انت وأبنائك في الميزان !!

[كوهجي]

موضوع ترددت كثيراً في طرحه ..


من منا لايحب أبنائه ولكن ..


ماذا لو أصبح هذا الحب قيداً..!!


وسعى الابناء لكسره والخروج منه !!


هذا ليس ضرباً من ضروب الخيال... ، ولكن من وحي واقع .


ماذا لو أراد الابن أن يختار تخصصاً ، أو زوجه حتى ..


بخلاف مايراه والده !!


هل تراه من حق الابن أو الأب ؟؟؟



الموضوع للنقاش الجاد سواء كنت ابناً او أباً ..

باعتبار اختلاف الرأي لا يفسد للود قضيه ​

 

[داشه عرض!!]

من ناحية التخصص والدراسه

يحق للوالدين انهم ينصحونه او يبدون للابن وجهة نظرهم لكن مو بالفرض لان هذا مومن حقهم

لان الدراسه الابن راح يدرسها ممكن ماتكون سهله عليه وممكن يسقط فيها وبجذي انتو تهدمون مستقبله وتكسرون في رغبته في ابسط حقوقه وهو حق الاختيار

 

[زهره]

آنا مو بس احب عيالي
آنا اعشقهم
واي شئ يختارونه يسبب لهم السعاده راح يسعدني
خلاص ربيتهم رعيتهم ليمن صارو رجال ونساء
راح ألحين أحميهم.. اسندهم... اعينهم... والسعاده عاد كيفهم من اختيارهم

جذي أهلي ربوني وجذي راح أربي عيالي وأحسن بعد

 

[هيفا]

دور الاب ان ينصح الابناء باللي يكون فيه صالحهم

لكن المفروض الاب ما يفرض رايه بطريقه استبداديه

مثلا الابن يبي يختار تخصص معين اهو يحبه وهالتخصص بيبني عليه باجي حياته

هني الاب المفروض ما يفرض رايه ولكن يتناقش مع ابناءه ويشوف رايهم

وبالنسبه للزواج لازم الابن اللي يختار

والاب يتدخل في حاله وحده اذا البنت اللي تم اختيارها غير مناسبه

اما ان الاهل يفرضون رايهم ويختارون ويكون الابن غير راغب هني راح تصير مشاكل

خاصه ان في اهل يفرضون علي عيالهم ان ياخذون بنات عمهم او من الاهل وهذا شي غلط

ممكن الاب والام ينصحون ولدهم ويختاروله لكن برضاه ومو فرض عليه

الاب الحقيقي يدور سعادة ابنائه وما يكون اناني



شكرااااا كوهجي يعطيك العافيه

 

[ورد و هيل]

انا اللي دااايماا اعتقده وو اطبقه

للتخصص الدراااسي اووو الزواااج


بيكووون كله من اختيااار بناااتي


اتدخل بس في الزوااج اذا ما تحقق شرطين في بااالي



تسلم كووووووهجي





-

 

[قلم حر]

للولد الحريه المطلقه في اختيار التخصص

وفي الزواج له الحريه المطلقه في الاختيار ولكن

يعرض علينا الامر بعد الاختيار ويمكن ويمكن

​

 

[away1979]

والله هو له حق اختيار الزوجه والتخصص الي يبيه !

بس إذا كان الاختيار هذا خاطئ دست ابطنه

بالزمن هذا الله يستر عليهم والله يعينا على تربيتهم .​

 

[جواهر]

ماذا لو أراد الابن أن يختار تخصصاً ، أو زوجه حتى ..


بخلاف مايراه والده !!


هل تراه من حق الابن أو الأب ؟؟؟



​

اختيار الزوجه والتخصص من حقوق الابن
ومن حق ابويه ان يبدوا رأيهم بالاختيار وينصحونه لكن مايفرضان عليه شي بالاخير هو اللي بيتزوج وهو اللي بيدرس
الا بحاله شافوا فيها ان اختياره للتخصص خاطئ ومايفيده بمستقبله المهني هنا يتدخلون مثلا لو اختار انه يتخصص دراسه موسيقى والابن متأثر بستار اكادمي هنا يكون لهم تدخل مو ابداء رأي بس << هذا من وجهة نظري عاد في ناس ممكن تقبل لكن انا لا


شكرا لك كوهجي

 

[كوهجي]

شكراً على مروركم الكريم

معظمكم يتحلى بروح الديموقراطيه ..

مع اضافت اوي ( دست ابطنه )


الملاحظ محد جاب طاري بر وعقوق !!


البعض يرى الخروج على مايراه ابواه ... عقوق !!


وعليه يستحق غضب والديه او أحدهما ..



اشرايكم بالموضوع ؟​

 

[زهره]

ما فهمت

 

[النايفه]

للولد الحريه المطلقه في اختيار التخصص

وفي الزواج له الحريه المطلقه في الاختيار ولكن

يعرض علينا الامر بعد الاختيار ويمكن ويمكن

​

والله هو له حق اختيار الزوجه والتخصص الي يبيه !

بس إذا كان الاختيار هذا خاطئ دست ابطنه

بالزمن هذا الله يستر عليهم والله يعينا على تربيتهم .​

من راي بوعبدالله وأواي بس بدون دوست البطن
أنا ما عندي مرونه كبيره بموضوع الزواج،، يعني للحين العايله والأصل مهم جداً عندي وما أتغاضى عنه ،،، لكن لايمكن افرض على بنتي او ولدي يتزوجون شخص من اختياري بدون رضاهم،،، يعني ولد عم بنت عم وخاله ما عندي،،، زواج تقليدي متكافئ،،، وبرضى العيال ورضاي،،، أما الدراسه علي التوجيه حسب قدراتهم وبالنهايه القرار لهم

عيالي الحين صغار وما أتخيل شبيصير بعدين بس هذا اللي أتوقعه،،

مشكور كوهجي عالنقاش...*

 

[كوهجي]

ما فهمت

بعض الاباء اذا ولده طلع عن شوره ..


ماسمع كلامه ..عده عاق ..


وغضب عليه ويمكن يطرده من البيت ..


شرايج وين الخلل ؟؟​

في الابن والا الاب ؟

 

[كوهجي]

من راي بوعبدالله وأواي بس بدون دوست البطن
أنا ما عندي مرونه كبيره بموضوع الزواج،، يعني للحين العايله والأصل مهم جداً عندي وما أتغاضى عنه ،،، لكن لايمكن افرض على بنتي او ولدي يتزوجون شخص من اختياري بدون رضاهم،،، يعني ولد عم بنت عم وخاله ما عندي،،، زواج تقليدي متكافئ،،، وبرضى العيال ورضاي،،، أما الدراسه علي التوجيه حسب قدراتهم وبالنهايه القرار لهم

عيالي الحين صغار وما أتخيل شبيصير بعدين بس هذا اللي أتوقعه،،

مشكور كوهجي عالنقاش...*

هذا علشان عيالكم صغار ..

تصوري ولدج دش عليج وقالج يما ..

أنا متزوج وعندي عيال !!

شيكون موقفج ؟؟؟​

 

[ورد و هيل]

بعض الاباء اذا ولده طلع عن شوره ..


ماسمع كلامه ..عده عاق ..


وغضب عليه ويمكن يطرده من البيت ..


شرايج وين الخلل ؟؟​

في الابن والا الاب ؟

كووووووهجي

انا اعتقد حسب الزوووجة اللي يبيها الووولد

يعني ينت عايله وو حسب وو نسب-- وواخلااقها عااالية


الابوو بصراااحة ماعنده سالفة



اذا الروجة-- غير جذيه ---

- يتراوالي عنده حق يزعل يس ما بطرررد الولد...




-

 

[بوالعيس بيك]

بالنسبه لي

أتعب علي عيالي وهم صغار أعلمهم الحلال والحرام
والصح والخطأ والأصول وعاداتنا وتقاليدنا..

أما اختيار الدراسه ماأتدخل .. علي النصيحه فقط وهو كيفه علي حسب رغبته وميوله
ونفس الشي بالنسبه للزواج أتدخل لكن بحدود. لأن بالنهايه كل شي قسمه ونصيب وهذي حياته اهو حر فيها ..​

 

[كوهجي]

كووووووهجي

انا اعتقد حسب الزوووجة اللي يبيها الووولد

يعني ينت عايله وو حسب وو نسب-- وواخلااقها عااالية


الابوو بصراااحة ماعنده سالفة



اذا الروجة-- غير جذيه ---

- يتراوالي عنده حق يزعل يس ما بطرررد الولد...




-

هذا سؤالي ..

اذا الولد تزوج باختياره ..بدون موافقة الاب ..

وحده غيرمناسبه ..

قد تكون أكبر منه .. سبق لها الزواج ..من جنسيه أخرى ...الخ

تعتبرينه عاق ؟

والا انها هذي حياته وهو يتحمل مسئولية اختياره ؟​

 

[النايفه]

هذا علشان عيالكم صغار ..

تصوري ولدج دش عليج وقالج يما ..

أنا متزوج وعندي عيال !!

شيكون موقفج ؟؟؟​

متزوج وعنده عيال!!!

متى ،،، ومعيّل بعدددد

من ورااااااي::verymad::

تدري كوهجي ،،، بالمجتمع اللي أنا فيه عمرها ما صارت عشان أكون صادقه،،،
لكن الشي الوحيد اللي أنا واثقه منه أن عيال عيالي بيكونون عيالي وأنا بكون لولدي عون
على الدنيا ولايمكن أقاطعهم ،،، يمكن بعصب لأني أمارس دور أم وأب بنفس الوقت،،
لكن بالنهايه مالي ولا لهم غنى عن بعض

 

[كوهجي]

بالنسبه لي

أتعب علي عيالي وهم صغار أعلمهم الحلال والحرام
والصح والخطأ والأصول وعاداتنا وتقاليدنا..

أما اختيار الدراسه ماأتدخل .. علي النصيحه فقط وهو كيفه علي حسب رغبته وميوله
ونفس الشي بالنسبه للزواج أتدخل لكن بحدود. لأن بالنهايه كل شي قسمه ونصيب وهذي حياته اهو حر فيها ..​

البعض يابوالعيس يعتقد انه مالك لابناء

بحكم انه تعب عليهم ورباهم وصرف عليهم صغار..

لازم يستفيد منهم كبار ..

انا اللي خلاني أطرح الموضوع..

ظلم بعض الاباء لابناءهم ..


المغالاه في الحق منتهى الظلم (مقتبس من قلم )​

 

[كوهجي]

متزوج وعنده عيال!!!

متى ،،، ومعيّل بعدددد

من ورااااااي::verymad::

تدري كوهجي ،،، بالمجتمع اللي أنا فيه عمرها ما صارت عشان أكون صادقه،،،
لكن الشي الوحيد اللي أنا واثقه منه أن عيال عيالي بيكونون عيالي وأنا بكون لولدي عون
على الدنيا ولايمكن أقاطعهم ،،، يمكن بعصب لأني أمارس دور أم وأب بنفس الوقت،،
لكن بالنهايه مالي ولا لهم غنى عن بعض

الموضوع اللي طارحه للمناقشه واقعي ..

أنا بوصل ان العقوق قيمه نسبيه ..

يعني بالنسبه لج ...الموضوع يزعل ..

بس يظل الولد .. ولدي .

سؤالي ..

شلي خلا الولد يتزوج من ورا أبوه ( أصل المشكله )​

 

[ورد و هيل]

هذا سؤالي ..

اذا الولد تزوج باختياره ..بدون موافقة الاب ..

وحده غيرمناسبه ..

قد تكون أكبر منه .. سبق لها الزواج ..من جنسيه أخرى ...الخ

تعتبرينه عاق ؟

والا انها هذي حياته وهو يتحمل مسئولية اختياره ؟​

لااااا ابدا....مااعتبررره عاااق

هذي حياااته واهواا حرررر فيهاااا ....


وعلى فكرررة قبل يووومين---كنت زايرة بيت رفيجتي

وبالضبط نفس كلااامك--- اخوووها عمره 25 سنة--لم يسبق له الزواااج

تزوووج من بنت عااايله معروووفة عمررها 29 سنة --مطلقة-- وعندها بنت


لو تشوووف ابوووه-- شوووي و يزررر عقله --

مابقى كلمة ماقالها عن ولده....

لاا وفووق كل هذا العروس يابت البنت تسكنها معاهم


اما الام استسلمت للامر الواااقع




انا اقووول --- الولد حرر ب اختياااره و اهوااا اللي يتحمل النتايج ...



-