم ورايح ما راح تحصلون شقه غرفتين اقل من 400 دينار
والاراضي غسلوا ايدكم منها انطر بيت الحكومه هذا استمرت الحكومه توزع بيوت بالمستقبل
قبل كنا نقول الله يستر على عيالنا
الحين الله يستر علينا

 

[بوشميس]

السلام عليكم جميعا بدايتا مبروك للمعلمين اقرار الكادر وان شاء الله يكونون على قدر المسؤوليه الملقاة على عاتقهم ويخرجون لنا الاجيال تلو الاجيال من ابنائنا

المثقفين ان شاء الله ولي امنية ان شاء الله يحققونها جميع المعلمين باختلاف حنسياتهم الا وهي اكتفاء الطلبه واستيعابهم لما يدرس في المدرسه دون اضطرار اولياء

الامور للدروس الخصوصيه لابنائهم نتيجة لعدم التدريس الجاد من قبل بعض المعلمين فهل سيتحقق ذلك بالقريب العاجل ام سيضرب اولياء الامور لطلب زيادة بالراتب
لتغطية القصور بالتدريس ولجوئهم للدروس الخصوصيه مع المطالبه بعدم استحقاق المعلمين للكادر في حال استمرار الدروس الخصوصيه كما هو الحال قبل اقرار الكادر

والله من وراء القصد والله المستعان

 

[albostan]

والله حرام فيهم دينار واحد زيادة, أعيالنا كلهم دخلناهم مدارس خاصة وندفع لهم آلاف الدنانير بسبب فشل وتقاعس معلمين الحكومة.

حرام عليك يكفي إنهم كويتين و الله لو قاعدين بالبيت هم يستاهلون

 

[كويت44]

صحيح والله حرام الزياده عليهم اولادي واولاد اخواني وكل اللي اعرفهم بالدوام مو فاهمين شئ بالمدرسه المدرسين مالهم خلق يدرسون ولا يعرفون كيفيه ايصال المعلومه للطلبه
المدرسين الكويتين وخصوصا المدرسات تشرح عشر دقائق من الحصه والباقي سوالف
وصراحه تعبنا من المدرسين الخصوصيين وخسرونا ميزانيه شهريه والسبب تدني مستوي التعليم عندنا المفروض الزياده لنا علشان ندفع للمعاهد والا هم تكفيهم رواتبهم الحاليه
الله يرحم المدرسين قبل الغزو وكلكم تذكرون شلون كان مستوي التعليم بالثمانينات
الحين مشي حالك اللي يفهم يفهم واللي ما فهم عنه ما يفهم
لا وتبون زياده المفروض يكون تفتيش دقيق علي مستوي الطلبه دوري والطلبه اللي مستواهم متدني يتم فصل المدرس وخله يدور وظيفه ثانيه علشان الوزاره تجيب مدرس متمكن من واجبه ويفكنا من عوار الراس

 

[كويت44]

كادر المعلمين
زيادة النفط
زيادة المتقاعدين العسكرين هذا غير 100 الف دينار نهاية خدمه
كوادر لمعظم الموظفين
راحت فلوس الديره
وبعدين تشتكون من غلا اسعار الاراضي والاسواق
اذا نزل سعر النفط عن 60 دولار رحنا فيها
الحل راح يكون بطريقتين
اما فرض ضرائب
او تنزيل سعر صرف الدينار وهذه مصيبة المصائب
اما النواب مو هامهم الا الكرسي الاخضر
فهم ضمنوا مستقبل عيال عيالهم
من اليوم ورايح ما راح تحصلون شقه غرفتين اقل من 400 دينار
والاراضي غسلوا ايدكم منها انطر بيت الحكومه هذا استمرت الحكومه توزع بيوت بالمستقبل
قبل كنا نقول الله يستر على عيالنا
الحين الله يستر علينا

الله يسلمك 3 مليون برميل يوميا ضرب 110 دولارضرب 365 يوم بالسنه
يساوي اكثر من 120 مليار دولار يعني اكثر من 30 مليار دينار بالسنه ولم يتم حساب ارباح الهيئه العامه للاستثمار التي ممكن ان نشتري فيها دول
ميز انيه الرواتب اقل من 10 مليار دينار بالسنه مستوي التعليم والصحه والخدمات المقدمه متدنيه
مشكله الاسكان وارتفاع الاراضي مفتعله لصالح التجار والا الكويت كلها صحاري او مشبكه مزارع لناس معينه مثل البحر ما نشوفه كله شاليهات لناس معينه واذا بغينا نودي عوائلنا للبحر اقرب شئ الخفجي
ومحطات الكهرباء غير كافيه ولا يتم مايكفي للبلد وكل سنه يقولولنا طفوا الكهرباء الضغط وصل حده تقول قاعدين بنغلادش
شنو فرقنا عن الامارات طافتنا وقطر اقل ميزانيه بتطوفنا خلال 3 سنوات ولا عزاء للكويت ولا حول ولا قوة الا بالله
لا احد يتعذر الميزانيه ما تكفي
المشكله بسوء التخطيط بسوء القائمين علي التخطيط بسوء الاشخاص الذين يراقبون علي القائمين بالتخطيط وليست المشكله بالميزانيه
والله المستعان