الياقوت للأحجار
عضو جديد
- التسجيل
- 25 يوليو 2011
- المشاركات
- 6
يالغالي عمرك سمعت أكو حرمة راحت السوق وماقدرت تبيع ذهبها، وبالنسبة للبيع اذا كان ذهبك مومشغول راح ينقص 200 الى 300 فلس عالغرام من سعر السوق وقته يعني كل كيلو بينقص 200 الى 300 دينار.
أسوأ الإحتمالات: اليوم شريت كيلو ذهب بقيمة 16 الف دينار، وبعد شهر لقيت سعر الكيلو 17 الف دينار، فإذا بتبيع راح يشترونه منك أقل بثلاثمية دينار، ولكن اذا تبي تبيع وتشتري حلالي وتكسب وتضارب فأقولك انسى الموضوع لأن حيتان السوق ماراح يشترون بكل وقت ومايبون يربحونك، فالقانون يقول اشتر وقطه ولاتسأل عنه وجذي انت بالسليم واذا ارتفع اكثر بوايد فانت ربحان باذن الله اذا كان لك نصيب.
بالكويتي: شريت اليوم وباجر ارتفع ورحت تبيع بربح، تلقى معظم المحلات يقولك شرينا أو يكسر فيك 500 فلس للغرام أو يقولك خلصت الفلوس وتعال باجر، ولكن شلون تبيع غصب طيب ، لازم تفتر عالمحلات وهالشغلة أنا ماحبها شخصيا أو تعطي القطعة حق أم العيال يخليها لك وراح تبيعه أسرع منك وبنفس اليوم، السؤال ليش؟؟؟؟؟؟ أقولك الجواب مو مهم.
وبالنسبة للسبائك أنا انصح تشتري شي يسمونه رملة ( بفتح الراء وتسكين الميم وفتح اللام) يقصون لك من سبيكة ذهب اللي وزنها كيلو عشان لا تدفع مصنعية بتاتا، والسبائك عليها تقريبا مصنعية 300 إلي 500 فلس للغرام.
وبالنسبة تشتري ولا ماتشتري أنا آقولك اذا بخاطرك وقلبك يقول اشتر، اشتر حتى لو بمبلغ بسيط 500 إلى ألف دينار، ولاتخلي بخاطرك شي اذا تملك المادة، وإذا بخاطرك سبايك اشتر سبايك لها وزن : من خمسين غرام وطالع لأن مصنعيتها أقل بالنسبة للوزن.
وأي سؤال ثاني من الشباب أنا حاضر وبالخدمة
