جزاك الله خير يابو مناف على تحذيرك لإخوانك
وانا بعد حبيت ازيد ان الزنون والله ماله فايده غير انك تحرق اللي جدامك وتعميه ياجماعة الحين الكويت ماشاء الله شوارعها كلها فيها ليتات وإنارة زينة يارب لك الحمد شحقه تحطون زنون وتحرقونا انا والله لو ابي اركب زنون ركبت بس ليش اكسب دعوة واحد مسكين مايشوف ولا شايب مايشوف عدل وتجي انت وتكمل عليه وتعميه عن الدرب بسبة ليتك الزنون العالي.
بعضهم يحط الزنون بالفورد واهوا مايجي الا خط واحد اصلا يعني زنون وتحصله عالي اي ليش.
وبعضهم يحطه بالكامري بالليت الواطي يالحبيب حطه عالعالي احسن اذا حرقك احد طقه بالعالي زنون وتحرقه حراااق.
ياناس ياجماعة الزنون والله ماله فايده من اساسه الا الشي الزين واللي هو الوكالة لأن الوكالة حاطين دراسات من أهمها السلامة يعني مايكون عالي حيل ويكون ينور الطريج وتشوف انت يالسايق وهم بعد ماتعمي اللي جدامك.
اسف ياإخوان على الإطالة لكن من حر مابقلبي كتبت الكلام هذا وارجوا من الشباب يسمعون نصيحتي ترا ماتسوى يدعي عليك شايب يقول الله يعميك والسبة ليتك الزنون الخايس اللي ماينور لك الطريج بس حق كشخة وعلى ابو شوفوني مركب زنون والسيارة تحصلها كامري ولا فورد يعني اذا ركبت زنون بتصير بي إم دبليو ولا حووت ولا جاكوار..
بالاخير خلوا الزنون لأهله يعني ( الوكالة ) ولاتروحون حقين الفطاير وتحرقون سياراتكم.
سبحانك اللهم وبحمد اشهد ان لاإله الا انت استغفرك واتوب إليك.
