تكفون ابي النصيحه

[الحزين1]

انا عندي مبلغ حاليا 10000 الف ابي النصيحه انا خسران وايد ودي اخذ اجليتي فيهم يعوضني شويه اوبيت التمويل تكفون ابي النصيحه ماعندي غيرهم واناخسران بالسوق وايد

 

[الحزين1]

مخطط شنو عفوا

 

[رابح رابح]

انا أأيد اخوي بوفلاح
الله يعوض عليك بالحزين باللي راح والله يبارك لك بال 10000
*قال تعالى ومن يتق الله يجعل له مخرجا ويرزقه من حيث لا يحتسب.
*يرزق من يشاء بغير حساب

انا نصيحتي لك انك تكتفي باللي عندك بالبورصه ودور لك استثمار غير البورصه طيعني وتكفا خلك متفائل غير النك نيم

والوضع تعبان حده عالميا ومحليا والمنطقه تغلي
واخر شي اللجنه الاقتصاديه اللي اجتمعت امس كلامهم مع سمو الامير عباره عن توجه لتخفيض الانفاق يعني ماكو سيوله
وكنا متوقعين انهم راح يطالبون بزيادة الانفاق الحكومي او مساهمتهم بتخفيف الاعباء الماليه عن الحكومه .
تجارنا ضايعين ومضيعين الحكومه معاهم مو عارفين شيبون
مره يطالبون الحكومه بزيادة الانفاق ومره يطالبون بترشيد الانفاق ماكفاهم فلوس الشركات المنهوبه
يبون فلوس رواتب الموظفين
المفروض بناء على طلبهم بتخفيض الاعباء الماليه عن الحكومه اول شي الحكومه تفرض عليهم ضرايب مو قاعدين يساهمون بشي بس شاطرين على الرواتب.

 

[البخيت]

لو عندي فلوس حاليا اشتري المتحده العقاريه

 

[سلفادور]

لو عندي فلوس حاليا اشتري المتحده العقاريه

فيدنا يالحبيب ليش
اشمعنه المتحده

 

[الحزين1]

شكرا علي النصيحه اتمني اسمع اراء الكثير مع احترامي لااراء الاخوان ولكم مني جزيل الشكر علي النصيحه

 

[لكزس460]

نصيحه نصيحه أستثمر فلوسك بأي شغله ثانيه برا السوق ,,, وبخصوص بيتك واجليتي ادري أسعارهم حلوه بس السوق ماينقال عليه وبيتك يمكن ينزل إلي 850 وإذا كسر الدعم الله العالم وين رايح .. ويمكن يرتفع بعد بس انت دايم فكر بالخساره قبل الربح وانت خسران وموناقص خساير بعد ...

والسوق أدري أدمان ادمان مهما خسرت فيه ودك تدخل فيه بس الحل لك
الكاش أستثمره بأي شي ثاني لو دخله بسيط ..
وأسهمك الخسرانهضارب فيها بمعنى الكلمه وأذا ماتعرف للمضاربه ادخل دوره بالتحليل الفني .. وحاول تعوض الخساره القديمه بالمضاربه لأن لوتنطر السهم لين يرجع سعره وص عليه ولد اولدك

 

[gulf]

تجنب الأسهم الغير شرعيه والربويه ... إذا مصمم على التحدي حتى أخر فلس عندك الشركات التشغيليه وبالأخص البنوك والله يرزقك

 

[مقام العز]

نصيحه السوق خطير جدا وكل شركة او بنك عنده مصيبه كبيرة وللحين مااحد يقدر يجزم بأن هذا السهم طيب,ومن ملاحظتي لسوق وشركاته اذا ايدك تحكك وخايف تحط فلوسك في البنك وتصرفها في شي انصحك بأسمنت ابيض والله انظف سهم موجود اقولك اشتر ولاتخاف الشركة ميزانيتها نظيفه وتوزع كاش قبل سنتين 10% والعام 12% وسعرها سعر اكتتاب 116فلس وموجوداتها ضعف راس المال والديون لاتذكر اخوي استثمر فيها الي مدة سنتين وانشالله تدبل فلوسك وبعد السنتين شوف اسعار السوق بتأني وتقلباته وذيك الساعه انت حر الاختيار بتغير المراكز والله يبعد عنك كل شر ويعوضك راس مالك.وشكرا

 

[jamal5]

انا عندي مبلغ حاليا 10000 الف ابي النصيحه انا خسران وايد ودي اخذ اجليتي فيهم يعوضني شويه اوبيت التمويل تكفون ابي النصيحه ماعندي غيرهم واناخسران بالسوق وايد

الظاهر مو كافيتك خسارتك بالاسهم تبي تحط العشرة فوقهم...أصحى.. وخشهم لمشروع حقيقي وتشغيلي كمحل او مطعم او استيراد ...او بحساب توفير...واذا مصر انطر لما اي سهم تختاره ويكون تشغيلي وثقيل ثم تتابعه اذا صعد على الاقل 20% ثم ادخل عليه..بعدين نكك الحزين هذا بروحه ييب الخسارة غيره للسعيد للمتفائل .

 

[الاثمار]

انا عندي مبلغ حاليا 10000 الف ابي النصيحه انا خسران وايد ودي اخذ اجليتي فيهم يعوضني شويه اوبيت التمويل تكفون ابي النصيحه ماعندي غيرهم واناخسران بالسوق وايد

أنا انصحك ان تستثمر ببنك الإثمار
وشركة مشرف

 

[البخيت]

فيدنا يالحبيب ليش
اشمعنه المتحده

ههههههههه لو تموت ما افيدك


ياخوي اخاف من دعائك لو نزل السهم

والله ماعرف شي عنه بس متابعه عدل من فتره

خمس مرات يقعد لي 102 ويرد لي ال 90

واعتقد كان عليه زياده راس مال على 102

 

[تمويل خليج]

انا عندي مبلغ حاليا 10000 الف ابي النصيحه انا خسران وايد ودي اخذ اجليتي فيهم يعوضني شويه اوبيت التمويل تكفون ابي النصيحه ماعندي غيرهم واناخسران بالسوق وايد

ادخل فيها بمشروع عقاري خارجي لانه ارخص بكثير اشتر لو شقة بالامارات السوق هناك رخيص نوعا ما في شقق على 15000 الف بدبي تدخلك بالشهر 200 دينار على الاكثر بس لازم شوي تزيد العشرة و تحصل بالشارقة على اسعار ارخص نوعا ما ومن ناحية التسويق الشركة اللي راح تشتري الشقة منها هي تسوقه و الايجار يوصل لي عندك يعني تزيد دخلك و اذا ارتفع سعر الشقة تقدر تبيعها بعد , خذ هذا الموقع قسم عقارات الامارات www.ekaar.net/ و لا تفكر تدخلها بالاسهم و عاد الامر راجع لك
نصيحة اخ لاخ

 

[تمويل خليج]

تجنب الأسهم الغير شرعيه والربويه ... إذا مصمم على التحدي حتى أخر فلس عندك الشركات التشغيليه وبالأخص البنوك والله يرزقك

جزاك الله خير هذي اعظم نصيحة انصح فيها المستثمرين لان الاموال الربوية ما منها فائدة ابدا عودوا انفسكم على هذه القاعدة

 

[عجبي]

انا اشوف
بنك بوبيان والصناعات الوطنية ما منهم خوف الاول يدعمه البنك الوطني والثاني الحكومة .
وفيه غيرهم بس ما اعرفهم

 

[ADEL ALAZMI]

المــــال

 

[ابو سالم777]

الله يرزقك الفلوووس الي عندك اذا تبي تجاره ناجحه حطهم في البنك واذا شفت التداول فوووق 50 مليووون دش السوووق وانت مرتاح ترا الكاااش زين ترا راح تقووول يويلي علي افلووسي اذا صار السوق ممتاز خش افلوووسك

 

[جمبازي]

الله يرزقك الفلوووس الي عندك اذا تبي تجاره ناجحه حطهم في البنك واذا شفت التداول فوووق 50 مليووون دش السوووق وانت مرتاح ترا الكاااش زين ترا راح تقووول يويلي علي افلووسي اذا صار السوق ممتاز خش افلوووسك

اسمع راى بوسالم تربح .


ليش تداول فوق 50 مليون ((لان فى هالحاله تكون المحافظ عادت للنشاط وتنوى تصعيد الاسعار باتفاق مسبق فيما بينهم وبين المحفظه الوطنيه وبمباركه من الهيئه العامه للاستثمار ))

 

[الوحيد 1974]

اسمع راى بوسالم تربح .


ليش تداول فوق 50 مليون ((لان فى هالحاله تكون المحافظ عادت للنشاط وتنوى تصعيد الاسعار باتفاق مسبق فيما بينهم وبين المحفظه الوطنيه وبمباركه من الهيئه العامه للاستثمار ))

السلام عليكم يالطيبين بوسالم وبوعبدالله ابى أعرف شلون تبون قيمة التداول فوق 50 مليون واسعار الاسهم 12 _ 15 _ 17 _ 19 _ 20 _ 43 _ 51 فلس .

 

[جمبازي]

السلام عليكم يالطيبين بوسالم وبوعبدالله ابى أعرف شلون تبون قيمة التداول فوق 50 مليون واسعار الاسهم 12 _ 15 _ 17 _ 19 _ 20 _ 43 _ 51 فلس .

وعليكم السلام ورحمة الله وبركاته


انا اقول لك شلون


صغار المستثمرين الى نفسى ونفس بوسالم


بدال لايشترى 20 الف سهم او 10 الاف كصفقه ...


يشترى 80 الف سهم او 160 الف ..وعليك الحساب