انفجار في مصفاة ميناء الاحمدي

[البخيت]

اول شي الاعمار بيد الله سبحانه

ثاني شي ليش ماقلت العمال ما يفتهمون او مهملين او اي سبب

وليش ما يبت طاري الكويتيين الاثنين الي تضررون باضرار خفيفه ولله الحمد

واصلا يامه توفو كويتين بالقطاع النفطي ويامه ناس حاشتهم اصابات

الي قاعدين بالمكاتب يقرون عدادات ومو عاجبينك كافي ان قاعد بمنى دار مداره مكاين ومعدات وازعاج وعلى اعصابه

على فكره 3 من ربعي بالقطاع النفطي توفو والله يرحمهم


اول شي دام العمال ما يفهمون شحقه جايبينهم يشتغلون بالشركه

ثاني شي الي حاشتهم اصابه يشتغلون بالمطافي


ثالث شي بدال ما يزيدون معاشات الي قاعدين على قولتك بالمكاتب

خل يزيدون معاشات المطافي الي كل واحد فيهم يعرض حياته للموت يوميا

والي صج كل سنه نسمع بست الى سبع حالات وفاه غير الاصابات


وانت الي ماتدري عن شي

ما تدري انه في مراغبين جويين بالمطار الغلطه الصغيره منهم ممكن يروح فيها مئات الارواح

هذول الي قاعدين على اعصابهم صج ما زادوهم

ماتدري انه الي يشتغلون بالمطافي وكل يوم يعرضون انفسهم للنار ويدشون داخل النيران عشان يطفونها بدال ما يزيدونهم حطولهم بصمه

انت ماتدري انه المدرس الي يخرج عيالك وعيالي ويتحمل المشاغب ويتحمل المعاق ويتحمل الغبي ما زادوهم

والله ماني حاسد الي يشتغلون بالنفط والله يرزقهم يارب

بس مو معقوله يزيدون الي معاشاتهم الفين وثلاث الالف ويخلون الي معاشاتهم 900 دينار

وانا سألت واحد يشتغل بالنفط والله على ما اقول شهيد لما سألته عن العمال ومن باب الغشمره قلت له هذول فضحوكم انكم ما تشتغلون رد علي قال لا هاذي اشغال شاقه ما يشتغلون فيها الكويتين


اتمنى منك انك ما دافع عن شي ماتدري عنه ماهي فزعه وانا اخوك

 

[البخيت]

البخيت مساك الله بالخير
اسمح لى اسألك كم سؤال لو تكرمت
شنو تعرف عن عمل المصافى وخاصة مشغلى الحقل؟
من الذى يقوم بوقف وحدات التكرير عن العمل ومن الذى يقوم بالصيانه ؟
من هم أصحاب المكاتب ومن أى درجه بالتحديد يتم الحصول بها على هذه المكاتب ؟
الأسئله كثيره جدا ولو سردتها لم يكفينى يوم كامل بطلوع شمسه الى الغروب من سرد الاسئله ولكن اتمنى الرد على ماسبق ذكره لو استطعت !

اخى الكريم الكثير من الشعب الكويتى لا يعلم مدى خطورة العمل بهذه الوظيفه ولن يعلم خطورتها للاسف حتى لو قصصنا عليكم بعض الروايات الحقيقيه التى حصلت معنا كمشغلى حقول ولن تحسوا بهذه المعاناه حتى تعملوا بها وتلاحظوا الخطر المحيط بكم ولكن الحافظ رب العباد .

على فكره وقبل الختام انتشر بيننا كشعب بكافة اطيافه الا ماندر مسألة الحسد والعياذ بالله ونقيضه الغبطه فلماذا لا يغبط المسلم أخوه المسلم بدل من أن يحسده !!​

اخوي الكريم مساك الله بالنور

ويشهد الله علي اني مو حاسدهم والله يزيدهم ويبارك لهم في اموالهم

وادري انه شغلتهم خطره وادري انها تسبب امراض خطيره

بس الحمد لله معاشاتهم حيل قويه وغير المميزات السنويه

انا ماني حاسدهم بس هم القناعه مطلوبه

انا اقصد ليش الي ماله حق يطلب ويضر الي له حق

الحين كل العالم يبون كوادر وزيادات

كل العالم طالبين زيادات وانا وجه نظري انه اربع منهم يستحقون الزياده

المطافي والمسعفين المدرسين المراقبين الجويين

وانا والله ما اشتغل بولا وحده منهم

اذا كل موظفين الكويت طلبو زيادات ماراح يعطونهم

فليش انا الي قاعد تحت مكيف اطلب واخرب على الي يشتغل بالمطافي

وحتى لو زادو كل موظفين الكويت راح يبقا في ظلم

مو معقوله انا موظف قاعد تحت مكيف معاشي مقارب حق معاش الاطفائي

 

[العوضى]

سبحان الله كل الي يموتون عمال اسيويين

دليل انه الي يشتغلون اهم العمال والكويتين بالمكاتب ولا يقرون عدادات

على شنو يطالبون بالزيادات

الله يرزقهم ويزيدونهم بعد بس خل يشتغلون عدل ارواح الناس مو لعبه عشان غلطاتهم يموتون الاسيويين

فقط للعلم اخى العزيز , انا راح اتكلم بصفتى مراقب تشغيل مصافى سابقا فى مصفاة الشعيبه , ان جميع المسؤولين و المراقبين والملاحظين والمشغلين على مستوى الشفتات الأربعه كويتيين بشكل كامل وهناك بعض بقايا العمال السابقين والذى تم تدريبهم من قبلنا ( كويتيين ) وهم لا يتعدون عشر او ثمان اشخاص على مستوى جميع الشفتات , حتى المهندسين سواء كانوا من اقسام التشغيل او الآلات الدقيقه او الصيانه او الكهرباء كويتيين , الوافدين فقط عند المقاوليين والغالبيه يتبعون مجموعه الخرافى وعاده يتم استبدالهم كل سنتين حسب الحاله , بمعنى يجينا غشيم و يتعلم !! ويبدوا هذا سبب كارثة الأحمدى , عدم الخبره وحسن التصرف اثناء عملية الصيانه من قبل تلك الفئه ( الوافدين الأسيوين ) , ارجوا ان تراجع ما كتبته والمشكله ان هناك الكثيرين لا يعلمون ما يحدث فى هذا القطاع الحيوى , فعلا انهم الجنود المجهولين ويستحقون الزياده التى حصلوا عليها

 

[البخيت]

فقط للعلم اخى العزيز , انا راح اتكلم بصفتى مراقب تشغيل مصافى سابقا فى مصفاة الشعيبه , ان جميع المسؤولين و المراقبين والملاحظين والمشغلين على مستوى الشفتات الأربعه كويتيين بشكل كامل وهناك بعض بقايا العمال السابقين والذى تم تدريبهم من قبلنا ( كويتيين ) وهم لا يتعدون عشر او ثمان اشخاص على مستوى جميع الشفتات , حتى المهندسين سواء كانوا من اقسام التشغيل او الآلات الدقيقه او الصيانه او الكهرباء كويتيين , الوافدين فقط عند المقاوليين والغالبيه يتبعون مجموعه الخرافى وعاده يتم استبدالهم كل سنتين حسب الحاله , بمعنى يجينا غشيم و يتعلم !! ويبدوا هذا سبب كارثة الأحمدى , عدم الخبره وحسن التصرف اثناء عملية الصيانه من قبل تلك الفئه ( الوافدين الأسيوين ) , ارجوا ان تراجع ما كتبته والمشكله ان هناك الكثيرين لا يعلمون ما يحدث فى هذا القطاع الحيوى , فعلا انهم الجنود المجهولين ويستحقون الزياده التى حصلوا عليها

اخوي العوضي يمكن اكون انا غلطان

بس انت من داخلك اسأل نفسك شغلك اصعب واشق من المطافي

عموما الظاهر اني انفهمت غلط

والله ما كان قصدي انه ليش يزيدون النفط قصدي العتب انه الحكومه ماعندها اولويات

كان المفروض منهم يفكرون بالي شغلهم اخطر ومعاشاتهم مو بمستوى خطوره شغلهم

انا موظف مدني ولو انهم زايدين المدنيين قبل لا يزيدون الي بالنفط راح اقول نفس الكلام

ويشهد الله والله على ما اقول شهيد

اني استانست لما زادو العسكريين وانه صاحبي رقيب اول بالشرطه ومعاشه زايد عن معاشي 60 دينار

اني دايما اقوله انتو مظلومين ولازم يزيدونكم انتو تشتغلون تحت الشمس وكل يوم تصيرلكم مشاكل

ما يصير معاشي قريب من معاشكم وانا مدني

 

[alemperator]

تابع منتدى القطاع النفطى وسوف تجد قصة الكادر
تابع منتدى القطاع النفطى وسوف تجد الظلم والحزبيه
تابع منتدى القطاع النفطى وسوف تجد سلم الرواتب لموظفى الشركه
تابع منتدى القطاع النفطى وسوف تجد الكوارث والاخطار المعرض لها أبناء بلدك
تابع منتدى القطاع النفطى وطز بالفلوس اللى تخليك فى لحظه من اللحظات تحت مفاعل ضغطه 2280 وحرارته 750 فهرنهايت وقاعد يتسرب منه غازات وعلى راسها غاز الهيدروجين بحجة ان ربعك وزملائك وبعض افراد المطافى الذين هم من كل قبيله ومن كل عائله من عوائل الكويت تحاول السيطره على هذا التسرب ولو لا الله سبحانه ثم الله سبحانه لتيتم الاطفال وترملوا النساء !
عقولنا شابت وقلوبنا ضعفت من كثر الأهوال التى تحصل بين الحين والاخر ولكن ارجع واقول الحافظ رب العالمين .​

 

[المطرود]

انا أعرف خطورة العمل بهذا القطاع وكان لي أخ يعمل في مصفاة الأحمدي والآن متقاعد وقد تعرض كثيرا لحوادث شبيهة بذلك الحادث منها تسريب للغازات السامة أو للبخار الساخن جدا وغيره فالله يعينهم ويحميهم من تلك الحوادث وكل واحد يموت بيومه ، وأذكر قبل كم سنةتوفي إثنان توفوا من المهندسين على ما أعتقد بسبب الغازات ومنهم كان واحد من عايلة الكندري والآخر من الجنسية الآسيوية الله يرحمهم ، وكذلك أذكر صار إنفجار في المصفاة وكان يومها رايح للدوام صباحا وعلى أثر ذلك الإنفجار تكسر زجاج نوافذ بعض المنشآت الصناعية التي كانت بعيدة خارج المصفاة .

 

[دوم خسران]

تحياتي للجميع وأسعد الله صباحكم بالخير والى أخونا الكبير المشرف ميكانيكي والى الاخ الكريم البخيت والى كل الأخوه الكرام المشاركين في هذا النقاش الجميل والذي يؤكد أهمية كل مهنه ولله الحمد كلنا في الف خير ونعمه

1/لم تكن زيادة القطاع النفطي لانهم الافضل من غيرهم

2/إنما كانت الزياده لتتساوى مع القطاع النفطي لدول الخليج

3/وكذلك لمنع خروج الكوادر وللحفاظ عليها لتحرس ثروة بلدها

4/رغم ذلك يقول وزير النفط لا تزال رواتب القطاع النفطي الكويتي ترتيبها الخامس على دول الخليج وبعدها البحرين

5/موظفين القطاع النفطي في كل دول العالم من أعلى الرواتب

6/للعلم الوافد يصرف له مزايا أكثر من الكويتي والكويتي في القطاع النفطي يعلم ذلك وبرحابة صدر يأخذ الامر
إحتراما لقوانيين شركته -- وليعم الخير على الجميع

7/يجب علينا إحترام إرادة المسؤلين العليا

هناك موظف كويتي خرج من شركة نفط الكويت ويعمل في الامارات وراتبه 20الف دينار ويدير شركه نفطيه حساسه

وهناك موظفه كويتيه كانت في شركة نفط الكويت والان مديرة شركه رأس مالها مئات الملايين وراتبها خيالي

القطاع النفطي في الكويت ومصدر ثروتها هو بحق مفخره لشعب الكويت
لانها تكاد تكون هي الوحيده بسواعد وطنيه 100%

على مستوى الخليج ومصر والعراق واليمن وليبيا​