إبن الوليد
موقوف
- التسجيل
- 6 يناير 2011
- المشاركات
- 10,004
حشر ما عليك من بدر وزهره
انا احب القصص
وانت ماشاءالله عليك طريقة سردك لأي قصه ممتع جداااااا
استمر
بانتظار مجموعتك القصصيه
.
اشكرج هيفاا على هذا المديح
الله يجزاج كل خير ، دائماً متألقه ياهيفاا بكل ماهو جميل
***********************
بدر مايحتاج عين السيح وعزيز وغالي علي
وزهره حشاشه اليـــوف وانتي الغاليه الحبيبه
شوفي هيفاا
قبل قليل سمعت من خالد الجبير
والموضوع عن
{{ العباده وانت نائم على مخدتك }}
يقول إذا توضئت ونمت ، جاء ملك معك ،ودخل بين لباسك وجلدك
ثم يستغفر لك حتى تستيقظ من نومك
ماارحم الله لنا ، يعطينا الاجر حتى واحنا نائمين وطاهرين
لاتحرموا انفسكم هذا الاجر المجاني
على الاقل مايجيك جاثوم وانت نائم
************************************************
هذه قصه صغيره لانه مافيه وقت
الوالد واثنين من جيراننا
اعمارهم كلهم تجاوزت السبعين ، واحد منهم تقريباً انتهى إلا شئ بسيط
ذهبوا جميعاً الى خط المشاه عند بيتنا
وهم يمشون ، شافوا حرمه
المراه هذه لابسه عباءه على الراس وقاعده تمشي في حال سبيلها
قال الشاب الاكبر سن ، يازين زول المراه
قال ابي شنو فلان اشفيك ؟؟
قال الثاني اي والله جسمها عجيب
قال ابي انتم خالصين ،
قال ابي ، لاكبر واحد فيهم ، انت موتقول انك منتهي وميت
قال الاكبر سناً اي والله ميت
بس يابوفيصل قلبي يتحركهذا وهم متدينين ، والله ياهيفاا اتقياء ورجال شرفاء حيل
بس واثقين انهم فقط يمزحون
انا عاد سألت ابوي
قلت يبا المراه اشلون جسمها الذي سحرتكم
قال الصراحه كان فيه هواء ، ولف الهواء العباءه وطارت اعيننا فيها
وكان جسمها ممتلئ وطويله ، وشفناها غصب عنا مع انها لابسه عباءه وسيعه وعلى الراس
ويقول المشكله انها موصغيره ، يقول تعطيها اكثر من الخمسين سنه
بس يقول فضيعه وواضح ان جسمها حلو
مساكين شيابنا ، والله ماتمتعوا في حياتهم
وحرموا انفسهم وظلموها لاجل مرضاه الله ورسوله
الله يعوضهم الجنه ، ونعم الرجال ابائنا
*****************
وتكلموا مره امامي
كانوا يشكون بأن نسائهم تختلف عن البنات اليوم
يقولون ليتنا شباب ونأخذ من الجيل الجديد ، ابو لبس حلو وريحه معطره
يقول حريمنا قبل معفنات ومايعرفون شي وعبائتها صايره كلها بيضاء من التراب
والحين البنات كأنهم ورود ومثل التفاح
وهم يضحكون بينهم
ولكن الحزن في قلوبهم من الحرمان
محد حاس فيهم
لاجل هذا هم من زوار المساجد الدائمين يستعدون للرحيل الى الدار الاخره
