شركة الإستثمارات الوطنية ( استثمارات )....2

[BUTTERFLY]

الي ما يشتري الاستثمارات بهل الاسعار
راح يندم لان راح يطلع الي ١٨٠فلس خلال الاسبوع القادم
لا يخدعونكم ويبيعونكم السهم بهل الاسعار
كافي ان السهم ما عليه قروض وتم دفع قروضه كلها
والباقي ٢مليون دينار

 

[بو راشد القرش]

 

[بن جمعان]

يا صانع سوق السهم ،،، والله لو تروح بالسهم ١٠٠ فلس هم راح نشتري ونقعد علي قلبك

ولا تحاول تكرهنا فيه .. لعلمك هالسهم لنا باع طويل معاه ونعرف شاللي إبطنه

والحمدالله عندنا نعمة النفس الطوييييل معاك وحامض علي بوزك تاخذه منا

والوعد جرييييب جدا

 

[بن جمعان]

الله كريم والجربة المقضوضة رقعناها والسبيطي طاح بالفرن

والصبر مفتاح الفرج

وفالكم طيب

 

[الحبترى]

الله كريم والجربة المقضوضة رقعناها والسبيطي طاح بالفرن

والصبر مفتاح الفرج

وفالكم طيب

السلام عليكم ... أخوى بن جمعان والله أنك ضحكتنى خخخخخخخخخ الجربه المقضوضه والسبيطى أما سهمنا محتاج الصبر والصبر والصبر والله المستعان .​

 

[BUTTERFLY]

الله كريم والجربة المقضوضة رقعناها والسبيطي طاح بالفرن

والصبر مفتاح الفرج

وفالكم طيب

بن جمعان باجر السهم يقولون راح يغرد
ولا بتروجلف اغلي من الاستثمارات
خخخخخ

 

[بن جمعان]

حياكم الله يصالح بتري وبتر فلاي

إلي قاعد يلعب بالسوق صناديق الإستثمارات الوطنية وصناديق المركز

وقاعدين يحققون ربحية ومحد يقدر عليهم

والعجيبة إن مافي أحد يتجرأ يدش علي هالسهمين !!!

وقاعدين يلعبون بنفسية المساهمين والمضاربين

وبالنهاية / بالغضب بالطيب نتائجهم إهي إلي راح تحركهم
لأن لا مديونيات ولا مطلوبات عليهم

وربنا كرييييييييم

 

[رابح رابح]

العديد مو متفائلين بالسهم ومنهم مشرفنا الفاضل نفقيتر يقول امس ان المجموعه فيها مشاكل وخاصة في شركات زين وسعر السهم حاليا عادل ويمكن رايه منطقي
واحترنا السهم مقضوب ولايتين اذونه والسوق يقولون بيصحح وضاع الفكر نطلع او نصبر سهم طيب وماودنا نضحي فيه بهالسعر بس المشكله كثر الكلام عن مشاكله واستقالاته وخاصة عقب نزلته 100 فلس (استقالة الماجد والعميري) بين ان ماله قائد عقب المرحوم ناصر الخرافي (سهم سماري وسمعته صارت رخيصه عند ملاكه)

وللمقارنه - اسهم مقاربه لسعر السهم
المركز142 - وطنيه 140 - اجيال 140 - ارجان 154 - سفن 148 - عربي 148
وط مسالخ 158 - بتروجلف 150 - المستقبل 150 - فيوتشر كد 144 -

 

[waham]

العديد مو متفائلين بالسهم ومنهم مشرفنا الفاضل نفقيتر يقول امس ان المجموعه فيها مشاكل وخاصة في شركات زين وسعر السهم حاليا عادل ويمكن رايه منطقي
واحترنا السهم مقضوب ولايتين اذونه والسوق يقولون بيصحح وضاع الفكر نطلع او نصبر سهم طيب وماودنا نضحي فيه بهالسعر بس المشكله كثر الكلام عن مشاكله واستقالاته وخاصة عقب نزلته 100 فلس (استقالة الماجد والعميري) بين ان ماله قائد عقب المرحوم ناصر الخرافي (سهم سماري وسمعته صارت رخيصه عند ملاكه)

وللمقارنه - اسهم مقاربه لسعر السهم
المركز142 - وطنيه 140 - اجيال 140 - ارجان 154 - سفن 148 - عربي 148
وط مسالخ 158 - بتروجلف 150 - المستقبل 150 - فيوتشر كد 144 -

يايك الدور يا بوخالد خلهم يخلصون من الصغار وربك كريم ..
امسك ارضك وتقظب عدل فتحت الشباك لقيت سهمك طاير فوق ..
وطنيه ممكن تمتعك باجر .. بالتوفيق ..

 

[رابح رابح]

يايك الدور يا بوخالد خلهم يخلصون من الصغار وربك كريم ..
امسك ارضك وتقظب عدل فتحت الشباك لقيت سهمك طاير فوق ..
وطنيه ممكن تمتعك باجر .. بالتوفيق ..

اجمعين ومشكور يالغالي على النصيحه

 

[timer]

مستثمرين بحرينيين وأمارتيين باعوا علي المكشوف بسهم تمويل الخليج استغلالاً لارتفاع سعره بالسوقين البحريني والإماراتي ، وصناديق تابعة للاستثمارات الوطنية اشترت​

هذي بعض من نماين ملاك الشركات البورصة وتجارنا
ذكروني بقصة اشهر بخيل عربي
كان هذا البخيل يدعي مادر
كان مادر هذا من بخله إذا أراد أن يحتلب شاة يمصها من ثديها حتى لا يسمع جاره صوت سكب حليبها في الإناء فيأتون له .
بس السؤال لو كل ملاك الشركات يهتمون بأسهمهم ويدعمونها ؟ كان وضع البورصة عندنا افضل !!

 

[رابح رابح]

مستثمرين بحرينيين وأمارتيين باعوا علي المكشوف بسهم تمويل الخليج استغلالاً لارتفاع سعره بالسوقين البحريني والإماراتي ، وصناديق تابعة للاستثمارات الوطنية اشترت​

هذي بعض من نماين ملاك الشركات البورصة وتجارنا
ذكروني بقصة اشهر بخيل عربي
كان هذا البخيل يدعي مادر
كان مادر هذا من بخله إذا أراد أن يحتلب شاة يمصها من ثديها حتى لا يسمع جاره صوت سكب حليبها في الإناء فيأتون له .
بس السؤال لو كل ملاك الشركات يهتمون بأسهمهم ويدعمونها ؟ كان وضع البورصة عندنا افضل !!

هههههههههههه والله خوش سالفه صج صعب هالبخيل وكلامك عدل
تصدق استمرضنا ويا هالسهم اللي عور راسنا وانا اكثر واحد امدحه وما اقدر انتقده لانه سهم طيب

وعموما بضحكك وبقول لك سالفه عن بخيل :
في (بخيل مشهور) يحلب النمله قالو له في (بخيل قوي) اقوى منك
قال مايصير
عطوه العنوان
راح البخيل المشهور حق بيت البخيل القوي وطق الباب عليه
بطل الباب البخيل القوي الباب وهو مغطي عينه
سأله البخيل المشهور ليش مغطي عينك
قاله البخيل القوي عين وحده كافي ليش الصرفيه
.

 

[timer]

هلا بالحبيب
صبحك الله بالخير بوخالد واضحك الله سنك ياخوي ،
طلعوا الشباب مبسطين هناك بالتمويل والناس تنطر هني !!
قالوها مال العيار ياكله البخيل ماتعلموا من درس مصر ؟؟

 

[رابح رابح]

هلا بالحبيب
صبحك الله بالخير بوخالد واضحك الله سنك ياخوي ،
طلعوا الشباب مبسطين هناك بالتمويل والناس تنطر هني !!
قالوها مال العيار ياكله البخيل ماتعلموا من درس مصر ؟؟

صبحك الله بالنور هلا باخوي
الله يسعد ايامك تقصد تمويل الخليج او بيتك
تمويل الخليج صح كلامك انا ماخذ فيه ٦٥٠ الف برخيص بس قبل لايعلن الميزانيه كان يخوف لان ادارته مالها مصداقيه وتاريخها حافل ولاتنسى ان الاغلبيه شارين بالغالي قبل التفصيخ الله يعوض عليهم
والاسهم الجيده مثل استثمارات سهم لعيد عن سعره العادل وبيرتفع عاجلا ام اجلا ولكن القرار بيد الملاك (مزاجي) والمشكله العروض الوهميه ما عليه
رقابه وضوابطها ضعيفه جدا
عندي خبر مؤكد عن شركه ان فيها شي قوي وملاكها يشترون فيها باعلى من سعرها الحالي ب ٢٠ فلس وصار لها ٣ شهور ومتى بيرفععا الله اعلم قاعدين يجمعون فيها لين يكتفون ويطيرونها وان ناطر وياهم
.

 

[timer]

لا بو خالد اقصد تمويل خليج اللي مطيحين فيه اما بالنسبه للاستثمارات ادري هذا مو سعره والله ادري سعره ما يقل عن مشاريع يعني فوق ٤٠٠ فلس بالوضع العادي بس شتقول يا خوي عموما عسي ربي يفتح لك واخوانا باب رزقه الواسع ويرزقك الرزق الواسع تستاهل يا بو خالد وراح الكثير وما باقي الا القليل ان شاء الله

 

[Aljoman]

​

بلغت قروض " استثمارات " 1.1 مليون دك للسنة المنتهية في 2012/12/31​

بما يعادل 0.58% إلى حقوق المساهمين و 0.56% إلى الموجودات​

​

للتفاصيل​

​

http://www.aljoman.net/FreeZone/AnalysisAndTreasury.aspx?opt=3&id=204&y=2012&q=4​

 

[Aljoman]

​

تمتلك " استثمارات " 1.3% من رأس مالها في 2012/12/31 كأسهم خزانة​

بتكلفة 144 فلس للسهم الواحد بعجز 141 ألف دك حالياً​

​

للتفاصيل​

​

http://www.aljoman.net/FreeZone/AnalysisAndTreasury.aspx?opt=7&id=204&y=2012&q=4​

 

[Aljoman]

​

تبلغ القيمة الدفترية لسهم " استثمارات " 212 فلس في 2012/12/31​

​

كما يبلغ مضاعف سعر السوق إلى القيمة الدفترية 0.7 مرة وفقا للسعر الحالي 148 فلس​

 

[رابح رابح]

​

تبلغ القيمة الدفترية لسهم " استثمارات " 212 فلس في 2012/12/31​

​

كما يبلغ مضاعف سعر السوق إلى القيمة الدفترية 0.7 مرة وفقا للسعر الحالي 148 فلس​

موقع الجمان الكريم رأيك يهمني جدا
ودي اسمع رأيك الشخصي بسهم استثمارات وليس العلمي وتوقعاتك المستقبليه للسهم له ولو باختصار شديد

.

 

[Now]

انتخاب رئيس ونائب رئيس مجلس ادارة شركة الاستثمارات الوطنية
يعلن سوق الكويت للأوراق المالية بأن شركة الاستثمارات الوطنية (استثمارات) افادته بموافقة مجلس الادارة على
انتخاب السيد/ حمد احمد العميري رئيسا لمجلس الادارة
والسيد/ سليمان خالد السهلي نائبا لرئيس مجلس الادارة.