لا تنسونا معاكم احنا بعد وبيوتنا اللي مو راضية تطلع مع ان اعمارنا طقت فوق الاربعين وتقديمنا 2000 او1999او1998او.................. والاسكان لاحس ولا خبر على الاقل انتم عرفتم اللي لكم واللي عليكم لكن احنا ما نبني بيوتنا الا واحنا جريب الستين الله المستعات
جيت المكان اللي بوسطه تربيت
بيت قديم مأسسينه من الطين
باطراف ذاك البيت بالفكر سجيت
ذكرت وقت ماضي لي من سنين
قمت أنثر العبرة من الدمع هليت
ضيقة بصدري رافقت دمعة العين
تبقى بك الذكرى ولورحت وقضيت
وابكي على الأطلال لومابقي شين
باقي بك أشياء ذكرتني وحنيت
الزير وفراشي وبعض المواعين
واذكر سراجٍ كان يضوي لنا البيت
على سنا ضوه نلف الميادين
ياكم ليلة عشت فيك وتهنيت
وياكم مضى لي بك من العسر واللين
يابيت ياللي في خفوقي تعليت
اليوم في اركانك تنام الثعابين
ياليت أعيد اللي مضى واسكنك ليت
لولا ظروف وقسوة الوقت هالحين
ماانساك مهما غيرك اليوم سويت
مهما سكنت من الفلل والملايين