دورة المؤشرنت للتحليل الفني
50 دينار كويتي
السلام عليكم
اول شيئ انا ماعندي مكتب عقاري علشان لاتقولون اني ادافع عن المكاتب
كنا في دوله اوروبيه وتعرفنا علي قلسطيني يدرس هناك من 6 سنين وعايش فيها .. وقلنا له .. بكم سعر الشقه المتوسطه الي تطل علي الشارع الرئيسي للعاصمه ( السنتر ) قال لي سعرها الان 400 الف دولار ( نقريبا 130 الف كويتي ) واحنا بصراحه ماصدقناه .. سألنا شخص ثاني قال نفس الكلام .. المهم قال لنا الفلسطيني لما جيت للبلد هذا اول مره من 6 سنين كان سعر الشقه تقريبا 10 الالاف كويتي !!! من 6 سنين فقط لاغير .. ارتفعت من 10 الاف الي 130 الف ..
ياجماعه الغلاء عالمي .. شوفوا مصر .. وبريطانيا .. الي شري من 10 سنين الان كم .. ارتفعت علي الاقل 10 اضعاف .. المشكله كلكم تبون اسعار علي مزاجكم وانا متاكد انكم لو كنتم من اصحاب العقار راح ترفعون السعر بيع ارضكم .. لانكم تبون تشترون ارض ثانيه في مكان ثاني .. حتي التاجر بكم شراها ؟؟؟ ايضا شاريها غاليه ... وأنا اسأل وين كنا كلنا لما اسعار جنوب السره علي 6 الالاف ؟؟؟ والله يذكر علي يدخل علينا اخوي في الديوانيه واحنا نلعب كوت بوسته .. ويقول لنا روحوا اشتروا في جنوب السره بدأ البيع فيها سنه 1992 واحنا نضحك وانقول .. نشتري بهالبر ؟؟ هذي نطلع فيها عطله الربيع .. بر مشرف الحين نشنري بها الصبحه واللجلحه والغبار ؟؟ صح ولا لا ؟؟؟
ثانيا نسأل نفسنا من اهمها التجار الي نشتمهم ليل نهار ؟؟ اهما اخوي واخوك وولد عمي وولد عمك .. تري اغلب ملاك الاراضي ناس فقاري عنده ارض او ارضين يترزق الله فيها .. الي ماخذ قرض او طلعله ورث وخط ماوراه ودونه علي هالارض يبي يتاجر حاله حال خلق الله .. يسولفون عن واحد في الزهراء .. اهوه مع خواته طلع لهم ورث .. قام الاخو واشتري مجموعه اراضي وبناهم للتجاره .. قامت البيوت وانزلت ذيك الايام .. ومسك البيوت مو راضي يبيع يبي يطلع قيمه الارض والبنيان .. هالكلام من سنه تقريبا لما وقف العقار الحين ماادري اشصار عليه .. عموما انا اشوف ان ارتفاع الاسعار شيئ عادي ومتوقع ومفهوم ..
فرحان جدا
أسألك سؤال واحد فقط .. لو كنت انت اشتريت ارض في الزهراء ( كمثال ) اشتريتها ايام زمان
ب 6 الالاف .. والان سعرها بالسوق 400 الف ...
بكم راح تبعها ... اليوم ؟؟
ب 400 الف مثل السوق .. ولا تقول حرام ابناء بلدي ماعندهم مكان وتبيعها ب 100 الف ؟؟
سؤال واحد ارجوا الاجابه عليه بصدق ؟؟
الكوتي
ايضا السؤال الموجود في المشاركه رقم 27 موجه لك .. هل من اجابه اولا ؟؟
فرحان جدا
أسألك سؤال واحد فقط .. لو كنت انت اشتريت ارض في الزهراء ( كمثال ) اشتريتها ايام زمان
ب 6 الالاف .. والان سعرها بالسوق 400 الف ...
بكم راح تبعها ... اليوم ؟؟
ب 400 الف مثل السوق .. ولا تقول حرام ابناء بلدي ماعندهم مكان وتبيعها ب 100 الف ؟؟
سؤال واحد ارجوا الاجابه عليه بصدق ؟؟
يا جماعه بالنسبه للبيت الي بالعديليه تراه انسام من ملك بروناي ب 6 تريليون ونص البيع فرق السوم
للبيع بيت بالظهر ايل لسقوط شارع واحد السوم389 الف و200 فلس نبي فرق السوم
للعلم البيت في بريعصي موقادرين يصيدونه من قبل الغزو
والله العمليه معقده .. للاسف انتوا تتكلمون وفيكم حسره واستعجال ومافيكم صبر ..
الكويت مافيها أزمه سكن .. لكن فيها ازمه تملك .. الكل ساكن في بيت او شقه سواءا ايجار او بيت اهلك
لكن الناس تبي تتملك بيت .. شوفوا الوضع عندنا اراضي قليله .. وافلوس كثيره .. اهنيه لازم ترتفع الاسعار .. الحكومه ليست مسؤوله .. ماتقدر تفرض علي التاجر ان يبيع رخيص .. لان التجاره حره .. وفي نفس الوقت توزيع الاراضي والقسائم يسير كالسلحفاه .. ماادري شنو علتهم .. الوزير الي هو وزير مايقعد شهرين والا استجواب وبعدين شالوه .. مالكم الا الصبر والدعاء .. ترا انا نفسكم .. ولدي بالجامعه والي الان ماسكنت بيتي .. لاتقولون انا قاعد اتفلسف وانا مرتاح ..
بس ايضا .. كان عندنا فرصه لما الاراضي ارخيصه .. كانت ب 6 الالاف .. واحنا ماغير نطامر من ديره لي ديره ونسافر ونستانس .. وماحسينا بقيمه الاراضي .. في وقتها .. والله كريم واصبروا .. والله راح يرزقكم المنزل الطيب .. ان شاء الله .. المهم الحين انسوا البيت والتحلم فيه وارضوا بواقعكم .. الين الله يفرجها .. من 7 اسنين تقريبا جاني ماجاكم .. وقلت ابي بيت الحين الحين ابشنري بأي سعر .. رحت وافتريت في جنوب السره وكانت الاسعار البيت جاهز ب 120 الف .. وحسبت قسطي كامل يطلع 800 دينار بالشهر .. اهنيه وقفت وقلت لا .. مايصير .. القسط غالي علي وخلني بالايجار .. الان طلعلي بيت في جابر الاحمد وببلاش .. الحمد لله .. صبروا لاتستعجلون .. والله كريم
دورة المؤشرنت للتحليل الفني
50 دينار كويتي