(( 3 )) * ( * اعترف * ) * ( * فضفض * ) * ( * اعترف * ) * (( 3 ))*

[العاشق]

نصيحتي لاتعتزل

هذي خدمات جليله عشان يعطونك الجنسية ​

ياجماعه خلااااااص

ترا ممنوع تسيسون السياسه بالمنتدى ​

 

[away1979]

ياجماعه خلااااااص

ترا ممنوع تسيسون السياسه بالمنتدى ​

عدل كلامك لانجيب العيد

خلاص بوالعيس لاتعتزل ​

 

[بوالعيس بيك]

هههههههههههههههههههههههههه

تصدق ممكن عادي اللي بيسقط منهم يحول فنان عادي
اهم شيء يطلع فلوس ​

يقولون لفلوس عند العروس ​

ياجماعه خلااااااص

ترا ممنوع تسيسون السياسه بالمنتدى ​

عيل خلونا نتفنن بالفن ​

عدل كلامك لانجيب العيد

خلاص بوالعيس لاتعتزل ​

يانعيش عيشه فل يانموت احنا الكل ​

 

[النايفه]

أعترف إني للحين ما كتبت لكم حررف عن رحلة الصين ​

وأعترف أن عندي إعترافات واااايد جايه بالطريج ​

 

[إبن الوليد]

اعترف انه صار فيني حكة وحفا من الماء الحار

ودي ادخل بحمام زيت وانقع نفسي

 

[إبن الوليد]

مشتهي اروح الشاطئ وادفن نفسي برمل البحر

بس اطلع خشمي يعني حمام رمل

وابي جلدي يطلع مثل التمساح او اقوى

مليت تعبت من الدهونات والجلد الحساس

مرات افكر اشوي جلدي بالفرن

 

[النايفه]

أعترف إني مداومه اليوم بلجنه خاصه مشكله ليوم واحد من قبل الوزير،،
وأعترف إني سعيده أن مشاركتي بالإنتخابات مو لخدمة مرشح أو بطرف
من أطراف أي قائمة،،،
ولكن لخدمة بلدي وتمثيلي للوطن وليس أي شخص أخر.
أسئل الله التوفيق لي ولكم والحكمه في الإختيار.

 

[الوحيد 1974]

اعترف واقول بأن اخوكم الوحيد لم يحقق جميع امانيه الكبيره وأوعدكم بأني من بعد الله الواحد القهار راح احققها بأذن رب السموات والارض لان باسي شديد اذا ابي الشي اوصله اوصله وذلك من بعد توفيق رب العالمين .

 

[الذيبة]

​

7​

7​

7​

​

​

​

​

آعـــــــــــــتــــــــــــــــــــررررف ....!​

​

​

​

​

​

منذ صغري تربيت أن لآ أتعمد التلفظ بكلمآت و عبآرآت لآ تليق ​

رغم أن الكثير ممن هم حولي لآ يرى بها بأساً من كثرتها و لأنها أصبحت دارجةً بينهم ​

تعلمت آن لا أستسهل الخطأ على غيري كي لا يستسهل الآخرون الخطأ علي !!​

لذلك قد تختلف رؤيتي عن غيري و قد أكون متزمةً في هذا الشأن أيضاً ​

لست مثاليه ولا أدعي ذلك أبداً ولكنني فقط مختلفة بعض الشيئ عنهم !!​

​

​

الـــذييييـــبــه​

​

​

​

 

[إبن الوليد]

اعترف إني احب اجرح العزاعيز فقط حتى يفيق​

​

​

​

​

 

[إبن الوليد]

اعترف

اليوم فاض بي من امام مسجد القطعة الثانية

بسبب فتح مكرفون الخارجي وقرائة القران بصوت عالي جداً جداً

وهذا الامام شباب صغير ، استمر بفتح المكرفون سنة كاملة وانا صابر علية وساكت عنة

والناس كلهم لم يخبروه بخطئة وازعاجة للاطفال النائمين

ثم انطلقت لة في مسجدة ، وعندما قال السلام عليكم ورحمة الله وانتهى من الصلاة

قلت لة تعال بيدي

شاف عيوني حمر خاف

خشيت غضبي عنة

لانة كان خوش ولد صغير ومحترم من محياه

قلت لة يااخي ارحمنا وارحم الناس ، واغلق صوت المكرفون الخارجي

قال انا انسى المكرفون !!

ووعدني بأن ينتبة

خلني اشوفة باجر يفتح المكرفون الخارجي ، من زين صوتة عاد

 

[النايفه]

أعترف إني مقصره مع عيالي وبحاول أعوضهم بهالعطله لأن الصبح دوام والعصر عمل ومواعيد عمال
يارب أسعدهم وأفرح قلوبهم وتقر عيوني فيهم.

 

[B-A-1983-A-B]

أعترف إني مقصره مع عيالي وبحاول أعوضهم بهالعطله لأن الصبح دوام والعصر عمل ومواعيد عمال
يارب أسعدهم وأفرح قلوبهم وتقر عيوني فيهم.

يبيلها عمره يومين ثما التوجه الى دبي لمدة 3 ايام ثما العودة الى الكويت بعد قضاء اجازة ممتعة ،، يستاهلون العيال ​

 

[النايفه]

يبيلها عمره يومين ثما التوجه الى دبي لمدة 3 ايام ثما العودة الى الكويت بعد قضاء اجازة ممتعة ،، يستاهلون العيال ​

المشكله يابدر صعبه السفر برا الكويت من الأسبوع الياي
ماسكه مسؤليه وبديل بالعمل:/

وهاذي ضريبة اللي يبي مسمى لازم يقدم تضحيات ،،، بس بإذن الله بضبط لهم برنامج حلو بالكويت

 

[B-A-1983-A-B]

المشكله يابدر صعبه السفر برا الكويت من الأسبوع الياي
ماسكه مسؤليه وبديل بالعمل:/

وهاذي ضريبة اللي يبي مسمى لازم يقدم تضحيات ،،، بس بإذن الله بضبط لهم برنامج حلو بالكويت

اي عيل ماوصيج عليج بالصبية ترى مكان شرح وكلة ورود وازهار ويكثر فيه الينابيع الحاره والخضره <<< اي هين ههههههههههههههههه​

​

يعينج الله وموفقة​

 

[saadkuwait]

 

[إبن الوليد]

اعترف​

​

ان الانسان مسير لامخير​

​

الانسان يفكر انة مخير ولكن بالحقيقة هو مسير​

​

والعالم المحيط بنا ، كذلك مسير ، ويحسبون انهم مخيرين !!​

​

كأنها لعبة الشطرنج هذه الدنيا ، بين المسير والمخير !!​

​

إذن اكثر من الدعاء الى الله فأنه يرد القضاء في الوح المحفوظ في السماء​

​

​

​

​

​

​

 

[إبن الوليد]

اعترف اني طلقت زوجة رفيجي منة

جائني واشوية ويبكي منها

قلت لة طلقها وانا ازوجك ، وطلقها وزوجتة ثاني يوم

التفاصيل ارويها بعد قليل

 

[إبن الوليد]

اليوم موطبيعية الزحمة في الشوارع

الاسواق الجمعيات التعاونية كل شي كل شي فل

علشان باجر اول يوم دراسة

انا طلعت كاشخ ، رديت البيت بالملابس الداخلية فقط

اييي من كثر الازدحام

 

[إبن الوليد]

قصة صديقي الذي انا طلقت زوجته منة​

​

​

صديقي هذا كان متزوج من الاول​

​

وكان عنده ولد وبنت حلوووين​

​

وزوجتة الاولى حلوووه ومزيونة ( تخبل بعد ) ماشاء الله عليها​

​

صارت في احد الايام معركة هواش بينهم على سالفة جوتي من السوق​

​

هو يقول لي وانا ترى والله صاج مازيد حرف بالقصة​

​

يقول تهاوش معها بالليل الساعة 1​

​

يقول كنت ابي انام وهي تزن على راسي لغاية ماانفجرت وطلقتها بالليل الساعة الواحده في منتصف الليل​

​

وبعد طلاقها جاء وقال لي كل القصة​

​

طبعاً انا مااحب الرجل الذي يطلق نهائي​

​

جن جنوني ابي ارجعها لة ماقدرت ، الاخ راكب راسة مايبيها عناد​

​

رراح لامة قال زوجيني وحده ثانية​

​

تزوج واحده ثانية ( اللي انا عاد طلقتها منة ) ​

​

اشلون طلقتها ؟؟​

​

هو جاء لي اشوية ويبكي من الحرة​

​

قلت اشفيك ؟؟​

​

قال العروس الجديدة انا ماشفتها إلابيوم الدخلة ​

​

طيب شنو فيها ؟؟​

​

قال بطة وسمراء حيل كأنها دراااام وجيكره ​

​

يقول بعد طول بعرض كانها مصارعة ، اوتصلح حارس مرمى كره قدم​

​

​

ايييييييي ، حاولت فية حاولت حاولت ماكو فايده ( الولد حاشته حالة نفسية شديده )​

​

اولاً خساره زوجتة الاولى الحلوووه​

​

وخساره والمهر والمصاريف على الزوجة الجديده ( البطة حيل )​

​

الولد قرب يستخف​

​

​

اخوكم ابن الوليد ماترك رفيجة​

​

قلت شوووف مبارك ، مالك حل غير واحد​

​

قال شنوو ، قلت خلاص طلقها وانا ارجع زوجتك الاولى ام الولد والبنت​

​

اما هذه الزوجة صعب تعيش معاها انت بذات​

​

رحت انا لاخو زوجة رفيجي الاولى وكلمتة​

​

وقلت فلان يبي يرجع زوجتة وانا اعرف اخو البنت من قبل ولنا تقدير عندهم​

​

المهم بعد الكلام والاحاديث المعسلة من اخوكم وقال الله وقال الرسول​

​

قال اخو الزوجة الاولى ماعندي مانع ، اذا فلانة تبي ترجع​

​

​

ماطولها عليكم طلق الجديده البطة ورجع للقديمة المزيونة​

​

والان عندهم بيت جديد بسعد العبدالله​

​

وإذا السهره عنده زوجتة تسوي احلا الحلويات إذا قال لها ترى ابن الوليد موجود بالدوانية مع الربع​

​

​

عشره عمر اكثر من 25 سنة وانا اتعب على كل الاصلاح​

​

حتى اني سلفت رفيجي هذا فلوس اكثر من خمسة الاف بس رضاوه علشان ترجع القديمة​

​

والان هو ماشاء الله يسلف ناس بعد وحالتة فوق العلالي فوق فوق​