طلــــــق الكــــــويتية المتينه___وخذ القـــطرية الرشــــيقة

[مليونير بعد سنه]

السلام عليكم ورحمة الله وبركاته


بعد التحيه لكم ياخواني الكرام


وبعد كل اللي شفناه من سوقناا الطيب الغالي المحتكر من مجموعه اشخاص

ولي صاير من سحق لصغار المساهمين

حبيت افتح موضوع طلق الكويتيه المتينه

وهي الشركات المتضخمه من الديون والخساير

والمعروف طبيا المتينه صعب او نادر ماتنجب اطفال


ومن فينااا مايريد الاطفال زينة الحياة الدنياا

وهيا (الارباح)


وحبيت اقول تزوج عليهاااا (قطرية رشيقة)

منتعشه ورشيقه وفي ريعان الشباب والجمال

وعمرهاا لم يتجاوز 22 عام( 2022)


شفافيه ومصداقيه وروح اقتصاديه وحقوق مساهمين وحترام للمتداولين وصغار المساهمين.
اتمنى اكون خفيف عليكم في موضوعي الساخر من سوق الكويت

عفوااا سوق التلاعب في الاوراق الوهميه

وسلم على التنميه




وكل عام وانتم بخير

 

[الوحيد 1974]

والله ماأطلقه وانا بوسعود بعد ماصارت نحيفه من النزول تبيني اطلقه معصي ياسوق الكويت أخليك وانا الوحيد .

 

[رابح رابح]

شرايكم يصير نتزوج الثنتين

 

[حفار قبور]

شرايكم يصير نتزوج الثنتين

قال طلقها وأخذ إختها ، قال الله يلعن الثنتين

 

[الوحيد 1974]

قال طلقها وأخذ إختها ، قال الله يلعن الثنتين

خلك قد الكلمه وطلقهم اثنينهم يالحبيب .

 

[مقام العز]

الكويتية ماتطلق دير بالك اطلق، السوق يوم اقبل رزقه تبونا نهده ؟ الصبر اصبر خل السوق ينظف الشركات العفنه وينتهي تنظيفهم اما بتخفيض راس المال او اطلاق رصاصة الرحمه ومع وفاة الشخص تنتهي الخصوم علي طريقة صفاة عالمي والدولية للمشروعات وغيرها اما السوق فيه من الشركات الممتازه بس مجرد وقت والغربله مجرد ضغط واللي داخل السوق الان ويبحث عن مضاربه فالله يعينه مو وقت مضاربه نيشن علي شركة طيبه وبتعد عن عوار الراس

 

[ليث متواضع]

السوق القطري له مستقبل

 

[VipqiV]

قال طلقها وأخذ إختها ، قال الله يلعن الثنتين

هههههههههههههههههه تعجبني

 

[أخطبوط البورصه]

انا طبقت الشرع واخذت اربع السعودي الكويتي القطري ودبي

 

[مقام العز]

انا طبقت الشرع واخذت اربع السعودي الكويتي القطري ودبي

اخوي اخطبوط قاعد اقرا ردك سعودية وكويتية وقطريه ودوبيه مشكله الدبيهههههههه

 

[أخطبوط البورصه]

اخوي اخطبوط قاعد اقرا ردك سعودية وكويتية وقطريه ودوبيه مشكله الدبيهههههههه

لا تسيء الظن يالحبيب

 

[مليونير بعد سنه]

الكويتية متينه بس تاكل من فلوسك على غير فايده

تخفيظ راس المال_____________او زيادة راس المال

ولا فيه قانون يحميك القانون معاهاااا يقول لهاا( اكلي اكثر )

 

[aboibrahim]

ليش زعلان

يالعزيز الكويتية ما تخسرك الدياي والعيش من الحكومة

 

[حسين المسحمي]

يالعزيز الكويتية ما تخسرك الدياي والعيش من الحكومة

ما اظن احد استفاد من الكويتيه قرقتها واجد ونفعتها شويه

ودايما تعيشك بهم وضيقه

وتعطيها ولايبين بعينها ولاتنترس الى من التراب

انا اقول القطريه افضل

 

[مليونير بعد سنه]

الكويتيه قبل لاتخاذهااا توصف لك بانهاا جميله وفاتنه


ولما تاخذهاا تبتلش فيهاا


حتى اهلهاا يدبسونك فيهااا (الادارة)

 

[حسين المسحمي]

شباب حطو على cnbc عربيه شوفو الاخبار العاجله اسواق العالم منهاره

اتمنا الحين واحد يطلعلي ويقولي الكويتي راح يعاكسهم

ياساااتر

 

[مجد 91]

عليك بالأجنبية شقرة وعيونها خضر

 

[مليونير بعد سنه]

الكويتيه المتينه تعطيهاا من حر مالك مهر وهي


بس تاكل (راس مالك)

وبس تسولف وتقرق ( الصحف)


وماعندها ولاشي

 

[jrees]

خلك بمجنونك لايجيك أجن منه

 

[مليونير بعد سنه]

القطرية الرشيقة ليست بمجنونه


بل هي الان اكبر ثاني قيمة سوقيه بعد السعودية


سبقت الكويتيه المتينه مشي