انت وأبنائك في الميزان !!

[كوهجي]

الاختيار من وجهة نظرى المفروووض تكون لصاحب العلاقه ...سواء وظيفه او زواج او غيره ...ممكن استشاره الاهل او اخذ المشوره من الاهل ....لكن اذا فعلا كان الاختيار غير موفق من الابن سواء تخصص او وظيفه او زواج ...يجب على ولى الامر منعه حتى لو غصب ...طبعا باللين اول وبعدين يظغط عليه ...

كلامج 100 فى الميه ...خوش رااى ..

موشايف كلامك متناقض ​

 

[نجوم777]

[/color]

شلون يمنعه؟

وهو كامل الاهليه ..

يعني بالغ عاقل ومستقل ماديا ​

منو قال انه عااقل اذا اختار تخصص مو رااضى فيه الابن مثلا عنده نسبه عاليه وابووه كااد عليه طول هالسنين فجأه مختار تخصص يكون مغنى مثلا يعنى حتى الشغله بالشرع حرام ..اشلون يعنى مالازم تمنعه على ابو عاقل والا مقتدر مااديا ... او اختار بنت مو من قبيلته او اجنبيه مثلا عجوز او امراه عقيم والابو يبى يشوف احفاده ...اخوى كل حاله مرفوضه عقليا ودينيا ترفض من الكل ...


يعنى اخوى كوهجى فيه ظرووب لابد من تدخل الاباء فى الموضوع ..حتى لو كاان جبرا ..

 

[نجوم777]

موشايف كلامك متناقض ​

موفق 100 بالميه كلام زهره ...الاختيار يتم من الابناء ...لكن اذا الولد او البنت تخورها بالاختيار ...مرفوض ثم مرفوض ثم مرفوض

 

[نجوم777]

كوهجى عطنى مثال عن مخالفه الشرع للعرف ...

 

[كوهجي]

موفق 100 بالميه كلام زهره ...الاختيار يتم من الابناء ...لكن اذا الولد او البنت تخورها بالاختيار ...مرفوض ثم مرفوض ثم مرفوض

اللي فهمته انه اذا كان اختيارهم اوكي ..

موافقهم .

اذا اساؤا الاختيار اهني يكون مرفوض ..

هذا الي تقصده ؟​

 

[نجوم777]

اللي فهمته انه اذا كان اختيارهم اوكي ..

موافقهم .

اذا اساؤا الاختيار اهني يكون مرفوض ..

هذا الي تقصده ؟​

مو انا الى ارفضه العاقل يرفضه والشرع والعرف هم يرفضه ...

 

[كوهجي]

كوهجى عطنى مثال عن مخالفه الشرع للعرف ...

رؤيه الخطيبه للخاطب .. والعكس .

البعض مايقبل فيه .



وما ابي أتعمق بها الموضوع .

علشان ما أفتح باب يتسكر فيه موضوع النقاش ​

 

[نجوم777]

رؤيه الخطيبه للخاطب .. والعكس .

البعض مايقبل فيه .



وما ابي أتعمق بها الموضوع .

علشان ما أفتح باب يتسكر فيه موضوع النقاش ​

الشرع اباح هالشغله لكن بحدود حسب مااتفقوا عليه العلماء ...وغير هذا مرفوض ...

 

[كوهجي]

مو انا الى ارفضه العاقل يرفضه والشرع والعرف هم يرفضه ...

أي شرع يرفض زواج شاب لم يسبق له الزواج ..

بامراه مطلقه أو أرمله تكبره سناً


لا تعمم باسم الشرع ​

 

[نجوم777]

أي شرع يرفض زواج شاب لم يسبق له الزواج ..

بامراه مطلقه أو أرمله تكبره سناً


لا تعمم باسم الشرع ​

أنا أرى أن هذا الزواج غير متكافئ ،اذا كان العمر بينهم فيه فارق كبير ولا تقولوا أن أفضل الخلق محمد صلى الله عليه وسلم تزوج بخديجة رضي الله عنها وهي اكبر منه ، لأن هذا الزمان انتهى برجاله ، وزماننا انتهت فيه سمات الرجولة الحقيقية يتزوجها اليوم وهو فرحان فيها وبكره يغني على نفسه ظلموه.....

 

[زهره]

موفق 100 بالميه كلام زهره ...الاختيار يتم من الابناء ...لكن اذا الولد او البنت تخورها بالاختيار ...مرفوض ثم مرفوض ثم مرفوض

بس آنا كلامي اقول انني ماراح اتدخل بكل الاحوال
يعني حتي لو كانت اكبر منه او مطلقه او اي شي... كيفه .. انا انصحه بس ما اضغط عليه او اقوله منت ولدي اذا سويتها... لا ابدا
مدام هذي سعادتهم اهم شي عندي سعادتهم

 

[نجوم777]

أنا مااعتبرت الزواج من فتاة كبيره برجل أصغر منها في السن مخالف للشرع ..لكن اغلب الارتباط على هذا المبداء يكون محكوم عليها بالفشل وأنا ماتكلمت عن هالموضوع من فراغ وأنا عارف كل واحد حر بمشاعره لاكن الواقع يحتَم علينا أن نحكم العقل بدلا من القلب ...فالاولى ان تكون النصيحه من الابوين ..

 

[العاشق]

للولد الحريه المطلقه في اختيار التخصص

وفي الزواج له الحريه المطلقه في الاختيار ولكن

يعرض علينا الامر بعد الاختيار ويمكن ويمكن

​

والله هو له حق اختيار الزوجه والتخصص الي يبيه !

بس إذا كان الاختيار هذا خاطئ دست ابطنه

بالزمن هذا الله يستر عليهم والله يعينا على تربيتهم .​

بالنسبه لي

أتعب علي عيالي وهم صغار أعلمهم الحلال والحرام
والصح والخطأ والأصول وعاداتنا وتقاليدنا..

أما اختيار الدراسه ماأتدخل .. علي النصيحه فقط وهو كيفه علي حسب رغبته وميوله
ونفس الشي بالنسبه للزواج أتدخل لكن بحدود. لأن بالنهايه كل شي قسمه ونصيب وهذي حياته اهو حر فيها ..​

انيييي نفسكم مااابيه لازياده ولا نقصااان

هوايه حجيكم زييييين ​

 

[نجوم777]

بس آنا كلامي اقول انني ماراح اتدخل بكل الاحوال
يعني حتي لو كانت اكبر منه او مطلقه او اي شي... كيفه .. انا انصحه بس ما اضغط عليه او اقوله منت ولدي اذا سويتها... لا ابدا
مدام هذي سعادتهم اهم شي عندي سعادتهم

اختى زهره مالازم اتهدين الحبل على القارب ...انا مااحسبالى تبين العيال لو يختارون الى يختارونها بتوافقين ...لازم فيه رفض اذا شفتى الاختيار شاذ او مرفوض شرعا وعقلا وعرفا ...هم لازم يكون لج قرار ..اذا تقصدين الاب بيده القرار ..مالنا شغل فيج ...بس اذا فيه قرار عندج وتقدرين تقيرين فى الموضوع ...انا ضدج ...واسمحيلى على انى اكون ضد طرحج

 

[نجوم777]

انيييي نفسكم مااابيه لازياده ولا نقصااان

هوايه حجيكم زييييين :d​

وانا بعد ويااكم لازم انتدخل فى الامور المخالفه للشرع والعرف والعقل ..ترى كل هالامور العرف والعقل ماايخالف الشرع ...

 

[زهره]

اختى زهره مالازم اتهدين الحبل على القارب ...انا مااحسبالى تبين العيال لو يختارون الى يختارونها بتوافقين ...لازم فيه رفض اذا شفتى الاختيار شاذ او مرفوض شرعا وعقلا وعرفا ...هم لازم يكون لج قرار ..اذا تقصدين الاب بيده القرار ..مالنا شغل فيج ...بس اذا فيه قرار عندج وتقدرين تقيرين فى الموضوع ...انا ضدج ...واسمحيلى على انى اكون ضد طرحج

هذا رايك
بس آنا نظامي نظام انجليز تقدر تقول
ما عندنا بالعايله انه الكل يتدخل اذا واحد قرر يسوي شي

 

[داشه عرض!!]

انيييي نفسكم مااابيه لازياده ولا نقصااان

هوايه حجيكم زييييين ​

خطيه يابا شقد طيب هالوليد

 

[داشه عرض!!]

هذا رايك
بس آنا نظامي نظام انجليز تقدر تقول
ما عندنا بالعايله انه الكل يتدخل اذا واحد قرر يسوي شي

من ردودج حسيتج حيل حيل طيبه بس لاتزيدين في بعض الامور احيانا اذا شدينا نتلافى مشاكل ممكن تصير بالمستقبل

 

[زهره]

بعدين لو اي شي يكون مخالف للشرع جان اصلا ما مشي عندنا
يعني شلون يصير مخالف للشرع ويقدر يتزوج؟؟
قصدك شرع العايله مو الدين

 

[نجوم777]

بعدين لو اي شي يكون مخالف للشرع جان اصلا ما مشي عندنا
يعني شلون يصير مخالف للشرع ويقدر يتزوج؟؟
قصدك شرع العايله مو الدين

العفو على السؤال وليعذرنى المشرفين ...مثلا شاب طلب الزواج من رقاصه فى كاازينو هل العائله عادى توافق ...