ماهي اسباب البيع لأصحاب لاند كروز 2011

[NaSoR]

اذا جينا للصدق والله العظيم ما تستاهل هالسعر

الجيكسار حده ان طار 12 الف والفكسار 15 الف

وانا اعتبرها واجد عليهم

انا استخدمت جيكسار 2010

ودافع فيه 15600 الف

لكن مافيه ميزات

المكيف مو تشش ولا تحكم سكان والمقاعد سحب والديكور اسود

والحمدلله بعته

 

[ابو سالم1]

سعر غالى حيييل مبالغ فية والى بيشترى ياليت يحكم العقل قبل لايشترى مايسوى هسعر كلش

سيارة حلوة اقتصادية ماتخرب بس السعر غالى المفروض اذا ذبح عمرة 11

ابي افهم 22 على شنو ؟؟؟؟ شنو فية شى مميز ؟؟؟

او ابو 15600
دافع هلمبلغ واخر شى كشنات سحب مكيف فر اقسم بالله مادفع فية حتى 10 الاف

يا شباب حكمو العقل قبل الشراء السعر مبالغ فية حييييل

 

[ميكانيكي]

تسولفون ولا ماتسولفون العالم مغيمه يولد طيوطا اشترها بس والله بعض الناس مرتاحين وانا اولهم اني متميز طايح بالمرسيدس والبي ام ودلع نفسك وسعر ارخص ومواصفات وقليل الي يركبونها وربعنا اذا كشخ اخذ في اكس ار عشان رنقاته لوووووووووووول ياريت عندي وكاله تيوتا والله احط سعره ب 30 الف واخلي درايشه فر وادري راح يشترونه يولد طيوطا شبلاك انت

هههههههههههههههههههههههههه

 

[الاحمـد]

٢٢ الف مااافيها دفاية ومبرد للكشنات
وسيارات بو ٥ الف فيها
مدام وصلت ل٢٢ الف اخذ لكزس ولا من السيارات الفخمه
وكفالتها ل٥٠ الف كيلو
الغانم والبهبهاني ١٠٠ الف كيلو ضمان
لا واغلا سعر ب١١ الف يوكن مواصفات العالم فيه
اصحو وخلوها تصدي لين ترجع لسعرها الطبيعي

كلامك 100%

ازيده واخذ لكزس ابرك والله​

 

[ياسر 1970]

مميزات اللاندكروز

توتوتا لاندكروز جيب الأول في كل العالم ولايوجد فيه أعطال وجبار في الصحراء وفي الأدغال والمرتفعات ويتحمل أخطاء السائق كثير والطلب عليه يتزايد من خمسين سنه في جميع الرحلات الأستكشافيه في العالم ويركبه الغني والفقير وبالنسبه لسعره في الوكاله من حق الساير الطلب أكثر من العرض أما تقولون اليوكن والتاهو هما ليسو من فئة الجيبات سيارات سفر عائليه فقط لا يستختم في الرحلات البريه وايتحمل الأماكن الوعره وضعوا الدبل فيه مثلا عند الشاطئ السياحي فقط لأن نظام تعليقه الأرضي لتحمل الأوزان وليس لتحمل الأماكن الغير مستويه على الأرض وسبب بيع اللاندكروز لأن صاحبه لا يعرف ما معنى تويوتا لاندكروز ولا يستمتع في الرحلات البريه والتسيد في الصحراء

 

[سالم العبيد]

الزين سعره فيه واكبر دليل انك لو تشتريه اليوم وتبي تبيعه بعد سنه مليون واحد يشتريه مو مثل السيارات الثانيه تطيح بجدك

 

[ابوعتريس1]

الخيل تعرفها من اثمانها والاندكروزر سيارة برووادغال لكن شنو تسوي ربعنا يبونها للكشه والمايطول العنب يقول عنه حامض