إبن الوليد
موقوف
- التسجيل
- 6 يناير 2011
- المشاركات
- 10,004
هلا حشر خير يارب
حشر إن شاءالله خير اللهم إني صايم
وصلتوا متأخرين
اكيد حشر راح فى خرايطها ..
يابعد عمري كلكم انتم ياالحلوين يااللي فوق
، فضل انا والله مانسيتك بس شفتك غايب كل هل المدهقلت يمكن رايح بعيد ولاشي
المهم
السالفه صج انا في ورطه ياشباب ويافتيات المستقبل
انقذوني في اراء ، او حيله ، او مكر
ابي اتخلص من الورطه
انا مااحب اجذب ، صدقوني هذا الذي حصل
انا حريص بس ماتدري اشلون توهقت
يوم الخميس
ومع ربعي الخاصين جداً
تعرفون مع اصحابكم الخاصين وتالي الليل تسولف من غير تشفير ولاحياء
وخصوصاً إذا الذي معك اصحابك الروح بالروح ، وغالين عليك
هنا بدايه الورطه
قلت ابي اسافر بروحي مابي احد يروح معي
قالوا ليش تسافر وبرمضان ، وليش بروحك ؟؟
وانا كان قصدي بس اسوي جو من المرح فقط ، وهي في البال الصراحه السفره
اكمل السالفه
وقلت شنو يمنع
اصوم هناك يااخي واستانس
قالوا زين ليش تبي تسافر
وقلت ابي اتزوج بعيد عن المشاكل
قال اعز اصدقائي ، ياشباب زوجوا فيصل شوفوله حل
قالوا له الاخرون
زوجه انت مو انت اللي تحاتيه
قال عادل والله ازوجه ، وهذه اختي جاتك يافيصل
انت تامر وإذا تبيها والله ازوجك
ياويلي ياويلي منك ياعادل
انا الحين اشلون اقول لا
ولمن اقول لا
لـ عادل حشاشت عمري
قلت والله ياعادل يشرفني وانا اخوك
بعدين التزمت الصمت وعادل سكت
بس الشياطين ماسكتوا
قالوا ياالله عطاك الرجال تزوج
قلت خلاص مالكم شغل انتم اطلعوا من السالفه
وعادل نسيبي اتفاهم معه
وهذه هي السالفه
انا مابي اخت عادل
جذي راح اتورط ، وين اروح ،
جذي معناته زواجي في الكويت ، راح تصير حرب عالميه لايحمد عقباها
انا اعرف اهلي كلهم ناس جبابره وبايعينها
يمكن يكسرون بيت عادل واهله ، ويطربقون الدنيا فوق راسه
مو من زوجتي فقط ، من اللي راح يهجمون معاها اكثر من عشرين شخص
وانا بروحي ، اشلون راح اتصدى للهجوم
اححح ياليتني لم اتكلم عن طاري الزواج
شقول حق عادل
اقول انا خفت وهونت ؟؟
مو انا طول عمري منحاش ماادري اشلون صار جذي
