ألغاز إذا تحب تشارك

[مهرة بلا فارس]

يمكن لان اول من سواها هم القياصره قبل ؟؟

 

[عاشق ليفربولA]

أمكن لانها وقتها قصير وبنفس الوقت صعبة

 

[جواهر]

يمكن معنى الكلمه ( قيصريه) من الشق

 

[waham]

يمكن لان اول من سواها هم القياصره قبل ؟؟

نسبة لاسم الدكتور يونيوس او يليوس قيصر وسمو هذه العمليه بإسمه
شاكر مرور الجميع

 

[waham]

ليش ببداية تصوير المشاهد يطقون الخشبة اللي لونها مخطط اسود وابيض ويقولون أكشن؟

 

[waham]

ليش ببداية تصوير المشاهد يطقون الخشبة اللي لونها مخطط اسود وابيض ويقولون أكشن؟

صاحب المدونة

kumail
http://www.kumailplus.com

تدرون ليش ببداية تصوير المشاهد يطقون الخشبة ويقولون أكشن؟
واذا واحد تفلسف وقال عشان يعلنون بداية المشهد حق الممثلين راح اقول لا يبه مو هذا السبب الأساسي.
ويضبّطكم كُميل ويعطيكم الجواب السنع،، أكشن!
يسمونها بالانجليزي – clapperboard وبالعربي مو عارف أترجمها إلا بلوحة الصفق.
أيام أول الكاميرات كانت بدائية لما تبدي التصوير أول چم ثانية تكون بطيئة وتصويرها مو تمام بس بعدين يصير مضبوط والصوت والصورة يصيرون متزامنين مع بعض ومضبوطين، عاد مع شغل المونتاج وقطع المشاهد وترتيبها وإضافة الموسيقى الخلفية والمؤثرات كلها مرات الصوت يضيع ويسبق الصورة، أو الصورة تسبق الصوت (مثل اللي يصير مرات لما نشغّل فيديو يوتيوب والأنترنت دايخ بطيء)، بالانجليزي يسمون هالمشكلة lip flap.

عاد ابتكروا سالفة اللوحة هذي والضربة اللي معاها عشان يكون علامة واضحة لضبط الصوت مع الصورة، يعني إذا شافوا تزامن الصورة مو ضابط مع الصوت يرجعون حق أول المشهد لما طقوا اللوحة وعالبطيء يتأكدون من ضبط لحظة ضرب الخشبة مع صوت الضربة المسجل، وچذي يرتاح المنتج والمخرج ويكملون شغلهم في المونتاج والتعديل. حتى مع تطور الكاميرات وتكنولوجيا التصوير لي الحين تحوشهم هالمشكلة مع أعمال المونتاج ومن چذي لي اليوم يستخدمونهم.

سالفة إعلان بداية التصوير هذي شغلة ثانوية، وعشان تصدقوني أصلاً مرات يبدي تصوير المشهد من غير الضربة بالبداية، بس مع انتهاء المشهد يحطون اللوحة ويعرضونها مقلوبة ويطقون الضربة بس عشان سواد عيون السبب الأساسي اللي ذكرته بالأول وتضبيط الصوت مع الصورة. نفس الشي سالفة بيانات الفيلم والمشهد المكتوبة عاللوحة أيضاً شغله ثانوية مو أساسية عشان اذا كانوا يبون يرجعون لتصوير لقطة معينة.

وليش الخشبة اللي نشوفها مخططة بالأبيض والأسود؟

1- عشان يميزون بُعد الصورة من وضوح الخطوط ويضبطون دقة العدسة للمشهد.

2- عشان الخشبة نفسها تكون واضحة بتصوير الكاميرات القديمة سواءاً كان المشهد بالليل أو نهار أو الخلفية غامجة يقدرون يميزون حركة الخشبة لما تطق أحسن من لون واحد ويضيع مع الإضاءة أو الخلفية السوده.

مع تطور الكاميرات والتصوير الحين قاموا يحطون الخشبة ملونة بأكثر من الأبيض والأسود لتمييز الخشبة أكثر عن الخلفيات المختلفة، وطبعاً بعضهم قاموا يكتبون الأرقام ديجيتال لتوضيح البيانات أكثر
واذا المشهد كان صامت مافيه أي صوت أو بس موسيقى تصويرية؟
بس يعرضون اللوحة شوي بأول المشهد بعدين يشيلونها من غير الضربة.
عالسريع:
بدوا باستخدام هاللوحة حوالي سنة 1920 في استديو إيفي – Efftee Studios بميلبورن، أستراليا. الظاهر اكتشفها رئيس الاستديو ايامها فرانك ثرينغ – Frank Thring. قبل هاللوحة كانوا اييبون واحد ماسك سبّورة وعليها بيانات المشهد، وواحد ثاني ايي ويطق عصايتين ببعض جدام الكاميرا لنفس الغرض، بس بعدين دمجوا الشغلتين بلوحة وحده وقللوا مصاريف بدال اثنين صار واحد هم يمسك اللوحة وهم هو يطقها لول. واعليّه الثاني تلقاه حقد عالخشبة ومكتشفها
مرات إذا ما لقوا اللوحة في الاستديو اييبون واحد يوقف جدام الكاميرا يفتح ايده شوي بعدين يصفّق حيل عشان يخدم نفس الغرض .
اللي يبي يشتري من هاللوحة يقدر يحصّلها في أمازون باسعار مختلفة من دينار ونص كويتي إلى 15 دينار أو أكثر شوي.
​

 

[مهرة بلا فارس]

ليش ببداية تصوير المشاهد يطقون الخشبة اللي لونها مخطط اسود وابيض ويقولون أكشن؟

شرهتك على الي يدري انها تنطق وملعن خيرها هههههه

 

[waham]

شرهتك على الي يدري انها تنطق وملعن خيرها هههههه

 

[waham]

شي يقف فيه الرجل خمس مرات باليوم
والمرأه مره واحده بحايتها ويتكون من خمس حروف
ومذكور في القرآن ​

 

[abobader q8]

اعتقد المحراب ينطبق عليها كل اللي قلته بس من 7 احرف ماتخصملي حرفين

 

[waham]

اعتقد المحراب ينطبق عليها كل اللي قلته بس من 7 احرف ماتخصملي حرفين

خلاص يالزعيم نحذف حرفين وانت الصح
كفووووو عليك جبتها والله يا بوبدر
شكرا لك

 

[abobader q8]

خلاص يالزعيم نحذف حرفين وانت الصح
كفووووو عليك جبتها والله يا بوبدر
شكرا لك

حبيب ياوهم

 

[waham]

لماذا الخليج العربي اقل ملوحه من البحر الاحمر ؟

 

[مهرة بلا فارس]

كافي ملح الخليجيين

ماخذين ملح البحر كله وخلوله شوي عشان مايزعل

 

[waham]

كافي ملح الخليجيين

ماخذين ملح البحر كله وخلوله شوي عشان مايزعل

برافووو عليج يا مهره كلامج جميل وابشرج .. جوابج خطأ
الخليج أقل ملوحه من بحر الأحمر بسبب مصب نهر دجله والفرات فيه .
شكرا لج اخيتي

 

[waham]

ماهو الشيء الذي يكتب ولا يقرأ ؟
وينك يا مشرفنا العزيز جاوب ​

 

[قلم حر]

ماهو الشيء الذي يكتب ولا يقرأ ؟
وينك يا مشرفنا العزيز جاوب ​

موجود طال عمرك

الجواب / القلم

​

 

[waham]

موجود طال عمرك

الجواب / القلم

​

عساك دوووم موجود
نعم صحيح الجواب
شكرا لك

 

[waham]

له أوراق وما هو بنبات، له جلد وما هو بحيوان، وعلم وما هو بإنسان. من هو ؟​

 

[abobader q8]

له أوراق وما هو بنبات، له جلد وما هو بحيوان، وعلم وما هو بإنسان. من هو ؟​

يسعد مساك وهم
اليوم الغازك شغل اولى ابتدائى
شسالفه خلصو الغازك