(( 3 )) * ( * اعترف * ) * ( * فضفض * ) * ( * اعترف * ) * (( 3 ))*

[بور-صا]

صباح الورد .. أستاذة هيفا ..

نور المنتدى .. وعوداً حميداً

​

 

[داشه عرض!!]

الله يبارك فيك فضل مشكووووور 






ورد على طاري الايفون اللي خسبقنا


اعترف


اول ما شاركت بتويتر كنت مندمجه اغرد


جان يطرشلي واحد رساله قالي ترا بيتكم بالشاميه كلنا ندري


قتله شنووووووو شالسالفه


جان يقولي انتي مبطله الخريطه وكل ما تغردين يطلع وين موقعج هههههههههه


قلت يا لهويييييي


بس جزاه الله خير علمني شلون اطفي الخريطه واغرد علي راحتي هههههههه


والله افلام احنا 

وين شنو هذا عاد انا سجلت ونك نيمي فلم الصراحه نكته بس ليلحين مو عارفت له زين نبهتوني خل اقول حق اخوي شلون نسكر خريطه بيتنا يافرحتي داشه عرض اخرتها بتنشهر واللي مايشتري يطمش بس ترا مالي بالسياسه توني اتعلم واتعلج بس بسوي فولو حق الجويهل قايله

 

[كوهجي]

حمد لله على السلامه هيفا ​

 

[هيفا]

صباح الورد .. أستاذة هيفا ..

نور المنتدى .. وعوداً حميداً

​

صباحك ورد بورصا النور نورك مشكوووور

​

حمد لله على السلامه هيفا ​

الله يسلمك كوهجي تسلم ماااتقصر

وصباحك ورد وجوري

​

 

[كوهجي]

أعترف ..


أنا مالي شغل بالناس ..

بس ليش البعض عنده هالشي صعب ​

 

[بور-صا]

أعترف ..


أنا مالي شغل بالناس ..

بس ليش البعض عنده هالشي صعب ​

صباح الابتسامة صديقي

يقول المثل : لولا الاذواق لبارت السلع ..

وهناك بعض البشر ، كالسلع يباع ويشترى بها ..؟!

ذاك هو وضع الغالبية منهم ، اختلافاتٌ واهواء ..



​

 

[زهره]

أعترف اني ما احب اسمع اي نوع من الموسيقي
الموسيقي ازعاج وشوشره
وتشعرني بالعصبيه​

 

[العاشق]

أعترف اني ما احب اسمع اي نوع من الموسيقي
الموسيقي ازعاج وشوشره
وتشعرني بالعصبيه​

توقعت ان ذوقج سامري مالج بالمسيقى ​

 

[زهره]

أعترف انني ميته و بخاطري اشتري نوع كاكاو مالفيته باي مكان
جان اركب سيارتى وأخذ معاي خدامتي وانطلق ليمن وصلت الحدود ,, نزلت من سيارتي مستغربه من جوهم ابرد شوي والارض شويه مخوضره ضباب

تفاجأت انهم وقفوني وقالو عليج ضبط واحضار علي مبلغ 153 دينار

يصيرجذي اسوون فيني ؟؟؟​

 

[هيفا]

أعترف انني ميته و بخاطري اشتري نوع كاكاو مالفيته باي مكان
جان اركب سيارتى وأخذ معاي خدامتي وانطلق ليمن وصلت الحدود ,, نزلت من سيارتي مستغربه من جوهم ابرد شوي والارض شويه مخوضره ضباب

تفاجأت انهم وقفوني وقالو عليج ضبط واحضار علي مبلغ 153 دينار

يصيرجذي اسوون فيني ؟؟؟​

زهره هذا حلم ولا شنو ؟

 

[زهره]

زهره هذا حلم ولا شنو ؟

طلع حلم

 

[زهره]

أعترف انه هابه علي موجه من المضايقات النفسيه والمشاكل والمشاكسات من كل ناحيه

اصبحت شرسه وما اتحاجي

اف الله ياني ما احب هالموجات لما تهب​

 

[إبن الوليد]

أعترف انه هابه علي موجه من المضايقات النفسيه والمشاكل والمشاكسات من كل ناحيه
اصبحت شرسه وما اتحاجي
اف الله ياني ما احب هالموجات لما تهب​

اول شي

ابي اتحمد على سلامه هيفااا آنــد الهمس الخجول

حمدلله على سلامه منيره هذا مثل نقوله للي يغيب فتره

هيفااا ان شاء الله تخلصين شغلج ومابعد التعب إلاالراحه

الهمس تسلم عينج وماتشوفين شر ان شاء الله

عزيزين وغالين علينا ، الله يكون بعون الجميع

************************************

والحين ابي شوف زهره

انتي اشفيج تتحلطمين ومتغيره عن قبل

وين القوه وين الايمان بالله

يعني بعد هذا العمر ماتعلمتي شي

ودي اقول ان الطريق امامج انتي بذات شائك وصعب

وانتي تصعبينه زياده

يبيلج قعده خاصه ودروس خصوصيه

ولو مااعزج واحبج ماقلت

الانسان الغني والمتوسط والفقير كلهم يعانون كثير من المشاكل

والله سبحانه له حكم

انا شخصياً

مراقب من الله بدقه ومحاسبه سريعه جداً

حتى اني اتضايق مرات من سرعه محاسبه الله لي بنفس اليوم

واليوم الذي اخطئ فيه اقعد اتحرى عقاب الله

واقول يالطيف يالطيف

مع ان خطئي صغير جداً لايرى بالعين المجرده


واقعد امسح واصلي واستغفر الله حتى تزول

ورتاح راحه موطبيعيه

وبعد شهر ارجع خلسه

واسوي ذنب صغير جدا

وهم يصيدني ربي

ويكفخني ذاك العذاب اللي على قدي

واصرخ ، واستغفر الله واقعد اصلي واقوم الليل واصلي الضحى

ويذهب الله عني المشكله او العقاب

واستمر اشهر وانا مستقيم

وكل شي تمام

وارجع واسوي معصيه صغيره جدا

ثم يلبخني الله في نفس الساعه

ويجن جنوني

واقول ليش انا بذات الله مايطوف لي شي

انا اشوف ناس ماتخاف الله

ومعاصيها ام الكبائر

ومع ذلك لايحاسبون إلا بعد فتره

او في الاخره

يعني لهذه الدرجه انا محبوب عند الله وملائكته

وقم اداري نفسي ، وآخذ الحيطه والحذر

وقمت حتى اغض نظري غصب

حتى لو تمر يمي سهير القيسي مااعبرهاا

ولم اعد اطالع بالصور والقنوات

بس سلامتج زهره خلصت ​

 

[هيفا]

الله يسلمك حشر مااااتقصر



اعترف اني امس نمت احلى نومه من زماااان ما نمت جذي

اعترف اني يوم قعدت من النوم وشفت ويهي بالمنظره ما عرفتني :d:d

اعترف اني من كثر ما غطست بالنومه عيوني غطست وصار مالها ملامح ههههههههه

*

 

[away1979]

الله يسلمك حشر مااااتقصر



اعترف اني امس نمت احلى نومه من زماااان ما نمت جذي

اعترف اني يوم قعدت من النوم وشفت ويهي بالمنظره ما عرفتني :d:d

اعترف اني من كثر ما غطست بالنومه عيوني غطست وصار مالها ملامح ههههههههه

*

هههههههههههههههههههههههه

 

[B-A-1983-A-B]

^^^^
نوم العافية

دام المود اوكي صكينا بجم اعتراف عالطاير قبل تصير حزة الصلاة لو سمحتي

 

[هيفا]

ههههههههههههههههههه

اعترف ان عندنا عرس اليوم ومن لحين مبين اني بهبب تهبب هههههه

اعترف ان البنات يبوني احطلهم مكياج قتلهم استرييييييحوا لما افتح صالون يصير خير

اعترف اني بغيت اتهور واصبغ شعري بس ماااقدرت احب الشعر الاسود

اعترف اني اليوم ماراح افضى من اللوووووويه اللي عندي

بس خلصت

*

 

[النايفه]

صباح الخيييير،،

أعترف إني نفس هيفا نمت أحلاااااا نومه منذ مبطيييي ما نمت جذيه.
أعترف إن حياتي لله الحمد رجع لها توازنها وصارت أحلاااا.
أعترف إني راضيه وسعيده بحياتي وبحبايبي الله لا يخليني منهم.
أعترف كليت جوكليت بجكولت بار أمس مع رفيجتي ليييين طلع من خشمي ومن طلعت من الباب مت من الحسافه:/
قمت أفكر جم سعره حراريه يا ترى!!!!
أعترف رحت ويا رفيجني رامز بعد ما طلعنا من جوكليت بار (( فصله)) ومتنا ضحك كانت جنها نزهه فكاهية
أعترف صديقتي هاذي ماعندي غيرها ورفيجات من 2003 وأختي بهالدنيا من بعد أختي.
أعترف ماعاد عندي وقت للنت نفس أول ،، وأفكر فيكم وأشتاق لكم لكن أوقات دخولي ماتناسب.

 

[جواهر]

ياصباح النور النايفه وهيفا والكل

اعترف انه زمان كان هلي يسموني كيس نوم من كثر مانام بس الحين ويني ووين النوم كلها كم ساعه واكتفي
اعترف قمت اليوم وانا فرش وبكل نشاط والحمد الله لدرجه ابغي اروح اخمس بالحوش بعز الحر
اعترف ان بكره وراي اشعه وخايفه من النتيجه
اعترف ان بداية ما سجلت بالمنتدى كان جو االاستراحه كله نشاط والحين يوم عن يوم يقل نشاط الكل
اعترف اني من زمان عن صديقاتي ماجتمعنا واشتقت لهم كثير لدرجة احلم فيهم باحلامي ودايم احلم اننا بالمدرسه وان عندي اختبار وماذاكرت واصحى من الحلم فيني خوف ع الاختبار وقوم من فوق السرير بعدين استوعب انه حلم وارجع انام

 

[زهره]

أعترف اني من أمس بحاله من عوار راسي
لا نوم ولا قعده ولا اكله
حاطه هالفكس ورابطه راسي

أعترف اني بعد 11 يوم عندي عمليه