شركة الإتصالات المتنقلة ش.م.ك ( زين ) ......2

[رابح رابح]

بالنسبة لي كان من المؤكد عدم رفعه قبل المزاد .. والانخفاض عند السعر الحالي ماهو الا رد على المعترضين على بيع اسهم الخزينة بسعر 600 فلس
الرسالة مضمونها يقولون لهم احنا بعنا اسهم الخزينة بسعر مرتفع 600 فلس .. والسهم حاليا سعره طايح .. احمدو الله مابعناه ب 400 فلس

واذا بيرفعون سهم زين احتمال يرتفع قبل الاعلانات السنوية اذا بيوزع توزيعه قوية .. والله اعلم
لان عنده كاش كبير
بيع اسهم الخزينه والابراج

واحتمال يتكرر نفس سلوك امريكانا اللي صار بعد صفقة امريكانا يوم وزعو 612 فلس علشان يسترجعون جزء من المبلغ اللي دفعوه بالصفقة
ممكن زين يوزع 70 -80 فلس علشان عمان تل تستعيد جزء من كاشها وتخفض كلفة الصفقة .. والله اعلم

هذا الاعتقاد شخصي غير مؤكد

لست محلل وماذكرته وجهة نظر شخصية

 

[رابح رابح]

علاوة بيع أسهم خزينة «زين»
أعلى من علاوة صفقة «الخير»

- http://alqabas.com/458148/

 

[mish3al_99]

احتمال توزيع نقدي عالي وارد جدا . لتخفيف . ولكن يحتاجون الي نسبة تملك اعلى من ٢٠ % والا الفايدة تروح للمحافظ وهيئة الاستثمارات ..



اتوقع عمانتل تزيد نسبتها في زين خلال الاربع شهور القادمة .


والله اعلم

 

[رابح رابح]

اعتقد مازالت مجموعة الخرافي تملك نسبة مؤثرة في زين خاصة كابلات
ولا استبع شرائها من السوق كاسهم خزينة او بصفقة

 

[عبدالله2]

توقع القمر ... للقمر

 

[flanker]

والله يبا احنا اللي ضايعين بالطوشه

 

[رابح رابح]

سهم زين ..
الارباح والكاش والتوزيعة المحتملة

•• الربع الثالث 2017 ..
ربحية السهم 31 فلس
ارباح 122 مليون دينار

- كاش موجود حاليا 284
- بيع اسهم الخزينة 255
- ربحية محتملة بالرابع 40 فلس

ربحية سنوية محتملة 39 فلس

بيع الابراج 50 مليون دينار بالربع الاول 2018 حسب الاعلان .. وهناك احتمال لانهاء الموافقات وانجازها بالربع الأخير هذا العام

 

[رابح رابح]

 

[mish3al_99]

بو خالد .

زين عندها اكتتاب زيادة رال مال في زين السعودية حوالي 200 مليون دينار كويتي ..

راح ياثر على الكاش اكييد

 

[عندك سلف]

بو خالد .

زين عندها اكتتاب زيادة رال مال في زين السعودية حوالي 200 مليون دينار كويتي ..

راح ياثر على الكاش اكييد

حسب علمي
ان شركة زين الكويتية تطالب شركة زين السعودية...
وان زين الكويتية ستشارك في اكتتاب زين السعودية مقابل التنازل عن الديون

 

[mish3al_99]

حسب علمي
ان شركة زين الكويتية تطالب شركة زين السعودية...
وان زين الكويتية ستشارك في اكتتاب زين السعودية مقابل التنازل عن الديون

خبر إيجابي للسهم اذا تم

 

[رابح رابح]

بو خالد .

زين عندها اكتتاب زيادة رال مال في زين السعودية حوالي 200 مليون دينار كويتي ..

راح ياثر على الكاش اكييد

والله ياخوي ما ادري .. يعتمد على الية زيادة راس المال .. وتقييم السهم
لان زين السعودية عنده مشاكل مالية ومرتين خفضو راس المال .. وضعه مايطمن
اقرا اخر تصريح لرئيسه التنفيذي

 

[mish3al_99]

انبطت الجربه ..


اعلان بيع حصة 5% الشيخ سالم العلي يتخارج من زين و معه ست شركاء .


بسعر 440 فلس .

راحوا فيها عمانتل . زحلقوهم

 

[Bdr02]

زحلقوهم اذا تم البيع علي هالسعر ولكن اتوقع يرتفع الي ٦٠٠ فلس
لاتنسي توزيعه ممكن ٦٥ فلس
الي يشتريها ٦٠٠ يربح ١٠٪‏ من فلوسه بعد ٥ اشهر

 

[عندك سلف]

الشيخ سالم العلي بهدف إلى احراج من قام بالصفقتين الأخيرتين.

يفترض على مجلس إدارة زين ان يدخل المزاد لاسترداد جزء من اسهم الخزينة التي باعها قبل فترة قصيرة بسعر ٦٠٠ فلس

ويفترض أن تدخل عمانتيل المزاد لأنها بررت دفع ما قيمته ٧٨١ فلس على ان شراء حصص إضافية صعب ولا يتوفر

اما مجموعة الخرافي فأشك انهم يستطيعون ان يشتروا هذه الكمية حتى وان كانت بسعر مخفض بشكل كبير لأنها مديونة

 

[khalidalazmi]

@kwborsa: مجموعة سالم العلي تبي تبيع سهم زين مزاد بسعر ابتدائي ٤٤٠ ولكن في نيتها تبيعها علي عمانتل
لانهم عارفين السهم شارينه عمان بسعر متوسط ٧٠٠
العرض من مجموعة سالم العلي لاغراء شركة عمامتل بالدخول للمزاد

 

[Cha3bar]

@kwborsa: مجموعة سالم العلي تبي تبيع سهم زين مزاد بسعر ابتدائي ٤٤٠ ولكن في نيتها تبيعها علي عمانتل
لانهم عارفين السهم شارينه عمان بسعر متوسط ٧٠٠
العرض من مجموعة سالم العلي لاغراء شركة عمامتل بالدخول للمزاد

السلام عليكم

السؤال إلي يطرح نفسه لو بالفعل هذي كانت نيتهم شنو إلي منعهم إنهم يطرحون حصتهم للمزاد بسعر السوق بنفس وقت بيعة الخرافي لعمانتل

كانت راح تكون قمة الإحراج في نظري

 

[SAM7]

ترتيب الاحداث يحسسك انه ترتيب مسبق ومتفق عليه .... من بيعه اسهم الخزينه الى اعلان مجموعة الاوراق وحتى سكوت هيئة الاستثمار شي مريب فالهيئة تملك ضعف اسهم شركة الخير وهي المالك الاكبر للأسهم وتملك الكمية الكاملة اللي المطلوب استحواذها من عمانتل وفوق هذا تمت البيعه لشركة الخير اللي ما تملك غير 12% بأعلى من سعر المساهمين بما فيهم هيئة الاستثمار ،،،،،، عموما عمانتل تملك الحين 22% والهيئة تملك 24% ولو فرضنا ان هناك اقل من 5% بقليل عن احد الاطراف فيكون الباقي عند كل المساهمين 49%

 

[bader__7]

@kwborsa: مجموعة سالم العلي تبي تبيع سهم زين مزاد بسعر ابتدائي ٤٤٠ ولكن في نيتها تبيعها علي عمانتل
لانهم عارفين السهم شارينه عمان بسعر متوسط ٧٠٠
العرض من مجموعة سالم العلي لاغراء شركة عمامتل بالدخول للمزاد

العمانيين ماعندهم فلوس يالله بالغصب لقوا قرض لشراء اسهم الخير والله اعلم..

 

[حديث النفس]