قطر أغنى دولة في العالم

[متداولة]

الله يزيد النعمه علييهم وعلي جميع المسلمين

الاخوان اللي تقولون احنا بنعمه ورواتبنا احلا رواتب تري ندري والحمدلله علي نعمة البترول اللي شايلتنا بس تكلمو بالعقل شوفوا مشاريع التنميه احنا وين واخوانا بالخليج وين كل شي دش فيه رشاوي وشيلني واشيلك واللي يستحق فعلا مقعدينه احتياط ^_^ مجلس اداره يتفق مع شركة داو بدون العوده لديوان المحاسبه ويوقع عقد جزائي مليارين ونص علي نفسه والا التامينات اللي فلوسها راحت مع الشركات الخسرانه و و و

شوفو مطارنا يلوع الجبد والا استاد جابر المائل وهاليومين فرحانين اعلانات الاشغال علي جسر وتطوير المطار ويا خوفي انه حتي الاعلانات مصلحه لصاحب المطبعه ^_^ الا صج وين مدينة الحرير ؟

 

[عبدالعزيز34]

اختى متداوله هالكلام لج ولغيرج اللى مثل تفكيرج - شوفي عسى عمرج طويل واقري بتمعن وتمهل - الكـــــــــــــــــــــــــــــــــــــــويت ماتتقــــــــــــارن ابد مع اى بلد كان بالعاااااااااااالم - سجلي عندج اكثر بلد بالعالم راعي يتاما هي الكـــــــــــــــــــــــــــــــــــــــــــــــــــــــــــــــــــــــــــويت سجلي عندج أأمن بلد بالعاااااااااااااااااالم هي الكــــــــــــــــــــــــويت سجلي عندج اكثر معاشات ومساعادات ودعم على المواد الرئيسيه بالعالم هي الكويت - وارخص بلد بالعالم هي الكويت فقط بدينار تتعشين او تتغدين افضل اكل وانظف اكل - واقسم باللذي لا اله غيره ماكو مثلها بلد بالعالم - سجلى عندج ممنوع فيها منع باتا الخمر والقمار والمراقص وجميع المهالك الهالكه - اما كلامج عن الرشاوى معناها البلا كل البلا بالراشي والمرتشي - يامتداوله الكـــــــــــــــــــــــــــــــــــويت وافدهـــــــــا سوى فراش او مدير او شنو تكون وظيفته او بدون وظيفه مايطلع منها - يتم فيها لين يمووت وبدون اقامه وعايش احسن عيشه الكويت اهلها طيبين يامتداوله طيبيـــــــــــــــــــــــــــن ورابين على الخير والنعمه وسمحين - الكويت في كل بلد بالعالم لها اليد الطوله بالخير سوى بناء مساجد او دور رعاية ايتام او ارتوازات في جميع بلدان العالم - ماقول الا اللـــــــــــــــــــــــــــــــــــــــــــه يحفظها ويعزها ويعز حاكمها اميرنا بوناصر ابو المكرمات الكبيره ويعز شعبها ويحفظها اميـــــــــــــــــــــــــــــن

 

[عبدالعزيز34]

الوزير عندنا مايمديه يشتغل الا استجوب المجلس له اربع شهور بربع استجوابات - وفيه ثلاث استجوابات بالطريق ؟ الوزير وينه والشغل وين

 

[متداولة]

الكويت اهلها سمحين واول كلامك تقولي لج واللي مثل تفكيرج ؟ استهدي بالله وانا وخيتك

وشنو ارخص بلد بالعالم هذي ؟ تضحك علي والا علي نفسك ؟ هذاك اول الحين كل شي سعره تدوبل

الكويت أئمن بلد بالعالم والعراق غازيها وكل شوي مضايقينا الحين بسالفة الحدود ومينا مبارك وجواسيس ايران اللي صادوهم ؟

بخصوص الاستجوابات انا شايفه المجلس الحالي ممتاز الله يهدي الجويهل بس اهو واستجواباته اللي تفشل

اخوي الشق عود خلك عن الكلام اللي ما يوكل عيش نبي نتكلم بواقع واعتذر لو ردي ما عجبك

 

[مضارب قديم7]

بصراحه كلام اخوي عبدالعزيز 34 أنا ايده بقوه مافي نفس الكويت. بالنسبه حق الأخت متداوله. اويختي بلنسبه حق الأمان الحمدلله موجود والغزو صفحه سوده وانقلبت ونشاله ماتعود. وترا حتا الأمارات الشقيقه عندها جزر محتله من قبل أيران حاليا ومع هاذا الأمان موجود ويتنعم فيه شعب الأمارات الشقيق. ويكفي الكويت انها السباقه بكل شي ومعاشات شعب الكويت الحمدلله من احسن المعاشات. وذا تبين اتقارنين قارني وشوفي جم سعر الكهربا والماي والبنزين وسعرالدينار راح اتشوفين انه الكويت ارخص ديره. وتبقا الكويت الله ايحفضها من كل مكروه ويحفض صاحب السمو بوناصر ويطول بعمره

 

[متداولة]

بعرف شغله انا قلت ان رواتبنا سيئه ؟ الحمدلله الله انعم علينا ببحر بترول تحت ارضنا تتوقعون رواتبنا تكون مثل جيبوتي طبعا لا ؟ ردي كان عن اخوي عبدالعزيز اللي كل شي خلاه عندنا افضل بلد بالعالم ^_^

وازيدك بعد من افضل البلدان بخسائر خزينة الدوله بسبب سوء الادارات هي الكويت ؟

ارجع واقول الحمدلله عالنعم لكن الله سبحانه ما يقبل ان ما نستغل ثرواتنا اللي انعم فيها علينا بشكل افضل لتنمية بلادنا وبلاد المسلمين جميعا مثل الصندوق العربي للتنميه احد حسنات الكويت الحاليه

 

[سهم_كويتي]

يالله صباح خير..
الواحد عشان يتطور إلى الأمام ومايرد يتخلف يجب عليه بأن يرى من أعلى منه قدوة وتعلما ليس كمن ينظر بين رجليه فلن يرى شيئا ولن يتقدم خطوة للأمام, حسد البعض للآخرين لما حصلوا عليه وما وصلوا إليه من إنجازات ولد فيهم الحقد والغيرة من هؤلاء الأشخاص و (صبرك على كيد الحسود فإن صبرك قاتله,, فالنار تأكل نفسها إن لم تجد ماتأكله) صراحة هالكلمات عجبتني وتعمقت فيها وايد.. المهم مانطول مدينة الحرير في علم الغيب وجسر جابر معاها والمطار بعد,, والأشغال فالحين إعلانات وخرابيط لا تودي ولا إتييب احنا نبي أفعال لا أقوال.. دام هذا مجلسنا وهذول مسؤلينا واسطات ومحسوبية لا على الكويت السلام

 

[الصريح والصحيح]

يا ربي سترك
حلطم تحلطم ومد البرطم وناقش ونحش ولع ولع شعلل شعلل