دورة المؤشرنت للتحليل الفني
50 دينار كويتي
سبائك الذهب
- بادئ الموضوع calpe
- تاريخ البدء
عجبي
عضو نشط
- التسجيل
- 26 مايو 2010
- المشاركات
- 1,425
من خبرتي في الذهب السبائك نادرة في السوق ولكن من الأفضل أخذ تولات لان تستطيع أن تسيلهم نقدي بسرعة وأي محل يشتريهم وابتعد عن الذهب المشغول لان يروح عليك قيمة المصنعية اذا اردت ان تبيعهم .. ومحلات الذهب في المباركية او مجمع سوق الذهب عندهم التولات .
واي استفسار آخر انا حاضر
عجبي
عضو نشط
- التسجيل
- 26 مايو 2010
- المشاركات
- 1,425
هذا صاحبك خذه سبيكة 995 وهي المفروض 999
ولذلك كملوا السبيكة علشان تصير كيلو بالضبط ..فلذلك البائع يعطي 4 قطع او 5 قطع ليكمل السبيكة وتكون نفس سبيكة 999
عبدالرزاق 7
موقوف
اخوي اذا ناوي تشتري عليك بالليره الذهب الرشاديه
وهي متوفره في محلات الذهب قبل الشراء افتر على المحلات
لتلاقي ارخصهم
ولكن قبل الشراء استخير الله ممكن الذهب وصل حده
دمتم بود
وهي متوفره في محلات الذهب قبل الشراء افتر على المحلات
لتلاقي ارخصهم
ولكن قبل الشراء استخير الله ممكن الذهب وصل حده
دمتم بود
Water
عضو نشط
اخوي لا تشترى الذهب وهو مرتفع بالعالي
مجد 91
عضو نشط
- التسجيل
- 7 مايو 2009
- المشاركات
- 1,704
مرتضى منصور
عضو نشط
استفسار فقط
ليش مايشتري الذهب الحين والاوضاع السياسية مشتعلة والامر يزداد سوء وهذا وقت ارتفاع سهر الذهب حسب علمي؟
ليش مايشتري الذهب الحين والاوضاع السياسية مشتعلة والامر يزداد سوء وهذا وقت ارتفاع سهر الذهب حسب علمي؟
الصدق منجاه
عضو نشط
- التسجيل
- 22 يونيو 2008
- المشاركات
- 549
الصراحه الذهب اسعاره تخوف
واتوقع راح ينهار فجأه
اللي مشتهي يشتري معادن يشتري الفضه
على الاقل الفضه قاعده تستخدم في الصناعات الدقيقه ويعتبر من افضل الموصلات
اما الذهب شنو منه فايده عشان يوصل هالسعر
وحطها قاعده دام الكل ينصح بشراء الذهب والذهب قاعد يصعد بجنون فوخر عنه
اعتقد اغلى شي ممكن الواحد يجمع في اهو الكاش
حطهم وديعه وانتظر اي فرصه استثماريه واترك عنك المغامرات
واتوقع راح ينهار فجأه
اللي مشتهي يشتري معادن يشتري الفضه
على الاقل الفضه قاعده تستخدم في الصناعات الدقيقه ويعتبر من افضل الموصلات
اما الذهب شنو منه فايده عشان يوصل هالسعر
وحطها قاعده دام الكل ينصح بشراء الذهب والذهب قاعد يصعد بجنون فوخر عنه
اعتقد اغلى شي ممكن الواحد يجمع في اهو الكاش
حطهم وديعه وانتظر اي فرصه استثماريه واترك عنك المغامرات
الاشعث2
عضو نشط
- التسجيل
- 13 نوفمبر 2009
- المشاركات
- 424
اخوي اسمع النصيحه حتى لو يرتفع شوي عقبه راح ينزل ولا راح تستفيد من الارتفاع الاخير لان سعر الشراء غير سعر البيع جرب تسأل عن سعر شراء السبيكه الذهب وشوف السعر وذهب للمحل الي جنبه وقوله عندي سبيكة ذهب ببيعها كم تاخذها وشوف الفرق الذهب وصل سعر يخوف لو بيدي ابيع ذهب الدولة كله وشتري بعدها بفتره بنفس النقود دبل الكميه وزياده
الصدق منجاه
عضو نشط
- التسجيل
- 22 يونيو 2008
- المشاركات
- 549
وازيد على كلامك
في حالة التصحيح القوي والنزول الحاد والمفاجئ للذهب
ماراح تلقى اللي يشتري منك
الكل حزتها يبي يبيع
العام اللي فات اشترينا انا وواحد اعرفه سبايك فضه
سعر السبيكه كان 180 دينار
بعدها بجم شهر صار سعر السبيكه ب 280 وحبينا انبيع اللي عندنا
فما لقينا شرايه ... كل المحلات ارفضوا يشترون السبايك علما بان الفضه كان قاعد يصعد... فكانت مسألت شرا الفضه بالنسبه لهم مسألة مزاج.
فما عجبتني سالفة السبايك فبعناهم مفرقين على اكثر من محل.. وباليهالله نقنع فيهم
بالكويت مافي سوق حقيقي لبيع وشرا المعادن ... الشرا سهل والبيع احيانا صعب
ادري راح يرد واحد حلو ولطيف ويقول الذهب مو مثل الفضه
انا راح ارد عليه واقول كلامك صح بالنسبه للذهب في الظروف الطبيعيه اما في حالة تصحيح قوي وبيع مفاجئ راح يطيح بجبدك وراح تبيعه بقيمة اقل بكثير من القيمه اللي اشتريتها فيها في هذي الايام.
لان القيمه الحاليه للذهب قيمه مبالغ فيها.
معادن كثيره تستخدم في صناعات مهمه ودقيقه ومخزوناتها بالعالم اقل من الذهب ما صعدت هالصعود الجنوني
واعتقد ان العالم قاعد يمر بحركة نصب عالميه
شوفوا اسواق المال والسندات والصناعات قاعدة تنظرب (اعلاميا )وعلى مستوى دول العالم كلها... بس عشان يصرفون مخزونات الذهب اللي وصلت لاسعار ما تعكس قيمتها الحقيقيه
وقبل شهرين او ثلاث تاجر يهودي باع كل ما يملك من الذهب فنزل الذهب نزول قوي اظن اسمه ساويرس (مو متاكد من الاسم) اذكر نزل الفضه من 500 دينار ل320 دينار
وعلى فكره المفروض صعود الذهب يدل انه فيه شرا قوي عليه... تدرون ان مخزونات الدول الكبرى للذهب مو قاعده تزيد... يعني الدول مو اهي اللي قاعده تشتري و ترفع الذهب!
والكل يشوف الصناديق السياديه لدول الخليج وامريكا قاعدين يشترون اسهم شركات ...مو قاعدين يشترون ذهب خاصه في هذي الاسعار العاليه والمبالغ فيها للذهب
طول عمرنا ما نسمع عن ازمه ماليه او اقتصاديه الا بعد ما تقع والناس تخسر ...وبعدين يطلعولنا خبراء المال ويقولون ويحللون بالازمه...هذابعد ما طاح الفاس بالراس.
وحتى بطفرات الربح والانتعاش والقفزات المفاجئه بالاسعار...ما ندري عنها الا بعد ما تصير الاسعار بالعالي
الحين شوفوا مافيه وسيله اعلاميه سواء اقتصاديه محترفه او لايثه الكل يقول اشتروا ذهب واشتروا فضه!!
والكل يحذر من اسواق المال معن كثير من الشركات الكبرى بالعالم تعافت وتخلصت من ديونها وقاعده تحقق نمو بالارباح!
اعتقد اللي قاعد يصير فلم أمريكي مفبرك
باعوا على العالم اسهمهم وديونهم المسمومه بالعالي...وبعدها اقتلوا واعلنوا افلاس كثير من الشركات اللي باعوها بالعالي. امثال ليمن برذرز وبانك اوف امريكا.
شوفوا اليونان وايرلندا والبرتغال وفرنسا كلهم انضربوا من حركات امريكا وازمتهم المصطنعه.شوفوا اليابان ودول اسيا انضربت من امريكا وديون امريكا اللي اشتروها.
ولما صارت اسعار الاسهم بالنازل قررت امريكا (على قولتهم المفلسه) تشتري اسهم كثير من الشركات بسعر التراب (مثل فورد نزل سعره لدولار واحد فقط!!!)
وبقدرة قادر ترجع اسعار الاسهم بظرف سنتين الى اسعار ما قبل الازمه وبعض الاسهم ارتفعت لاسعار اعلى من قبل الازمه مثل شركة أبل.
ونفس المسلسل راح يعيدونه بالنسبه للذهب والمعادن.. يبيعونك ذهب بالعالي ويشترون الاسهم والنفط برخيص.. علما بان احتياطيات العالم من النفط واصلة الى ارقام مخيفه والمفروض النفط ما ينزل باي حال من الاحوال اقل من 100 دولار.
وارد واقول الكاش غالي
ووديعه مضمونه من البنك المركزي الكويتي... وتنطر لين ما تطلع فرصه واضحه ومضمونه.. ووقت الازمات الفرص كثيره
في حالة التصحيح القوي والنزول الحاد والمفاجئ للذهب
ماراح تلقى اللي يشتري منك
الكل حزتها يبي يبيع
العام اللي فات اشترينا انا وواحد اعرفه سبايك فضه
سعر السبيكه كان 180 دينار
بعدها بجم شهر صار سعر السبيكه ب 280 وحبينا انبيع اللي عندنا
فما لقينا شرايه ... كل المحلات ارفضوا يشترون السبايك علما بان الفضه كان قاعد يصعد... فكانت مسألت شرا الفضه بالنسبه لهم مسألة مزاج.
فما عجبتني سالفة السبايك فبعناهم مفرقين على اكثر من محل.. وباليهالله نقنع فيهم
بالكويت مافي سوق حقيقي لبيع وشرا المعادن ... الشرا سهل والبيع احيانا صعب
ادري راح يرد واحد حلو ولطيف ويقول الذهب مو مثل الفضه
انا راح ارد عليه واقول كلامك صح بالنسبه للذهب في الظروف الطبيعيه اما في حالة تصحيح قوي وبيع مفاجئ راح يطيح بجبدك وراح تبيعه بقيمة اقل بكثير من القيمه اللي اشتريتها فيها في هذي الايام.
لان القيمه الحاليه للذهب قيمه مبالغ فيها.
معادن كثيره تستخدم في صناعات مهمه ودقيقه ومخزوناتها بالعالم اقل من الذهب ما صعدت هالصعود الجنوني
واعتقد ان العالم قاعد يمر بحركة نصب عالميه
شوفوا اسواق المال والسندات والصناعات قاعدة تنظرب (اعلاميا )وعلى مستوى دول العالم كلها... بس عشان يصرفون مخزونات الذهب اللي وصلت لاسعار ما تعكس قيمتها الحقيقيه
وقبل شهرين او ثلاث تاجر يهودي باع كل ما يملك من الذهب فنزل الذهب نزول قوي اظن اسمه ساويرس (مو متاكد من الاسم) اذكر نزل الفضه من 500 دينار ل320 دينار
وعلى فكره المفروض صعود الذهب يدل انه فيه شرا قوي عليه... تدرون ان مخزونات الدول الكبرى للذهب مو قاعده تزيد... يعني الدول مو اهي اللي قاعده تشتري و ترفع الذهب!
والكل يشوف الصناديق السياديه لدول الخليج وامريكا قاعدين يشترون اسهم شركات ...مو قاعدين يشترون ذهب خاصه في هذي الاسعار العاليه والمبالغ فيها للذهب
طول عمرنا ما نسمع عن ازمه ماليه او اقتصاديه الا بعد ما تقع والناس تخسر ...وبعدين يطلعولنا خبراء المال ويقولون ويحللون بالازمه...هذابعد ما طاح الفاس بالراس.
وحتى بطفرات الربح والانتعاش والقفزات المفاجئه بالاسعار...ما ندري عنها الا بعد ما تصير الاسعار بالعالي
الحين شوفوا مافيه وسيله اعلاميه سواء اقتصاديه محترفه او لايثه الكل يقول اشتروا ذهب واشتروا فضه!!
والكل يحذر من اسواق المال معن كثير من الشركات الكبرى بالعالم تعافت وتخلصت من ديونها وقاعده تحقق نمو بالارباح!
اعتقد اللي قاعد يصير فلم أمريكي مفبرك
باعوا على العالم اسهمهم وديونهم المسمومه بالعالي...وبعدها اقتلوا واعلنوا افلاس كثير من الشركات اللي باعوها بالعالي. امثال ليمن برذرز وبانك اوف امريكا.
شوفوا اليونان وايرلندا والبرتغال وفرنسا كلهم انضربوا من حركات امريكا وازمتهم المصطنعه.شوفوا اليابان ودول اسيا انضربت من امريكا وديون امريكا اللي اشتروها.
ولما صارت اسعار الاسهم بالنازل قررت امريكا (على قولتهم المفلسه) تشتري اسهم كثير من الشركات بسعر التراب (مثل فورد نزل سعره لدولار واحد فقط!!!)
وبقدرة قادر ترجع اسعار الاسهم بظرف سنتين الى اسعار ما قبل الازمه وبعض الاسهم ارتفعت لاسعار اعلى من قبل الازمه مثل شركة أبل.
ونفس المسلسل راح يعيدونه بالنسبه للذهب والمعادن.. يبيعونك ذهب بالعالي ويشترون الاسهم والنفط برخيص.. علما بان احتياطيات العالم من النفط واصلة الى ارقام مخيفه والمفروض النفط ما ينزل باي حال من الاحوال اقل من 100 دولار.
وارد واقول الكاش غالي
ووديعه مضمونه من البنك المركزي الكويتي... وتنطر لين ما تطلع فرصه واضحه ومضمونه.. ووقت الازمات الفرص كثيره
Water
عضو نشط
كلام واحد خبرة ومصك بالسوق ... يا ريت احد يسمع هذا الكلام
مرتضى منصور
عضو نشط
جزاكم الله خير على الإفادة
الياقوت للأحجار
عضو جديد
- التسجيل
- 25 يوليو 2011
- المشاركات
- 6
الرزق على الله
جميع البضائع بأنواعها معرضة للتصريف في أوقاتها المناسبة والدنيا فرص، عندما كانت المعادن بأسعار زهيدة لم يلتفت لها أحد والآن أصبحت في القمة، فالعمل على وتيرة الأرباح الدائمة غير مجدية إطلاقا في عالم التجارة، فمثلا قبل الدخول في التجارة على التاجر أن يعرف دهاليز البيع والشراء وكيفية تصريف البضاعة وتسييلها، وكل بتجارته عليم، فأصحاب الأسهم لايقبلون التجارة مدخلا للمال، وتجار البضائع منهم لايعترف بالأسهم الورقية، فالنصائح المباشرة لاتجدي، فمنهم من يقول إشتر الذهب ومنهم من يقول عليك بالأسهم ومنهم من يمدح العقار ولكل مجتهد نظرته المستقبلية، ولكن الخطأ أن تعتمد على كلام فلان وعلان دون تخطيط وتفكير سليم، ولا عيب في استشارة شخص تثق به إن كنت تجهل ما ستقدم عليه، والإعتماد على مصدر واحد للمال هو القاتل الأول في عالم التجارة، والتنويع هو الأمان، وعلى العامة من الناس أن لايرمي جميع أمواله في جهة واحدة، دون إدخار جزء من أمواله السائلة لوقت الحاجة.
فالخلاصة بالكويتي: إذا بخاطرك تشتري معدن ثمين إشتر ذهب عشان تصرفه بسرعه حتى لو شوية تشتري، والفضة تصريفها صعب لأن أكثر التجار يكنزون بالذهب، يعني عندك 10،000 دينار اشتر بألفين وكأنك ماشريته وقطه مثل ماتقط الأسهم الخسرانه وتعاله بعد خمس سنوات.
وإذا عندك 10.000 دينار ومحتاجهم لاتشتري حتى بدينار.
وآسف عالإطالة
وبالنسبة للمقالة اللي فوق تدري يالغالي ليش ماشرو منك فضة: لأنهم يبونك تبيعه برخص ويطيحونه بجبدك، وأي صايغ بالسوق محتاج فضة يشتري من رفيجه يعني شغل شيلني وشيلك، ولكنك يالغالي انت مو رفيجهم فعندهم الأقربون أولى بالمعروف، وانت تبي بيعتك كاش بس شغلهم مع بعض بالأقساط المريحة، يبيع حق الزبون وبعدين يحاسب صاحبه اللي باعه الفضة، وفي أسرار وايد بس أكتفي بهالقدر.
جميع البضائع بأنواعها معرضة للتصريف في أوقاتها المناسبة والدنيا فرص، عندما كانت المعادن بأسعار زهيدة لم يلتفت لها أحد والآن أصبحت في القمة، فالعمل على وتيرة الأرباح الدائمة غير مجدية إطلاقا في عالم التجارة، فمثلا قبل الدخول في التجارة على التاجر أن يعرف دهاليز البيع والشراء وكيفية تصريف البضاعة وتسييلها، وكل بتجارته عليم، فأصحاب الأسهم لايقبلون التجارة مدخلا للمال، وتجار البضائع منهم لايعترف بالأسهم الورقية، فالنصائح المباشرة لاتجدي، فمنهم من يقول إشتر الذهب ومنهم من يقول عليك بالأسهم ومنهم من يمدح العقار ولكل مجتهد نظرته المستقبلية، ولكن الخطأ أن تعتمد على كلام فلان وعلان دون تخطيط وتفكير سليم، ولا عيب في استشارة شخص تثق به إن كنت تجهل ما ستقدم عليه، والإعتماد على مصدر واحد للمال هو القاتل الأول في عالم التجارة، والتنويع هو الأمان، وعلى العامة من الناس أن لايرمي جميع أمواله في جهة واحدة، دون إدخار جزء من أمواله السائلة لوقت الحاجة.
فالخلاصة بالكويتي: إذا بخاطرك تشتري معدن ثمين إشتر ذهب عشان تصرفه بسرعه حتى لو شوية تشتري، والفضة تصريفها صعب لأن أكثر التجار يكنزون بالذهب، يعني عندك 10،000 دينار اشتر بألفين وكأنك ماشريته وقطه مثل ماتقط الأسهم الخسرانه وتعاله بعد خمس سنوات.
وإذا عندك 10.000 دينار ومحتاجهم لاتشتري حتى بدينار.
وآسف عالإطالة
وبالنسبة للمقالة اللي فوق تدري يالغالي ليش ماشرو منك فضة: لأنهم يبونك تبيعه برخص ويطيحونه بجبدك، وأي صايغ بالسوق محتاج فضة يشتري من رفيجه يعني شغل شيلني وشيلك، ولكنك يالغالي انت مو رفيجهم فعندهم الأقربون أولى بالمعروف، وانت تبي بيعتك كاش بس شغلهم مع بعض بالأقساط المريحة، يبيع حق الزبون وبعدين يحاسب صاحبه اللي باعه الفضة، وفي أسرار وايد بس أكتفي بهالقدر.
المعادن فى ارتفاع ويوجد سوق لها يعنى اهل الذهب يتداولون المصاغ ولا يعنيهم ارتفع اونزل ويوجد سوق للسبائك اسعاره نفس سعر شاشة الفوركس + فرق الشحن والمناوله مثلا فى الفضه او الذهب بين 2-3 $ ويشترون المعدنان باقل من سعر الشاشه بما اعتقد ولكن ماذكرته هل انت حاولت تبيعة فى سوق السبائك؟؟
سوق تداول اسبائك يختلف عن بيع المصاغ والصائغ يشترى الذهب الكسر ويبع عند تجار السبائك و أغلبهم فى سرداب سوق الذهب خلف المزينى واحيانا الشراء غير متوفر ولكن تستطيع تشترى بسعر الاغلاق الفوركس ويوفر المعدن بعد يوم بسعر الشراء بعد دفع عربون
سوق تداول اسبائك يختلف عن بيع المصاغ والصائغ يشترى الذهب الكسر ويبع عند تجار السبائك و أغلبهم فى سرداب سوق الذهب خلف المزينى واحيانا الشراء غير متوفر ولكن تستطيع تشترى بسعر الاغلاق الفوركس ويوفر المعدن بعد يوم بسعر الشراء بعد دفع عربون
دورة المؤشرنت للتحليل الفني
50 دينار كويتي