شركة الإتصالات المتنقلة ش.م.ك ( زين ) ......2

[Hit_and_Sell]

اخوي فهد
الفيديو هذا كلش ماله علاقه بأحوال سهم زين حاليا!

 

[ضحية جراند]

ان شاء الله راح يكون صعود للسهم قريبا

 

[Hit_and_Sell]

وانا اشوف ان سعره حلو وانه خسر كثير من قيمته السوقيه وان شاء الله راح يرتفع

 

[TKA]

هلا اخوي بو حسين
جزاك الله خير
ومع خبر تسييل الى 63 مليون سهم للفوارس في يناير وين بيروح !

لو أحد من المتابعين و العارفين للسهم ...ينورنا بالنسبه لحركة السهم و قضية تسييل أسهم علي الخليفه.

في ناس تقول إنه الخليفه يبي يرفع السعر قبل المزاد ...عشان توفي حصيلة المزاد بالدين.

و في ناس تقول الخرافي يبي ينزل السهم ...عشان ياخذه بالرخيص ...و فوقه كاش من علي الخليفه ...إلخ.

سؤال؛ متى المزاد؟ فعلا في ٢٠ يناير ...أو في تأجيل في الطريق ؟

شخص قانوني: لا يوجد ما يستدعي تأجيل القاضي للمزاد. لذا سوف يتم حسب التاريخ المعلن.

........

الشق الثاني للإستفسار: ما الأرباح المتوقع أو مقترح توزيعها. إن كان أحد يدري بها الآن !! و ما تأثير توزيعه "سخيه" على مالية / ميزانة الشركه.

 

[flanker]

شلون يرفع سعره صعبه عليه شوي بس الاسهل ان ينزل سعره هذا الشي المنطقي وهذا اللي حاصل منذ فتره ليست بالقصيره

 

[flanker]

لعبه كبار واحنا اللي ماكلينها

 

[وايلي]

بالامس بفترة المزاد طلب 400 الف
واليوم بنفس الفترة طلب 154 الف ع ال540
لو كان يبي السهم للشترى اثناء التداول
لكن شكلة ناوي على شيء
حسبة سريعه
تداول السهم اليوم765 الف منها حوالي 180 الف فقط على 540

 

[ضحية جراند]

اليوم زين سكر 540 .ان شاء الله في الايام القادمه راح نشوف ارتفاعات لهذا السهم

 

[وايلي]

540 يطوفها ممكن نقول يتحول للايجابي
بالتوفيق

 

[دايــم]

للعلم

موضوع اسهم المزاد ليس لها علاقه بسعر السهم السوقي ( يفتتح المزاد بسعر ابتدائي ومن ثم مزاود عليه)
يعني احتمال سعر سهم المزاد بدينار او ربع دينار للسهم
وليس مربوط بسعر السهم السوقي ،
وتاثير السهم بالسوق نفسي فقط لاغير

ويستطيع الخليفه شراء كميته باسم شركه ثانيه

 

[Hit_and_Sell]

اغلب المؤشرات تميل الى الشراء.

بالتوفيق

 

[ضحية جراند]

ان شاء الله اليوم راح نشوف السهم 560 فلس.تاريخ الساعه العاشره صباحا 1/14/2015

 

[TKA]

للعلم

موضوع اسهم المزاد ليس لها علاقه بسعر السهم السوقي ( يفتتح المزاد بسعر ابتدائي ومن ثم مزاود عليه)
يعني احتمال سعر سهم المزاد بدينار او ربع دينار للسهم
وليس مربوط بسعر السهم السوقي ،
وتاثير السهم بالسوق نفسي فقط لاغير

ويستطيع الخليفه شراء كميته باسم شركه ثانيه

شلون ماله علاقة !

المزاد يفتح على سعر الإقفال السابق. لذا من مصلحة فلان أو علان رفع أو تنزيل سعر أخر إقفال.

بالنسبه للبيع بدينار ...ممكن. لكن بربع ...لا يمكن! إلا إذا آخر إقفال كان على ربع. المزاد يؤسس - سعر أدنى - على سعر الإقفال السابق له.

و الله أعلم

 

[TKA]

لاحظ تاريخ إعلان المزاد من قبل وزارة العدل: ١٤ ديسمبر ٢٠١٤

سعر زين في اليومين السابقين كان بحدود 570 - 580 فلس.

العدل عملت حسابها على هذا الأساس (الإفتراض) إن الكميه لن تباع باقل من 580 فلس للسهم !!

المبلغ المطلوب سداده = ٣٦،٣ مليون دينار.

الكميه المعروضه للبيع ٦٣،٥ مليون سهم من الفوارس 580 فلس = ٣٦،٨ مليون دينار.

 

[ضحية جراند]

مبروكين لملاك السهم .ان شاء الله باجر في صعود جديد

 

[دايــم]

شلون ماله علاقة !

المزاد يفتح على سعر الإقفال السابق. لذا من مصلحة فلان أو علان رفع أو تنزيل سعر أخر إقفال.

بالنسبه للبيع بدينار ...ممكن. لكن بربع ...لا يمكن! إلا إذا آخر إقفال كان على ربع. المزاد يؤسس - سعر أدنى - على سعر الإقفال السابق له.

و الله أعلم

طيب
في حالة عدم تقدم مشتري بسعر اقفال السهم ؟ !
ماينزل سعر المزاد

ماتدري ان فيه شركات تزيد راس مالها لمستثمر استراتيجي (غثونا فيهم) بسعر فرضا 120 فلس
وسعر السهم بالسوق يكون 190 فلس !!
اخوي اللي احب اوصله ، انه لا علاقه بسعر السوق ،
هذي كميه كبيره جدا جدا ولابد من ترغيب للي بيشتري
الا اذا حصلت منافسه
وهم ارجع واقول احتمال يلغى المزاد ، او تشتريها الفوارس باسم شركه اخرى

 

[وايلي]

بالامس بفترة المزاد طلب 400 الف
واليوم بنفس الفترة طلب 154 الف ع ال540
لو كان يبي السهم للشترى اثناء التداول
لكن شكلة ناوي على شيء
حسبة سريعه
تداول السهم اليوم765 الف منها حوالي 180 الف فقط على 540

540 يطوفها ممكن نقول يتحول للايجابي
بالتوفيق

نفس الطريقة تداول على سعر واقفال على سعر اخر
لكن ان شاء الله يكون الجلسة القادمة اقفال فوق نقطة المقاومة
560
لانها تعتبر مقاومة صعبة على السهم نتامل اختراقها
بالتوفيق

 

[fahad2000]

زين ٥٠ فلس
1/14/2015 11:11:05 AM
المعلومات الأولية لتوزيعات زين والمتوقعة ما بين ٥٠ - ٤٥ فلس قد تدعم وتدفع السهم حسب رأي الخبراء إلي الـ ٦٠٠ فلس كحد أدني.

 

[flanker]

مو غريب علي زين توزع ٥٠ فلس لانها فعلا كل سنه توزع ٥٠فلس بس الغريب السعر الحالي مقارنه بكل سنه بس المساله يبيلها صبر شوي لحين رجوعه اسعاره العادله

 

[امرك عجيب]

لولا الحسد زين سعرها لايقل عن سعر الوطني وبيتك واجليتي بسبب توزيعاتها المحترمه باعتقادي الشخصي الحسد هوالغالب علي تجارنا ولا السيد الخرافي يرضي علي اسعار شركاته مثل سعر عصير السانكيست والسيد البحر سعر شركته ايفا ام شركات البحر سعرها اقل من سعرالبقدونس يااخي لارياضه ولا بناء مرافق جديده ولا طرق ولا صحه اهتموا بالبورصه واجذبوا انظار العالم وخلو الناس تسترزق عطوا شركاتكم اسعارها الحقيقيه والله عيب تري تطوير البورصه سهل قرارات سليمه وشويه امانه في التعامل مع الجميع تمشي الامور مو يالله صرحو بالجرايد الدنيا ربيع ويالله يالتجار بيعوا علي هالمساكين هذا اسمه دجل الله المستعان ان شاء الله اتعدل الامور والله كريم