زين عالم سخيف - معاناه معانااااااااااه

[فضل]

جم تاخذه :d



​

اللى انت تحدده ، وانت وذمتك
​

ضبطنا يا بورنا وماراح انساك ..

​

 

[abo Rana]

اللى انت تحدده ، وانت وذمتك
​

ضبطنا يا بورنا وماراح انساك ..

​

شووووف ودي احدد بس اول شي انت سووم

واشوف اذا بعيده سومتك

وترا بياع والجهاز جديد بس مصلح

​

 

[Om Hind]

وشرايج باللى بيفكج من هالمعاناة كلها


تبيعينى اياه على خرابه ؟

​

هههههه اضحك الله سنك

لالالا الحياة بدون اي فون كالحياة بدوون خبز اسمر

 

[Om Hind]

اشوف تليفوني انباع وانا ما ادري

عموما الي يبيه ياخذه ويعطيني واحد يديد

 

[abo Rana]

اشوف تليفوني انباع وانا ما ادري

عموما الي يبيه ياخذه ويعطيني واحد يديد

جم تزيديني

 

[Om Hind]

مو استلمه بالاول

كلمت الفرع الرئيسي قالولي كلمي مسئول السالمية وحولي عطوني رقمه

كلمته قالي اردلك خبر اليوم

مو حافظين إلا هالجملة

 

[abo Rana]

مو استلمه بالاول

كلمت الفرع الرئيسي قالولي كلمي مسئول السالمية وحولي عطوني رقمه

كلمته قالي اردلك خبر اليوم

مو حافظين إلا هالجملة

ياااااافرحه ماتمت

 

[saadkuwait]

بالعكس شركة زين احسن شركة
انا فيها من 15 سنه خدمتهم ممتازة
اعتقد انها افضل شركة بالكويت
الله يوفقهم
----------------
الشكر لصاحب الموضوع بارك الله فيك

 

[S c O r P i O n]

بالعكس شركة زين احسن شركة
انا فيها من 15 سنه خدمتهم ممتازة
اعتقد انها افضل شركة بالكويت
الله يوفقهم
----------------
الشكر لصاحب الموضوع بارك الله فيك

د


من ربعهم لاوحاطلي صورتهم يبى نعرفها من كثر ماهم مومخلين مكان موحاطين اعلان ومن ظهورنا
وبعدين شركة زين محد يختلف عليها انها افشل شركة واكبر شركة نصب بالكويت

 

[S c O r P i O n]

انا اسف نسيت الموضوع والله يالاخت ليمرمطونج ويخلونج تكرهين اليوم اللي اشتريتي فيه التلفون
هذي سياسة الشركات يماطلون ليمى يخلونك تمل وياخذون حقهم بس انتي لازم تشدين معاهم او تروحين حماية المستهلك القشران والله مايغشمرون يطلعون حقج من عيونهم

 

[Om Hind]

استلمت الجهاز امس

نفس المشكله مازال خرباااااااااااااااااااااااااااااااااااااااااااااااااااااااااان

والمسئول سكر جهاااازه

بروحلهم اليوم هما قالولي لو ماصار بنبدله هالمره بنشوووف اليوم الله يساااعدني اصبر عليهم

 

[plus q8]

ام هند الله يمسيك بالخير مرى مركز حماية المستهلك بالفحيحيل

قبل سنه صار معى نفس المشكله شريت جهاز جديد رحت البيت طلع خربان رديت عليهم قالو خله عندنا اليوم بنشوفه​

خذيته اليوم الثانى ونفس الشئ رحت حماية المستهلك طلع معاى مفتش ورحنا للمحل حاول فيهم يبدلونه ورفضو سحب الرخصه وقال راجعونا فى المركز ربع ساعه ولا مدير الشركه جاى وتغير كلامه قال الى تبون طبعا لان فيها غرامه اقل شى 500 دينار غش تجارى المهم رحت معاه وخيرنى فى كذا ماركه ............ اخذى الفاتوره وروحى مركز حماية المستهلك بالفحيحيل قرب الجمعيه وشوفى شنو ايصير.........وسامحينا على الايطاله​

 

[Om Hind]

مشكووووور والله انا بالي طويل عليهم زين الرئيسي عطوني رقم المدير الاقليمي، قلتله المشكله وقلتله انه هذي 3 مره خربان مايصير قالي اوصلي زين السالمية ودقي علي اليوم لما رحتلهم العصر يبدلي اياه دقيت عليه وكلم المسئول وقاله يبدلي اياه

بس المرمطة والبهدلة لآخر لحظة طلع اللون الابيض مو متوفر وقالولي تعالي بالليل عال9

قلتلهم ما ابي اللون الابيض عطوني الاسود ماعندي مانع كرهتوني اللون الابيض

قال الموظف المصري مايصير لازم الي شريتيه لونه نفسه تاخذيه

دقيت على المدير الاقليمي ثاني قالي موضوع اللون من ابل اهم الي مدققين على هالشي

شكرته بس قلتله على كثر الوزارات بالكويت والروتين والروحة والردة الي فيها ماتعذبت مثل ماعذبتنا زين ، وهو المدير ماقصر ابدااااا اكيد مشكور على وقفته جزيل الشكر
والمهم الحمدلله انه تبدل الجهاز
بنشوووف اخرتها المسا الله كريم لنا الله

 

[S c O r P i O n]

تشكرينة على شنو هذا مادفعلج من جيبة؟
اختي ام هند ترى الطيبة الزايدة هالوقت ماتنفع وبتضيع حقوقج

 

[Om Hind]

تشكرينة على شنو هذا مادفعلج من جيبة؟
اختي ام هند ترى الطيبة الزايدة هالوقت ماتنفع وبتضيع حقوقج

ومعك حق هاليومين اذا ما اخدت حقك بذراعك ولا راحت عليك

لكن كل انسان بيعامل الناس بطبعه افضل من يعاملهم بطبعهم

واذا عالطيبة لو إلتغت منا بتصير الدنيا صعبة

والحمدلله مافي حق بيضيع عند رب العبااااد

استلمت جهازي اليديد صحيح تبهدلت وتلعوزت لكن بالنهاية تم المراااد ولله الحمد والمنه

وانا كتبت معاناتي هني وطبعا ماغيرت رأيي ان زين مازال عالم سخيييييف

وانتوا كلكم ماقصرتوااا الحمدلله ووالله انتوا المشكوووورين ايضا اكيد اولا وأخيراا

وجزاكم الله خييييير

جمعة مباااركة

 

[أعرابي]

شلوونكم

من 14 يوم اخذت جهاز اي فون ابيض 16 جيجا من زين بفرعهم الفحيحيل بالكوت مع عرض ال30 دينار
سألت الموظف لو واجهتني مشكله بالجهاز شسوي؟؟؟

قالي لا تروحي الافرع ، اخذي الجهاز سيدا عالكفالة

وفعلا الجهاز كان فيه مشكله كل ما يكمل الشحن يبدأ يعيد التشغيل بروحه كل عشر دقائق

ومثل ماقالي الموظف رحت عالكفالة بحولي ( كونسبت)

اخذ الجهاز يوم كامل قعد عنده وثاني يوم ردلي الجهاز وقالي صار تمام

رحت البيت المشكله ما انحلت

رجعتله ثاني قلتله الجهاز بعده على حاله قلتله اول مايكمل شحن يسوي ريستارت قالي (الفني جربه يوم كامل الجهاز ماكان فيه شي وقالي ان البطارية تبدلت)

اخذه ثاني وقعد عنده يوم كامل ايضا ولما رحت استلمه قالي نفس الشي اننا بدلنا البطارية

قلتله عطيني تقرير بالزيارتين اذا المشكله مازالت موجودة بروح زين ابدله راح عطاني تقرير واحد بس حق زيارة الاخيرة مكتوب فيها تبديل بطارية قلتله وين الي قبلها

ولا يقولي (انا مش فاكر تاريخ الزيارة الي قبلها) مع اني قبل بيومين كنت عنده وكان مسوي طلب بالكمبيوتر يعني يقدر يطلع التقرير بس يستهبل لأني متأكدة ان اول مره اخذ الجهاز ما بدل شي ولا صلح شي لأنه ماكان يعرف شفيه!!! ومع الزحمه طلعت من المحل

رحت زين السالمية قلتلهم مشكلتي الفني اخذ الجهاز وقالي باجر بالنهار كلمينا ونقولك المشكله قلتله بدلوه مايصير تعطوني جهاز خربان بطلوه 100 مره قال مايصير يتبدل الا بعد 3 ايام من تاريخ الشراء

قلتله انا مو ذنبي موظفكم قالي لا تجينا روحي الكفالة مباشرة
رد وقالي (يامادام انا ماليش بغلطة غيري)!!!
المهم ثاني يوم دقيت الصبح عالساعة 11:00 قالي (معلش لسة ما اشتغلش فيه الفني حكلمك العصر واردلك خبر) انا كلمته عال11 قلت بعطيهم وقتهم وبالاخر يطلع مو شغالين فيه اساسا
ومع ذلك نطرت حتى لبعد العصر وما دقوا علي
دقيت انا عال4:30 امس 13-10-2011 قلتله اليوم خميس !! الجهاز بيقعد لبعد الويك اند يعني؟؟؟؟ قالي ( الظاهر كدة ) طلبت منه انه مايضحك علي ويرجعلي الجهاز نفس الشي قالي (ولا يهمك وان شاءالله حتاخديه النهاردة)

المهم قلت بروح اكلم المسئول الفني يستهبل وماعنده حل من قبل بيوم مخليتلهم الجهاز ويقولي نطري نطري

رحنا للمسئول قلتله موظفينكم كل واحد يقول كلام ،عيب شركة كبيرة ماعندهم كلمة واحدة ويرموا اخطائهم على بعض قلتله الجهاز قعد عندكم اكثر من عندي واتبطل 100 مره مافي احد يرضى ياخذ جهاز خربان ما ابيه، قال مستحيل ابدلك اياه ماعندي لك حل ونطري لبعد الويك اند اذا ماتصلح قدمي شكوى ويمكن يتبدل ويمكن لا بس بما انك 3 مرات يبتيه ان شالله بيبدلوه !!!!!!! هذا رد؟؟


معاناه معهم 14 يوم والسبت بيكملوا 15 والاحد 16 طبعا على ما يتعطفوا ويردون علي ولما يتفضلوا ويداوموا عالاحد

مابقول غير حسبي الله عليهم ​

لأني عملت في مجال النقال سابقا فحبيت أقول إن هذا إسلوب متبع عند أغلب الشركات إلا من رحم الله و هو إسلوب بث الملل و اليأس في نفس العميل حتى ييأس و يطفش و يتخلى عن حقه في الكفالة و يكره حتى أن يمر على الشركة و على فكرة شركة كونسبت تكفل الأيفون للكثير من الشركات حتى فيفا , فيجب الحذر و السؤال عن الشركة الكافلة قبل الشراء . و فيه أسلوب ثاني الجهاز دزيناه لأمريكا أو لدبي حتي يبررون التأخير و تمل بسرعة . هذي الأساليب يراد منها توفير التكلفة على الشركة و عدم قناعة أصحاب الشركة بالفائدة و قناعة بصعوبة منافسة الشركات إلا بإعتماد أساليب ملتوية .