شركة الإستثمارات الوطنية ( استثمارات )....2

[ولدفقر]

عادي شي متوقع اليوم بعته بخساره والله يعوض على الجميع ويمكن انا اقول يمكن ادش السهم اذا وصل 60

 

[الدينار]

الله المستعان هالناس عجيبه شركة مثل الاستثمارات وغير خسرانه يصير فيها عبث ولعب بأفهم ليش صانع السوق الدايخ ما يفكونا منه ونرتاح ويرتاح حتى السهم منه هالعفن

 

[مليون واحد]

اللي سمعته انها بتوقف عن التداول
وايد ابرك سنه بساعه

 

[درب العصامى]

اللي سمعته انها بتوقف عن التداول
وايد ابرك سنه بساعه

ولو ان الخبر غير صحيح

لكن ابركها من ساعة بدل شد الاعصاب مع ملاكها اليهال !!

توقف لا بارك الله فى من " ادارها " و عفسها

لو مبدلينها مع جروب المدينة او مع حتى الهيس ..جان طلعنا خسايرنا و ظلمناهم يا حرامية المدينة طلعوا احسن من حرامية الاستحرامات الوطنية

الله يرحمك يا ناصر الخرافى .. تهردق السهم مع اليهال !

 

[SAMSUNG]

للمراقبه اللصيقه والله اعلم

الدعم 158 فلس

وقف الخساره اغلاق اقل من 146 فلس

ان شاء الله الهدف 196 فلس

والله اعلى واعلم​

 

[اشحفان]

العب على راحتك فأنت بسوق الكويت للأوراق الماليه
شفافيه رقابه موضوعيه تشدد حزم تخطيط طيط للأسف

 

[درب العصامى]

ما زال صاحبنا لايريد السهم الارتفاع و الدليل قذفه ب 164
و بلوك على 166 على مليون ... صاحبنا يبى يجمع للحين




لا بارك الله فيه

حاط له هندى على الكمبيوتر ( لاوامر البيع و الشراء) ..و يقول له : بابا يشوف رقم 164 انت يبيع

اوكى بابا ؟؟

على فكرة الهندى اسمه كومار

 

[درب العصامى]

كومار يقول لسيده :

مشكل واجد .. فى واجد يشترى على 164 فلس ..؟ شنو يسوى

مدير المحفظة : انت يقط الحين نصف مليون سهم ..على 162 ..علشان نخوفهم



يفعل كومار صاغرا ..

السهم الان على 162 فلس بعدما ألقى كومار 500الف سهم على الطلب

 

[ضاقت علي]

ههههههههههههه قسم بالله أنكم يبتوها صح.
بس هالهندي لي وين بيوصل أخرتها بتخلص إقامته
ولا بيمسكونه بدعاره ونفتك منه انشالله

 

[درب العصامى]

وما زال كومار يبيع على 164

بعدما قال له سيده : كومار.. انت يشوف سعر 164 يبيع على طول ..اوكى

كومار : ما كو مشكل بابا


-------------------------

شالعناد على هالسهم !!

 

[alshammery]

اذا الشركة تبى تشترى اسهم من اسهمها بنسبة 10%لمصلحتها ان تشترية بارخص مايمكن

 

[درب العصامى]

اذا الشركة تبى تشترى اسهم من اسهمها بنسبة 10%لمصلحتها ان تشترية بارخص مايمكن

و تضحى بقيمة اسهم الخزينة - و قيمتها السوقية ؟!

 

[رابح رابح]

مصخها هذا مو ضغط او تجميع
هذا طبع السوق و المساهمين وخرب بيتهم
بس احنا قاعدين نشتري وياه
بس الله يستر خوفك الامريكان يطقون ايران
و يغرقنا ويغرق معانا
وتصير طبعه
الله يستر

 

[رابح رابح]

أعتقد انها ضغط وتجميع
أما سالفة الطق هههه فأنسى كلها افلام

هلا اخوي بوخماط الحبيب
الله يسمع منك والله مو ناقصين
كافي طبعة البورصه
ومشاكل اعضاء مجلس الامه
بس داس عليها لين هلكها
وانا اكثر واحد مدحت الاستثمارات وادري انها ام الشركات
بس تعبنا هالمره بزياده كسر كل القيعان
يعني الشركات التعبانه صاعده واهو طايح بالقاع يصير هالكلام وهذي الشركه رمز اقتصادي بالسوق
وان شاء الله تصعد والله يرزقك وتحياتي

 

[اشحفان]

صبحكم الله بالخير هدوء ابد

 

[رابح رابح]

السهم عليه ضغط رهيب
وتجميع واضح قرب 160 فلس
بس هالمره خربها حيل صانع سوق السهم
160 ........... يالمجرم
عاد ان شاء الله يبيضها بالصعده
اللي قبل نحذرهم من مجموعة المدينه
قامو يضحكون علينا وعلى الاستثمارات بالدوانيه
مانقدر نرد


 

[نجاشي]

يمكن ينزل 164 او 166 يخض البطون
انصح المضاربين دخول الخميس او الاحد القادم والمستثمر طويل الاجل انصحه بدخول دبل مسؤل عن كلامىالهدف 320 فلس
الله اعلم

السهم نزل الى 158 فلس ونت تقول حده 164 و مسؤل عن كلامك ولا حتا عتذرت لناس الي وهقتهم@ وين مراعات مشاعر الناس؟؟؟ ياخوي دام انك تقول انك مسؤل عن كلامك نبيك تتحمل المسؤليه و نطلب منك اعتذار و تبطل تعطينا تحليلات من مخك او توصيات علشان ماتوهق الناس@ الله يسامحك

 

[رابح رابح]

الاستثمارات الوطنيه تحصل على جائزة:
1- أفضل مدير استثمار
2- افضل صندوق اسهم
في دولة الكويت

--------------
المهم عسى يشد حيله شويه ويقوم الفيل

 

[محمد الشريكه]

السهم نزل الى 158 فلس ونت تقول حده 164 و مسؤل عن كلامك ولا حتا عتذرت لناس الي وهقتهم@ وين مراعات مشاعر الناس؟؟؟ ياخوي دام انك تقول انك مسؤل عن كلامك نبيك تتحمل المسؤليه و نطلب منك اعتذار و تبطل تعطينا تحليلات من مخك او توصيات علشان ماتوهق الناس@ الله يسامحك

استغفر الله
الله يخليك لهلك يستر عليك
قول امين

 

[q66]

السلام عليكم
ياجماعة الخير لحد يفتي من عنده ويتوقع على كيفه عشان لايورط غيره هذي نصيحه موجه للكل وللعلم ان البورصه فالكويت لاتعتمد على تحاليل ياما في شركات تربح وسهمها ينزل مدراء المحافظ او بروكرية المحافظ هم اللي عندهم الحجي يصعد وينزل على حسب ، منه او من المعازيب على المتداول ان يختار ابيض او اسود ...مثل القمار
هذي وجهة نظري واللي انا شايفه لعبة حظ لأن ماكو معلومات دقيقه مسربه.

بعدين اسمحولي لازم الواحد يسأل عن وضع ملاك الشركات هل في عندهم مشاكل او لأ عشان مايوهق عمره والكبير يأكل الصغير