لعبه سجن الاعضاء ... وشوف الي يعزك

[Q8 Stock]

سبقني..!!

شكلي انا اللي بقص البصل والبطاطس...!!!

 

[ياقوت]

ئي انا قبل
يبتلك ماي وزعتر وتوست
وقتا ممتعا اتمناه لك في السجن مشرفنا


​

 

[Q8 Stock]

ئي انا قبل
يبتلك ماي وزعتر وتوست
وقتا ممتعا اتمناه لك في السجن مشرفنا


​

 

[Q8 Stock]

راحت عويناتي من قص البصل

 

[bo fawaz]

بل بل بل
غربل الله العدو فال الله ولا فالك يا q8_chamber الله يسامحك بس هذي دعوة تمناها لأختك اسرار

لا تفاول على بشر

إن شاء الله العدو

ان شاء الله سجودة مرة صدام لما يحكمون عليه بالإعدام

أفا أين الرجال بل أين ذهبوا

مافيكم أحد طلعني غير ولد الأيواد Q8 Stock و لما راح الفارس الشهم رجعتوني السجن

اهه اهه اهه






بوتسنيم : تمر على وتوزع مشاركاتي اللي ما صدقت احصلها ، تمر وماتطلعني ، هذا وأنا مباركه لك ببنتك مريومه الله يخليها وقايله لك انا مولوده معاها بنفس اليوم 14 رمضان اهه اهه ما كنش العشم يابو تنسيم

ويلاه : كاشخ لي بالبشت و تتشمت بعد ، ما قول إلا ما قاله العراقي بالدارمي :

شماتي ماهم شمات شماتي عشره

والعاشر اصغيرون وصبعه ايأشره

ماكنش العشم يا ويلا ه كم مرة حبست لك الفهلوي عشان تلبس البشت اهه اهه

TrendTrader : أنتا أنتا يا ترند تريدر أوريك بس طب بيتنا الاستراحه ، انت اللي حبستني مرتين

أنت راس غليص ولازم انطخو وأنا حمده

Boali : لأ لا ما اصدق بو علي يشوف أسرار بالسجن وما يطلعها ؟؟ ما كنش العشم يابو علي

وامعتصمـــــــــــــــــــــــــــــــــــــــــــــــــــــــــــــــــــــــــــــــــــاه من يخرجني

و ياجماعة الخير

الكريم ولد الايواد اللي بيطلعني ابيه يطلع زميلتي بنازيربوتو الباكستانيه في العنبر خدامه مسكينه مسجونه بعد

قالت لي قصيدتها خلتني ابجي على حالتها ، على بالها يايه زياره قالت لي القصيدة

عشان أ طلعها مادرت اني منضمه لها والسبب غليص وعاد شنو تهمتها بسيطه بس مخدرات !!

تقول الخدامه المسكينه :

انا يجـي مـن قـنـدهـار.... شغـل هـنا ليـل ونهـار

هـذا كفيـل وايد بخيـل.... يعطي فلـوس وايد قليل

أنا يخـلـي في بـلــد .... أربـع بـنــات واحـد ولــد

ولـد أنـا يـبـي عــروس.... بابا أنـا يـبـي فـلــوس

بنـات يبي وايـد هـدوم .... ماما مريـض ماكو يقوم

أنا يبـي واحد قصر.... يبي عـروس داخل قـصـر

لازم يصيـر واحـد كبيـر.... لازم أكـو أمـوال كثـيـر

أنا يصيـر مخي خـراب.... ماكو فكر ماكـو حسـاب

أنا يجيب مـن طالبان....أفيون يبيـع في كل مكان

شرطي يجي يمسك أنا.... سجن يروح عشرة سنة

تعـب يـروح كـلـه بلاش.... الـيـوم أنا ماكـو معـاش


من الفارس الهمام المقدام الذي يحررني من هذا السجن ؟؟ أهه أهه

ياهل النخوة ، ياهل المروة ، يا الأيوااااااااااااااااااااااد مظلوم

وامعتصمــــــــــــــــــــــــــــــــــــــــــــــــــــــاه

رب وامعتصماه انطلقت ---------ملء أفواه البنات اليتمي
لامست أسماعهم لكنها --------لم تلامس نخوة المعتصمي​

احد نادانى

يابنت الحلال المعتصم مات من زمان
وانا اطلعك واحط ابو على مكانك ( لانه روحانى يطلع نفسه )

 

[bo fawaz]

ياجماعه رفقا" بالقوارير
صج انهن مستبدات بس الرسول صلى الله عليه وسلم
وصى عليهن

 

[ياقوت]

ابدا احنا مو مستبدات


​

 

[Q8 Stock]

ابدا احنا مو مستبدات


​

طلعتي وحده مش واحد
وانا على بالي على بالي على باااالي نفر
طلعتي نفره

 

[سليمان الضيف]

طلعتي وحده مش واحد
وانا على بالي على بالي على باااالي نفر بو علي تأثير قصيدة الباكستانيه واضح عليك
طلعتي نفره حبة خال بعد ههههههه

منو بالسجن الحين ؟؟ خل اييب له تتن

 

[قاروه]

اووووه بوعلي Q8stock مشرفنا بالسجن لا ويقصص بصل بعد وترند تريدر داش حق الشماته
خروج مشرفنا
ودخول ترند تريدر وخل يفكك خال العيال

 

[سليمان الضيف]

النجده ... ساعدني يا كابتن ماجد

 

[asrar12345]

النجده ... ساعدني يا كابتن ماجد

أخيرا تمكنت منك يا غليص

أنت اللي حطيتني بالسجن...... وهانت عليك دمعاتي ياترند

أنا رايحه أجيب الباروده أطخو .. واطشر مخو

لحد ايطلعو من اهنا لين اجي مع البندق

 

[asrar12345]

​

وقف عندك ياتريدر لاطخك جاك الموت ياتارك الصلاة ايه انت ياغليص عبالك ما يجيلك يوم و اطخك
​

 

[boali]

مشكور يا بوفواز

خخخخخخخخخخخخ

أطلع يا العضيد TrendTrader مليت أنا اكفلك

يا أخي حطلك كفالة 10 سنوات وريحني

تعال أنت يا بوفواز ,, يالله دش السجن

TrendTrader خروج

بوفواز دخول

 

[asrar12345]

لا يا بوعلي

ترى بتصير بينا حرب

أطلع يابو فواز .................حر أنطلق

أرجع يا ترند تريدر ...........................السجن المؤبد



لاتطلعه يابو علي خله يقضي مدته كامله

.

 

[boali]

شسوي بعد أختي asrar12345

تأمرين أمر !! غالي والطلب رخيص

سامحني صديقي (حكم القوي على الضعيف)​

 

[asrar12345]

عشت والله يابو علي

عشانك والله يعز شانك عفيت عنه

وبطلق سراحه بس لأنك تعرفه

سمعت ياترند تريدر لو مو بو علي ما عفيت عنك

أطلع ياترندتريدر .........................خروج

و أسجن بداله ياقوت .....................إلى سجن النساء يا ياقوت

عشان مرة ثانية ما تسجنين مشرفنا Q8 Stock

سلمي لي على الباكستانية زميلتي في العنبر سابقا

.

 

[ياقوت]

يوصل ان شاء الله
بس الاربعا بسافر ان شاء الله ياريت تطلعوني قبلها
وما عليكم امر اللي يطلعني خل يدخل من كان السبب في سجني


​

 

[asrar12345]

لأ لأ يا ياقوت ممنوع الكلام

و اللي بيفكر يسجني

لاستدعي له جيوش الوحوش اللي في فيلم ( لورد أف ذا رينق) يدمرونه

 

[Q8 Stock]

عاااش قاارووه عااش عاااش

ياقوت تبين تتن ؟؟؟
ولا جقاير بو بزونه ؟؟؟
ولا زقاير لف ؟؟؟ نرى حلو اللف كشخه داخل علبه ذهبيه
ولا تبين شيشه ؟؟؟
تبين مشروب ............... <<< لا يروح تفكيركم لبعيد مشروب غازي